سالام ئۇستازلار(بايراملىق مۇنازىرە)

alnur

ئەسسالام، باغداش مۇنبىرىدىكى ھەم مۇنبىرىمىزنىڭ قىزغىن ئىشتىراكچىلىرى بولغان بارلىق جاپاكەش ئۇستازلار ، كەسىپدىشىڭلار ئەلنۇردىن سىلەرگە ئالدىن بايراملىق سالام، ئالىي ئېھتىرام!!!!!

‹‹ ئوقۇتقۇچىلار بايرىمى›› كېلىش ھارپىسىدا ئۆز كەسپىنى قىزغىن سۆيۈپ، بارلىقىنى بالىلار ئۈچۈن، مىللىي مائارىپ ئۈچۈن بېغىشلاپ جاپالىق ھەم ھالال ئەمگەك بىلەن شوغۇللىنىپ كېلىۋاتقان سىلەردەك كەسىپداشلىرىمدىن سەمىمى ھال سورايمەن، شۇنداقلا ھەممىڭلارنىڭ بارلىق ئىشلىرىغا ئۇتۇق تىلەيمەن.
بايرام مۇناسىۋىتى بىلەن بارلىق كەسىپداشلار ئارا تۆۋەندىكى مەسىلە ئۈستىدە مۇنازىرە ئېلىپ بېرىشنى ئويلىنىپ قالدىم، مۇنازىرىگە مائارىپ كەسپى بىلەن شوغۇللىنىۋاتقانلارلا ئەمەس، بارلىق مۇنبەر ئەھلىنىڭ ئورتاق پىكىر قاتناشتۇرىشىنى ئۇمىد قىلىمەن.

ئوقۇتقۇچىلارنىڭ ئوقۇغۇچىلاردىن بايراملىق سوۋغا قوبۇل قىلىش ھەرىكىتىگە قانداق قارايسىز؟
ئەگەر راستىنلا قوبۇل قىلىشقا توغرا كەلسە قانداق سوۋغىلارنى قوبۇل قىلىش مۇۋاپىق بولىدۇ؟

satar

سوۋغا قوبۇل قىلسا بولىدۇ ،
باشلىقلارغا قول ئاستىدىكىلەر ھېيت - بايرامدا سوۋغا دىگەننى توختىماي قىلىدۇ.
دوختۇرلارغا بىمارلار سوۋغا سالامنى بېرىپ تۇرىدۇ .
ساقچىغا  جىنايەتچىلەرنىڭ ئۇرۇق تۇققانلىرى ، ئاقچىلار ،ئوغرىلار سوۋغا سالام بېرىپ تۇرىدۇ .
كەنىت كادىرلىرىغا دېھقانلار  سوۋغا سالام بېرىپ تۇرىدۇ .
بازار باشقۇرۇشقا سودىگەر دۇكانچىلار سوۋغا سالام بېرىدۇ ،

بىچارە ئوقۇتقۇچىلارغىچۇ ؟  كىم بېرىدۇ ؟؟؟
يىلدا كېلىدىغان بايرامدا ئاتا - ئانىلار ياخشى سوۋغىلارنى تەييارلاپ بالىلىرىغا ئوقۇتقۇچىلارغا بېرىشنى تاپىلسا ھەم ئوقوتقۇچىلارغا بولغان ھۆرمەتنى ئىپادىلىگىلى ھەم ئوقۇغۇچىلارغا ئوقۇتقۇچىلارنى ھۆرمەتلەشنى ،رەھمەت ئېيتىشنى بىلدۈرگىلى بولىدۇ .

