قازاقىستان ماي ئېكسپورتىنى ۋاقتىنچە توختاتتى

      قازاقىستان دۆلەتلىك تۆمۈريول شىركىتىنىڭ ئىچكى كېلىشىم ۋە ئىجتىمائىي ئالاقە تارمىقىنىڭ مۇدىرى مۇرات بۇلگىبايېۋ يېقىندا مۇنداق دېدى: نۆۋەتتە، قازاقىستاندىكى ھەرقايسى ئوبلاستلاردا دېھقانچىلىق ساھەلىرىنىڭ مايغا بولغان ئېھتىياجىنىڭ ئاران يېرىمىنىلا قاندۇرغىلى بولىدۇ، شۇڭا قازاقىستان ھۆكۈمىتى قازاقىستاننىڭ ئاشلىق بىخەتەرلىكىنى كاپالەتلەندۈرۈش ئۈچۈن، بۇ يىل 5 - ئاينىڭ 15 - كۈنىدىن 7 - ئاينىڭ 1 - كۈنىگىچە يېقىلغۇ ماي ماتېرىياللىرىنى ئېكسپورت قىلىشنى مەنئىي قىلدى. قازاقىستان تۆمۈريول شىركىتىمۇ قازاقىستان ھۆكۈمىتىنىڭ بۇيرۇقىغا ئاۋاز قوشۇپ، روسىيە، ئۆزبېكىستان، قىرغىزىستان ۋە باشقا دۆلەتلەرگە تەييار ماي ئېكسپورت قىلىشنى توختىتىشنى قارار قىلدى.