مەن مۇسۇلمان(بالىلار شېئرى)

diwa

مەن مۇسۇلمان

دىنىم ئىسلام، رەببىم ئاللاھ.
مەن مۇسۇلمان، ياخشى بالا.

ئىشىنىمەن، مۇھەممەدكە،
ئۇ ئەلچىدۇر، بىز ئۈممەتكە.

قۇرئان كەرىم- ئاللاھ سۆزى،
ئۆگىنىمەن، كەچ كۈندۈزى.

جاراڭلايدۇ، تىلدا قۇرئان،
يالقۇنلايدۇ، دىلدا ئىمان.

تاشلىمىسام ئىبادەتنى،
ئاللاھ بېرەر، ئۇز جەننەتنى.

مەنبە:بىر چاغلاردا كۆچىرىپ قويغان تورلاردا يوق .

داۋامىنى مۇشۇ تېمىغا ئىككى ئۈچ كۈندە بىر يوللايمەن

پىسەنتىڭىزلەرگە ئالسىڭىزلار كۆچۈرۈپ بالىڭىزلارغا ئوقۇپ بىرەرسىزلەر .

diwa

ﯪﻟﻼھ ﻣﯩﻨﯩﯔ ﺭﻩﺑﺒﯩﻤﺪﯗﺭ

ﯪﻟﻼھ مىنىڭ رەببىمدۇر،
مەن ئاڭا ئامراق.
ئاڭا ماكان قەلبىمدۇر،
ئەسلەيمەن ھەرۋاق.

ﯪﻟﻼھ مىنىڭ رەببىمدۇر،
مېنى ياراتقان،
ھەقىقەتنى، ئىسلامنى،
دىلغا تاراتقان.

ﯪﻟﻼھ مىنىڭ رەببىمدۇر،
سۆزىدۇر قۇرئان،
تىلاۋىتى تىلىمدىن،
چۈشمەيدۇ ھەرئان.

ﯪﻟﻼھ مىنىڭ رەببىمدۇر،
چەكسىز مىھرىبان،
بەندىلەرگە شەپقەتلىك،
رەھىمۇ- رەھمان.

ﯪﻟﻼھ مىنىڭ رەببىمدۇر،
يەككە – يىگانە،
تەڭدىشى يوق ئالەمدە،
يالغۇر بىگانە.

ﯪﻟﻼھ مىنىڭ رەببىمدۇر،
نوقساندىن پاكتۇر،
ئەيىپ، سەھۋەن، كەمچىلىك،
ئۇندىن يىراقتۇر.

ﯪﻟﻼھ مىنىڭ رەببىمدۇر،
نەقەدەر گۈزەل.
ئۇ مەن ئۈچۈن ھەممىدىن،
ھەممىدىن ئەۋزەل.

diwa

مەن ئۈگەندىم ئىماننى

مەن ئۈگەندىم بۈگۈن ئىماننى،
بولدى ماڭا بەش قولدەك ئايان.
ئاڭلاڭ سىزمۇ مەندىن قېرىنداش،
قىلاي سىزگە بىرمۇ- بىر بايان.

ئىمان دېمەك ئىشىنىش دېمەك،
ئىمان ئېيتقان بولۇر مۇسۇلمان.
ئىمان ئۈچۈن ئالتە نەرسىگە،
ئىسەنمەگلىك كېرەكتۇر شۇئان:

بىرىنچىسى ئاللاھ تائالا،
ئاڭا مەنسۇپ يەر- زىمىن، ئاسمان.
ئۇ تەڭداشسىز يەككە- يىگانە،
ئۇ مېھرىبان رەھىمۇ- رەھمان.

ئىككىنچىسى پەرىشتە، ئىشەن،
ئاللاھ ئۇنى نۇردىن ياراتقان.
پاكتۇر ئۇلار ئاللاھقا مەڭگۈ،
رۇكۇ سەجدە قىلغىنى قىلغان.

ئۈچىنچىسى مۇقەددەس كىتاب،
زەبۇر، تەۋرات، ئىنجىل ۋە قۇرئان.
قۇرئان كەرىم بىزگە يولباشچى،
ئايرىلمايمىز ئۇىىڭدىن ھەرئان

تۆتىنچىسى ئۇلۇغ پەيغەمبەر،
رەسۇلىمىز مۇھەممەد ھامان.
ئۇ ئاللاھنىڭ بەرھەق ئەلچىسى،
بۈگۈن، ئەتە، مەڭگۈ، ھەرزامان.

بەشىنچىسى دەۋرى قىيامەت،
ئاللاھ بىلەﺭ كىلىدۇ قاچان.
ياخشىلارغا جەننەت شاتلىقى،
مەھكۇم بولار دوزاخقا يامان.

ئالتىنچىسى قازا ۋە قەدەر،
ئاڭا بىزدە يوقتۇر ھېچ ئىمكان.
ئاللاھتىندۇر ياخشى- يامانلىق،
ئاغرىنمايمىز ئۇندىن ھېچقاچان.

مەن ئۈگەندىم بۈگۈن ئىماننى،
ھېچ بىرىگە قالمىدى گۇمان.
بەخىتلىكمەن بەخىتلىك، چۈنكى،
مەن ئىمانلىق، مەن بىر مۇسۇلمان.

ئۈگىنىمەن ناماز ئوقۇشنى

ئۈگىنىمەن ناماز ئوقۇشنى،
ئانا مېنى تۇرغۇز قېشىڭدا.
سەن كىچىك دەپ ھەيدىمە مېنى ،
ئاز قالدىمغۇ ناماز يېشىمغا.

