توي مۇراسىملىرىنى سۈرەتكە تارتىش ۋە ۋىدىئوغا ئېلىش ئىسلام دىنىمىزدا چەكلەنگەنمۇ؟

koxtikan

 
         توي مۇراسىملىرىنى سۈرەتكە تارتىش ۋە ۋىدىئوغا ئېلىش ئىسلام دىنىمىزدا چەكلەنگەنمۇ؟
 


 


     مەن يېقىندا توي قىلماقچى ئىدىم، توي مۇراسىمىنى سۈرەتكە تارتىش ۋە ۋىدىئوغا ئېلىش ئىسلام دىنىمىزدا چەكلەنگەنمۇ؟، چۈنكى بىزنىڭ توي مۇراسىمىمىزنى كۆرۈشنى ئىختىيار قىلغان دوستلىرىمىز بار، مۇراسىمىنى سۈرەتكە تارتماستىن ۋىدىئوغا ئالساق بولامدۇ؟ بۇ ھەقتە شەرىئي چۈشەنچە بېرىشىڭلارنى سورايمەن.
 
جاۋاپ:
بارلىق گۈزەل ماختاشلار جانابى ئاللاھقا خاستۇر.            
توي مۇراسىملىرىدا ئاياللارنى سۈرەتكە تارتىش دىنىمىزدا چەكلەنگەن ئىشلاردىندۇر، بۇ ئاپپارات بىلەن سۈرەت چېكىش ياكى ۋىدىئوغا ئىلىش يولى بىلەن بولسۇن ئوخشاشلا ھارامدۇر. بەلكى ۋىدىئوغا ئىلىشنىڭ گۇناھى ئېغىردۇر. سەھىھ ھەدىسلەردە پەيغەمبەرئەلەيھىسسالام: «ئايال كىشى ئېرىگە يات بىر ئايالنى خۇددى كۆرۈپ تۇرغاندەك سۈپەتلەپ بېرىشتىن چەكلىگەن.» [بۇخارى رىۋايىتى]. ئەمما ۋىدىئوغا ئىلىش بولسا سۈپىتىنى بايان قىلىپ بەرگىنىدىنمۇ ئوچۇقراق بولۇپ، ئۇ ئايالنى ھەقىقەتتە كۆرگەندەك بولىدۇ. (يەنى خىيال قىلىش ھاجەتسىز). بۇ پەقەت ئاياللارنىلا سۈرەتكە ئالغاندا شۇنداق. ئەگەر ئەر-ئاياللار ئارىلىشىپ ئولتۇرىدىغان مۇراسىملار بولسا، بۇنىڭ جىنايىتى سۈرەتكە تارتقاننىڭ جىنايىتىدىن ئايرىم ۋە ئېغىر بولىدۇ. كۆپىنچە ئاياللار ئادەتتە، ئولتۇرۇش ۋە توي مۇراسىمى قاتارلىق سورۇنلارغا يىغىلغاندا يىرىم يالىڭاچ كىيىملىرى بىلەن بىر-بىرى بىلەن بەسلىشىدۇ، ئۇلارنىڭ مۇشۇ ھالەتلىرىنى سۈرەتكە تارتىپ كىشىلەرگە تارقىتىش دېگەن گۇناھ-پاھىشە ئىشلارنى تۆۋەن كۆرۈپ كىشىلەرنى ئۇنىڭغا رىغبەتلەندۈرگەنلىكتىن ئىبارەتتۇر. گەرچە بەزى قىز-خانىملار مۇراسىملاردا سۈرەت ياكى ۋىدىئوغا ئېلىنىشىنى ئىستىمىگەن ھالدا ۋە ئۆزلىرى تۇيمىغان ھالەتتە تولۇق زىننەتلىرى بىلەن سۈرەتكە چىقىپ قالىدۇ، ئۇنداقتا ئۇلار قانداق قىلىدۇ؟، ئاللاھ ئازغۇنلۇقتىن توغرا يولغا ھىدايەت قىلغاندىن كىيىن سۈرەتلىرى مۇراسىم فىلىملىرىدا تارقىتىلغان قىز-خانىملارچۇ؟. ئۇلار قانداق قىلىدۇ؟.
