مۇراجەت

TARAN521

ئاي قاراڭغۇ ، جاھان قاراڭغۇ ،

مۇدھىش پۇراق ئالار جېنىمنى .

ھايۋان كەبى ئىنسان تايىقى ،

ئاغرىتىدۇ نازۇك تېنىمنى .

قۇلۇم يىپتا باغلاقلىق مىنىڭ،

كۆزلىرىمدە قاپقارا لاتا.

دەپقويمايلا ئانامغا ئەسلى،

سىرتقا يالغۇز چىققىنم خاتا.

سۇغۇق تاملار، سۇغۇق ھەممە جاي ،

سۇغۇق ھەتتا ئاققان ياشلىرىم .

ئۇخشىمايدۇ ئۆيۈمگە پەقەت،

قېنى مىنىڭ دۇست ئاداشلىرىم .

پۇت قۇلۇمدا جانمۇ يۇق ھەتتا،

دەررە بۇلدى يىگەن ئاشلىرىم .

بەلكىم يىغلاپ قالدى يىراقتا،

مۇئەللىمىم ،ساۋاقداشلىرىم.

قەيەردە مەن بىلەلمىدىم ھىچ.

ئانا قىنى ئىسسىق يۇتقىنىم ؟

چۈشلىرىڭدە كۆرۈنمىدىمۇ،

داق يەرلەردە يىتىپ –قۇپقىنىم .

بەك سېغىندىم ئۆيۈمنى ئانا،

قانمىغانتىم مېھرىڭگە تېخى .

يىغلىدىڭمۇ مەن يوق جان دادا

سۇندى بەلكىم ئۆمرۈڭنىڭ شېخى .

ئانام مېنى قوزاملا دەيتتى ،

لېكىن ئۇلار دائىم تىللىدى .

دادان مېنى ئۇرۇپ باقمىغان

ئەمما ئۇلار ئاياپ قويمىدى .

قايتىشىمدىن ئىللىق ئۆيۈمگە ،

بارا – بارا ئۈمىد ئۈزۈلدى .

كۈلۈپ تۇرغان بىر جۈپ كۆزۈمدىن

ئۆلۈم تىلەپ ياشلار تۆكۈلدى .

مەن ناتىۋان ئاتالدىم ئەمدى ،

دادا ئېلىپ كېتىڭچۇ مېنى !

پەرزەنتىڭلار چەكتى ئىزتىراپ ،

گۈدەكلىكىم ، شوخلۇقۇم قېنى !؟

رىيازەت يەتمىسۇن پەرزەنتىمىزگە ،

كەل جاھان ، كەل ئىنسان تاپايلى بىللە .

ئۇلارسىز نە كۈلكە ، نە بىر خۇشاللىق

ئۇلارسىز زۇلمەتتۇر بىزگە بۇ كۈنلەر .

سىزمۇ ھەم تارقىتىڭ ، مەنمۇ تارقىتاي ،

يۈرەكلەر ئاڭلىسۇن ، جاھان ئاڭلىسۇن .

ئۆلمەيدۇ ئۈمىدلەر خەلقىم ئۇيۇشسا

مۇراجەت ناخشىسى ھەريان ياڭرىسۇن .

بولايلى سەپەرۋەر ، بولايلى يولباش ،

تېڭىرقاپ قالمىسۇن سەبىيلىرىمىز .

مۇھەببەت نۇرىنى چاچسۇن يىراققا

قېتىلىڭ ، قېتىلاي ! بولايلى دېڭىز .

ئۈمىدىڭ ئۈزمىگىن جان – جىگەر بالام ،

ھاياتىڭ چىرىقى يانىدۇ ئەمدى .

تۈمەنمىڭ مۇھەببەت ، تۈمەنمىڭ كۆزلەر

قارىغىنە يىراقتىن سېنى دەپ كەلدى .

ahkogul

ئالاھەزەل 1990~يىلدىن 2010-يىلغىچە بولغان 20يىل جەريانىدا تەڭرىتاغنىڭ جەنۇپ~ شىمالىدىن نۇرغۇنلىغان ناتىۋان قىز~يىگىتلەر ئ‍ىچكىردە قانۇنسىز سودا قىلۋاتقان چىل بۆرىلەرنىڭ ئ‍اياغ ئ‍استى قىلىشى خورلىشى ھەتتا پۈتۈن ھاياتىنى نابۇت قىلىشىغا ئ‍ۇچۇردى…2011- يىللاردا كۇچالىق ئ‍ېزىز چاڭگا، ئ‍اتۇشلۇق ئ‍ېلى جازانىخور قاتارلىق نۇرغۇنلىغان ئ‍ەھلى دوزىقى قانۇننىڭ تورىغا چۈشتى…

