ھاراق ھەققىدە رۇبائىلار(1)

ئەلكۈن

	ھاراق ھەققىدە رۇبائىلار(1) ئابدۇخېلىل ئابدۇخېۋىر                  1 مەي دىسە تۆت پۇتلۇق بولۇپ چاپىسەن، مەيسىز كۈن ئاتلىسا ئىشىك قاقىسەن. ساقالغا ئاق كىرگەن مۇشۇ دەملەردە، ئۇيالماس نەۋرەڭدىن، قانداق ئاتا سەن؟...                 2 باشتا مەي ئىچىسەن سىلىق-سىپايە، (چېھرىڭدە قىزىرىپ كۈلگۈچە لالە.) كەيىپلىك ھىسسىڭنى قىلغاندا قامال، كىمنىدۇر غاجايسەن قىلىپ كىنايە.                  3         مەي ئىچسەڭ ماختىنىپ كۈلۈپ ئىچىسەن، رومكىنىڭ لىۋىگە سۆيۈپ ئىچىسەن. ئەلەسلىك كۆزىڭنى تورلىغان چاغدا، گاھ ئادەم، گاھ تامغا ئۈسسۈپ ئىچىسەن.                     4         مەي ئىچسەڭ جاھاننىڭ ھەممىسى سېنىڭ، جىمى مەس-پەسلىكنىڭ سەللىسى سېنىڭ. بۇ رەزىل يۇقۇمغا ياپمىساڭ ئىشىك ، كۆرۈنگەن ئۆلۈمنىڭ پەللىسى سېنىڭ.                   5 ئەي نامەرت مەي ئىچمەي مەستەك يۈرگىچە، ئىجاتكار شانىغا قاپاق تۈرگىچە. خوشاللىق تاپ، ئاچچىق خىيالغا پاتماي، ئىچىپ مەي-شاراپتىن كۆڭلۈڭ قانغۇچە.                  6 يار ئەيلەپ شاراپنى ئۆتتى كۈنلىرىڭ، يۈزلەندى زاۋالغا ياڭراق ئۈنلىرىڭ. ئۈزۈلدى راۋابىڭ تارى نەچچە رەت، مەيلىمۇ يۇلتۇزسىز قالسا تۈنلىرىڭ؟                 7 ئىچتىڭمۇ تۆت رومكا، چىقاردىڭ بوران، باشلاندى ئويۇننىڭ قىززىقى شۇئان. جىدەلنى ئۇ ئىچتى-ئىچمەدىن باشلاپ، ياتقىنىڭ ھوزۇرمۇ، ئېغىز-بۇرۇن قان.                   8 ئىچسەڭلا، سەن پەقەت ئەسلىڭنى ئۇنتۇپ، ئۇنىڭ بەل، بۇنىڭ قول، بۇتىنى تۇتۇپ. خوشامەت بىرلە دىل ئۇتماقچىمۇسەن؟ غورور ھەم ۋىجداننىڭ كۆزىنى چۇقۇپ.                9 بىرىلىپ ھەرنەپەس كەيىپ- ساپاغا، چۈشۈسەن قاغىدەك دەسسەپ ساماغا. يېقىلساڭ ئازگالغا ئۆزۈڭدىن كۆرمەي، بارغىنىڭ نىمىسى داتلاپ داۋاغا؟...                 10 ئىچىشىڭ كۈندە مەي، قىسمىتىڭ مەسلىك، ھەر پايى كارىڭدا مەغلۇپلۇق، خەسلىك. ئۆتەمسەن غەپلەتكە ئوينىتىپ قاش- كۆز، روھىڭدا زەئىپلىك، خۇلقىڭدا پەسلىك. 1990-يىللار، شەھرى خوتەن.

taxna

	كۇندە ھاراق ئىچىپ كوچىلاردا سەتلىشىپ يۇرىدىغانلار مۇشۇنداق شېئېرلارنى كۆپرەك ئوقىسا دەيمەن .نەدىن يوقتى دەيمەن مۇشۇ ئۇيغۇر خانىم -قىزلىرىمىزغا ،ھاراق ئىچكەن ئەرلەردىن بىزار بولۇپ يۇرسەك ،ئەمدى ئاياللىرىمىزمۇ قوشۇلدى دىسە بۇ سەپكە .

huxbuy365

	كۇندە ھاراق ئىچىپ كوچىلاردا سەتلىشىپ يۇرىدىغانلار نىڭ بۇنداق شېئېرلارنى ئوقۇشقا ۋاقتى يەتمەيدۇ چۈنكى ئۇلار سورۇن ئىزدەش بىلەن <ئالدىراش> . شۇڭا سەركەردە دىگەندەك  يەكلەش ،ئەيىبلەش ئارقىلىق ئۇلارنى بۇ يولدىن قايتۇرۇش قايتۇرۇش مۇنكڭنمڭكڭن دەيمەن .

taxna

	جەمىيەت شۇنداق قىلسىغۇ بولاتتى ،ئەمما  جەمىئىيەت ئۇلارنى يەكلەش ئۇياقتا تۇرسۇن ،ناھايتتى قىزغىنلىق بىلەن قوينىغا ئېلىۋېتمامدۇ.

otkax

	راست، ئۇلارنى بىز يەكلىگەن بىلەن ..... مال تۈرى بىلەن ئادەم خىلى بىلەن دېگەن گەپ بار ئەمەسمۇ؟...ھەي....

alkun

	ئاخشامكى مەسلەرنى كۆرگەنلەر بارمۇ؟

rayhan

	(ئەگەر  مەن بۇ دۆلەتنىڭ باشلىقى  بولغان بولسام   ، ھەر  قانداق ئادەمنى ھاراق ئىشلەشتىن چەكلىگەن بولاتتىم .)  ھەي................ ھاراق تاتلىق  بولغان بولسا  قانچە  ئىچەتتىكىن  بۇ خەق..

nimjan

	ئىلچىنىڭ مەيخانەسىدە ئىدىك دوست بىرلە سۆھبەتتە، مەيزاب كەلتۈردى، مىزبان: «ئىچكەنگە ھېكمەت بۇ شەربەتتە»، سەئىدىيە دەۋرانىنىڭ دەستۇرخانىنى شەۋكەتتە ــــ يورۇتقان، سىر ئەمەس ئەمدى، ئەسلىنى ئېيتسام ئەلبەتتە، سىقىلمىش قارغالىق ئانارىدىن شاھانە لەززەتتە.

nimjan

	بىتمەدى مىزباندا ماختاش، بىتتى مەيزاب نەچچە جامدا، قالدى سۆھبەتنىڭ داۋامى ئەرتەكى شەرھىي كالامدا، گۈزەل رەقىس ئەتمەكچى ئەردى دوستۇم قوپۇپ ھەر چامدامدا، ۋەلىك ماھارىتى تۈشكۈن كەبى كۆرۈندى گۇماندا، مىزبان ھەققىنى تاپتىمۇ ؟ ئاياغلاشقان بۇ سۆھبەتتە.

hakanxp

	ئويلاپ باقاي، مەن ھاراق ئىچمىگىلى قانچىلىك بولغاندۇ. ھە بىر يىلدىن ئېشىپتۇ، قارىغاندا مەن ھاراقكەش ئەمەسكەنمەن.