دادا مەنمۇ ناماز ئوقۇيمەن،
ئېلىپ بارغىن بىللە مەسجىدكە.
تۇرالايمەن ئويغاتساڭ ئەگەر،
سەندىن بۇرۇن ئەتىگەنلىككە.

ئۇقىۋالدىم ناماز ۋاقتىنى،
سۈبھى تاڭدا بولاركەن بامدات.
بۇندا كىچە كۆزگە ئۇيقۇ يوق،
تەقەززامەن تاڭ ئاتقىن تاڭ ئات.

چۈشلۈك تاماق يەپ بولدۇم مانا.
ئېلىۋالاي دەرھال تاھارەت.
چۈنكى ھازىر بولىدۇ پىشىن،
ئوقۇۋالاي ئازادە- راھەت.

بالدۇر ئەكەل يەسلىدىن مېنى،
ئوقۇمىسام بولمايدۇ ئەسىر.
ئويۇن بىلەن بولمايمەن ھايال،
يەتكۈزمەيمەن نامازغا تەسىر.

قاراڭغۇلۇق باسسا جاھاننى،
بولىدىكەن نامازشام ۋاقتى.
ھەراس تېخى خۇپتەن بار ئىكەن،
تاس قاپتىمەن ئۇخلاپ قالغىلى.

ئۈگىنىمەن ناماز ئوقۇشنى،
ئۈگىتىڭلار ئاتا- ئانىلار.
ئىبادەتنى باشلايلى بىزمۇ،
ئۆتۈنىمىز ھەممە بالىلار.

abit

قولىڭىزغا دەرت كەلمىسۇن،يەنىمۇ تىرىشىڭ؟

budunya

بالىلارئۈچۈن بەك ياخشى تېمىكەن،رەھمەت سىزگەمەن بالامغا ئۆگۈتۈمەن

tawsiya

بالىلىرىمىزغا ئۆگۈتۈپ قويساق بولىدىكەن ، تىلىمۇ شۇنچە ئاددىي ، شۇنچە چىرايلىقكەن .

marmartax

بۇنداق ياخشى تىمىنى يوللىغىنىڭىزغا رەھمەت! بۈگۈنكى ئاتا-ئانىلارغا مۇشىنىڭغا ئوخشاش تىمىلار بەك مۇھىم. بالىلارنى تەربىيلەش ئىنتايىن مۇھىم ۋەزىپە،بۇۋەزىپىنى ياخشى ئورۇنداش ئۈچۈن تىرىشىش ،ئىزدىنىش كىرەك .

diwa

شۈكۈر

تۇتۇش ئۈچۈن قول بەرگەن،
سۆزلەش ئۈچۈن تىل بەرگەن.
ھىدلاش ئۈچۈن گۈل بەرگەن،
رەببىم ساڭا كۆپ شۈكۈر.

مېڭىشقا ئاياق بەرگەن،
ئاڭلاشقا قۇلاق بەرگەن.
ئېغىز، چىش، تاماق بەرگەن،
رەببىم ساڭا كۆپ شۈكۈر.

شۇ گۈزەل چىچەك ئۈچۈن،
ئۇچقان كېپىنەك ئۈچۈن.
ئاسمانۇ- پەلەك ئۈچۈن،
رەببىم ساڭا كۆپ شۈكۈر.

ئاتام ۋە ئانام ئۈچۈن،
ئاجايىپ ئالەم ئۈچۈن.
بارچە نىمىتىڭ ئۈچۈن،
رەببىم ساڭا كۆپ شۈكۈر.

تاماقتىن بۇرۇنقى دۇئا

تائام يىيىشتىن ئالدىن،
قول ئاچتىم رەببىم ساڭا.
ساغلام ئەقىل، ساپ ئىمان،
گۈزەل ئەخلاق بەر ماڭا.

يىمىسەم ئۆسەلمەيمەن،
مەكتەپكە بارالمايمەن.
قېنى تېز- تېز يىيەيلى،
مەكتەپكە تېز كېتەيلى.
ياراتقان ﯪﻟﻼھىمغا،
دائىم دۇئا قىلايلى.

تاماقتىن كېيىنكى دۇئا

ئەلھەمدۇلىللاھ، ئەلھەمدۇلىللاھ،
بۇ نىمەتنى بەرگەن ﯪﻟﻼھ.
تائام بەرگەن، رىزىق بەرگەن،
رەببىم پاكتۇر سۇبھانەللاھ

كۆپەيسۇن ئازايمىسۇن،
قوشۇلسۇن كېمەيمىسۇن،
ئاخىرى كۆرۈنمىسۇن،
ئىشتىھا كېسىلمىسۇن.

رەببىم مېنىڭ بىر ﯪﻟﻼھ

رەببىم مېنىڭ بىر ﯪﻟﻼھ،
لائىلاھە ئىللەللاھ.
ئىشىنىمەن دىلىمدىن،
چۈشۈرمەيمەن تىلىمدىن.

رەببىم مېنىڭ بىر ﯪﻟﻼھ،
لائىلاھە ئىللەللاھ.
مۇھەممەدتۇر ﯪﻟﻼھنىڭ،
ئەلچىسى رەسۇلۇللاھ.

رەببىم مېنىڭ بىر ﯪﻟﻼھ،

ئىشىنىڭلار تۇققانلار.
ئۇدۇر بىزنى ياراتقان،
دىلغا ئىمان تاراتقان.

رەببىم مېنىڭ بىر ﯪﻟﻼھ،
ئىشىنەر مۇسۇلمانلار.
مەن مۇسۇلمان بولىمەن،
ئەقىل كۈچكە تولىمەن.

.