ئامېرىكىدا چىقىدىغان‹‹فوبۇس›› ژورنىلى يېقىندا ، ‹‹دۇنيادىكى ئون چوڭ قەبىھ ئادەم››نى باھالاپ چىققان . بۇ ئون ئادەمنىڭ ھەممسىلا ئۆز دۆلىتىدە ۋە ياكى خەلقئارادا تۇتۇش بۇيرۇقى چىقىرىلغان جىنايەتچىلەر ئىكەن . بۇ باھالاش نەتىجىسى ئېلان قىلىنىش ئالدىدا ئامېرىكا ۋە باشقا دۆلەتلەرنىڭ قانۇن يۈرگۈزۈش ئورۇنلىرىنىڭ بېكىتىشىدىن ئۆتكەن .
1. ‹‹بازا تەشكىلاتى››نىڭ كاتتىبېشى بېن لادىن
‹‹11–سىنتەبىر›› ۋەقەسى يۈز بەرگىلى 6 يىل بولدى . بۇ ۋەقەنىڭ باش پىلانلىغۇچىسى بىن لادىن ھېلھەم خەلقئارالىق چوڭ كۆلەملىك تۇتۇشتىن ساقلىنىپ كەلدى . ئامېرىكا لادىننى تۇتۇپ بەرگەنلەرنى 25 مىليون ئامېرىكا دوللىرى بىلەن مۇكاپاتلايدىغانلىقىنى جاكارلىغان.
2. مېكسىكا زەھەر پادىشاھى گۇزمان
گۇزمان مېكسىكىدىكى ئەڭ چوڭ زەھەر ئەتكەسچىسى بولۇپ ، كولۇمبىيىدىن مەخسۇس كوكائىن كىرگۈزۈپ ، ئامېرىكىغا ئەتكەس قىلىدۇ . گۇزمان مېكسىكا بىلەن ئامېرىكا ئۇتتۇرىسىدىكى زەھەر يۆتكەش يولىنى كونتىرول قىلغان بولۇپ ، ئامېرىكا ئۇنى تۇتقانلارنى 5مىليون ئامېرىكا دوللىرى بىلەن مۇكاپاتلايدىغانلىقىن جاكارلىغان .
3 . روسىيە قارا گۇرۇھىنىڭ كاتتىبېشى ئالېم توختاخۇنوف
ئامېرىكا ئالېم توختاخۇنوفنى ‹‹خەلقئارا ئاسىيا–ياۋروپا جىنايى تەشكىلاتىنىڭ كاتتىبېشى ›› دەپ قارىغان . ئۇ زەھەر سېتىش ، قانۇنسىز قۇرال سودىسى قىلىش ۋە ئوغرىلانغان ئاپتوموبىللارنى ئەتكەس قىلىش جىنايىتى بىلەن ئەيىپلەنگەن .
4.ھىندىستان قارا گۇرۇھنىڭ كاتتىبېشى ئىبراھىم
داۋۇت ئىبراھىم ھىندىستاندىكى 1–نومۇرلۇق تۇتۇش بۇيرۇقى چىقىرىلغان جىنايەتچى شۇنداقلا تەشكىللىك جىنايى گۇرۇھ D شىركىتىنىڭ باشلىقى بولۇپ ، 1993–يىلى بومبايدا پارتىلىتىش ۋەقەسى پىلانلاپ ، 275 ئادەمنىڭ ئۆلۈشى ۋە 713 ئادەمنىڭ يارلىنىشىنى كەلتۈرۈپ چىقارغان دەپ ئەيىپلەنگەن .
5.ئىتالىيە قارا قول پارتىيىسىنىڭ كاتتىبېشى تىنالو
تىنالو دۇنيادىكى كۈچى ئەڭ زور شۇنداقلا جىنايى پاكىتلىرى تولۇق بولغان قارا گۇرۇھ ئىتالىيە قارا قول پارتىيىسىنىڭ كاتتىبېشى بولۇپ ، 1993–يىلى ئىتالىيىدە يۈز بەرگەن قىرغىنچىلىق خاراكتىرىدىكى بىر قېتىملىق پارتىلىتىش ۋەقەسى بىلەن مۇناسىۋەتلىك دەپ قارالماقتا .
6. رۋاندا ئىرقىي قىرغىنچىلىق ۋەقەسىنىڭ پەردە ئارقىسىدىكى كاتتىبېشى كابۇجا
كابۇجا ئافرىقىدىكى 1–نومۇرلۇق تۇتۇش بۇيرۇقى چىقىرىلغان جىنايەتچى شۇنداقلا رۋاندا ئىرقىي قىرغىنچىلىق ۋەقەسىنىڭ پەردە ئارقىسىدىكى كاتتىبېشى . ئۇ 1994–يىلىدىكى 100كۈن ئىچىدە 800مىڭ رۋاندالىقنى قىرغىن قىلىش ۋەقەسىگە چېتىشلىق .
7. كولۇمبىيە زەھەر ئەتكەسچىسى مالىن
مالىن كولۇمبىيىدىكى ئەڭ چوڭ زەھەر ئەتكەسچىسى بولۇپ ، زەھەر سېتىش ، بۇلاڭچىلىق ، تۇتقۇن قىلىش ۋە باشقا جىنايەتلەر بىلەن ئەيىپلەنگەن . ئامېرىكا ئۇنى تۇتقانلارنى 5مىليون دوللار بىلەن مۇكاپاتلايدىغانلىقىنى جاكارلىغان .
8. كانادا پارىس قارا گۇرۇھىنىڭ كاتتىبېشى تاۋېيلى
تاۋېيلى كانادادىكى پارىس قارا گۇرۇھىنىڭ كاتتىبېشى بولۇپ ، بىر ئامېرىكىلىق بوۋاينىڭ 3مىليون ئامېرىكا دوللىرىنى ئالداپ ئېلىۋالغانلىقى ئۈچۈن ، ئامېرىكا تەرىپىدىن تۇتۇش بۇيرۇقى چىقىرىلغان .
9. ئۇگاندا پارتىزانلار ئەترىتىنىڭ كاتتىبېشى كېنى
كېنى ئۆزىنىڭ پارتىزانلار ئەترىتى ئارقىلىق 2مىليون ئۇگاندالىقنى يۇرت–ماكانسىز قويغان ، بۇنىڭ ئىچىدە 30 مىڭدەك بالا ئالداپ كېتىلگەن . خەلقئارا جىنايى ئىشلار سوتى ئۇنى ئۇرۇش جىنايىتى ، ئىنسانىيەتكە قارشى تۇرۇش جىنايىتى قاتارلىق 33 جىنايەت بىلەن ئەيىپلەپ ، تۇتۇش بۇيرۇقى چىقارغان .
10. ئامېرىكا ‹‹قىشتىكى كىچىك تاغ گۇرۇھى›› نىڭ كاتتىبېشى بېرگېر
ئامېرىكا ‹‹قىشتىكى كىچىك تاغ گۇرۇھى›› نىڭ كاتتىبېشى جامىس بېرگېر بوستوننىڭ غەربىدىكى زەھەر ئەتكەسچىلىكى ، ئادامچىلىق ، قاقتى–سوقتى قىلىش ۋە نۇرغۇن ئادەم ئۆلتۈرۈش جىنايىتى بىلەن مۇناسىۋەتلىك دەپ ئەيىپلەنگەن .
