بىشكېك جۇڭگونىڭ قىرغىزستان تاۋارلىرىغا قارىتا بازارنى ئېچىۋېتىشىنى تەلەپ قىلدى

      قىرغىزستان ھۆكۈمىتى زۇڭلىسى ئىگور چۇدىنوۋ يېقىندا جۇڭخۇا خەلق جۇمھۇرىيىتى زۇڭلىسى ۋېن جياباۋ بىلەن ئۇچراشقاندا، مۇنۇلارنى ئوتتۇرىغا قويدى: بىشكېك دائىرىلىرى جۇڭگو ھۆكۈمىتىنىڭ قىرغىزستان تاۋارلىرىغا قارىتا بازارنى ئېچىۋېتىشىنى تەلەپ قىلىدۇ.
      ئىگور چۇجىنوۋ مۇنداق دەپ كۆرسەتتى: قىرغىزستان بازىرى جۇڭگونىڭ ئەلا سۈپەتلىك تاۋارلىرى ۋە مۇلازىمىتىگە دەرۋازىنى چوڭ ئېچىۋېتىدۇ، مەبلەغ سالغۇچىلارغا ھېچقانداق چەكلىمە قويمايدۇ. شۇڭا، قىرغىزستان تەرەپمۇ جۇڭگونىڭ قىرغىزستاننىڭ ئېلېكتر ئېنېرگىيىسى، تاماكىسى، تاماكا مەھسۇلاتلىرى، يېنىك سانائەت مەھسۇلاتلىرى، يېمەكلىك ۋە سانائەتتە پىششىقلاپ ئىشلەنگەن مەھسۇلاتلار قاتارلىق تاۋارلىرىغا بازارنى ئېچىۋېتىشىنى ئۈمىد قىلىدۇ، قىرغىزستان بۇ مەھسۇلاتلارنى ئېلىپ 2010 - يىلى شاڭخەيدە ئۆتكۈزۈلىدىغان دۇنيا كۆرگەزمىسىگە قاتنىشىشنى ئويلىشىۋاتىدۇ.