ساغلاملىق بىباھا گۆھەردۇر

MemetEmin

مەمەت ئىمىن

دورىيان ئاھىلىسى

ئامىركىنىڭ رود ئايىلەن  (Rhode Island)  شىتىاتىدا بۇ يىل 8 ياشقا كىرىش ئالدىدا تۇرغان دورىيان (Dorian)  ئىسىملىك  بىر بالا، 4 يىشىدا يەنە 2012-يىلى 4-ئايدا يامان سۈپەتلىك مۇسكۇل ئۆسمىسىگە (rhabdomyosarcoma، 横纹肌肉瘤)  يەنى بىر خىل راك كىسىلىگە گىرىپتار بولغان بولۇپ، 4 يىلغا  يىقىن ۋاقىت  ئىچىدە  ھەر خىل  داۋالاشلارنى  ئىلىپ بارغان بولسىمۇ،  ئەڭ ئاخىردا يەنىلا ئۆلۈم گىرداۋىدىن  يىراقلاپ  كېتەلمىگەن.  دوختۇرلار بالىغا ۋە بالىنىڭ ئاتا ئانىسىغا ھىچقانداق ئامالنىڭ يوقلىقىنى ئېيتقان. 2016-يىلى 1-ئاينىڭ 12-كۈنى  بالا  ئۆزىنىڭ كۆپ  ياشىيالمايدىغانلىقىنى بىلگەندىن  كىيىن،  ئاتا ئانىسىغا ئۆزىنىڭ ئۆلۈپ  كىتىشتىن بۇرۇن بىر ئارزۇسىنىڭ بارلىقىنى ئەيىتقان.

دورىيان

دورىيان: دادا، سەن بىلەمسەن، مەن جەننەتكە كىرىشتىن بۇرۇن نىمىنى ئۈمۈت قىلىمەن؟
دادىسى: (كۆز  يىشىنى مەجبۇرى كونتۇرۇل قىلىپ تۇرۇپ) نىمىنى ئۈمۈت قىلىسەن ئوغلۇم؟
دورىيان: مەن جوڭگودىكى سەدىچىن سىپىلى ئۈستىدە مەشھۇر بولۇشنى ئۈمۈت قىلىمەن!
دورىياننىڭ ئاتا ئانىسى بالىسىنىڭ بۇ ھالىدا جوڭگوغا بىرىشنىڭ قىيىن ئىكەنلىگىنى ئويلۇشۇپ تۇرغاندا، بالا دەرھال قوشۇمچە قىلىپ مۇنداق دىگەن. مەن ئۆلۈپ كىتىشتىن بۇرۇن ئامالىمنىڭ بىرىچە مەشھۇر بولۇشنى ئۈمۈت قىلىمەن.

شۇنىڭ بىلەن بالىنىڭ ئاتا ئانىسى ئىجتىمايى تاراتقۇلاردا جوڭگودىكىلەرگە ۋە ياكى جوڭگودا تونۇشى بارلارغا بالىسى ئۈچۈن سەدىچىن سىپىلى ئۈستىدە "جەسۇر بول، دورىيان" (DStrong)  دىگەن خەتنى كۆتۈرۈپ رەسسىمگە چۈشۈپ ئەۋەتىپ بىرىشنى مۇراجەت قىلغان. نەتىجىدە 24 ساەتكە يەتمىگەن ۋاقىت ئىچىدە دۇنيانىڭ ھەر قايسى جايلىرىدىن نۇرغۇن قوللىغۇچىلار "جەسۇر بول، دورىيان" دىگەن خەتنى كۆتۈرۈپ رەسسىمگە چۈشۈپ تورغا قويۇپ قويغان.

بۇ ۋەقە ئارقىلىق مىنىڭ بۇ يەردە دىمەكچى بولغۇنۇم، ھاياتنىڭ تىخى  نىمە ئىكەنلىگىنى بىلمىگەن بىر بالىنىڭ ئۆزىنىڭ ئۆلىمىنى قوبۇل قىلىشى نە قەدەر بىر مۇشكۈل ئىش، ئاتا ئانىغا نىسبەتەن بالىسىنىڭ ئۆلۈپ كىتىۋاتقانلىغىنى كۆرۈپ تۇرۇپ، ھىچنىمە قىلالماي بالىسىنىڭ ئۆلۈمىنى كۈتۈپ تۇرۇش نەقەدەر ئازاپلىق بىر ئىش. ئاتا ئانىغا نىسبەتەن دۇنيادا بۇنىڭدىن بەك ئازاپلىق ئىش بولمىسا كىرەك.