شەيخ مۇھەممەد سالىھ ئۇسەيمىن رەھىمەھۇللاھ مۇنداق دەيدۇ: مەن يۇقىردا بايان قىلىنغان ئىشلارغا توي مۇراسىملىرىدا خەتەرلىك بولغان بەزى ئىشلارنى قوشۇپ قويماقچىمەن؛ بىزنىڭ ئاڭلىشىمىزچە، بەزى قىز-خانىملار مۇراسىمغا كەلگەنلەرنى سۈرەتكە ئىلىۋېلىش ئۈچۈن يوشۇرۇن سۈرەت تارتىش ئاپپاراتلىرىنى ئىلىپ كېلىدىكەن، ئۇلارنىڭ مەقسەتلىك ياكى مەقسەتسىز بۇ مۇراسىم سۈرەتلىرىنى كىشىلەرگە تارقىتىشقا نېمە سەۋەپ بولغانلىقىنى بىلمەيمەن، ئۇلارنىڭ بۇ ئىشىغا سۈرىتى تارتىلغان ئاياللار رازى بولارمۇ؟ مېنىڭچە ھېچ قانداق ئايال بۇ ئىشقا رازى بولمايدۇ، ھېچ كىشى ئۆزىنىڭ قىزىنىڭ ياكى ئايالىنىڭ بۇ شەكىلدە سۈرەتنىڭ ئاشكارا بولىشىنى ۋە رەزىل كىشىلەرنىڭ خالىغاندا كۆرىدىغان  ئويۇنچۇقى بولىشىنى ھەرگىزمۇ ياقتۇرمايدۇ، سىلەرنىڭ بىرىڭلار ئۆزىنىڭ يېقىن تۇغقانلىرىنىڭ سۈرەتلىرىنى چىرايلىق بولسا پىتنە قوزغايدىغان ئۇنىڭ ئەكسىچە بولسا مەسخىرىگە ئۇچرايدىغان بولىشىغا رازى بولامسىلەر؟!.
بۇنىڭدىنمۇ ناچار بولغىنى: بەزى ئەخلاقسىزلار توي مۇراسىمىنى ئەمەلىي سۈرەتكە ئېلىش ئۈچۈن يوشۇرۇن ۋىدىئو ئاپپاراتلىرىنى ئىلىپ كېلىپ سۈرەتكە ئىلىپ خالىغاندا ئۆزى ۋە باشقىلارغا كۆرسىتىدىكەن، يەنە بەزى يۇرتلاردا بىر بۆلەك ياشلار توي مۇراسىملىرىدا ئايرىم ياكى ئاياللار بىلەن ئارىلىشىپ بىرگە تۇرۇپ سۈرەتلەرگە ئېلىشىدىكەن، ئەقلى ھوشى جايىدا ۋە شەرىئەت ھۆكۈملىرىنى بىلىدىغان كىشىلەر بۇنداق ئىشنىڭ چەكلەنگەن ھارام ئىش ئىكەنلىكىدىن شەك قىلمايدۇ، بۇ مىللى غۇرۇرىنى يوقىتىپ دىنسىزلارغا ئەگىشىپ ئەخلاقسىزلىقنىڭ ئەڭ تۆۋەن قاتلىمىغا چۈشۈپ كەتكەنلىكتۇر.
ئەرەبىستاننىڭ ئۇنەيزە شەھىرىدىكى چوڭ مەسچىتتە بىر جۈمە كۈنى: توي مۇراسىمىدا چەكلەنگەن ئىشلار دېگەن تېمىدا سۆزلەنگەن خۇتبىدا شەيخ مۇنداق دېگەن: توي مۇراسىمىنى ئاپپارات بىلەن سۈرەتكە ئېلىشنىڭ  قەبىھ-ناچار ئىش ئىكەنلىكىدىن، ئۆزلىرىنىڭ ھەدە-سىڭىللىرى، ئاياللىرى ۋە قىزلىرىنىڭ سۈرەتلىرىنى رەزىل كىشىلەرنىڭ خالىغاندا كۆڭۈل ئاچىدىغان ئويۇنچۇقى بولىشىغا مۆمىن تۈگۈل ئەقلى جايىدا كىشىلەرمۇ  رازى بولمايدۇ ۋە بۇنىڭ چەكلەنگەن ئىش ئىكەنلىكىدىن شەك قىلمايدۇ، بۇنىڭدىنمۇ ناچار بولغىنى ۋىدىئوغا ئىلىش بولۇپ بۇ ئاڭلىغۇچى ۋە كۆرگۈچىگە جانلىق سۈرەتنى نامايەندە قىلىدۇ، بۇنداق ئىشنى ئىمانلىق، ھايالىق، دىندا مۇستەھكەم تۇرىدىغان، ئەقىل پاراسەتلىك، مىللى غۇرۇرى بولغان كىشىلەرنىڭ ھەممىسى ئىنكار قىلىدۇ ۋە چەكلەيدۇ. [ئىككى ھەرەمدىكى ئالىملارنىڭ پەتىۋاسى ناملىق ئەسەر 439-بەتكە مۇراجىئەت قىلىنسۇن].
خۇلاسە: توي-توكۇنلەردە  خاتىرە ئۈچۈن سۈرەت ۋە ۋىدىئوغا ئىلىش دىنىمىزدا چەكلەنگەن ئىشلاردىن ھېسابلىنىدۇ.
ھەممىدىن ياخشى بىلگۈچى جانابى ئاللاھتۇر.



