سىنىپ خىزمىتى پىلانىنى قانداق تۈزۈش كېرەك

maris816/mg/mg/

سىنىپ خىزمىتى پىلانىنى قانداق تۈزۈش كېرەك
سىنىپ خىزمىتى پىلانى سىنىپ مودىرىنىڭ سىنىپ خىزمىتىنى ياخشى ئىشلەشتىكى موھىم قورالى بولۇپ ، ھەر ئوقۇش ماۋسۇمىدا بىر قېتىم تۈزلىدۇ . بۇنى سىنىپ مودىرى ئۆزى تۈزىدۇ .
1.        سىنىپ خىزمىتى پىلانىنى تۈزۈشتىكى ئاساسلار
1)        پارتىيىنىڭ مائارىپ فاڭجىنى بولۇپ ، ئۇنى خىزمىتىدە ئىزچىللاشتۇرۇشنى ئاسا قىلىش كېرەك .
2)        مائارىپ مىنىستىرلىكى تۈزۈپ تارقاتقان ئوقۇتۇش پروگراممىسى . بۇ پراوگرامما يېتەكچىلىك رولىغا ئىگە بولۇپ ، سىنىپنىڭ ئوقۇتۇش ، تەلىم – تەربىيە پىلانى . بۇ يېتەكچىلىك رولىدىن چەتنىسە بولمايدۇ .
3)        مەكتەپ ۋە ئىلمى بۆلۈم ، ئەخلاق تەربىيە بۆلۈمنىڭ خىزمەت پىلانى . بۇ پىلانلارنىڭ مەزمۇنى سىنىپ خىزمىتى پىلانىدا گەۋدىلەندۈرۈلگەن بولىشى كېرەك .
4)        سىنىپنىڭ ئەمەلىيتى . سىنىپ خىزمەت پىلانى سىنىپنىڭ ئەمەلىيتىنى چىقىش قىلغان بولىشى ، سىنىپ ئەمەلىيىتىگە تامامەن ئۇيغۇن بولىشى كېرەك .
5)        پىلان ئەقىلگە مۇۋاپىق ، تولۇق ئەمەلگە ئاشۇرغىلى ۋە نىشانغا يەتكىلى بولىدىغان بولىشى كېرەك . پوچىلىق قىلىشقا ، قۇرۇق گەپ سېتىشقا بولمايدۇ .
6)        سىنىپ مودىرىنىڭ ۋەزىپىسى پىلان مەزمۇنىدا گەۋدىلىنىشى كېرەك .
7)        سىنىپ خىزمىتى پىلانىنى تۈزۈشتىكى يەنە بىر موھىم ئاساس ھەقىقەتنى ئەمەلىيەتتىن ئىزدەش روھى .سىنىپ خىزمىتى پىلانى چوقۇم مۇشۇ روھ بويىنچە تۈزلىشى كېرەك .
2.        سىنىپ خىزمىتى پىلانىنى يېزىش تەرتىۋى
1)        سىنىپنىڭ ئومۇمى ئەھۋالىنى يېزىش
ئوقۇغۇچى سانى ، ئوغۇل قىزلار سانى ، ئىتتىپاق ، پىئونىرلار سانى ، ياش ئايرىمىسى ،ئائىلە ئەھۋالى ( شەھەر نوپۇسى ۋە يېزا نوپۇسىمۇ ئەسكەرتىلىشى لازىم ) كادىر ، ئىشچى – خىزمەتچىلەر باللىرى ، دىھقان باللىرى ، مىللەت ئايرىمىسى ، سىنىپنىڭ ئالدىنقى ماۋسۇمدىكى ئۈگۈنىش نەتىجىسى ، دەرسلەرنىڭ ئۆزلىشىش ۋە لاياقەتلىك بولۇش پىرسەنتى ، ئەلاچى ئوقۇغۇچىلار سانى ، دەرستە يېتىشەلمىگەن ئوقۇغۇچىلار سانى ، ئەخلاقتا ئەلاچى باھالانغانلار سانى ، سىنىپنىڭ ھەر خىل پائالىيەتلەردىكى نەتىجىسى ، مەكتەپ بويىنچە رەت تەرتىۋى قاتارلىقلار يېزلىشى لازىم .
2)        سىنىپ خىزمىتىدىكى كونكىرت نىشانلارنى يېزىش
بۇ نىشانلار چوقۇم ئەمەلىيەتنى ئاسا قىلىپ يېزلىشى ، تىرىشسا چوقۇم يېتەلەيدىغان نىشان بولىشى لازىم .
