«چ چ» دىكى دوستلۇرۇم

degiz

	« چ چ دىكى دوستلۇرۇم» ئىشخانىدىكى لى خانىم، كۈندە توردا زېرىكمەي، «تىت تىت تىت ..... تىت تىت تىت .....» پاراڭلىشىدۇ تىرىكمەي، ئىچىم دىگەن سىقىلىپ: «-ھەي بىچارە نىمانچە بېرىلىسەن يادلارغا ئېرىڭ بولسا ھەر كۈنى خىزمەت قىلىپ ۋاي ساڭا ۋاقتىڭ كەتتى، بەختىڭ كەتتى » دەپ ئولتۇرۇپ، لىكسىيەنى سۆزلەيمەن، ئاڭلاپ-ئاڭلاپ قۇيىدۇ، مىيىقىدا كۈلىدۇ، «-ھەي گۈلى سەن بىلمەيسەن! پەيزىنىمۇ سۈرمەيسەن، ھەجەپ ياخشى نەرسە بۇ ، كىرىشمىگۈچە بىلمەيسەن، ئېلىپ بىرەي مەن ساڭا، سەنمۇ بىر دەم كىرىپ باق، تېتىپ قالسا ئەگەردە، جاھان پەيزىنى سۈرۈپ باق.» شۇنداق قىلىپ ئۇ ماڭا ، 1234567...... چ چ نۇمۇرئېپ بەردى، ئېكرانىمغا سېپ بەردى. سىناپ بېقىپ مەن ئۇنى ، قىزىقتىم ھەم ئۇنىڭغا. «ئوغۇزخان دەپ بىر يىگىت كىرىپ كەلدى دەسلەپتە، ئىسمىدىنلا مەن ئۇنى قوشۇۋالدىم ھەۋەستە ، دەردى باركەن ئاڭلىسام ئۇخلىيالماي ھەر كەچتە ، ئايالىدىن ئەنسىرەپ، يۈرۈيدىكەن پەخەستە، نىمىشقا ؟دەپ سورىسام: «-يىگىتى بار ئۇنىڭكى تېپىۋالدى بىرىنى ماڭا تېخى بىلدۇرمەي كۆرىشىدۇ ھەركۈنى ئىچىم ئاچچىق بۇلىدۇ سىزگە دىگۈم كېلىدۇ دوست بۇلامدۇ ياندىكى جاھانغا بىر يايىدۇ قانداق قىلسام بۇلىدۇ» دەيدۇ تېخى ئۇ ماڭا، ۋاي خۇدايىم، ۋاي توۋۋا، مەن ئۇنىڭغا بىر مەھەل ، سەپسەتەمنى سۆزلىدىم. ئەر كىشىدەك بۇلۇڭ دەپ، ياخشىلىقنى كۆزلىدىم. قاراپ باقسام ئۇنىڭغا ، دىتى يوقتەك بىلىندى، ئىسمى بىلەن جىسمىنىڭ، پارى يوقتەك كۆرۈندى. شۇنداقمۇ ئەر بۇلامدۇ ، ئوغۇزخاننى سېسىتىپ، ئەجدادىمنى خەقلەرگە بىر تىيىنغا كۆرسىتىپ، ئاچچىمدا مەن ئۇنى، قوغلىۋەتتىم خانەمدىن ، مەڭگۈلۈككە يوقال دەپ، ئەمدى سەندەك« ئوغۇزخان» ماڭا يېقىن كەلمە دەپ، ※※※※※※※※※※※※ شۇ ئاچچىقتا بىر مەھەل ، ئاچماي قويدۇم چ چ نى، ئاچمىغىلى بۇلامدۇ؟ ئېلىپ قۇيۇپ نۇمۇرنى. ساقلاپ تۇرغان ئوخشايدۇ، «ناۋا» دىگەن بىر يىگىت، بوپتۇلا دەپ مەن ئۇنى ھۇجرامغا باشلىدىم. تاغدىن-باغدىن سۆزلىشىپ، تېمىلارنى كۆزلىشىپ، تارىخلارنى سۆرىشىپ، ..................... دەيدۇ تېخى ئۇ ماڭا: «-تارىخ دىگەن تېمىنى چۆرىۋەتكۇم كېلىدۇ سۆزلىگەننىڭ ئاغزىغا ئۇرىۋەتكۈم كېلىدۇ يەنە دىسە يەنە شۇ غەيۋەت بىلەن ئوخشاشقۇ ........................» ئاڭلاڭلار ھەي خالايىق كەسپىم مىنىڭ تارىختى، پەخرىمتى، بەختىمتى، ئەجدادىمنى ئەۋلادقا ئۇلاپ-ئۇلاپ مېڭىشتا ئۆزىنىمۇ، ئۆزگىنىمۇ، بىر-بىرى بىلەن تۇنۇشتا، مەھمود بوۋام، خاس ھاجىپنى، ئۈلگە قىلىپ مېڭىشتا، ئۇيغۇرۇمنىڭ روھىنى ئىلغا قىلىپ تۇرۇشتا، بولمىسا ھەم بولمايتتى، بۈگۈنۈمنى بىلىشتە، ئەۋلادىمغا، بالامغا ، تەلىم-تەربىيە بېرىشتە. ................. بوپتۇلا دەپ ئۇنىمۇ قوغلىۋەتتىم يىراققا، ئابدىرېھىم ئۆتكۈرنىڭ مۇنۇ سۆزى قۇلاقتا: «بىرەر نادان ساڭا ئۆگەتسە دانىش، كۈلۇپ قويغىن ئاڭا، سەن قىلما كايىش ئېشەكنىڭ بىمەھەل ھاڭراپ تاشلىشى ، ئاتوم دەۋرىدىمۇ تۇرمۇشتا بار ئىش» ※※※※※※※※※※※※ ئىشەنچىسىز ئولتۇرسام ، كىرىپ كەلدى«پۇرسەتجان» بىلىمىمۇ مول ئىكەن، گەپ-سۆزلىرى جايىدا، قىلىقىمۇ ئوڭ ئىكەن، ۋاقتىنىمۇ بەلگۈلەپ، مىنوتقىمۇ تۇرىدىكەن، ئىنگىلىزچە،تۈركچە، خەنزۇچىنى بىلىدىكەن، قۇرۇق شۇئار توۋلىماي، ھەقىقەتنى سۆيىدىكەن، تارىخنىمۇ بىلىدىكەن، ئوبزورنىمۇ يازىدىكەن، ھەرجەھەتتىن سۆزلىسە، كەڭرى كەتكەن ساھەكەن. شۇنداق قىلىپ« پۇرسەتجان» خانەمدىكى مېھمان بۇپ، ئورۇن ئالدى قەلبىمدىن، مەنمۇ شۇنداق تىرىشچان ، ئىشچان باتۇر بۇلاي دەپ، قەلەم ئالدىم قۇلۇمغا، رەھمىتىمنى ئېيتاي دەپ.