نەچچە يىللارنىڭ بىرسىگە يۈتۈپ كىتىۋاتقان پەرزەنتلىرىمىزنىڭ ئادەم ئ‍ىچكى ئ‍ەزاسى تىجارىتى قىلىدىغانلارنىڭ ئ‍ولجىسىغا ئ‍ايلاندىمۇ يوق بىلىپ بولمايدۇ……خۇدايىم ئ‍ۆزەڭ با يامان نىيەتلىكلەرنىڭ قەستىدىن ساقلىغايسەن،، ئ‍امىن،

karaoglan

ahkogul يوللىغان ۋاقتى  2016-11-18 13:10
ئالاھەزەل 1990~يىلدىن 2010-يىلغىچە بولغان 20يىل جەريانىدا ت ...

قايسى بىر چاغ شىنجاڭدىكى بىر خەۋەردە ،ئون ئادەم بىدىكى تۇتۇلغانلىقى خەۋېرنى كۆردۈم ،ئۇنىڭ ئارىسىدىن بىرمۇ ئۇيغۇرنى ئۇچرىتالمىدىم ،ئۇيغۇرلار قىچىشقا ئۇستىمۇ ،ياكى مۇشۇ سودىنى قىلىۋاتقان ئاساسلىق قوشۇن باشقىلارمۇ ؟

ahkogul

karaoglan يوللىغان ۋاقتى  2016-11-18 16:58
قايسى بىر چاغ شىنجاڭدىكى بىر خەۋەردە ،ئون ئادەم بىدىك ...

بەزى ئ‍ۇيغۇر ئ‍اتلىق كىشىلەر گەرچە يۈننەن  شاڭخەي  تەرەپلەردە ئ‍اق سودىسى، ئ‍ادەم تەشكىللەپ  ئوغۇرلۇق قىلىشقا تەشكىللەش قاتارلىق ئ‍ىشلارنى قىلسىمۇ  ئادەم گۈشى سېتىش  كىچىك نارىسىدەلەرنىڭ  بۆرەك يۈرەك  قاتارلىق  ئەزالىرىنى  سېتىش سودىسىنى  باشقا مىللەت  كىشىلىرىنىڭ  قىلىدىغانلىقى ئ‍ېھتىمالغا  ئ‍ىنتايىن يېقىن…  ئ‍ۇلار ساپلا  ئ‍ۇيغۇر رايۇنىغا كۆز تىكتى،  خەنزۇلارنىڭ تور بىكەتلىرىدە  بالا يۈتۈپ كەتكەنلىك  خەۋرىنى ئ‍انچە كۆرمىدىم بولمىسا…  

TARAN521

ئۇيغۇر ئېلانچىلىقى ھەققىدە ئويلىغانلىرىم

سودا ئېڭىنىڭ كۈچىيىشىگە ئەگىشىپ شۇنداقلا مىللى كارخانىلىرىمىزنىڭ بارغانسىرى بازارلىشىشقا قاراپ يۈزلىنىشى تۈرتكىسىدە كارخانىلار ئۆز مەھسۇلاتلىرىنى تەشۋىق قىلىش ۋە ھەرخىل ئۇسۇلدا مەھسۇلات ئېلانلىرىنى ئىشلەشكە بەس — بەستە يۈزلەندى .
  ئەلۋەتتە ئېلان - تەشۋىقاتنى مەھسۇلاتنىڭ جېنى دەپ ئاتىساق ئارتۇق كەتمەس .
شۇل سەۋەپ ئېلانلارنى جانلىق ئېلان ۋە جانسىز ئېلان دەپ ئىككى تۈرگە ئايرىشقا بولىدۇ .
تۈرگە ئايرىغان ئىكەنمىز ، ئەلۋەتتە ئۇنىڭغا ئېنىقلىما بېرىشىمىز كېرەك .