مەسىلەن : ئوقۇغۇچىلارنىڭ تۇراقلىشىشى ، دەرسلەرنىڭ ئۆزلىشىشى ، ئەلاچى ئوقۇغۇچىلار نىسپىتى ، ئەخلاقتا ئەلا باھالىنىدىغانلار سانى ، تەنتەربىيەدە لاياقەتلىك بولىدىغانلار ۋە چېىنىقىش ئۆلچىمىگە يېتىش ، سالامەتلىك تەكشۈرتۈشتە لاياقەتلىك بولۇش ، تازلىق ،ئەمگەك ۋە ھەر خىل ئىجتىمائى پائالىيەتلەر ، ھەر خىل مۇسابىقىلەر قاتارلىق تەرەپلەردىكى نىسپىتىنى يۇقۇرى كۆتۈرۈش قاتارلىقلار .
3)        ئەخلاق تەربىيە خىزمىتى
ئەخلاق تەربىيە خىزمىتى پىلانىدا مۇنداق ئىككى نوختىنى گەۋدىلەندۈرۈش كېرەك :
بىرى ، سىنىپتا ساقلىنىۋاتقان خاھىش خراكتىرىدىكى مەسلىلەرنى تۈزىتىشنى چىقىش قىلىپ ئېلىپ بېرلىدىغان تەربىيە .
يەنە بىرى ، ئوقۇغۇچىلارنىڭ ئەخلاقى سۈپىتىنى بىر دەرىجە يۇقۇرى كۆتۈرۈش ، يېڭى بىلىم بېرىشنى ، تونۇشنى يۇقۇرى كۆتۈرۈشنى مەخسەت قىلغان تەربىيە .
بۇنىڭ مەزمۇنلىرى : ۋەتەنپەرۋەرلىك تەربىيسى ، كوللىكتىۋىزىملىق تەربىيسى ، مىللەتلەر ئىتتىپاقلىقى تەربىيسى ، پەننى سۆيۈش ، تىرىشىپ ئۈگۈنىش تەربىيىسى ، قانۇن - تۈزۈم تەربىيسى ، قائىدە – ئۆلچەم تەربىيىسى ، ئاتا – ئانىلارنى چوڭلارنى ، ئۇستازلارنى ھۆرمەتلەش تەربىيىسى ، توغرا بولغان كىشىلىك ئەخلاق تۇرغۇزۇش تەربىيىسى ، ئاممىنىڭ مال – مۆلكىنى ئاسراش تەربىيسى ، مەخسۇس سىنىپ يىغىنى تىمىللىرى ، ۋاقتى قاتارلىقلارنى ئۆز ئىچىگە ئالىدۇ .
4)        ئەخلاق تەربىيە خىزمىتى
ئەقلى تەربىيە خىزمىتى پىلانىدا ئوقۇغۇچىلارنى تىرىشىپ ئۈگۈنىدىغان ، مۇستەققىل ئۈگۈنىدىغان ، ئىمتىھان بېرىدىغان ، ئەتراپلىق بىلىم ئىگەللەشكە تىرىشىدىغان ، تەپەككۇر قابىليىتىنى ئاشۇرىدىغان ، توغرا ئىلمى ئۈگۈنىش ئۇسۇلىنى بىلىدىغان ،تاپشۇرۇقنى مۇستەققىل ئىشلەيدىغان قىلىشنى ۋە پۈتۈن سىنىپنىڭ ئۈگۈنش نەتىجىسىنى يۇقۇرى كۆتۈرۈشنى چىقىش قىلىش كېرەك .
بۇنىڭ كونكىرىت مەزمۇنلىرى :ھەر قايسى پەنلەرنىڭ ئۆزلىشىشى ۋە لاياقەتلىك بولۇش نىسپىتىنى قانچە پىرسەنتكە يەتكۈزۈش ، ھەر قايسى پەنلەردىكى ئەلاچىلار سانىنى قانچىگە يەتكۈزۈش ، دەرستە يېتىشەمىگەنلەرنىڭ سانىنى قانچىلىك ئازلىتىش ، قايسى پەنلەردە زىھىن سىناش مۇسابىقىسى ئېلىپ بېرىش ، ئوقۇش قوراللىرىنى تەكشۈرۈش ، تاپشۇرۇقنى ۋاقتىدا تولۇق ئىشلەشنى ئومۇملاشتۇرۇش ، ئۈگۈنىش قىزغىنلىقىنى يۇقۇرى كۆتۈرۈش ، ئارقىدا قالغان ئوقۇغۇچىلارنى يېتەكلەش ، دەرستىن سىرىتقى ئۈگۈنىشنى تەشكىللەش ، ھەر قايسى پەن ئوقۇتقۇچىللىرى خىزمىتى قاتارلىقلاردىن ئىبارەت .