مەنبە : مۇسۇلمان بىز تورى

baris

سوئال:
توي خاتىرە سۈرىتىگە چۈشۈشكە بولامدۇ؟ چۈشكىلى بولسا چۈشكەن رەسىمنى باشقىلارغا كۆرسىتىشكە بولامدۇ؟
جاۋاب:
دىنىمىز ئىسلام جانلىقلارنىڭ رەسىمىنى سىزىشتىن مەنئى قىلىدۇ. لېكىن جانلىق ۋە جانسىز نەرسىلەرنى سىنئالغۇغا ئېلىشتىن ۋە فوتۇ ئاپپارات بىلەن رەسىمگە تارتىشتىن مەنئى قىلمايدۇ. چۈنكى قولدا سىزىشتا ياراتقۇچىلىق مەيدانغا كېلىدۇ. بۇ توغرا ئەمەس.
ئەمما سىنئالغۇغا ئېلىشقا ۋە فوتۇ ئاپپارات بىلەن رەسىمگە تارتىشقا كەلسەك، بۇنىڭدا بار نەرسىنىڭ ئۆز ئەينىسى ئېلىنىدۇ ۋە تارتىلىدۇ. بۇ، خۇددى ئەينەككە ياكى سۇغا قاراشقا ۋە ئەينەكتىكى، سۇدىكى سۈرەتنى قاتۇرۇۋېلىشقا ئوخشايدۇ.
بىر يەردە بولۇپ ئۆتكەن بىر ۋەقەنى تەپسىلىي بىر شەكىلدە ئېسىدە ساقلىۋېلىپ ياكى تەپسىلىي بىر شەكىلدە يېزىۋېلىپ، كېيىنچە ئۇنى ئەسلەش، ئۇ قەغەزنى ئوقۇپ مەزكۇر ۋەقەنى كۆز ئالدىغا كەلتۈرۈش ياكى ئۇ ۋەقەدىن خەۋەرسىز قالغانلارنىڭ قۇلىقىغا ئۇ ۋەقەنى تەپسىلىي دەپ بېرىش ۋە قەغەزدىكىنى ئوقۇپ بېرىش توغرا بىر ئىشتۇر.
خۇددى مۇشۇنىڭغا ئوخشاش، بىر يەردە بولغان بىر ۋەقەنى سىنئالغۇغا ئېلىۋېلىپ ياكى رەسىمگە تارتىۋېلىپ كېيىنچە ئۇنى كۆرۈش ۋە باشقىلارغا كۆرسىتىش توغرا ئىشتۇر. ئۇ ۋەقەنى بۇ ئىككى ئىشنىڭ بىرى قۇلاققا، يەنە بىرى كۆزگە ئېيتىپ بېرىدۇ. نەتىجىدە قارشى تەرەپ ئۇ ۋەقەدىن خەۋەردار بولىدۇ.
كۈنىمىزدە تېلېۋىزورلاردا خەۋەرلەر بېرىلىدۇ. مەسىلەن: پالانى دۆلەتنىڭ رەئىسى پالانى دۆلەتكە باردى دېگەن خەۋەر سۆزلىنىش بىلەن بىللە ئۇ رەئىسنىڭ شۇ دۆلەتتە كامېرغا ئېلىنغان سۈرىتى ۋە ھەرىكەتلىرى تېلېۋىزورنىڭ ئېكرانغا چىقىرىلىدۇ. شۇنىڭدەك پۈتۈن خەۋەرلەر كۆز بىلەن ئېنىق كۆرگىلى بولىدىغان بىر شەكىلدە بېرىلىدۇ. بۇ خەۋەرلەرنى بەرگەنلەر بۇ ئىشلارنى بىز ياراتتۇق دەپ دەۋا قىلمايدۇ، ئەكسىچە بولۇپ ئۆتكەن بىر ۋەقەدىن ئىنسانلارنى خەۋەردار قىلدۇق دەپ چۈشىنىدۇ. كۆرگەنلەرمۇ ئۇنداق بىر تەسەۋۋۇردا بولمايدۇ.
بۇ ئىشتا ھەدىس شەرىپلەردە مەنئى قىلىنغان «ئاللاھ بىلەن يارىتىش مۇسابىقىسىگە كىرگەنلىك» ھېسابلىنىدىغان «سۈرەت ئىجاد قىلىش» مەۋجۇت ئەمەس. بەلكىدە بۇ بار نەرسىنىڭ ئۆز ئەينىسىنى قاتۇرۇۋېلىشتۇر. بىر كىشىنىڭ ئېكراندىكى ياكى رەسىمدىكى سۈرىتىنى كۆرمەسلىك لازىم بولىدىغان ئىش بولسا، ئۇ كىشىنىڭ ئۆزىنىمۇ كۆرۈشكە بولماسلىقى لازىم. يولدا، بازاردا ۋە باشقا سورۇنلاردا ئۆزىنىڭ ئەۋرەت يەرلىرىنى يۆگەيدىغان شەكىلدە كىيىم-كېچەك كىيىپ تۇرۇاۋتقان بىر ئادەمنى كۆرۈش قانداق دۇرۇس بولسا، ئۇنىڭ ئۇنداق كىيىم-كېچەكلەرنى كىيىپ تۇرۇپ ئېلىنغان ياكى تارتىلغان سۈرەتلىرىنى كۆرۈشمۇ شۇنداق دۇرۇس.
تېخىمۇ ئوچۇق ئېيتقاندا بۇ بىر كىشىنىڭ ئەيننەككە ياكى سۈزۈك سۇغا قاراپ ئۆزىنىڭ شۆلىسىنى ئۆزى كۆرىشى بىلەن ياكى باشقا بىر كىشىنىڭ كۆرىشى بىلەن ئوخشاش ئىشتۇر. كۈنىمىزدىكى فوتو ئاپپاراتلاردا، قول تېلېفونلىرىدا تارتىلغان رەسىملەرمۇ شۇنىڭغا ئوخشاشتۇر. يەنى بۇ ماكىنىلاردا رەسىمگە چۈشۈشكە، كېيىن بۇ رەسىملەرنى كۆرۈشكە ۋە باشقىلارغا كۆرسىتىشكە بولىدۇ. بۇنىڭدا ھېچ چەكلىمە يوق.
بۇنىڭغا بەزى ئۆلىمالار قارشى چىقىدۇ. بۇ ئۇلارنىڭ مۇناسىۋەتلىك ھەدىسلەرنى خاتا چۈشىنىۋېلىشىدىن، ھەدىسلەرنى مۇناسىۋەتلىك ئايەتلەر بىلەن بىرلىكتە مۇلاھىزە قىلمىغانلىقىدىن كېلىپ چىققان خاتا ئىجتىھادىدۇر.
مەنبە:مۇسۇلمانلارتورى

