سەھرايىمغا كېتىمەن ئانا

rayhan

	سەھرايىمغا كېتىمەن ئانا (بالىلار تىلىدىن) شەھەردە يوق نىچۈن ئاي، يۇلتۇز، كۈلۈپ چىقماس نېمىشقا قۇياش. ئۆيلەر كىچىك، كوچىلار قىستاڭ. مۇمكىن ئەمەس مۆكۈشمەك ئويناش. شەھەرلەردە يوق ئىكەن قۇشلار، ئاسمانلاردا يۇلتۇزلارمۇ ھەم. يۈز بېرەركەن ئاجايىپ ئىشلار. تۇغۇلاركەن غەم ئۈستىگە غەم. ئوخشىماسكەن سەھرا يولىغا، شەھەردىكى قاتار رەستىلەر. ئىگىز ئۆسكەن دەرەخ شېخىدا، پىشمايدىكەنغۇ جىنەستىلەر. يوقكەن ئىگىز دۆڭلۈكلەر يەنە، پادا باققاچ موللاق ئاتقىلى. چىمەنمۇ يوق كېپىنەك قوغلاپ، قۇشلار بىلەن قوشاق قاتقىلى. ھەر ئاخشىمى ئاسمانغا بېقىپ، مومام بىلەن يۇلتۇز سانايتتىم. ئۇخلىغۇچە تاتلىق مومامنىڭ ، چۆچىكىنى ئاڭلاپ قانمايتتىم. كېچىلەرمۇ كېچىدەك ئەمەس، تۈگىمەسكەن قاتار چايلىرىڭ. بۇلۇڭلاردا ھىدىڭ سېغىنىپ، ئۇخلاپ قالار «قوزا-تايلىرىڭ». بولدى قويغىن ئېپ بەرمە ماڭا، ئوينىغۇم يوق ماشىنا، قونچاق... ئوينىسامكەن ئۆستەڭلەر كېچىپ، دوستلار بىلەن تۇتۇشۇپ قۇمچاق. مەن ماڭغاندا ئەگىشىپ قالغان، ئارسلانچىقىم يىغلىدى چوقۇم. بارچە كۆڭلۈم سەھرادا قالدى، شادلىقلىرىم ھەم بارۇ-يوقۇم. كىرىپ قاپتۇ كېچە چۈشۈمگە، ئېغىلدىكى قوزىچاقلىرىم. يىغلىشارمىش سېغىنىپ مېنى. مېنىڭمۇ نەم كۆز چاناقلىرىم. كۆڭلۈم خۇشلۇق تاپمىدى ھەرگىز، كىلىپ سېنىڭ يېنىڭغا مانا. توسىمىغىن يولۇمنى ئەمدى، سەھرايىمغا كېتىمەن ئانا.

maxal20

	سەھرايىمغا ئىككى ئايلارچە ۋاقىتتىن كېيىن كېتىش نېسىپ بولىدۇ اللە خالىسا...

turditohti

	بالىلارنىڭ بالىلىقىدا ياشاش قانۇنىيەتىگە ئاساسە ياشىشىغا ئىمكانىيەت يارتىپ بىرىش ئۈچۈن تىرىشىش لازىم.

0998bahar

	كۈندە تەكرار دەيسىزغۇ ئانا، <مېڭىپ قالما چوڭ يولدىن ھەرگىز> كىچىكسەم گەر چۈشتە بەش مىنۇت، يەنە دەيسىز < كەلمىدىڭغۇ تىز> چىرايىڭىز كىتەر تاتىرىپ، كەچتە كەلمەي قالسام ۋاقتىدا. ئۇنتىمايسىز ئەتىسى يەنە جىكىلەشلەر  بەكمۇ كۆپ-تولا. بۇ شەھەردە تۇرمايمەن ئەمدى، سەھرايىمغا كېتىمەن ئانا. بىخەتەر شۇ ئانا ماكاندا بالىلىققا قايتىمەن يانا.