5)        جىسمانىي تەربىيە خىزمىتى
جىسمانىي تەربىيە خىزمىتى پىلانى ئوقۇغۇچىلارنىڭ بەدەن سۈپىتىنى ئۆستۈرۈشنى ، سالامەتلىكنى ئاسراشنى ، ياخشى تازلىق ئادىتى يېتىلدۈرۈشنى چىقىش قىلىشى كېرەك .
بۇنىڭ كونكىرتنى مەزمۇنى : ئىككى گىمناستىكىغا قويلىدىغان تەلەپ ، سىنىپ ، مەيدان ، شەخسى تازلىققا قويلىدىغان تەلەپ ، تەنتەربىيە بىلەن چېنىقىش خىزمىتى ، مەكتەپ سىنىپ ئىچىنى گۈزەللەشتۈرۈش خىزمىتى ، سالامەتلىكنى ئاسراش ، تەن ساغلاملىقىنى ئاشۇرۇش خىزمىتى ، سىنىپ ئۆزى تەشكىللەيدىغان تەنتەربىيە مۇسابىقە پائالىيتى ، ئەمگەك پائالىيىتى قاتارلىقلاردىن ئىبارەت .
6)        مەكتەپ ئائىلە تەربىيسىنى ماسلاشتۇرۇش خىزمىتى
بۇ پىلان مەتكەپنىڭ تەلىپى بىلەن ئاتا – ئانىلارنىڭ خىزمىتىنى ماسلاشتۇرۇش ، مەكتەپ تەربىيىسى بىلەن ئائىلە تەربىيىسىنى ماسلاشتۇرىدىغان باشقا تەدبىرلەردىن ئىبارەت .
7)        ئوقۇغۇچىلارنى دەرستىن سىرتقى پائالىيەتلەرگە تەشكىللەش
بۇ پىلان ئوقۇغۇچىلارنىڭ دەرستىن سىرتقى پائالىيەتلەرنى جانلاندۇرۇشنى ، بەلگىلىك قابىليەت ۋە ئىقتىدار يېتىلدۈرۈشنى  چىقىش قىلىش كېرەك .
بۇنىڭ كونكىرتنى مەزمۇنى : ئوقۇغۇچىلارنى ئۆز قىززىقىشى بويىنچە ھەر خىل كۇرژىكلارغا تەشكىللەش ، ئېكىسكۇرسىيە ، زىيارەت ، ھەر خىل مۇسابىقە پائالىيەتلىرىنى ئېلىپ بېرىش ، ئاممىغا مەنپەئەتلىك ، خالىسانە ئەمگەك پائالىيەتلىرىگە ئۇيۇشتۇرۇش قاتارلىقلاردىن ئىبارەت .
8)        سىنىپ كادىرلىنى تەربىيلەش خىزمىتى
بۇ پىلان سىنىپ كادىرلىرىنىڭ رولىنى تولۇق جارى قىلدۇرۇشنى چىقىش قىلىشى كېرەك .
بۇنىڭ كونكىرتنى مەزمۇنى : سىنىپ ھەيئەتلىرىنى تۇرغۇزۇش ، ئۇلارنىڭ خىزمەت ۋەزىپىسىنى ئايدىڭلاشتۇرۇش ، سىنىپ كادىرلىرى يىغىنىنى قەرەللىك ئېچىش ، سىنىپ كادىرلىرىنىڭ رولىنى تولۇق جارى قىلىش قاتارلىقلاردىن ئىبارەت .
9)        سىنىپنىڭ قائىدە -ۈزۈملىرى خىزمىتى
بۇ پىلاندا يېڭىدىن تۈزلىدىغان ، ئۆزگەرتىلىدىغان ، يېڭى تەلەپ قويلىدىغان قائىدە –تۈزۈملەر يېزلىشى لازىم .
10)        مەكتەپكە قويلىدىغان تەلەپلەر يېزلىشى كېرەك ۋە باشقىلار .

زەپەر

سىنىپ مۇدىرلىرى بۇ ئەھۋاللارنى تۇلۇق يازمايدۇ دە . رەخمەت سىزگە ھەر بىر ئۇقۇتقۇچى چۇقۇم بىلىشكە تىگىشلىك بولغان مۇھىم مەزمۇنكەن     

安外尔

كۆپ رەخمەت ىسزگە ئۈستاز. ىسنپ مۇدىرلىرى مۇشۇ بۇيىچە پايدىلىنپ ىسنپ پىلانىنى يازسا بۇلىدىكەن .