1. جانلىق ئېلان

كېسىپ ئېيتالايمەنكى جانلىق ئېلاننىڭ نىمە ئىكەنلىكى ئەقىللىق كارخانىچىلىرىمىزغا ئايان .
جانلىق ئېلان دېگىنىمىز ، كۆرۈلۈشتىلا كىشىنى ئۆزىگە قىزىقتۇرالايدىغان ، مەھسۇلاتنىڭ باشقا ئوخشاش تۈردىكى مەھسۇلاتلارغا ئوخشىمايدىغان ئالاھىدە تەرىپىنى ئىخچام  ، ئوبرازلىق تىل ياكى كۆرۈنۈش ئارقىلىق ئىپادىلەپ  بېرىدىغان ، چىنلىقنى ئاساس قىلغان ئېلان شەكلىدۇر .
بۇ يەردە دېققەت قىلىشقا تېگىشلىك ئىككى سۆزنى قايتىدىن تەكىتلىگۈم كەلدى .

（ 1 ）ئىخچاملىق  .

  قىسقا ۋاقىتتا مەھسۇلاتنىڭ ئارتۇقچىلىقىنى كۆرۈرمەنلەرگە بىلدۈرۈش ئارقىلىق بىرىنجىدىن ۋاقىتنى ئۇتۇپ كارخانىچىلارغا ئاسانلىق يارىتىپ بەرسە ، ئىككىنجىدىن ئېلان ئىشلىگۈچىنىڭ ھەقىقى ماھارىتىنى تولۇق ئىپادىلەپ ئېلاننىڭ تېخىمۇ رەڭدار چىقىشىغا تۈرتكە بولىدۇ .
ئەلۋەتتە يۇقىرىدا ئېيتقانلىرىم ئېلاننى كېڭەيتىپ  ، ئۇزۇن ئىشلىسە بولمايدۇ دېگىنىم ئەمەس .
مەھسۇلات ئېلانىنىڭ ئىشلىنىشىدىكى ئاساسى مەقسەت خېرىدارلارنى （ خەلقنى ）جەلپ قىلىپ ، ئۆزىگە بولغان قىزىقىشىنى قوزغاشتا ئىپادىلىنىدۇ .
شۇ سەۋەپ مەيلى ئىخچام ئېلان شەكلى بولسۇن ۋە ياكى ئۇزۇن تەپسىلىلەشتۈرۈلگەن ئېلان بولسۇن پەقەت كۆرۈرمەنلەردە زېرىكىش تۇيغۇسىنى شەكىللەندۈرۈپلا قويمىسا ئۇ بىر ياخشى چىققان ئېلان ھېسابلىنىدۇ .

（ 2 ）ئوبرازلىق ئىپادىلەش .
ئوبرازلىق ئىپادىلەش بىر مەھسۇلات ئېلانى ئۈچۈن ئىنتايىن مۇھىم .
بۇ يەردىكى ئوبرازلىق ئىپادىلەش ئاساسلىقى ياخشى يېزىلغان ئېلان سىنارىيەسى ۋە ياخشى بولغان ئېلان ئىشلىگۈچىلەرنىڭ بىرىكىشىدىن ھاسىل بولىدۇ  .

2. جانسىز ئېلان

كۆرۈرمەنگە زېرىكىش تۇيغۇسىنى بېرىدىغان ، شۇنچە كۆرۈپمۇ نىمە دېمەكچى ئىكەنلىكىنى بىلگىنى بولمايدىغان ، ھېچقانداق يېڭىلىق يوق ، ئويدۇرما ، كۆپتۈرۈش ئارلاشقان ئېلانلارنىڭ ھەممىسى جانسىز ئېلانغا تەۋە .

ئېلاننىڭ ئۈنۈمى ئۈچ نەرسىدە ئىپادىلىنىدۇ .
بىرىنجىسى بولسا مۇكەممەل بولغان سىنارىيە .
ئىككىنجىسى ، قابىل ئېلان ئىشلىگۈچى .
ئۈچىنجىسى بولسا ، ئەڭ ياخشى بولغان كۆرسىتىلىش ۋاقتى .
يۇقىرىقى نوقتىلارنىڭ ئۆزئارا ماسلىشىشى ئاساسىدا مۇكەممەل بولغان ،ئۇتۇق قازانغان  مەھسۇلات ئېلانى بارلىققا كېلىدۇ .
   ئېلان ئىشلىگۈچى شىركەتلەرنىڭ تەرەققى قىلىشىغا ئەگىشىپ نۆۋەتتە ئىشلىنىۋاتقان ئېلانلارنىڭ بەدىئىيلىكى ، يۇقىرى تېخنىكىلار بىلەن ئىشلىنىشى ، رەڭدارلىقى جەھەتلەردىن بولسۇن بىزنىڭ ئېلانچىلىقىمىزغا بۆسۈش خاراكتىرلىق يېڭىلىقلارنى ئېلىپ كەلدى .
بۇ ئەلۋەتتە بىزنى سۆيۈندۈرىدىغان بىر ئىش .
بۇ جەھەتتە مۇشۇنچىلىكلا  توختىلىشنى لايىق كۆردۈم ، چۈنكى  ئېلانچىلىقىمىزنىڭ تېخىمۇ يۈكسىلىشىگە ، تەرەققى قىلىشىغا  ئىشەنچىم بار .

