جەننەتكە تارقىتىلمىغان گېزىت

123----8

[                                                           جەننەتكە تارقىتىلمىغان گېزىت
                                                            ئاپتورى:******(مىكرو ھىكايە)
        مۇكاپات سەھنىسىدە تۇرۇپ،گۈلدىراس ئالقىش سادالىرى ئىچىدە تۇنجى ماۋسۇملۇق خىزمەت نەتىجىسى ئۈچۈن تەقدىرلىنىپ،مۇكاپات بۇيۇمى تاپشۇرۇۋالغان ئالماس شۇ تاپتا ئۆزىنىڭ ئوقۇتقۇچىلىقتىن ئىبارەت بۇ ئۇلۇغ كەسىپنى خاتا تاللىمىغانلىقىنى ئويلاش بىلەن بىرگە مۇشۇ يىغىندىن قايتىپلا ئۆزىنىڭ تەقدىرنامىسىنى ئېلىپ مەرھۇم دادىسىنىڭ تۇپراق بېشىغا بېرىپ،ئۇتۇق قازانغانلىقىنى ۋە بۇنىڭدىن كىيىن تېخىمۇ تېرىشىپ ئىشلەپ مىللىتىمىزنىڭ كەلگۈسى ئەۋلادلىرىنى تېخىمۇ ياراملىق تەربىيلەپ چىقىش ئىرادىسىنى،مەرھۇم دادىسىنىڭ ئىزىنى مەڭگۈ بېسىپ،ئۇنىڭ ئىشلىرىغا ۋارىسلىق قىلىدىغانلىقىنى ئۇقتۇرۇپ قويۇشنى ئويلاۋاتاتتى.
      ئوقۇش باشلاش مۇراسىمىمۇ ئاخىرلاشتى،ياش ئوقۇتقۇچى ئالماس مۇئەللىم تەقدىرنامىسىنى كاستىيۇمىنىڭ ئىچى يانچۇقىغا سېلىپ ئايىغى چىقماس شىرىن خىيالار ئىلكىدە دادىسىنىڭ تۇپراق بېشىغا قاراپ تىز-تىز قەدەملەر بىلەن كېتىپ باراتتى.ئۇ دەريا بويىغا كەلگەندە تويۇقسىز دەريادىكى شىددەتلىك سۇ بىلەن بىرگە بىر كۆتۈرلۈپ،بىر چۆكۈپ دولقۇنسىمان ئېقىۋاتقان بىر گەۋدىگە كۆزى چۈشتى-دە ئەتراپقا قارىدى،ئەتراپتا ھېچقانداق ئادەم كۆرۈنمەيتتى،شۇ تاپتا ئۇنىڭ كاللىسىدا ناھايتى مۇرەككەپ بولغان ئىككىخىل توقۇنۇش كۆرەش قىلاتتى،بىرى ھېچكىم كۆرمىگەندىن كىيىن تىزلا بۇيەردىن ئۆتۈپ كېتىش،يەنە بىرى ھايات-مامات ئىلكىدە جان تالىشىۋاتقان بۇ نىمجان گەۋدىنى قۇتۇلدۇرۇش ئىدى،ئۇ شۇتاپتا كۆرمىگەنگە سېلىپ ئۆتۈپ كەتسىمۇ بولىۋىرەتتى،شۇنداقمۇ ئويلىدى،ئالدىغا قاراپ قەدەممۇ سالدىيۇ بىراق بۇ قەدىمى تىزلا توختاپ قالدى،توختا،سەن بىر ئوقۇتقۇچى،قاراڭغۇ دىللارنى يۇرۇتۇپ،ئۇنىڭغا يىڭى ھاياتلىق بەخىش ئەتكۈچىسەن، شۇنداق تۇرۇپ ھاياتى خەۋىپ ئىچىدە قالغان بىر جاننى قۇتۇلدۇرماي ئۆتۈپ كەتسەڭ قانداق بولىدۇ دېگەن بىر سادا ئۇنىڭ قولاق تۈۋىدە جاراڭلىغاندەك بولدى –دە ، ئۇ ھېچنىمىگە قارىماستىن دەرياغا سەكرىدى،دەريا سۈيى لاي ،ئۇنىڭ ئۈستىگە ئېقىشى خېلىلا تىز ئىدى،ئالماس خىېلى بىر پەس سۇ ئۈزگەندىن كىيىن ئاندىن بۇ گەۋدىگە يىتىشىۋالدى –دە ئۇنى چىڭ تۇتۇپ قىرغاقنى نىشانلاپ تۈۋەنكى ئېقىنغا ئاقتى،ئالاھەزەل ئىككى-ئۈچ ئارغامچا بويى ئاققاندىن كىيىن سۇ ئېقىتىپ يىقىتىۋەتكەن بىرتۈپ جىەدە دەرىخىنى تۇتىۋالدى دە شۇنى تۇتۇپ بىردەم دەم ئېلىۋالغاندىن كىيىن ئۇ  بۇ جىگدە دەرىخىنى تۇتۇپ يەنە ھېلىقى گەۋدىنى قىرغاققا سۆرەپ ماڭدى،قىرغاققا چىقايلا دەپ قالغاندا ئالماسنىڭ كاستىيۇمى جىگدە شېخىغا ئىلىنىپ قالدى،ئالماس ئالدىبىلەن جاننى قۇتۇلدۇرۇشنى ئويلاپ قوللىرىنى نۆۋەتلەشتۈرۈپ،بىر قولى بىلەن سۇغا چۈشۈپ كەتكۈچىنى تۇتۇپ تۇرۇپ،كاستىيۇمىنى سېلىپ قويۇپ،ئاخىرى بۇ گەۋدىنى قىرغاققا ئېلىپ چىقتى-دە بىر-ئىككى قېتىم ئۇلۇغ-كىچىك نەپەس ئالغاندىن كىيىن سۇغا چۈشۈپ كەتكەن كىشىنى دەرھال ئوڭدىسىغا قىلىپ قارىدى،بۇ 12~13ياشلار چامىسىدىكى بىر ئوغۇل بالا بولۇپ،قارىماققا ھاياتىدىن ئۈمۈت باردەك قىلاتتى،ئالماس بۇ بالىنى دەرھال بېشىنى تۈۋەن قىلىپ ياتقۇزۇپ مەكتەپتە ئۆگەنگەن سۈنئى نەپەسلەندۈرۈش ھەركىتىنى ئىشلىدى،بالىنىڭ ئېغىزىدىن بۇقۇلداپ سۇ ياندى. ئالماس دەل شۇ چاغدىلا مەرھۇم دادىسىغا كۆرسەتمەكچى بولغا تەقدىرنامىنىڭ ھېلىمۇ كاستىيۇمى بىلەن بىرگە جىگدە دەرىخىگە ئىلىنىپ تۇرغانلىقىنى ئەسكە ئالدى-دە ئۇنى ئېلىپ چىقىش ئۈچۈن يەنە بىر قېتىم سۇغا كىردى.