قىيپاش ئۆلۈش(ئادىل تۇنىياز )

bayawan

	قىيپاش ئۆلۈش ئادىل تۇنىياز باشلىدىم بۇ شېئىرنى قىڭغىيىپ يېتىپ كۆك گۈل بەرگىدە گىلەمدىكى ، سۆزلەر بىلەن تالىشىپ جان ئۆلمەكتىمەن سىڭايان . دېرىزە يانتۇ ئېچىپ قويۇلغان ، ھايات ئېگىك نۇردىن توقۇلغان . قۇدۇقتىكى شەھەر ئىچىدە بىز چاقنىغان بېلىق كېچىدە . كوچىلارنى قاپلىسا تۈتەك دەل-دەرەخلەر ياشامدۇ بىزدەك ؟ ئاق قۇشقاچنىڭ مامۇق چاپىنى قارا ئىستىن تاقاپتۇ بېزەك . دەريا ئاغرىق ، سۆزلەر كېكەچلەپ ، لەيلەپ چىقتى توپ-توپ ئاق بېلىق ، قالدۇرمايلا سۇغا ۋەسىيەت . كەلسە ھەيۋەت يۈك پاراخوتى لاكاسلايدۇ دېڭىزنىڭ پۇتى . چۈش كۆرىدۇ دەرەخسىز ئورمان يېشىل خەلقى قىرىلىپ بولغان . تۇيۇقسىزلا ئوق يەپ قىرغاۋۇل قورققان روھى پۇتسىز ، قاناتسىز قېچىپ كەتتى چاتقالغا ئۇدۇل . كىرىپ قېلىپ شەھەرگە ۋال-ۋال تۇرۇپ قالدى ھاڭۋېقىپ شامال . ھەمە يەر ئايال . تۆمۈردىن چىقىپ ئايال مۇزدەك قېتىپ قالغان ئىشىكلەرنىڭ تۇتقۇچىدا ، قۇلۇپلاردا ، كىلىت ئۇچىدا ، لاپىلدىغان لامپۇچكىدا ، لامپۇچكىنىڭ بۇرمىسىدا ، قوڭغۇراقتا ، سۇ تۇرۇبىسىدا ، زاۋۇتلارنىڭ ھىڭگاڭ چىشىدا ، ماشىنىلار قەبرىستانىدا پارقىرىغان ئەخلەتلەردە . يالتىراقتىن چىققان ئەرلەر ئۇچۇپ يۈرەر ھەممە يەردە . ئايال تىك ، قىيپاش ئەر . شەھەر قىيسايغان بۇلغانغان يەر . يەرگە قەدەم قويغاندىن باشلاپ بىر كېمىدە بىز ھەممىمىز . گەر قىيسىيىپ چۆكسە بۇ كېمە نەدە بۇلار بىزنىڭ قەبرىمىز ؟ 2004-يىلى 12-ئاينىڭ 19-كۈنى « دېڭىزدىكى كوچا » دىن ئېلىندى .

tuprakbag

	ئايال تىك ، قىيپاش ئەر . شەھەر قىيسايغان بۇلغانغان يەر . ...............

matu

	"دېڭىزدىكى كوچا"نى خېلى پىششىق ئوقۇغانتىم،بۇ شېئىرنى ئەسلىيەلمىدىم. تارىمنىڭ 4-سانىدا بىر نەچچە شېئىرى باركەن.ئاخشام ئوقۇپتىمەن تېخى....

maxal20

	ئادىل تۇنىيازنىڭ شېئىرى دېگەندىن كېيىن ئىز قوغلاپ ئوقۇيدىغان بولغىنىمغا ئۇزۇن بولدى... ئۇنىڭ گۇڭگا شېئىرلىرى كىشىنى ئۇزۇن ئويلار قاينىمىغا تاشلايدۇ

tograk001

	ئاجايىپ شىئېر يازىدۇ  بۇ ئاكاش......ئادەمنى ئاجايىپلا ئويغا سېلىپ قويىدۇ.........

bargiya

	قىيپاش ئۆلۈش... ماۋزۇسى شېئىر قوينىغا تېخىمۇ بەك سۆرەيدىكەن كىشىنى ..

adilkanun

	قۇدۇقتىكى شەھەر ئىچىدە بىز چاقنىغان بېلىق كېچىدە . كوچىلارنى قاپلىسا تۈتەك دەل-دەرەخلەر ياشامدۇ بىزدەك ؟ ئاق قۇشقاچنىڭ مامۇق چاپىنى قارا ئىستىن تاقاپتۇ بېزەك . دەريا ئاغرىق ، سۆزلەر كېكەچلەپ ، لەيلەپ چىقتى توپ-توپ ئاق بېلىق ، قالدۇرمايلا سۇغا ۋەسىيەت ...........................................

zakira

	چۈشىنىشكىمۇ خېلى سەۋىيە كېتىدۇ .

kirani

	يەرگە قەدەم قويغاندىن باشلاپ بىر كېمىدە بىز ھەممىمىز . گەر قىيسىيىپ چۆكسە بۇ كېمە نەدە بۇلار بىزنىڭ قەبرىمىز ؟

gheril

	مۇشۇ شائىرلار كەڭ ئاۋام چۈشۈنەلىگۈدەك قىلىپ يازسا بولمامدىغاندۇ ؟ بۇنى پەقەت شېئىر يازىدىغانلارلا چۈشۈنەلەيدۇ،شۇڭا ئەدەبىياتنىڭ ئادەم تەربىلەش دىگەن رولى بىزنىڭ ئەدەبىياتىمىزدا يوق دىيەرلىك، پەقەت بىر قىسىم ئادەملەر ئۈچۈنلا يېزىلغان شېئىرلار.......