ۋەقە يۈز بەرگەن نەق مەيدان

    28–ئىيۇل چۈشتىن بۇرۇن سائەت 9:56 دە ، نەنجىڭ شەھىرى چىشيا رايونى ۋەنشوۋ يېزىسىدىكى نەنجىڭ 4– سۇلياۋ زاۋۇتىنىڭ كۆچۈرۈلگەن قۇرۇلۇش ئورنىدا قۇرۇلۇش ئىشچىلىرى يەر كولاۋېتىپ ئېھتىياتسىزلىقتىن پروپىل گازى تۇرۇبىسىنى ئۈزۈۋەتكەن ، گاز چىقىپ كەتكەندىن كېيىن نەق مەيداندا پارتلاش يۈز بەرگەن .
    نەنجىڭ شەھەرلىك ئوت ئۆچۈرۈش تارماق ئەترىتى مەلۇم قىلىش تېلېفونىنى تاپشۇرۇۋالغاندىن كېيىن تېزلىكتە تۆت ئوتتۇرا ئەترەت ، 15 ئوت ئۆچۈرۈش ئاپتوموبىلى ، 85 نەپەر ئوت ئۆچۈرۈش خادىمىنى تەشكىللەپ نەق مەيدانغا يېتىپ كەلگەن . سائەت 10:06 دە ، گاز تۇرۇبىسىنىڭ كلاپانى ئېتىۋېتىلگەن ، لېكىن سائەت 10:10 دا ، قاتتىق پارتلاش يۈز بېرىپ ، ئەتراپتىكى نۇرغۇن قۇرۇلۇشلار ئۆرۈلۈپ كەتكەن ، شۇنىڭ بىلەن بىرگە بىر قىسىم كىشىلەر كۆمۈلۈپ قالغان .
    نۆۋەتتە ، گاز تۇرۇبىسىنىڭ كلاپانى ئېتىۋېتىلگەن بولۇپ ، ئوت ئۆچۈرۈلۈۋېتىپتۇ ، قۇتقۇزغۇچى خادىملار كۆمۈلۈپ قالغانلارنى قۇتقۇزۇۋېتىپتۇ .