كىردىيۇ ئەمما بۇ قېتىم تەلەي ئۇنىڭغا تەتۈر باقتى،تىلتىزلىرى يىمىرىلىپ ئاران قالغان بۇ جىگدە دەرىخىنىڭ يىلتىزلىرى پۈتۈنلەي ئاجراپ ئالماس بىلەن قوشۇلۇپ ئېقىشقا باشلىدى،شۇ تاپتا ئەمدىلا ئون گۈلىنىڭ بىرسى ئېچىلىش ئالدىدا تۇرغان ياش بىر يىگىت ئۆزىنىڭ سەپىرى ئۈستىدە ئويلىنىشقا ئامالسىز ئىدى،ئۇ تەقدىرنامىسىنى ئېلىپ دادىسىنىڭ تۇپراق بېشىغا بارارمۇ؟ بۇ تەقدىرنامىنى نەچچە يىلدىن بىرى ئۆزىگە ئانا ھەم ئاتا بولۇپ كېلىۋاتقان ،شۇتاپتا ئىسسىق تاماق تەييارلاپ ئوغلىنىڭ كېلىشىنى تەقەززالىق بىلەن كۈتىۋاتقان ئانىسىغا كۆرسىتەرمۇ؟.....
      ئۇ بەلكىم تەقدىرنامىسىنى ئۇدۇللا مەرھۇم دادىسىنىڭ يېنىغىلا ئېلىپ ماڭغاندەك قىلاتتى،ئۇنىڭ بۇ سەپىرى ناھايتىمۇ جىمجىت،ناھايتىمۇ ئىزسىزلا داۋام قىلىۋاتاتتى.رەھىمسىز سۇ ياشلىق باھارى ئۇرغۇپ تۇرغان،كۆڭلىگە تولىمۇ ئۇلۇغ ئارزۇ-ئىستەكلەرنى پۈككەن بۇ ئوقۇتقۇچىنى يالماپ كەتتى.
      مەرھۇم قۇتۇلدۇرىۋالغان بۇ بالا بولسا كەچ كىرگەندىلا شەھەردىن قايتىۋاتقان بىرنەچچە كىشى تەرپىدىن دوختۇرخانىغا ئېلىپ كېلىندىيۇ بىراق خاتىرسىنى يۇقاتقانلىقتىن كىيىنچە ئاتا-ئانىسىنىڭ سۈرۈشتۈرشى بىلەن ئائىلىسىگە قايتالىدى،بىراق ئۆزىنىڭ باشتىن كەچۈرگەن قىسمەتلىرىنى سۆزلەپ بېرىشكە ئامالى يوق ئىدى.
      _ ئاڭلىدىڭلارمۇ،ئالماس يوقاپ كېتىپتۇ.
      _ ئالماس مۇئەللىم يوقاپ كېتىپتۇ.
      _ئالماس ئالى مەكتەپتە بىرگە ئوقۇغان بىر قىز ساۋاقدىشىنى ئىزدەپ ئۈرۈمچىگە كەتكەنمىش.
      _ جېنىم ئوغلۇم،تىزراق قايتىپ كەلسەڭ بولاتتى.
      كۇچا-كويلار،مەكتەپ ۋە مەھەللىلەردە ئالماس ھەققىدە پاراڭلار كۆپ ئىدى.ياش تۇرۇپلا ئۆمۈرلۈك ھەمراھىدىن ئايرىلىپ،تۇل ياشاشنىڭ تەمىنى بولىشىغا تېتىغان بىچارە ئانىغا ئەمدى يۈرەك پارىسىدىن ئايرىلىش تېخىمۇ ئېغىر كەلگەن بولسىمۇ،بىراق ئۇ ئوغلىنى ھامان قايتىپ كېلىدۇ دەپ ئۈمۈد بىلەن ياشاشقا مەجبۇرى ئىدى.
      _ قانداق قىلىمىز؟يۇقىرنىڭ بەلگىلىمىسىگە ئاساسەن ئىشقا كەلمىگەن ۋاقتى 15كۈنگە يەتسە گىزتكە ئېلان بېرىش ئارقىلىق ئىشتىن توختىتىش كېرەك .
      _ھېلىمۇ ئالماس مۇئەللىمنىڭ يوقاپ كەتكىنىگە 20نەچچە كۈن بولۇپ قالدى،شۇڭا ئىككىلەنمەي گىزتكە ئېلان بېرىپ،ئىشتىن توختىتىش توغرىسىدا ئۇقتۇرۇش قىلىپ،بىر نۇسقىسىنى مائارىپ ئىدارىسىنىڭ كادىرلار ئىشخانىسىغا يوللاپ بېرەيلى.
      _ ئەمسە شۇنداق بولسۇن.
       شۇنداق قىلىپ مەكتەپ نامىدىكى ئالماس مۇئەللىمنى ئىشتىن توختىتىش توغرىسىدىكى ئۇقتۇرۇش گىزتكە بېرىلدى، مەكتەپ رەھبەرلىرىمۇ بىر چوڭ باش قېتىقچىلىقىنى ھەل قىلغاندەك يىنىكلەپ قالدى.گىزت پۈتۈن ۋىلايەتكە تارقالدى،ھەممە ئادەم بۇ ئىشتىن خەۋەر تاپتى.ئەپسۇس بۇ گىزت جەننەتكە تارقىتىلمىغان بولغاچقا ئالماس مۇئەللىم بۇ ئۇقتۇرۇشنىڭ مەزمۇنىدىن خەۋەرسىز ئىدى.