riwayat0601

	ماشىنا كوپ قىستاڭ كوچىلار ، قەدەمدە بىر يوغان ئىستولبا . ئېرىقلار يوق ئاقمايدۇ سۇلار ، يەر ئاستىدا ياتار تۇرۇبا . ئوينىغۇم بار سەھراغا بېرىپ ، ئۆستەڭلەردە سۇغا چۈمۈلۈپ . تاپالمايدۇ مىنى شۇم كېسەل . يېتىۋالسام قۇمغا كومۈلۈپ . بالىلارغا بەك ئۇۋال بولدى ، ئۇلارنىڭ كورىدىغىنى ئىستىن رەڭگىنى يوقاتقان ئاق قۇشقاچلار ، سۈنئى باغچا - كۆللەر ، قەپەستىكى تۇتقۇنلۇقتا ياشاۋاتقان ھايۋانلار .    شەھەردىكى دوستلار بالىلىرىڭلارنى بىزنىڭ سەھراغا ئېلىپ كىلىڭلار ، مەن سىلەرگە ياردەملىشىپ ئۇلارنى ئېرىقلارغا چۈمۈلدۈرەي ، قىزىق قۇملارغا كۈمۈلدۈرەي ،  تۇپىلاردا يالاڭئاياغ ماڭدۇراي . ...................     ئۈژمە دەرەخلىرىگە يامىشىپ چىقىپ ئۆز قوللىرى بىلەن مەي باغلاپ پىشقان ئۈژمىلەرنى ئېلىپ يىسۇن ، تۇخۇ،توشقان ، قوي - كالىلارنى كۆرسۇن ، ئات - ئېشەكلەرگە مىنىپ باقسۇن ، تۈرلۈك ئۇچار قۇشلارنىڭ ئەركىن پەرۋازلىرىدىن ھۇزۇر ئالسۇن . .............

atikam1

	شەيخنىڭ شىېرنى ئۇقۇپ شۇنداق ئازاپلانغان بولسام ،،بۇ شىېرنى ئۇقۇپ تېخىدىنمۇ ئازاپلاندىم ،،،،ھازىر راستلا بالىلارغا ئۇۋال بولدى،،،،بىزنىڭ بالىلىقلىرىمىز ئەجەپ ئۆتكەن ،،،،

lost

	شۇنى دەيمەن ، سەھرا ئادەمگە باشقىچە ھاياتلىق بېغىشلايدۇ

taranqi

	سەھرا دېگەن تەبىئەت دېگەن گەپ ... بىرىپ بىر دەم ئىلىپ كىلەي دەيمەن لىكىن خىزمەت ئالدىراشچىلىقى .....

yidayat

	تاتلىق يېزىلغان شېئىركەن،.

berna

	رەيھان ھەدە دەپ چاقىراي ،مەندەك كىچىك بولسىڭز يامانلاپ كەتمەڭ ھە. مەنمۇ بەك بەك بەك  بىزار بولدۇم،بولمىسا قېشىمغا كېلىڭە ،ئاز قالدى سىزنى قۇشۇپلا ئاشۇ سەھراغا ئېلىپ كېتەي.بىللە سۈزۈك سۇللارغا چۈمۈلۈپ،خاماندىكى پاخاللاردا موللاق ئېتىپ،كېچىدە ھويلىنىڭ ئوتتۇرسىدا يېتىۋىلىپ يۇلتۇز سانايمىز. سەھەردىكى قۇياش بىلەن تەڭ پاقلانچاقلىرىمىزنى ئالدىمىزغا سېلۋىلىپ يۇپيېشىل يايلاقتا ئۇلار بىلەن قوغلاشماق ئوينايمىز. يەنە ............................ جىق جۇمۇڭ قىززىق ئىشلار.كەسىڭز ھەممە ھۈنۈرۈمنى كۆرسۈتۈپ قويىمەن