بولدى، ئۇنۋان ئالمايمەن (نونى)

كۆل

ئۈنۋان ئىلىشنىڭ تەسلىكى ھەقىقى ئەكىس ئەتتۈرۈلۈپتۇ.بىر قىسىم مەكتەپلەردە يىشى چوڭلارغا،خىزمەتنى ياخشى ئىشلەيدىغانلارغا ئۈنۋان يوق،باشلىقلارنى يوقلىغانلارغا ئۈنۋان بىرىلىۋاتقان ئىشلار يوق ئەمەس.بەكمۇ قاملاشتۇرۇپ يېزىپسىز.تېخىمۇ ياخشى ئەسەرلەرنى يېزىپ يوللىغايسىز.

خۇمارى

تارىخىمىز ئوخشاشكەن ،مەنمۇ ئۇنۋان ئالمىدىم.
پىشقەدەمگە يول قۇيۇپ،ئۇرۇن بىرىپ ھارمىدىم.
ئەمدى كەلمەس ئۇنىۋان ،ھەريىل بەرسەم ئىمتىھان.
ۋاقتى تۇشۇپ كىنىشكە، تۇلۇقلاپ بولالمىدىم.
تەستە ئالساق كىنىشكە،ۋاقتى ئۈتەر شۇنچە تىز،
ھەر يىل يېڭلاپ بۇلالماي پايپاسلاپلا يۈرىمىز.
كەلسە ئۇنۋەن ئەگەردە يۈزۇمىزنى ئۆرۇپلا،
ئۇزاق يىللىق خىزمەتداش رەقىپلاردەك بولىمىز.
ئاۋاز قۇيار پۇقراغا،ياغلىماچلىق قىلىمىز،
كىمنىڭ گىپى چوڭ بولسا شۇتەرەپكە ئۈتىمىز،
ھەق بولسۇن دەپ جار سېلىپ جاھاننى بىر كىيىمىز
بىراق يوقتۇر ھەقىقەت بۇنى ئوبدان بىلىمىز.
قاقشاپ كەتمەڭ ھەرگىزمۇ كەلمىگنگە ئۇنىۋان.
ئەۋلات ئۈچۈن ياشايمىز بۇنى ئوبدان بىلىۋال
گۈل ئېچىلسا ئەجىردىن بىزگە ئالى شەرەپ ئۇ.
ئالمايمىز ئۇ ئۇنۋاننى چىكىڭىزگە تېڭىۋال!؟.....

saba007

بىرادەر مەمتىمىن، ياخشى تېمىنى يۇرۇتۇپسان.......جاپاكەش ئوقۇتقۇچىلارنىڭ  يەنى ئۆزلىرىنىڭ جاپالىق ئەمگىگىنىڭ مىۋىسىگە ئېرىشەلمىگەن ئۇستازلارنىڭ ساداسىنى ئىپادىلەپسەن.........

مۇۋاپىقىيەت تىلەيمەن.....

گۈلخان

باتۇق يوللىغان ۋاقتى  2013-5-20 17:16
مۇشۇ ئۇنۋان  دىسە تارىختىكى تەڭسىز شەرتنامىلەر كۆز ئال ...

دەل جايىغا چۈشكەن ئوخشىتىش.

alahidin

[color=Red]ئېلىۋال

ئالاھىدىن ئابدۇرېشىت

ئۇنۋان دېمەك-پۇل دېمەك، ئامال قىلىپ ئېلىۋال،
قېيداپ يۈرمەي، كۆڭلۈڭنى خۇشال قىلىپ ئېلىۋال،
رەقىبىڭنى بوش قويماي ئوسال قىلىپ ئېلىۋال،
ئۆكتەملىكنى، زورلۇقنى قورال قىلىپ ئېلىۋال،
كېچە-كۈندۈز ئۇخلىماي خىيال قىلىپ ئېلىۋال.

ئۇنۋان ساڭا كەلمەيدۇ تالاشقانغا يول قويساڭ،
بولالمايسەن ئىتچىلىك، قاۋاشقانغا يول قويساڭ،
باشلىق بىلەن يۇندىنى يالاشقانغا يول قويساڭ،
دوڭغۇيۇشۇڭ بىھاجەت باشلىقىڭغا پۇل قويساڭ،
نېمە قىلساڭ بوپتۇلا، دەرھال قىلىپ ئېلىۋال.

سالالمىساڭ داستىخان، ئۇنۋان تۈگۈل پوقمۇ يوق،
ۋىجدانىڭغا پەشۋا بار، خۇشامەتكە دوقمۇ يوق،
ئۈمىد كۈتمە «بار» دىن سەن، ساڭا ھەتتا «يوق» مۇ يوق،
ئۆلەي دېسەڭ نومۇستىن، يەنە بىكار ئوقمۇ يوق،
ھارام ئالماي نەدە بار ساڭا ھالال، ئېلىۋال؟

بىلىپ قويغىن ئۇنۋان يوق تارتقان جاپا-جەۋرەڭگە،
پەرۋا قىلماس ھېچكىشى قانائىتىڭ-سەۋرەڭگە،
يامغۇرمۇ يوق تۆھپەڭگە يانتاق ئۈنسە قەۋرەڭگە،
مىراس قالسۇن ئۇنۋانىڭ ئەۋلادىڭغا-نەۋرەڭگە،
خالايىقنىڭ ئالدىدا سېلىپ تامبال ئېلىۋال!

2013-يىلى، 5-ئاينىڭ 21-كۈنى، يېڭىسار.

بايقاش

ئۈنۋان ئېلىش ئوقۇتقۇچىلارنىڭ بېشىنى ئاغرىتىۋاتقان مەسىلىلەرنىڭ بىرى. ئالمىسا تېخى بولمىغان، ئالاي دىسە تۈرلۈك كۆرسەتكۈچ تەلەپلەرگە يىتىشنىڭ تەسلىكى. بەزىدە مەن سىزگە ئوخشاش ئويلاردا بولىمەن.

pari

زەپەر يوللىغان ۋاقتى  2013-5-20 20:53
بەك ياخشى يېزىپ قۇيۇپسىز نونى ئەپەندىم .ئۈنۋان ئېلىش ئ ...

ھېچنىمىنى بىلمەيدىغاندەكلا گەپ قىلسىزيا ؟
سىزگە ئاسان بىلىنگەن بىلەن ......................
ھەقىقەتەن ياخشى يېزىلىپتۇ ، بولۇپمۇ مۇنۇ مىسرالاردىن بەك سۈيۈندىم ،
ئۇنۋان سېنىڭ ، ئېلىۋال ! بولدى ،ئۇنۋان ئالمايمەن ،
سەنلا ئېلىپ بېيىۋال ! بولدى، ئۇنۋان ئالمايمەن ،
نىكاھلىنىپ تېگىۋال! بولدى ،ئۇنۋان ئالمايمەن،
يۈرىكىڭگە تېڭىۋال ! بولدى ئۇنۋان ئالمايمەن ،
راست گېپىم بۇ بىلىۋال! بولدى،ئۇنۋان ئالمايمەن .
دىمەك كۆپىنچە ئوقۇتقۇچىلارغا مانا مۇشۇ گەپلەرنى دىگۈزىۋېتىدۇ بۇ ئۇنۋان ئىشى .

ئەبگاھ

چېرىك ئەمەلدارلار  ئورۇن بىكار قىلمىغۇچە ياخشىلارغا  ياخشى كۈن يوق.

otmakani

otmakani