<روزا>لۇغەت مەنىسىدە تۇتۇش،دىننىي ئاتالغۇ مەنىسىدە ئىسلام دىندىكى مۇسۇلمانلارنىڭ رامىزان ئېيىدا ھەر كۈنى تاڭ سەھەردىن باشلاپ كۈن ئۇلتۇرغانغا قەدەر ئاللانىڭ رازىلىقى ئۈچۈن يىمەك-ئىچمەك،جېنسىي مۇناسىۋەتتىن ۋە باشقا روزىنى سۇندۇرغۇچى ئامىللاردىن ئۆزىنى تارتىش دىگەنلىك بۇلىدۇ. روزاتۇتۇش قەدىمكى ئىبادەتلەرنىڭ بىر تۈرى بۇلۇپ،ئۇ بۇندىن بۇرۇن ئاللاھ تەرىپىدىن دۇنياغا كەلگەن دىنلاردا مۇقەددەس ئىبادەتلەر قاتارىدا سانىلىپ كەلگەن بىر خىل دىننىي تۈزۈم.
  ئىسلام دىنىدا ھىجرىينىڭ 2-يىلى رامىزان ئېيىدا روزا تۇتۇش پەرز قىلىپ بەلگىلەنگەن.بۇھەقتە ئاللاھ <قۇرئان كەرىم>دە:<ئى مۆمىنلەر!روزا تۇتۇش خۇددى سىلەردىن بۇرۇنقى كىشىلەرگە پەرز قىلىپ بەلگىلەنگەندەك سىلەرگىمۇ پەرز قىلىندى>دەپ ئۇچۇق جاكارلىغان.(2-سۈرە،183-ئايەت).شۇنىڭدىن ئتىبارەن ئىسلام دىنىغا ئېتىقاد قىلىدىغان بارلىق مۇسۇلمانلار ھەريىلى بۇرامىزان ئېيىنى تەنتەنە بىلەن كۈتىۋالىدىغان،بۇئۇلۇغ ئاينىڭ كىرىشى بىلەن بىر-بىرىنى ئۆزئارا تەبرىكلىشىدىغان،پۈتۈن بىرئاي ئىچىدە ئۆزىنىڭ ساپ قەلبىنى ئۇلۇغ ئاللاغا بىغىشلاپ روزا تۇتىدىغان بۇلۇپ،بۇئاينى ئاللاھقا ئىبادەت قىلىدىغان ئۇلۇغ ئىبادەت مەۋسۈمىگە ئايلاندۇرغان.
  روزا ئېىيىدا ئاللاھ پۈتۈن جاھان ئەھلىگە رەھمىتىنى چاشقان بۇلغاچقا،بۇئاي باشقا ئايلاردىن قارىغاندا پەزىلەتلىك،ئەھمىيەتلىك ۋە زور خۇسىسىيەتلەرگە ئىگە ئۇلۇغ ئايلارنىڭ بىرىدۇر. بۇتۇغرىلىق پەيغەمبەر ئەلەيھىسسالام مۇنداق دىگەن:<سىلەرگە مۇبارەك بىر ئاي كىلىپ،بۇئايدا سىلەرگە روزا تۇتۇش پەرز قىلىندى،بۇئايدا جەننەتنىڭ ئىشىكلىرى ئىچىلىدۇ،دوزاخنىڭ ئىشىكلىرى تاقىلىدۇ،جىن-شەيتانلار كىشەنلىنىدۇ،بۇ ئايدا بىر كىچە بۇلۇپ بۇكىچە(قەدىركىچىسى)مىڭ ئايدىن ياخشىراق.ئەگەر بىر كىشى بۇكىچىنڭ ياخشى تەرەپلىرىدىن ئۆزىنى مەھروم قىلسا،ئۇنىڭغا نەسىپ بۇلمايدۇ>.يەنە مۇنداق دىگەن:<روزا خۇددى سىلەرنى ئۇرۇشتىكى قالقىنىڭلارغا ئوخشاش دوزاختىن ساقلاپ قالىدىغان قالغاندۇر>.يەنە مۇنداق دىگەن:<كىمكى ئاللانىڭ يولىدا بىر كۈن روزا تۇتىدىكەن ئاللاھ ئۇنىڭ يۈزىنى مۇشۇ كۈننىڭ سەۋەبى بىلەن دوزاختىن70يىل يىراقلاشتىرىدۇ>.يەنە مۇنداق دىگەن:<چۇقۇمكى جەننەتتە رەيھان دىيىلىدىغان بىر ئىشىك بار،ئۇئىشىكتىن قىيامەت كۈنى روزا تۇتقۇچىلارلا كىرىدۇ،ئۇلاردىن باشقا ھىچكىم كىرمەيدۇ،روزا تۇتقۇچىلار قېنى؟دىيىلىدۇ،ئۇلار ئۇرنىدىن تۇرىدۇ،ئۇئىشىكتىن ئۇلاردىن باشقا ھىچكىم كىرمەيدۇ،ئۇلار كىرسىلا ئىتىلىدۇ،ئاندىن ئۇئىشىكتىن ھىچكىم كىرمەيدۇ>.