ساغلاملىق - ساغلام تۇغۇلۇپ ساغلام چوڭ بولغانلارغا نىسبەتەن تەبىيىلا  ئگە بولغان نورمال ھاياتنىڭ بىر قىسمى بولسىمۇ، بىراق مېيىپ تۇغۇلغان ۋە ياكى ساغلاملىقىنى يوقاتقانلارغا نىسبەتەن دۇنيادا قايتا ئىرىشمەك ئەڭ قىيىن بولغان قىممەتلىك بايلىقتۇر.

ھەممىزنىڭ  تىنى ساغلام بولسۇن!

nurhayat1

ساغلام ھايات بولسىلا ھەقىقى بايلىق دىگەن ئەنە شۇ بىراق شۇ ساغلام ھاياتنىڭ قەدرىگە يەتمەي ئۆزىمىزنى بۇلغايدىغان ياراتقان نىھمەتلىرىگە شۇكرى قانائەت قىلىشنى بىلمەيدىغان بىر قىسىم كىشىلىرىمىزگە ناھايتى تەربىيىۋى قىممىتى بار يازمىكەن بۇ !~

bihixbag

تەن ساقلىق زور بايلىق. ساغلام ۋاقتىمىزنى قەدىرلەيلى.

kuy2015

ساغلام تەندە ساپ ئ‍ەقىل ،،

hazilkax

نىمى دىگەن تەسىرلىك

MemetEmin

باشقىلار بىر مەشھۇر زاتتىن، قانداق ئىنسانلار  سىزنى  ئەڭ ھەيران قالدۇرىدۇ دەپ سورىغاندا، بۇ مەشھۇر زات مۇنداق جاۋاپ بەرگەن ئكەن. " مال دۇنيا ئۈچۈن ئۆزىنىڭ ساغلاملىقىنى قۇربان قىلىدىغان، ئۇندىن كىيىن مال دۇنياسىنى سەرىپ قىلىپ ساغلاملىقىنى ئەسلىگە كەلتۇرۈشكە تىرىشىدىغان، كەلگۈسى توغۇرسىدا بەك ئويلۇشۇپ كىتىپ، ھازىرقى ھاياتىدىن بەھرىمان بولمايدىغان (ھوزۇرلانمايدىغان)، نەتىجىدە ھەم بۇگۈنىدىن ھەم كەلگۇسىدىن مەھرۇم قالىدىغان، ياشىغاندا مەڭگۇ ئولمەيدىغاندەك ياشايدىغان، ئولگەندىمۇ مەڭگۇ ياشىمىغاندەك ئولىدىغان ئىنسانلار."

MemetEmin

دوختۇرلار دورىياننىڭ ئاھىلىسىدىكىلەرگە دورىياننىڭ ھازىرقى ئەھۋالىدا ھىچقانداق داۋالاشنىڭ ئۈنىمى يوقلىقىنى ئەيىتقاندىن كىيىن، دورىيان ئاھىلىسى دورىياننىڭ ھەر بىر كۈنىنى خوشال خورام ئۆتكۈزۈزكە ۋە ئۇنىڭغا روھى ئوزۇق بىغىشلاشقا تىرىشىش بىلەن بىرگە بىرەر موجىزىنىڭ دۇنيغا كىلىشىنى كۈتۈپ تۇرماقتا. دورىياننىڭ دادىسى بالىسى ئۈچۈن ياسىغان ئىجتىمايى تاراتقۇغا «دورىيانغا دۇئا قىلايلى» دەپ نام قويغان بولۇپ، ئۇنىڭغا باش تىما قىلىپ مۇنداق يازغان: ئۈمۈت دىمەك پۈتۈن دۇنيانى پۈتۈنلەي قاراڭغۇلۇق باسقان بىر شاراھىتتا بىر تال چىراقنىڭ نۇرىنىى كۆرەلىمەك دىمەكتۇر.