شىنجاڭدا تۇنجى ئاپتوموبىل ياساش زاۋۇتى قۇرۇلماقچى

orkex

يىلىغا 20مىڭ ئاپتومۇبىل ئىشلەپچىقىرىش تۈرى شىخۇ شەھىرىگە ماكانلاشتى

8-نويابىر شىخۇ شەھىرىدىكى خېمىيە سانائەت باغچىسىدىكى بىر پارچە قۇرۇق يەردە، بايراقلار لەپىلدەپ، ھەر خىل مېخانىك ماشىنىلار «» شەكىلدە تىزىلىپ تۇراتتى. داقا-دۇمباق ساداسى ئىچىدە چۇڭچىڭ يۈنخې پېيى كونتىرو قىلىنغان گۇرۇھى  شىنجاڭ يۈنخې مەخسۇس ئاپتومۇبىل چەكلىك شېركىتى يىلىغا 20 مىڭ مەخسۇس ئاپتومۇبىل تۈرىگە ئۇل سېلىش مۇراسىمى باشلاندى.

مۇخبىرنىڭ ئىگىلىشىچە، بۇ تۈر تۇنجى نۆۋەتلىك جۇڭگو-ئاسىيا-ياۋرۇپا كۆرگەزمىسىدە شىخۇ شەھىرى بىلەن چۇڭچىڭ يۈنخې پېيى كونترول گۇرۇھى توختاملاشقان تۈر بولۇپ، پىلان بويىچە 1-قارارلىق قۇرۇلۇشقا 1 مىليارد يۈەن مەبلەغ سېلىنىدىغان بولۇپ، قۇرۇلۇش پۈتۈپ ئىشلەپچىقىرىشقا كىرىشتۈرۈلگەندىن كېيىن، يىلىغا يۈنخې ماركىلىق ئۆز تۆكىدىغان كوزۇپلۇق، باكسىمان، ساندۇقلۇق شەكىللىك ۋە يېرىم پىرىتسىپلىق،  قۇراشتۇرۇلىدىغان سېمونت ماشىنىسى قاتارلىق مەخسۇس ئاپتوموبىلدىن 20 مىڭنى ئىشلەپچىقىرالايدۇ. مۆلچەرلىنىشىچە يىللىق سېتىش مىقدارى 5 مىليارد يۈەنگە يېتىدىكەن، شۇنىڭ بىلەن بىرگە يەرلىكنى بىر نەچچە مىڭ ئىش ئورنى بىلەن تەمىنلەيدىكەن. بۇ تۈر شۇ يىلى سۆزلىشىپ، شۇ يىلى توختاملىشىپ، شۇ يىلى ئۇل سېلىنغان، تونۇشتۇرۇشقا ئاساسلانغاندا، 2012-يىلى ئاۋغۇستنىڭ ئوتتۇرىلىرىغىچە بىرىنچى مەخسۇس ئاپتوموبىل ئىشلەپچىقىرىلىپ ئىككىنچى نۆۋەتلىك «جۇڭگو-ئاسىيا-ياۋرۇپا كۆرگەزمىسى»گە قاتناشتۇرۇلىدىكەن.

مەنبە - ماشىنا مۇنبىرى