   ئەڭ مۇھىم تەرەپ شۇكى ، ئاشۇ رەڭدارلىققا ، مۇكەممەللىككە زىت ئىشلىنىۋاتقان جانسىز ئېلانلارمۇ بىزدە يوق ئەمەس .
بۇ يەردە شۇ خىلدىكى ئېلانلارنى تارتىپ چىقىشنى لايىق كۆرمىدىم ، پەقەت ماڭا تەسىر قىلغان بەزىبىر تەرەپلەردە توختىلىمەن خالاس .
     يېقىندىن بېرى ئۆزىمىزنىڭ مەھسۇلات ئېلانلىرىنى چەتئەللەردە ئىشلەش قىزغىنلىقى ئەۋج ئالدى ۋە نۇرغۇن ئېلانلىرىمىز ئارقا - ئارقىدىن چەتئەلدە ئىشلەنگەن بولدى .
مەن بۇنى كارخانىچىلىرىمىزنىڭ  ئۆز مەھسۇلاتلىرىنى دۇنياغا تونۇشتۇرغۇسىنىڭ ، باشقا يۇرتلارغا يۈزلىنىشتەك بۈيۈك ئارزۇسىنىڭ بارلىقىنى ھىس قىلدىم ، بەلكىم باشقا كۆرۈرمەنلەرمۇ مەن ئويلىغاندەك ئويلىغان بولۇشى مومكىن .
ئەلۋەتتە ئۇلۇغ ئارزۇنىڭ بولمىغىنىدىن بولغىنى ياخشى ، مىللى كارخانىلىرىمىزنىڭ دۇنياغا يۈزلىنىشى ھەممىمىزنى خۇش قىلىدۇ .
ئەمما يۇرتىمىزدا ئىشلەنگەن مەھسۇلاتلارنىڭ ئېلانىنى ئاتايىن （ پەقەت ئېلان ئىشلەشلا مەقسىتىدە  ）چەتئەلگە چىقىپ ئىشلەش ، بولۇپمۇ چەتئەلدە ئىشلەنگەن ئېلانلارنىڭ يەنە چەتئەل  ئېكرانلىرىدا ئەمەس ئەكسىچە يەنە قايتىپ كېلىپ  دىيارىمىزدىلا تارقىلىپ كۆرسىتىلىشى ، كۆرۈرمەنلىرىنىڭ بىز بىلەنلا چەكلىنىپ قېلىشى مېنى ئويلاندۇرۇپ قويدى .
بۇ راستلا دۇنياغا يۈزلەنگەنلىكنىڭ ئىپادىسىمۇ ؟
مېنىڭچە ئۇلۇغۋار ئارزۇ بۇ خىل ئۇسۇلدا ئىپادىلەنسە ئۇ ھېچنەرسە بولماي قالىدۇ .
ئەلۋەتتە ئېلان - تەشۋىقاتقا  مەبلەغ سېلىش كېرەك ، لېكىن ئۇنىڭ ئۈنۈمىنى كۆرۈش ئەڭ ئالدىنقى نىشان .
مېنىڭ پەقەتلا چەتئەللەردە ئىشلىنىۋاتقان ئېلانلىرىمىــزنى چەتكە قېقىش ۋە ياكى سۆكۈش نىيىتىم يوق .
پەقەت ۋە پەقەت شۇنى دېمەكچىمەنكى ، دىيارىمىزدىكى چولپانلارنى ۋە دىيارىمىزدا ئىشلەنگەن مەھسۇلاتلارنى چەتئەلگە ئېلىپ چىقىپ  ئېلان ئىشلەپ ، ئۇ ئېلاننى يەنە ياندۇرۇپ كېلىپ دىيارىمىزدىلا تارقىتىپ كۆرۈرمەنلەرنىڭ پەقەت بىـز بىلەنلا چەكلىنىپ قېلىشى ، ئېلان ئىشلەنگەن رايوندىكىلەرنىڭ بۇ مەھسۇلاتنى تونۇماسلىقى مېنى ئەجەپلەندۈردى .
بۇ خۇددى ئوڭ يانچۇقتىن پۇل چىقىرىپ سول يانچۇققا سالغاندەكلا بىر ئىش خالاس .
   يەنە قارايدىغان بولساق  ، يېقىندىن بېرى مالايسىيا ، تۈركىيە قاتارلىق دۆلەتلەرنىڭ يىمەكلىكلىرى ، ئىچىملىكلىرىنىڭ دىيارىمىزغا سىڭىپ كىرىشى بىلەن بىرگە يەنە  سېتىلىشىمۇ ھەسسىلەپ ئېشىشقا باشلىدى .
بۇنىڭ سەۋەبىنى مەن تۆۋەندىكىدەك ھىس قىلدىم .
بىرىنجىدىن ، ئۇلارنىڭ مەيلى ئۆز دۆلىتىدە ئىشلەنگەن ئېلانلىرى بولسۇن ۋە ياكى يۇرتىمىزدا ئىشلەنگەن ئېلانلىرى بولسۇن  ،  ئېلانغا قاتناشقۇچىلارنىڭ ھەممىسى يۇرتىمىزنىڭ چولپانلىرى ، ۋە ياكى يۇرتىمىزدىن چىققان كىشىلەر .
ھەرگىزمۇ چەتئەللىك چولپانلارنى ئىشلەتكىنى يوق .
چۈنكى بىزنىڭ قولىمىزدىن چىققان نەرسىلەرنى ئۆزىمىز ئەمەس ، ئەكسىچە باشقىلار ماختىيالىسا مانا بۇ بىزنىڭ غەلبە قىلغىنىمىزدۇر .

