ھاياتقا كۈلۈپ مۇئامىلە قىلىڭ

●向往NUM①

ھاياتقا كۈلۈپ مۇئامىلە قىلىڭ
[2013-02-22]                كېلىش مەنبەسى:جۇڭگو ئۇيغۇرچە رادىيو تورى
تۇرمۇشنىڭ يورۇقلۇق تەرىپىمۇ،خۇنۈك تەرىپىمۇ بولىدۇ. ئادەم ئۆمرىدە ھەمىشە ئوڭۇشلۇق ئۆتۈۋەرمەيدۇ. ئادەم تۇرمۇشقا ئىشەنچ بىلەن مۇئامىلە قىلىشى، تۇرمۇشنىڭ خوجايىنىغا ئايلىنىشى كېرەككى، ھەرگىزمۇ تۇرمۇشنىڭ قۇلىغا ئايلىنىپ،تۇرمۇشنىڭ قايمۇقتۇرۇشىغا ئۇچرىماسلىقى كېرەك.
يورۇقلۇق ۋە خۇنۈكلۈك، ئوڭۇشلۇق ۋە ئوڭۇشسىزلىق، غايە ۋە رېئاللىق، شادلىق ۋە ئازاب قاتارلىق تۈرلۈك تۈمەن خىل زىددىيەتلەرنىڭ ھەممىسى زىددىيەتلەرنىڭ ئۇنىۋېرسال گەۋدىسى بولغان ئادەمدە ئىپادىلىنىدۇ. ۋەھالەنكى، دەل ئاشۇ تۈرلۈك، تۈمەن خىل زىددىيەتلەر رەڭگارەڭ تۈسكە ئىگە كىشىلىك ھاياتنى ئاپىرىدە قىلىپ، كىشىلەرنىڭ گۈزەل تۇرمۇشقا بولغان ئۈزلۈكسىز ئىنتىلىشىنى قوزغايدۇ.
دىف:«قىيىنچىلىققا دۇچ كەلگەندە ئىرادىسىزلىك قىلىش قىيىنچىلىقنى ئىككى ھەسسلىگەنلىكتىن باشقا نەرسە ئەمەس» دېگەنىدى. ئوڭۇشسىزلىققا يولۇققاندا روھىڭىز چۈشۈپ، ھەممە ئىشتىن رايىڭىز يېنىپ كېتىدىكەن، ئۇ ھالدا تۇرمۇشنىڭ بىزگە بېرىدىغىنى تېخىمۇ ئارتۇقراق ئەلەم ۋە ئازاب بولىدۇ، خالاس. تۇرمۇش ئۆز-ئۆزىدىن ئاھ ئۇرىدىغانلارغا ھەرگىزمۇ رەھىم قىلمايدۇ.
تۇرمۇش كۈلكىگە موھتاج، بولۇپمۇ ئوڭۇشسىزلىققا يولۇققاندا كۈلۈشكە جۈرئەت قىلىش، كۈلۈش كېرەك. چۈنكى، كۈلكە ھەقىقىي كۈچ-قۇۋۋەتنىڭ ئىپادىسى. مۇشۇنداق كۈلكە سىزنىڭ ئىرادە تىكلىگىنىڭىزنى ۋ تۇرمۇشنى ئۆتكۈزۈش ئىشەنچىڭىزنى چۈشەندۈرىدۇ. شۇ چاغدىلا ھايات سىزگە  ئۆزىنىڭ يېقىملىق كۈلكىسى بىلەن جاۋاب قايتۇرىدۇ.
تۇرمۇش يولى ئۇزاق ھەم ئەگرى-توقاي كېلىدۇ، ھەممە كىشى ئۆزىگە خاس ئۇسۇللار بىلەن ئۇنىڭ پەللىسىگە يېتىدۇ. كۈلۈڭ! ھاياتنىڭ پەللىسىگە قاراپ ئەبەدىلئەبەد كۈلۈڭ!
ئوقۇش :23 قېتىم
  مەسئۇل مۇھەررىر :مەۋلۈدە

گۈلزار

سىز ھاياتقا كۈلۈپ قارىسىڭىز ھاياتمۇ سىزگە كۈلۈپ قارايدۇ . ھاياتىڭىزدىكى ھەر بىر كۈنىڭىز مەنىلىك ئۆتكۈزۈش بىلەن بىرگە ھاياتقا بولغان ئىشەنچىڭىزنى سۇسلاشتۇرۇپلا قويمىسىڭىز ھايات سىزگە مەڭگەۈ كۈلۈپ قارايدۇ .  تېمىڭىزغارەھمەت
来自: Android客户端

ئىستەك

ھايات خۇددى ئەينەككە ئوخشايدۇ، سىز ئۇنىڭغا كۈلۈپ قارىسىڭىز ئۇمۇ سىزگە كۈلۈپ قارايدۇ، بۇرۇن بىر ئەدىب مۇنداق دىگەن ئىكەن « دۇنيادا خۇشاللىق كەم ئەمەس بەلكى كەم بولغىنى بىزنىڭ ئۇنى قانداق بايقىشىمىزدا » بۇ ناھايىتى ياخشى دىيىلگەن سۆز ، ھەممىڭلارنىڭ ئارام كۈنىگە خۇشاللىق ، ۋە خاتىرجەملىك تىلەيمەن .

Qol~Ogli

Qol~Ogli

يۇقارقى فىلىم ھاياتقا قانداق مۇئامىلە قىلىش كېرەكلىگىنى ئەمىلى چۈشەندۈرۈپتۇ شۇڭا يوللىدىم ....