bagdashi

سىلەر دىگەن  ئۇ دەۋىردە ساھابىلەر بادام دوپپا ، چىمەن دوپپا كەيمىگەن، خانىملىرى ئەتلەس كۆينەكمۇ كەيمىگەن، نورۇزمۇ ئۆتكۈزمىگەن...
 شۇڭا بۇ نەرسىلەردىنمۇ شەك ھىس قىلىش كىرەكمۇ؟ ھەتتا دىنى تېمىلارنى تولا ئوقۇپ ساھابە چاھاريالار سۆزلىمىگەن ئۇيغۇر تىلىدا سۆزلەشتىنمۇ شەكلىنىدىغان بولۇپ قالدىم، ھەممىنى دىن بىلەن بىر تەرەپ قىلىشنى نىمە دىيىش كىرەك؟........................................

elif

2قەۋەتتىكى بارىس ئەپەندىمنىڭ ئاساسى كۇچلۇكتەك قىلىدۇ.ئاللاھ ئەجرىمىزنى بەرسۇن..
....

nida

بۇ مەزمۇن 2قەۋەتتىكى bagdashiدە2012-04-14 16:19يوللىغان يازمىسىغا نەقىل :
سىلەر دىگەن  ئۇ دەۋىردە ساھابىلەر بادام دوپپا ، چىمەن دوپپا كەيمىگەن، خانىملىرى ئەتلەس كۆينەكمۇ كەيمىگەن، نورۇزمۇ ئۆتكۈزمىگەن...
 شۇڭا بۇ نەرسىلەردىنمۇ شەك ھىس قىلىش كىرەكمۇ؟ ھەتتا دىنى تېمىلارنى تولا ئوقۇپ ساھابە چاھاريالار سۆزلىمىگەن ئۇيغۇر تىلىدا سۆزلەشتىنمۇ شەكلىنىدىغان بولۇپ قالدىم، ھەممىنى دىن بىلەن بىر تەرەپ قىلىشنى نىمە دىيىش كىرەك؟........................................  

