|
قۇرئاندىكى ھەدىد (تۆمۈر) ناملىق سۈرىدە ناھايىتى قىززىقارلىق بىر چۈشەنچە بار، بۇ سۈرىدە تۆمۈرنىڭ ئەرشتىن چۈشۈرۈلگەنلىكى تەكىتلىنىدۇ. ئاۋال بۇ ئايەتنى تەھلىل قىلىپ كۆرەيلى. بىز ھەقىقەتەن پەيغەمبەرلىرىمىزنى رۈشەن مۆجىزىلەر بىلەن ئەۋەتتۇق ۋە ئۇلار بىلەن بىللە، ئىنسانلار ئادالەتنى بەرپا قىلسۇن دەپ، كىتابنى، قانۇننى چۈشۈردۇق. تۆمۈرنى ياراتتۇق، (تۆمۈردىن ئۇرۇش قوراللىرى ياسىلىدىغانلىقى ئۈچۈن ) تۆمۈر كۈچ - قۇۋۋەتنى ئۆز ئىچىگە ئالغان، تۆمۈردە ئىنسانلار ئۈچۈن نۇرغۇن مەنپەئەتلەر بار، ئاللاھ ئاللاھنى كۆرمەي تۇرۇپ ( قوراللارنى ئىشلىتىپ) ئاللاغا ۋە پەيغەمبەرلىرىگە ياردەم بەرگەنلەرنى بىلىش ( مەلۇم قىلىش) ئۈچۈن ( تۆمۈرنى ياراتتى)، ئاللاھ ھەقىقەتەن كۈچلۈكتۇر، غالىبتۇر.  يۇقارقى ئايەتتىكى ئەنزەل سۆزى ئۇيغۇرچە تەرجىمىدە ياراتتۇق ئېلىنغان بولۇپ، تەرجىمىدە سۆزلەرنىڭ راۋان بولىشىنى ئاساس قىلغان، يەنى قانۇننى چۈشۈردۇق، تۆمۈرنى چۈشۈردۇق كېلىپ قالغانلىقى ئۈچۈن شۇنداق ئېلىنغان، ئەمما ماھىيەتتە ئەرەپچىدىكى ئەنزەل سۆزى چۈشۈرمەك بولۇپ،باشقا مەنبەلىك تەرجىمىلەردە ۋە ياكى تۈز ھالدىكى تەرجىمىسىدە چۈشۈرمەك ئېلىنىدۇ. بۇ تۆمۈرنىڭ سىرىتقى دۇنيادىن كەلگەنلىكىنى تەكىتلەيدۇ ۋە كۈچلەندۇرىدۇ. چۈنكى قۇرئان قانۇن بولۇپ ئاللاھ تەرپىدىن چۈشۈرۈلگەن ۋە تۆمۈرمۇ شۇ قانۇننى ئىجرا قىلىشتا ياردەمچى بولۇپ تاشقى ئالەمدىن چۈشۈرۈلگەن دىگەن ئوقۇمنى كۈچلەندۇردۇ. قۇرئان كەرىمىدە تەكىتلەنگىنىدەك بۈگۈنكى ئاسترونۇمىيە بىلىمىمۇ تۆمۈر ماددىلىرىنىڭ ئالەمدىكى چوڭ يۇلتۇزلاردىن كەلگەنلىكىنى يەكۈنلىدى. "سۈپەرنوۋا" دەپ نام بېرىلگەن بۇ يۇلتۇزلاردا مەيدانغا كەلگەن پارتىلاشلار نەتىجىسىدە تۆمۈر پارچىللىرى ئالەمگە چېچىلىپ زىمىنغا چۈشكەن. شۇنداقلا ھەدىد يەنى تۆمۈر سۈرىسى تۆمۈر ئېلمېنىتىنىڭ خىميىلىك بەلگىسىگىمۇ ئىشارەت بەرمەكتە، چۈنكى بۇ سۈرىنىڭ دەل ئوتتۇرسىدىكى ئايەتنىڭ ئەرەپچە ئوقۇلىشى قە ھەرىپلىرى بىلەن باشلىنىدۇ. تۆمۈر ئېلمىنىتىمۇ خىميىدە Fe ھەرىپى بىلەن ئىپادىلىنىدۇ. ئۇندىن باشقاي يەنە ھەدىد يەنى تۆمۈر سۆزىنىڭ ئەرەپچىدىكى سانلىق قىممىتى 26، تۆمۈرنىڭ ئاتۇم نومۇرىمۇ يەنە 26، ئاتۇم نومۇرى تۆمۈرنى ئۆز ئىچىگە ئالغان پۈتۈن ئېلىمىنىتلار ئۈچۈن ئەڭ موھىم ئوقۇمدۇر، ئېلمېنىتلارمۇ ھەقىقەتەن ئاتۇم نومۇرىلىرىغا ئاساسەن رەتكە تۇرغۇزۇلغان. | 
يوللىغان ۋاقتى 2011-10-16 20:44:18