ئىككىنجىدىن ، ئۇلارنىڭ ئەڭ مۇھىم تۇتقان تەرىپى بولسا ئىشلىگەن ئېلانلىرىنى دىيارىمىز ئىكرانلىرىدا كۆپلەپ تەشۋىق قىلىش ۋە تارقىتىشتىن ئىبارەت .
مانا بۇ ئۇلارنىڭ مەھسۇلاتلىرىنىڭ دۇنياغا ، شۇنداقلا دىيارىمىزغا يۈزلىنىشىنىڭ ئەمەلىيەتتە ئىپادىلىنىشىدۇر .

شۇ سەۋەپ كارخانىچىلىرىمىزغا تەۋسىيە قىلىدىغىنىم شۇكى ، قارىغۇلارچە ئىشلەنگەن ئون ئېلاندىن ، ئۈنۈملۈك ئىشلەنگەن بىر ئېلاننىڭ رولى چوڭ بولىدۇ .

مەھسۇلاتلىرىمىزنى دۇنياغا تونۇشتۇرۇش بىرىنجىدىن ئۆزىمىزنىڭ قوللىشىدىن كەلسە ، ئىككىنجىدىن دادىل ھالدا باشقىلارغا تونۇشتۇرۇش ۋە ئۇلارنىڭ تۇرمۇشىغا بۆسۈپ كىرىشتىن كېلىدۇ .

