مۇئەللىم بولماق تەس (2-قىسىم )
نۇرمۇھەممەت قاراساي
دەردىمنى بىر تۆكسەم كۈلەرسەنمىكىن ،
مۇئەللىم بۇپ قالماي دەپ تىلەرسەنمىكىن .
ئويلىما مۇئەللىملىك بەك ئاسانمىكىن ،
بۇباغرىم قان يىرىڭ كۆرەرسەنمىكىن .
جاھاندا ھەممىدىن مۇئەللىم بولماى تەس .
دىھقانمۇ قۇتۇلدى سۇئال سوراقتىن،
خامىنى تولغاندۇ ،بۇغداي قۇناقتىن .
قاچانمۇ يەيمىزكىن ئىسسىق تاماقتىن ،
پەخىرلىنىپ يۈرسەممۇ ،ئۇشبۇ ئاتاقتىن ،
يەنىلا جاھاندا مۇئەللىم بولماق تەس .
بەزىلەر مەكتەپتە،كۆرسۈتۈپ ئويۇن ،
خىزمەتتە ئاسانلا،بۇلار چىمپىيون .
بىزلەرگە مۇكاپات ئەگمەيدۇ بويۇن ،
ھەق يولدا ماڭغانغا چىقىدۇ قۇيۇن .
جاھاندا راستىنلا مۇئەللىم بولماق تەس .
ھەر ئىشتا ئاۋامنىڭ كۆزلىرى سەندە،
سەن ئالغان مۇكاپات دېمىدە غەمدە.
ئالمىساڭ خاپىلىق ،ئالساڭ دەپسەندە،
كەيگەنلەر كىيىممۇ يا ،كۈلا جەندە.
جاھاندا ھەممىدىن مۇئەللىم بولماق تەس .
مەرىپەت مەشئىلى ياندۇرۇش ئۈچۈن ،
سەبىيلەر دىلىغا جان بىرىش ئۈچۈن .
قېنىڭنى بەرسەڭمۇ ،ئەل -ئاۋام ئۈچۈن ،
كۈلىدۇ بەزىلەر چاندۇرماس ئۇچۇن.
جاھاندا ھەممىدىن مۇئەللىم بولماق تەس .
ھوقۇقدار چىشلىرى بىلەكلىك ساڭا،
پىتنىخور بىر سېنى غاجاشقا خۇما.
دوستلۇرۇڭ خۇشامەت قىلىدۇ ئاڭا،
دۈشمىنىڭ دىيىشۇر ھالىغۇ مانا.
جاھاندا ھەممىدىن مۇئەللىم بولماق تەس .
بەنزىدە ئىسمىڭ يوق خۇلاسىدە ھەم ،
سىياسى ھوقۇقۇڭ قاتىلدىنلا كەم.
ئېھتىيات قىلساڭمۇ ،ئىشلەتسەڭمۇ پەم ،
يوق ساڭا ئاراملىق بىلىسەن نىكەم .
جاھاندا ھەممىدىن مۇئەللىم بولماق تەس .
كۆيۈنۈپ تەنقىدلەر ئامراقلار سىنى ،
بەزىلەر جار سالار قىززىسا قېنى .
بەزىدە ئاچچىقلاپ چىقىدۇ جېنى،
ئويلاپ باق سەن ئۈچۈن ھىسداشلىق قېنى؟!
جاھاندا ھەممىدىن مۇئەللىم بولماق تەس .
ئازادە سىنىپتا بىلىم بىرىسەن ،
مۇكاپات ئالقىشتىن ئەسلا نېرىسەن .
دۇنيادا ئەڭ ئېغىر كۈندە يۈرىيسەن،
ئازغىنا ئۈمىدتە مەجبۇر كۈلىسەن .
جاھاندا ھەممىدىن مۇئەللىم بولماق تەس .
گۈل سۇنار سەنئەتچى غىتمەك بولسىمۇ ،
بوي سۇنار ھۇقۇقدار سولتەك بولسىمۇ.
باي غۇجام سۆزلىسۇن دۆترەك بولسىمۇ ،
مۇئەللىمگە يۈز توخماق قاتتىق كۈلسىمۇ.
جاھاندا ھەممىدىن مۇئەللىم بولماق تەس .
ئىلىمىڭنى بىلمەس ئەل ،ھېچبىر پۇرسەتتە،
پۇلى كۆپنى چوڭ بىلەر، سەندىن ھۆرمەتتە.
شۇڭلاشقا نادانلار تۇرار سۆلەتتە ،
ئاقىلغا ئورۇن يوق ئويغۇر مىللەتتە.
جاھاندا ھەممىدىن مۇئەللىم بولماق تەس .
ئەخلاقتىن سۆزلىسەڭ دەيدۇ بىدئەتچى،
ئاۋامدىن گەپ ئاچساڭ،غاجار سۈننەتچى .
تارىختىن سۆزلىسەڭ ،دەيدۇ مىللەتچى ،
سەن يالغۇز،قارشى سەپ دائىم ئون نەچچى .
جاھاندا ھەممىدىن مۇئەللىم بولماق تەس .
مۇئەللىم خەق يۇۋاشراق بولمىساڭ بولماس ،
زىيانغا سەۋىرلەر قىلمىساڭ بولماس .
خەق سىنى ئۇرسىمۇ تىللىساڭ بولماس ،
ھەممىگە خوش -خوش دەپ تۇرمىساڭ بولماس .
جاھاندا ھەممىدىن مۇئەللىم بولماق تەس .
ئويغانسا مىللەت دەپ قىلىسەن ھەۋەس ،
نەسىھەت قىلىسەن كەلسە مەس-ئەلەس .
تەربىيلەپ چىققۇچە نەچچە زەبەردەس ،
ھەركەتكە كىلىدۇ مىڭلاپ نەسلى پەس .
جاھاندا ھەممىدىن مۇئەللىم بولماق تەس .
يازغىنىم ئىشەنسەڭ ھېچ يالغان ئەمەس ،
بىر ئۆمۈر يازساممۇ دەردىم تۈگىمەس ،
ساراڭكەن دىمەڭلا،مەن ساراڭ ئەمەس ،
توختىتاي سۆزۇمنى ئەمدى بولدى بەس .
تەس دىسە جاھاندا مۇئەللىم بولماق تەس .
ئاپتۇرى ؛ ( قاراقاش ناھيە كاۋاك ئوتتۇرا مەكتەپتە )
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-2-5 17:55:04
يوللىغان ۋاقتى 2012-2-5 19:51:09
يوللىغان ۋاقتى 2012-2-6 10:20:34