ئۇيغۇرۇم

ھەقىقەتەن ياخشى يېزىلغان ھىكايە ئىكەن مەن بەك تەسىرلەندىم.
رەھمەت سىزگە قېرىندىشىم....................................!

خۇمارى

ھەقىقەتەن ياخشى يېزىپسىز،تەسەۋۇرىڭىزنى قانات يايدۇرۇپ بىر ئۇقۇتقۇچىنىڭ ئوبرازىنى تىكلەپ بىرىپسىز،ئەگەر مۇ شۇ تىمىدا كۆپرەك ئىزدەنسىڭىز،ئەتراپىمىزدىكى ئۆزىنىڭ مەجبۇرىيتىنى ئۇنتۇپ،راھەتكە يۈگۈرىدىغان،كەسپىمىزگە سۇقۇنۇپ كىرىۋالغانلارنىڭ روھىنى ئويغۇتۇشقا ياردىمى بۇلارمىكىن دەيمەن.

دىلكەش

ياخشى ھىكايىكەن .

دىلكەش

ياخشى ھىكايىكەن .

ئۇبۇل2919

ھەقىقەتەن ياخشى يېزىپسىز دوستۇم،.  بۇ باشلىقلارنى قانداق قىلغۇلۇق!!!؟؟؟؟؟؟

زەپەر

مەنبەسىنى تەپسىلىرەك ئەسكەرتىپ قۇيۇڭ ياخشى يېزىلغان ھىيكايىكەن

123----8

بۇ ھېكايىنى ئۆزەم يازغان،مەنبەسى ئۆزەم،تېما جەھەتتىن پەقەتلا «جەننەتكە ئورۇلغان تىلفۇن»ناملىق قىسقا فىلىمنىڭ تېمىسىدىن ئىلھاملىنىپ ماۋزۇ قويدۇم شۇ.

ئىلغار

ھەقىقەتەن ياخشى يېزىلغان ھىكايە ئىكەن مەن بەك تەسىرلەندىم.
رەھمەت سىزگە

ھەبى

ھەقىقەتەن ياخشى يېزىلىپتۇ، ھازىرقى ئەھۋالنى ياخشى يوروتۇپ بىرىپسىز،  باشلىقلارنىڭ تىپىك مىجەزىنى كۆرسىتىپسىز، ھەم ھەقىقى ئوقۇتقۇچىنى قېزىپ چىقىرىپسىز. رەھمەت سىزگە.