تۇز ( ئادىل تۇنىياز )

bayawan

	تۇز ( ئادىل تۇنىياز ) سۈزۈلمەكتە كۈنلەر ئالدىمدا ماناندىكى تاغ چوققىسىدەك ، باناندىكى قىز پۇرىقىدەك . پوستى تېخى سويۇلمىغان قىز . ئىشخانامدا سويۇلماقتىمەن ، بەزى لايپاس ، بەزىدە تېز-تېز . يازدا ئۆلۈپ كەتكەن ئادەمنى ئەسلەپ قالدىم قاردەك تۇيۇقسىز ، تېتىغاندا يېڭى بىر تەمنى شېھىت قايتىپ كەلسۇن قانداقمۇ ؟ كەتسە تاقاپ گۈزەل ئالتۇن تاج گۈللەر قايتىپ كەلسۇن قانداقمۇ ؟ قايتىلانماس ئۇلۇغۋار كۈنلەر تۇزسىز كۈنلەر تەكرار ھەر كۈنى . ئوڭ تەرەپتىكى سېمىز ئەركىشى سوزدى قولىنى تەخسىگە يەنە . سول تەرەپتىكى نامسىز ناخشىچى مەيكول جېكسوندەك تولغىنىپ ، سەكرەپ ئۇنىڭدىن بەك قىلار تەنتەنە ، كەتتىم ، بىرسى چۈشتى پېيىمگە كۆلەڭگىسى پەشتاقتا ئەنە . پۇل ياغماقتا تالاغا چىقسام بايلار ئىزدەپ يۈرىدۇ مەنە ، كەمبەغەللەر ئىزدەر ئۆزىنى . كىرىۋالسام كىتابخانامغا كۈندۈز ئۆلەر يۇمۇپ كۆزىنى . كومپىيۇتېر جانسىز ، مەنىسىز ئىسسىق قولنى ئولتۇراپ تۇتۇپ . سارغۇچ كىتاب ۋاراقلىرىدا سۈۋەرەكتەك جگسىدىم قالسا قوي كىتابخان نۇقۇپ ئويغىتىپ . گېزى كەلسە تاشلاي قەلەمنى ئوبزۇرچىلار قالسۇن قان يۇتۇپ . ئېچىلماقتا ئىشىك ئاسماندىن خوش دېمەيمەن ئەمدى ھېچكىمگە . ئەي دېڭىزچى مېنى سېلىۋال تەۋەككۈلچىلەر چىققان كېمىگە . 2005-12-25 « دېڭىزدىكى كوچا » دىن ئېلىندى .

otuken

	قايتىلانماس ئۇلۇغۋار كۈنلەر ... پۇل ياغماقتا تالاغا چىقسام بايلار ئىزدەپ يۈرىدۇ مەنە ، كەمبەغەللەر ئىزدەر ئۆزىنى . كىرىۋالسام كىتابخانامغا كۈندۈز ئۆلەر يۇمۇپ كۆزىنى ... مىسرالاردىن،مەنالاردىن ھۇزۇرلانغىنىمدا،ئۆزىنىڭ ئچكى دۇنياسى بىلەن دىيالوگ قىلشالمايدىغانلارغا،قىلمشىغا پەتىۋا ئىزدەپ يۈرگەنلەرگە،ۋۇجۇد ۋە سەزگۈسى بىلەن مۆجىزلەرنى ھېس قىلىپ،بىرەر قېتىم تاڭ قالمغانلارغا ئېچىنىپ قالىمەن... ئۆزۈمگە تەۋە شۇ كەچلەردە كىتاب كۆرۋاتقىنىمدا،ئۇخلاشقا زادى كۆزۈم قىيمايدۇ... ھېچقايسىسى قايتىپ كەلمەيدۇ...ئىزگۈ مەنالارنى ئىزدەۋاتقىنىمدا،پۇشايمان قىلىشقا،ھەسرەت چېكىشكە راسىتنلا ۋاقىتم بولماسلىقى كېرەكتەكلا... ئۆزنىڭ دۇنياسىنى يارىتىش ھەقىقەتەن قىيىن...

bidar-qutlan

	بۇنداق شېئىردىن مەن ھىچنېمىنى چۈشەنمەيدىكەنمەن.

