تۈنۈگۈن چۈشتىن كېيىن، شەندۇڭنىڭ جاۋيەندە يۈز بەرگەن 28-ماي قەستەن ئادەم ئۆلتۈرۈش ۋەقەسىدىكى بەش جىنايەت گۇماندارى قانۇن بويىچە قولغا ئېلىندى. ئۇلارنىڭ ھەممىسى ھەممىگە قادىر تەڭرى بىدئەت تەشكىلاتىنىڭ ئەزالىرى، بۇ قەبىھ ۋەقە ئۇددا بىرقانچە كۈندىن بۇيان قاتتىق ئەيىبلەشكە ئۇچرىدى، جەمئىيەت بىدئەت تەشكىلاتلارغا داۋاملىق زەربە بېرىشنى مۇراجىئەت قىلدى. مەملىكەتلىك سىياسىي كېڭەشنىڭ ئەزاسى، دىنىي مەسىلىلەر مۇتەخەسسىسى ۋاڭ شۇلى مۇخبىرغا مۇنداق دېدى: پۈتۈن مەملىكەتنى چۆچۈتكەن شەندۇڭنىڭ جاۋيۈەندە يۈز بەرگەن 28-ماي قەستەن ئادەم ئۆلتۈرۈش ۋەقەسى ھەممىگە قادىر تەڭرى بىدئەت تەشكىلاتىنىڭ بىدئەتچىلىك ماھىيىتىنى يەنە بىر قېتىم ئاشكارىلىدى. بىدئەتچىلىك دىن ئەمەس، ئۇ دىنغا قارشى. ۋاڭ شۇلى مۇنداق دېدى: بۇ دېلو ھەممىگە قادىر تەڭرى بىدئەت تەشكىلاتىنىڭ ئىنسانىيەتكە، جەمئىيەتكە، ئاساسىي قانۇنغا قارىشى ماھىيىتىنى يەنە بىر قېتىم ئاشكارىلىدى. ئۇلارنىڭ ئەقىدىسى ئىنسانىيلىقتىن چەتنىگەن، ئەقىلگە سىغمايدۇ، ئۇ دىن ئەمەس، ئەكسىچە دىنغا قارشى بىدئەتچىلىك. نۇرغۇن مۇتەخەسسىسلەر مۇنداق دەپ قارىدى: بۇ دېلو بىدئەت تەشكىلاتىنىڭ ئائىلىدە تارقىلىشتەك ئالاھىدىلىكىنى ئاشكارىلىدى، بىر كىشى بۇ دىنغا ئىشىنىدۇ، ئاندىن پۈتۈن ئائىلىدىكىلەر ئۇنىڭغا ئەگىشىدۇ ھەمدە ئوچۇق ئاشكارا ئاممىۋىي سورۇنلاردا باشقىلارنى دىنغا كىرىشكە مەجبۇرلايدۇ، ئۇلارنىڭ ئارزۇسىغا خىلاپلىق قىلغان بىگۇناھ پۇقرالارغا ئەسەبىي زوراۋانلىق ھەرىكەت قوللىنىدۇ. ئەگەر بۇ بىدئەت تەشكىلات تەرەققىي قىلىۋەرسە، جەمئىيەتتە داۋالغۇش پەيدا بولىدۇ، جەمئىيەتنىڭ مۇقىم تەرەققىي قىلىشىغا بۇزغۇنچىلىق قىلىدۇ. شەندۇڭ ئۇنىۋېرسىتېتىنىڭ جەمئىيەتشۇناسلىق پىروفېسسورى ۋاڭ جۇڭۋۇ مۇنداق دېدى: بۇ دېلونىڭ جەمئىيەتكە بولغان تەسىرى بەك يامان بولدى، ئالاقىدار تارماقلارنىڭ ھەممىگە قادىر تەڭرى قاتارلىق بىدئەت تەشكىلاتلارغا باشتىن ئاخىر يۇقىرى بېسىملىق قاتتىق زەربە بېرىش پوزىتىسىيەسى تۇتۇپ، تېخىمۇ كۆپ بىگۇناھ پۇقرالارنىڭ زىيانكەشلىككە ئۇچرىشىنىڭ ئالدىنى ئېلىشى ھەققىدە تەكلىپ بېرىمەن.