يولداشلار مىڭلاپ تۈمەنلەپ بېرىدۇ دەپ ئاڭلىغان :

tugluk

سوۋغا دىگەننى ھۆرمەت ساھىبلىرىغا چىن كۆڭۈلدىن بىرىمىز.بىزدە باشقىلارنىڭ ئەمگىكىنى قەدىرلەش ئەنئەنىمىز بار.شۇڭا يازغۇچىلار يازغان كىتاپلىرىنى خان - پادىشاھلارغا سوۋغا قىلغان.
بۇبىر خىل مىننەتدارلىقتۇر.
تالىبلار ئۇستازلىرىغا .......
ھازىر سوۋغا سالامنىڭ تۈرى،مەخسىدى...ئەيتاۋۇر رەڭگارەڭ!.
بىراق ،ئۇستازغا بولغان سوۋغا ئەڭ سەمىمى تىلەكنى،بىر خىل ھۆرمەت ۋە ئېتىقاتنى ئىپادىلەيدۇ.
شۇڭا ياراتقان ئىگىمىزمۇ ئۇستازلارغا  ئەڭ گۈزەل جەننەتنى بەرگىدەك،دەپ ئاڭلىدىم.
ئېھتىرام ئوقۇتقۇچى ئۇستازلار،بايرىمىڭلارغا مۇبارەك بولسۇن!.
سىلەرگە دۇنيانى گۈل قىلىپ بەرگۈم كىلىدۇ.

ilim

ئەسسالامۇ ئەلەيكۇم ئەلنۇر ۋە بارلىق ئوقۇتقۇچىلار بايرىمىڭلارغا مۇبارەك بولسۇن .
ئاللاھ سىلەرگە پاكىز قەلىپ ۋە سالاماتلىك ئاتا قىلسۇن .تۇرمۇشۇڭلار بەركەتلىك
ئۆتسۇن .ئامىن .
مەقسەت :
ئەسلى سوغا بەرسەك  بولاتتى .لېكىن ھازىرقىدەك مەدەنىيەت شارائىتىدا قەتئىي بولمايدۇ .
سوغا دىسىلا ھازىر پارا بىرىش كۆز ئالدىمىزغا كېلىدۇ .خەنزۇلار مۇئەللىمىگە
سوغا بەرسە بالىمىزغا ياخشى مۇئامىلىدە قىلىپ قويامدىكىن دەپ بىرىدىكەن .
مەركەز ت ۋ دىكى زىيارەتتىمۇ شۇنداق دىدى .بۇ ناچار ئادەتنىڭ ئۇيغۇر
ئوقۇغۇچىلارغا تەسىر قىلمايدۇ دىيەلمەيمىز .ئەگەر بۇ ئوموملاشسا بالىلاردا
<پارا بىرىپ ئىش بىجىر> پىسخىكىسى بىخ ئۇرۇپ قالىدۇ .
مەركەز ت ۋ دىمۇ ئوقۇتقۇچىلارنى زىيارەت قىلىپ سەن سوغىغا قانداق قارايسەن
دەپ سورىۋىدى ئەمەلىيەتتە بىز بەك بىزار دىدى بىر ئوقۇتقۇچى .
دىمەك ئوقۇتقۇچىلارمۇ ئانچە ياخشى كۆرمەسمىش بىلمىدىم ئەلنۇر قانداق
قارايدىكىن .   
قەدىمدە دىيارىمىزدىكى مەكتەپلەردىكى تالىپلار ھەر پەيشەنبە كۈنىسى
ئوقۇتقۇچىلىرىغا پەيشەنبىلىك ئەكىلەتتىكەن .مۇشۇ ئادىتىمىز بويىچە
ئەسلى ئوقۇتقۇچىلىرىمىز لازىم قىلىدىغان لازىمەتلىكلەرنى ئېلىپ كېلىپ
سوغا بەرسەك بولاتتى .لېكىن ئەخلاق ئارقىلىق دۆلەت باشقۇرمايدىغان
جوڭگو مۇھىتىدا قەتئىي بەرمەسلىك كىرەك .
مەن مۇشۇ قاراشتا چىڭ تۇرىمەن .