دوپپام

	بىدار قۇتلان ئەپەندىمنىڭ ئەلكۈيىگە باسقان قەدىمىگە مەرھابا،تېمىغا مۇناسىۋەتسىز گەپ قىلىپ سالغان بولسام تازىلىۋەتمەڭلار جۇمۇ باشقۇرغۇچىلار،مۇنبەرلەردە ياخشى پىكىرلەرنى يازىدىغانلارنى ئادەمنىڭ كۆزى ئىلغاپ قالىدىكەن،شۇڭىمۇ مۇشۇنداق كىشىلەرنى كۆرسەم يېزىپ سالىمەن،ئىنكاسلاردا ئۇچرىشىپ تۇرغايمىز. ئادىل تۇنىيازنىڭ پەيغەمبەر دىيارىدا كېچىلەر دېگەن كىتابىدا ئۇنىڭ شىېرلىرى ھەققىدە ياخشى مەلۇماتلار بار ،ئىشقىلىپ نەزىرىمدىكى ئادىل تۇنىياز مەن ھۆرمەتلەيدىغان شائىرنىڭ ئەڭ ئالدى..ئۇنىڭغا قۇتلار يار بولسۇن.

bawdun

	ئېگىز تاققا چىققاندا پايپىقىمنى كىم ئالدى تونۇر بېشىدا قاغا غاقىلدايدۇ ناۋايدەك دىگەندەك بىر گەپلەركەنغۇ  بۇ ....ماڭا مۇشۇ چاچما شېئىر دېگەن نەرسە پەقەت ياقمايدۇ،،،

maxal20

	شېئىرنى تەھلىل قىلىپ چۈشىنىش مۇھىم. چۈشىنەلمىسىڭىز ئۇ شېئىرنىڭ ياخشى ئەمەسلىكىنى چۈشەندۈرمەيدۇ. شەخسەن مەن، يالىڭاچ تىللىق شېئىرلاردىن گۇڭگا ياكى ئەركىن(چاچما) شېئىر شەكلىنى ياقتۇرىمەن.

taxbalik

	ئەسسالامۇ ئەلەيكۇم بۇ ھەقىقەتەن ياخشى يېىزلغان شىئىر بوپتۇ . مەنىسىنى چۈشۈنۈپ ئوقوغانلار بۇنىڭىدا ئىددىينىڭ ئالغا سۈرۈلگەنلىكىنى بىلۋالالايدۇ . مەن مۇشۇنداق گۇڭگا شىئىرلارنى بەكمۇ ياقتۇرمەن . يالڭاچ يېزىلغان شىئىرلارنى چۈشۈنۈش ئاسان بولغان بىلەن گۇڭگا شىئىرلارنى چۈشۈنۈش ئۇنداق ئاسان ئەمەس .

bughra68

	چۈشەنمىگەنلەر ئارتۇق گەپ قىلماڭلار . ئادىل تۇنىياز قاپىيەلىك گەپلەرنى يېغىپ قويۇپ ئاندىن ئۇنى تىزىپ چىقىدىغان (مۇنبەردىكى كۇرسى چۈشكەن )شائىر ئەمەس . ئۇنىڭ ئەسەرلىرى توغرۇلۇق بىرنەرسە بىلىشكە قىزىقساڭلار شىنجاڭ مەدەنىيىتى ژورنىلى 2011.يىللىق 3. سانىدىكى زۇلپىقار بارات ئۆزباش قەلىمىدىكى <<شائىر ، كىملىك ۋە جەميەت>> ناملىق ئەسەرنى ئوقۇپ بېقىڭلار . مۇشۇ باھانىدا ئەلكۈيىنى بىر ماختاپ قوياي

bughra68

	ئەلكۈيىدىكى ئەڭ ياخشى ئىشلارنىڭ بىرسى مۇنبەردىكى تېمىلارنىڭ مەزمۇنىغا ، قاراتمىلىقىغا ، تەستىقلانغاندىن كېيىنكى تەسىرىگە ئالاھىدە ئەھمىيەت بېرىلىدۇ . بەزى چاكىنا مۇنبەر شائىرلىرى بۇ يەردە يوق ، شېئىرنىڭ كۇرسىنى چۈشۈرىدىغان ، تۆت قۇر خەتنى تىزىپ چوڭ ماۋزۇلار بىلەن ئېلان قىلىدىغان ئىش ئەلكۈيىدە يەنە يوق . ئادىل تۇنىيازغا ، قەلىمىگە ۋە ئائىلىسىگە بەركەتلەر بولسۇن .

yabera

	ئەزەلدىن  چاچما  شېئىر دىگەنگە قىززىقمايتىم ، مۇشۇ  ئادىل  تۇنياز ئاكىنىڭ  شېئىرلىرى  باشقىچە  جۇمۇ !    ھېلىقى بىر  شېئرى بارغۇ ؟ < قەشقەردىكى   يەر شارى > دەپ ......   ھەي......پەيزى جۇمۇ !!!!!