سىز نىمە دىمەكچى يۇقۇردىكى سۆز لىرىڭىزگە قاراپ چۇچۇپ كەتتىم ياكى مەن خاتا چۇشۇنۋالدىممۇ ؟

nida

مەنمۇ ئىلگىرى ئۇزەمنىڭ قىلغۇسى كەلگەن ئىشلارنىڭ دىنىمىزدا خاتا ئىكەنلىكىنى بىلگىنىمدە نىمىنداق نىمىنى قىلسا خاتا دەيدىغاندۇ دەپ ئويلىغان ھازىر بولسا شۇۋاقىتتىكى شۇبىمەنە ؟ئەقىلسىزلارچە قىلغان خىياللىرىمدىن نۇمۇس قىلىمەن ياراتقان ئىگەم رەھىمدىلدۇر بىلىپ بىلمەي قىلىپ سالغان گۇناھلىرىمىزدىن ئۆتكەي .

artuq999

[quote]بۇ مەزمۇن 2قەۋەتتىكى bagdashiدە2012-04-14 16:19يوللىغان يازمىسىغا نەقىل  :
سىلەر دىگەن  ئۇ دەۋىردە ساھابىلەر بادام دوپپا ، چىمەن دوپپا كەيمىگەن، خانىملىرى ئەتلەس كۆينەكمۇ كەيمىگەن، نورۇزمۇ ئۆتكۈزمىگەن...
 شۇڭا بۇ نەرسىلەردىنمۇ شەك ھىس قىلىش كىرەكمۇ؟ ھەتتا دىنى تېمىلارنى تولا ئوقۇپ ساھابە چاھاريالار سۆزلىمىگەن ئۇيغۇر تىلىدا سۆزلەشتىنمۇ شەكلىنىدىغان بولۇپ قالدىم، ھەممىنى دىن بىلەن بىر تەرەپ قىلىشنى نىمە دىيىش كىرەك؟........................................


قېرىندىشىم مۇسۇلمان بولغاندىن كىيىن چوڭ-كىچىك ھەرقانداق ئىشنى دىن بىلەن باغلاپ تۇرۇپ قىلىش كىرەك،ئاللاھ تائالا ئىنسانلارنى ۋە جىنلارنى پەقەت ۋە پەقەت ئۆزىگە ئىبادەت قىلدۇرۇش ئۈچۈنلا ياراتقان...دىنىي بىلىملەرنىمۇ ئانچە مۇنچە كۆرۈپ قويۇڭ ..........................................

artuq999

بۇ مەزمۇن 6قەۋەتتىكى artuq999دە2012-04-14 22:43يوللىغان يازمىسىغا نەقىل  :
[quote]بۇ مەزمۇن 2قەۋەتتىكى bagdashiدە2012-04-14 16:19يوللىغان يازمىسىغا نەقىل  :
سىلەر دىگەن  ئۇ دەۋىردە ساھابىلەر بادام دوپپا ، چىمەن دوپپا كەيمىگەن، خانىملىرى ئەتلەس كۆينەكمۇ كەيمىگەن، نورۇزمۇ ئۆتكۈزمىگەن...
 شۇڭا بۇ نەرسىلەردىنمۇ شەك ھىس قىلىش كىرەكمۇ؟ ھەتتا دىنى تېمىلارنى تولا ئوقۇپ ساھابە چاھاريالار سۆزلىمىگەن ئۇيغۇر تىلىدا سۆزلەشتىنمۇ شەكلىنىدىغان بولۇپ قالدىم، ھەممىنى دىن بىلەن بىر تەرەپ قىلىشنى نىمە دىيىش كىرەك؟........................................


قېرىندىشىم مۇسۇلمان بولغاندىن كىيىن چوڭ-كىچىك ھەرقانداق ئىشنى دىن بىلەن باغلاپ تۇرۇپ قىلىش كىرەك،ئاللاھ تائالا ئىنسانلارنى ۋە جىنلارنى پەقەت ۋە پەقەت ئۆزىگە ئىبادەت قىلدۇرۇش ئۈچۈنلا ياراتقان...دىنىي بىلىملەرنىمۇ ئانچە مۇنچە كۆرۈپ قويۇڭ ..........................................