vmid219

	چ چ دېگەن بۇ نەرسە ، ياخشى ئىكەن بەزىدە. تۇنۇشتۇرۇپ ياتلارنى ، قويىدىكەن ھەۋەستە. بىراۋلارنى كۈلدۈرسە، بىراۋارنى يىغلىتىپ. بىراۋلارنى ۋارقىرىتىپ قالدۇرىدىكەن ھەسرەتتە. تۇنۇشقانتىم مەنمۇ ھەم، ئېرىم بىلەن چ چ دا. بالىلىقمۇ بولدۇق بىز، خەقلەر قالدى ھەيرەتتە. دېمەڭ دوستۇم ھەرگىزمۇ، چ چ دېگەن يامان دەپ. «چىن سۆز»بولسا ۋەدىڭىز، چ چ تۇرار«خو»①سەپتە. ①  ياخشى  دېگەن مەنىدە   بۇ تېمىنى كۆرۈپ،بۇنى يېزىپ قويغۇم كەلدى. مەن بۇرۇن شېئىر يېزىپ باقمىغان. غەلىتە بولۇپ قالغان بولسىمۇ توغرا چۈشەنگەيسىزلەر.

jiuxing

	ياخشى شېئىرلارنى توقۇۋېتىپسىلەرغۇ ....مېنىڭمۇ  چ چ نى بىكارغا ئىشلەتكەنلەرنى تاززا بىر ئەدەپلىگۈم بارئىدى. ئېسىت شۇلارنىڭ بىكار ۋاقتىغا....، تېخى چ چ نىڭ دەرىجىسىنى ئۆستۈرىمەن دەپ، كېچىچە ئۇخلىماي چىققانلارنىمۇ كۆرگەنمەن، زۈرۈر ئىشلارغا ئىشلەتسە بولىدۇ ئەلۋەتتە ......

uyultash

	مۇڭداشقۇدىن ياخشى پايدىلانسا، نۇرغۇن ياخشى ئىشلار پۈتىدۇ.

boxuk

	توغرا پايدىلىنايلى.....ھەممە ئىشنىڭ يولى بار ئەمەسمۇ؟

doppiqe

	پايدىلىق يەرلىرىمۇ با..............

javir

	jiuxing دەرىجىسى يۇقىرى چ چ  رىڭىز يۈتۈپ تىكەندە ھە  (چاخچاق)

abida92-4

	بىز چ چ نىڭ ياخشى تەرەپلىرىدىن ئۈنۈملۇك پايدىلانساق بولدۇ ئەمەسمۇ؟

sapdel

	ھەمممىسى شۇ كىشىنىڭ ئوي-خىيالى بىلەن بولىدۇ ئەلۋەتتە. چوقۇم توغرا پايدىلىنىشنى ئۈگۈنىۋېلىشىمىز كېرەك!بىكار ۋاقتىمىزنى ئىسراپ كىلىمىز بولمىسا!

behlan

	ھەي دوستۇم تارىخچىدە سەن گەپلىرىڭ شۇنداق يىنىك ھەم تەبىئىي ، قەلىمىڭ ھېرىپ قالمىسۇن.....!!!