| يولدىشىڭىزغا نۇمۇر قۇيۇپ بىقىڭ
تۆۋەندىكىلەر سابىق سوۋېت ئىتتىپاقىنىڭ «سەپەرداش» ژورنىلىغا بېسىلغان ئائىلە تۇرمۇشىغا ئائىت ئون سۇئال.بۇنىڭغا ئائىلىدىكى ھەر بىر ئەزا جاۋاب يېزىپ باقسا بولىدۇ.بولۇپمۇ ئائىلىدە ئانىلىق ۋەزىپىسىنى ئۆتەۋاتقان ئاياللار جاۋاب بېرىشكە ئالاھىدە ھوقۇقلۇق.
سىزسورالغان سۇئاللارغا ئېرىڭىزنىڭ ئەمىلىيىتى ئاساسىدا جاۋاب بېرىپ بېقىڭ.ئەگەر ئېرىڭىزدىن شۇ نوقتىدا رازى بولسىڭىز «+» بەلگىسىنى قويۇڭ.رازى بولمىسىڭىز «-»بەلگىسىنى قويۇڭ.بىر قارارغا كېلەلمىگەن بولسىڭىز «0» بەلگىسىنى قويۇڭ.ئاندىن «+»بەلگىسى قويۇلغانغا ئۈچ نومۇر، «-» بەلگىسى قويۇلغانغا بىر نومۇر، «0» بەلگىسى قويۇلغانغا ئىككى نومۇر قويۇڭ ھەمدە بۇ نومۇرلارنى قوشۇپ كۆرۈڭ.ئېرىڭىز ئالغان نومۇر قانچە كۆپ بولسا ئۇنىڭ ئائىلىدىكى ئىپادىسى شۇنچە ياخشى بولغان بولىدۇ.ناۋادا «+» بەلگىسى بەك كۆپ بولۇپ كەتسە،نومۇرنى ۋاقتىنچە ئېلان قىلماي،بىر مەزگىللىك كۈزىتىشتىن كېيىن نومۇر قويسىڭىزمۇ بولىدۇ.
1. سىز تاماق قىلىۋاتقاندا ئېرىڭىز كرېسلودا يېتىۋېلىپ گېزىت-ژورنال كۆرەمدۇ؟
2. تاماكا قالدۇقى،تاماكا كۈلى قاتارلىق نەرسىلەرنى خالىغان يەرگە تاشلامدۇ؟
3. ئاچكۆزمۇ،تاماق يىيىشى سەتمۇ؟
4. كىيىم_كېچەكلىرىنى ئۇدۇل كەلگەن يەرگە قالايمىقان تاشلامدۇ؟
5. ئۆيگە كىرگەندىن كېيىن بىرەر ئېغىزمۇ گەپ قىلماي ئۆزىنىڭ ئىشى بىلەنلا بولۇپ كېتەمدۇ؟
6. ئېرىڭىز ئۆي ئىشلىرىنى قىلامدۇ،ئۆي ئىشلىرىغا ياردەملىشەمدۇ؟
7. بىرەر ئىش توغرىلىق سۆزلىگىنىڭىزدە ئېرىڭىز كۆرىۋاتقان ماتىرياللىرىدىن ياكى تېلېۋىزوردىن كۆز ئۈزمەي ئولتۇرىۋېرەمدۇ؟
8. ۋاقىتنى كۆپ ھاللاردا سىز بىلەن ئەمەس،بەلكى باشقا ھەمراھلىرى بىلەن ئۆتكۈزەمدۇ؟
9. ساقال-بۇرۇتلىرىنى ئالغاندا،چىش چوتكىلىغاندا ۋە يۇيۇنغاندا چاچرىغان مازغاپلارنى تازىلامدۇ؟
10. ئاتا-ئانىڭىزنىڭ ئۆيىگە سىز بىلەن بىرگە بارامدۇ؟
مەنبە:«ئانا-بالىلار قوللانمىسى» ناملىق كىتابچە
بۇ يازمىنى ئاخىرىدا ئامان تەھرىرلىگەن. ۋاقتى 2012-4-27 19:07
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-4-27 19:03:06
يوللىغان ۋاقتى 2012-4-28 23:22:42
يوللىغان ۋاقتى 2012-5-1 15:10:38
