تەشۋىش(شېئىر)

rayhan

	تەشۋىش پۇرايدۇ ئەتراپتىن بىر مۇدھىش  پۇراق ، ھويلىنى قاپلىغان يىغا- زار، پىراق ، يىغلار ھەم بۆشۈكتە بەش كۈنلۈك بوۋاق، ئويلىدىم«ئۆچۈپتۇ بىر نۇرلۇق چىراق.» ئىدىغۇ ئۇ كىشى كۆڭلى بەكمۇ ئاق ، مىجەزى ئوچۇق ھەم مۇلايىم، سالماق، ھەمسۆھبەت بولسىڭىز سۆزلىرى قايماق، ئىلىم ۋە ھۆنەرگە يۈرىكى چاڭقاق ، ھەيرانمەن ئالدىمدا بىر غەمسىز سىياق، تۇراتتى چىرايى ئەلەمدىن يىراق، تېنىدىن گۈپۈلدەر سېسىق مەي، ھاراق، قاراشتا تۇرسىمۇ بىر ئوبدان، ساپساق ، ياش چىقماس كۆزىدىن، كاللىسى «قاپاق». شۇ ھامان ئويلىدىم كۆڭلۈمدە مۇنداق: بولسىمۇ بالىمىز تاتلىق ھەم ئۇماق، نەسىھەت ئاڭلاشقا بولمىسا قۇلاق، بۇ تاتلىق ھاياتمۇ بىلىنەر قىرتاق، غېمىنى يەيمىزغۇ ئولتۇرساق-قوپساق، نىمىشقا ئۆزىنى «خار» قىلار  بۇنداق ، ئەۋلادلار تونۇسا ھاراقنى «قايماق» ، مۇقەررەر ئۈمىدنىڭ گۈللىرى سۇلماق، بالىلار بوپ قالسا يۈرىكى«قۇرغاق»، دۇئامۇ قىلارمۇ قەبرىدە ياتساق، دۇئاسىز قەبرىدە ئۈنمەيتتى قىياق، جەننەتمۇ، دوزاقمۇ، بارارمىز قاياق ، قانداقمۇ قىلارمىز شۇ كۈنگە قالساق، ياراشماس مەرھۇمدىن چىقارساق پۇتاق، لېكىن بەك بىلگۈم بار تاقىتىم بەك تاق... مەنبە:قەلەم

parixta799

	پوۋېستنى  تاشلاپ  قويۇپ،شېئېرغا  چۈشۈپ  كېتىپسىزغۇ  خېنىم!

salam234

	توغرا دەيسىز ھاراق دىگەن بۇنەرسىنىڭ تۇرمىشىمىزغا سىڭىپ كىرىشې ھەقىقەتەن كىشىنى چۈچىتىدۇ، يول بويىدا ئۈستى بىشى ئاۋارە ھالەتتە خۇدىنى بىلمەي ئۇخلاپ ياتقانلار دەل شۇ ھاراقنىڭ ئۈلپەتداشلىرې ئەمەسمۇ

akattrgvl

	ئىلھام دېگەن بار يەردە بار جۇما ،ئاۋۇ پوۋستنىڭ ئاخىرغا قاراپ ئولتۇرسا ماۋۇ شئېرنى يوللىۋەتكەن گەپ دەڭە ،پوۋسىتنىڭ ئاخىرغا كەلگەندە ئىلھاملار قۇرۇپ ماۋۇ شئېرغا كەلگەندە ئىلھاملار پەرۋاز قىلىپ كەتكەن ئوخشىمامدۇ  ،بىراق بۇمۇ بولغىنى ماھىرەنىڭ قىسمىتىنى كورەلمىگەندىكىن بۇنى بولسىمۇ كۆرگەچ تۇرايلى ،دەپ قويسام يەنە باشقا شئرغا تۇتۇش قىلىپ كەتمەي ئاۋۇ ئامانەتنى پۇتتۇرۋېتەيلى  ھە تاتلىق ئاچا .

rayhan

	قايسى كۈنى بىر ئىنكاسىمدا دىگەنىدىمغۇ،كومپىيوتېرنىڭ ئالدىدا ئۇزاق ئولتۇرۇشقا ۋاقىت چىقىرالمايۋاتىمەن دەپ،شۇڭا قىسقا ۋاقىت بولسىمۇ بىكار ئۆتكۈزىۋېتىشكە كۆزۈم قىيماي ،تۈنۈگۈن يېرىم كېچىدە ئۇيقۇم قېچىپ ،ئىلھامىم سوۋغا قىلغان قۇرلارنى يوللىغاچ تۇردۇم. پوۋستنىڭ ئاخىرىمۇ تېزلا يوللىنىپ تۈگەيدۇ خۇدايىم بۇيرىسا؛

huxrui

	ئىلھاملىق قوللاردىن ھەر نىمە چىقدىكەن ھە، ئىختىدار دىگەن بار ئىكەنغۇ ، مانا ،قاپىيە ،مەزمۇن ،تۇراق ، شئېرى پۇراق . ياخشى يىزىپسز. قەلەملىرىڭىز  ئۈزۈلۈپ قالمىسۇن.

barkatjan

	ئاممالىكىن شئىر بولا مۇشتاق .ھەقىيقەتەن قەلىپتىن ئۇرغۇپ چىققان شئىر بوپتۇ........

ramizani

	قەلەم دېگەن قولىڭىزدا ئوينايدىكەنغۇ! ئېسىل ئەسەر بوپتۇ، ھارماڭ، يەنىمۇ نادىر ئەسەرلەرنى يارىتىڭ! مەن سىزگە تىلەكداش!

salam234

	قاپىىيە دىگەننى ئۆتتۇرېۋېتېپسىز   جۇما

salkinay

	ياخشى يېزىلغان بىر ئەسەر،بىر تېما......بارلىقققا كېلىش ئالدىدا تۇرغان بارلىق يېڭى ئىجادىيەتلىرىڭىزگە ئۇتۇق تىلەيمەن.