يەنە بىر  دېققەت قىلىشقا تېگىشلىك تەرەپ شۇكى ، تور ئېلانىنى چىڭ تۇتۇش ۋە  ئېلاننىڭ خاراكتىرىنى ياخشى ئويلىشىش كېرەك .
ئۈندىدارنىڭ ئومۇملىشىشى تىجارەتچىلەرنى نۇرغۇنلىغان سودا پۇرسىتى ۋە تەييار بولغان كۆرۈرمەنلەر بىلەن تەمىنلىدى .
بۇ خىل ئارتۇقچىلىقتىن ئۈنۈملۈك پايدىلىنىش كېرەك ئەلۋەتتە .
  تور ئېلانى ئارقىلىق پايدا يارىتىشنىڭ ئالدىنقى شەرتى نىمە ؟
ئۇ دەل مەن تېمىنىڭ بېشىدا توختىلىپ ئۆتكەن جانلىق ئېلانلار بىلەن كۆرگۈچىلەرنى تەمىن ئېتىشتۇر .
تور ئېلانى ئەلۋەتتە تېلىۋىزىيە ئېلانى بىلەن ئوخشىماسلىقى كېرەك .
چۈنكى توردا نۇرغۇنلىغان يېڭىچە مەزمۇندىكى ، يېڭىچە ئىدىيەدىكى نەرسىلەر بار .
شۇڭا توردا كۆرۈرمەنلەرنى جەلپ قىلىش ئىنتايىن مۇھىم بولغان بىر مەسىلە .
  شۇ سەۋەپ تور ئېلانلىرى تېلىۋىزىيە ئېلانىغا قارىغاندا تېخىمۇ يېڭىچە  ، كۆرگۈچىنى ئۆزىگە قىزىقتۇرالايدىغان ئارتۇقچىلىقنى تەلەپ قىلىدۇ .
   شۇڭا تور ئېلانلىرى نوقۇل ھالدا مەھسۇلاتنى ماختاش ، چۈشەندۈرۈشنىلا مەزمۇن قىلماستىن بەلكى مەلۇم بىر ئىدىيەنى باش نۇقتىئىنەزەر قىلىپ تۇرۇپ ، مەھسۇلاتنى شۇ نۇقتىئىنەزەرنى تولۇقلاش ئۈچۈن خىزمەت قىلدۇرسا بۇ ھەم ئەمەلىيەتچان ، ھەم كىشىگە يىڭىچە ئوي - پىكىر ئاتا قىلالايدۇ .
بۇ خىل تەشۋىقات خاراكتىرلىق ئېلاننىڭ كۆرۈلۈشچانلىقى ، يېڭى ئىدىيە ، يېڭى ئوي - پىكىرلەرنى تەرغىپ قىلىشى كۈچلۈك بولۇپلا قالماستىن يەنە كىشىلەرگە مەيلى تۇرمۇش ۋە ياكى مىھرى - مۇھەببەت جەھەتتىن بولسۇن تەربىيىۋى ئەھمىيەتكە ئىگە ئۆزگىچە كۆز قاراشلارنى ئاتا قىلالايدۇ .
  ئېلانچىلىقىمىز تەرەققى قىلىۋاتقان مۇشۇ دەۋردە جانلىق ، ساپالىق ئېلانلارنىڭ كۆپلەپ ئىشلىنىشى ، ئېلانچىلىق شىركەتلىرىنىڭ تەرەققى قىلىشى مېنى سۆيۈندۈرۈپ كېلىۋاتىدۇ .
  ئىشىنىمەنكى  ، يېڭىچە  ئوي - پىكىردىكى ئىجادچان ياشلىرىمىزنىڭ كۆپلەپ مەيدانغا كېلىشى ۋە بىرلىشىشى نەتىجىسىدە بۇندىن كېيىنكى ئىشلىنىدىغان ئېلانلىرىمىزنىڭ تەرەققىياتى ، مەزمۇنىنىڭ ، سەھىپىسىنىڭ رەڭدارلىقى چوقۇم تېخىمۇ گۈزەللىشىدۇ ، سەرخىللىشىدۇ .
   ئەنئەنىۋىلىكنى ،  خاسلىقنى ئاساس قىلىپ تۇرۇپ قوبۇل قىلغان يېڭىلىقتىن چوقۇم ئالاھىدە نەتىجە چىقىدۇ .


ئاپتۇرى ：   تاران

tursun0738

رەھمەت تاران ئەپەندى ، ئېلانچىلىقىمىز ھەققىدە ئەتراپلىق ئۇچۇر ۋە ساۋاق بىرىپسىز .
مەن ئېلانچىلىقنى ئاساسەن « ئۆتمەس ماتا ، زورلاپ ساتا » دەپ قارايمەن ، چۈنكى ئېلان قىلىنغان مەھسۇلاتلارنىڭ داۋا-شىپاسى ھەققىدىكى داۋرىڭىدىنلا ئۇنىڭ « زورلاپ ساتا » ئىكەنلىگى چىقىپ تۇرىدۇ . لېكىن-زە ...... بىچارە خەلقىمىزنىڭ گوللىقىدىنمۇ ياكى كۆڭۈل ئاياپ شۇنداقمۇ ۋەياكى جېنى چىقىپ كەتسىمۇ ئالدانغانلىقىنى ئېتىراپ قىلغۇسى كەلمەمدۇ ، ئىشقىلىپ سېتىۋالغان نەرسىللىرىنىڭ ھېچقانداق ئۈنۈمىنى كۆرمىگەن بولسىمۇ ، ئەمما ھەرگىز ئۇنىڭ يامان گېپىنى قىلمايدۇ . زېرەك كارخانىچىلا كىشىلەرنىڭ مۇشۇ خىل ئاجىزلىقىنى بىلسە كېرەك ، دەپ ئويلايمەن .