alnur

مەن ئوقوغۇچىلار ئوقۇتقۇچىلارغا ئاتاپ كۆڭلىدىكى ئارزۇ- تىلەكلىرىنى ئىپادىلەپ ئۆزلىرى ياساپ تەييارلىغان قەغەز كارتىلارنى سوۋغا قىلسا ئەڭ مۇۋاپىق دەپ قارايمەن. چۈنكى، ھەر بىر ئائىلىنىڭ ئىقتىسادى شارائىتى ئوخشاشمايدۇ، بىزنىڭ ئىدىيىمىزدە دورامچىلىق ئىدىيىسىنىڭ ئېغىرلىقىنى ئۆزىڭىزمۇ بىلىسىز. شۇڭا بۇنداق بولغاندا، ھەم ئوقۇغۇچىغا، ھەم ئوقۇتقۇچىغا ، شۇنداقلا ئائىلە باشلىقلىرىغىمۇ بېسىم بولمايدۇ. يەنە كېلىپ ئوقۇغۇچىلار ئېڭىدا ئۆزىنى يوقۇرى - تۆۋەن كۆرۈش پىسخىكىسى شەكىللەنمەيدۇ. ئۇلار ئۆزلىرى ياسىغان نەرسىلەر ئارقىلىق ئوقۇتقۇچىغا بولغان كۆڭلىنى ئىپادىلىگەنلىكىدىن بىردەك خۇش بولىدۇ. بۇنداق سوۋغاتلارنى ئوقۇتقۇچىلار ئوقۇغۇچىلارنى ئىلھاملاندۇرغان ئاساستا سىنىپتىكى قارادوسكىغا(تام گېزىتى) چاپلاپ ھەم ئۆزىنىڭ ئۇلارغا بولغان رەھمىتى ئۇلاردىن كۈتىدىغان ئۈمىدى، ئۇلارنىڭ ياخشى ئادەم بولۇپ يېتىلىپ چىقىشىنىڭ ئۆزى ئۈچۈن ئەڭ قىممەتلىك سوۋغات ئىكەنلىكىنى بىلدۈرگىنىدە ئوقۇغۇچىلارنىڭ ئۈگىنىش قىزغىنلىقى ، ئوقۇتقۇچىنىڭ ئۆزىنىڭ قەلبىدىكى ئوبرازى تېخىمۇ يوقىرى كۆتۈرۈلىدۇ ھەمدە ئوقۇتقۇچىغا بولغان ھۆرمىتىنى تېخىمۇ ئاشۇرغىلى بولىدۇ دەپ قارايمەن. بۇنىڭدا ھەر ئىككى تەرەپ ئوخشاشلا خۇش بولۇپ بايرام شادلىغىدىن بىرلىكتە بەھرىمەن بولالايدۇ.
لاياقەتلىك بىر ئوقۇتقۇچى ئۈچۈن ئوقۇغۇچىلارنىڭ خۇشاللىقى، ئۇلارنىڭ ياراملىق ئادەم بولۇپ يېتىلىپ چىققانلىقىنى كۆرۈشتىن ئىبارەت بەخىت ھەم خۇشاللىق بولمىسا كېرەك دەپ ئويلايمەن.

ilim

ئەلنۇرنىڭ بۇ قارىشىمۇ بولىدۇ .ئوقۇغۇچىلارغا ئوقۇتقۇچىلار بايرىمى كېلىشتىن ئون يىگىرمە
كۈن ئىلگىرى مۇشۇنداق تەربىيە قىلىشى كىرەك .بولسا ئوقۇغۇچىلار چىن ھېسياتىنى ئىپادىلەپ
ئوقۇتقۇچىلارغا ئەسەر يازسىمۇ بولىدۇ .

yuzbexi

بۇيىل بايرامدا سوغا قوبۇل قىلىنمايدۇ ، قوبۇل قىلىشقا توغرا كەلسە <<ناۋبەيجىن  >>قوبۇل قىلىنىدۇ .

arzuyum

مەن ئۆزەم بىر يېزا مەكتەپ ئوقۇتقۇچىسى، بىزنىڭ مەكتەپتە ھەر يىلى ئوقۇتقۇچىلار بايرىمىدا ئەلنۇر دىگەندەك ئوقۇغۇچىلار ئۆزلىرى ھەر خىل كارتىلارنى ياسايدۇ، ۋە ئۇنىڭغا يۈرەك سۆزلىرىنى يېزىپ ئوقۇتقۇچىلارغا تەغدىم قىلىدۇ. بىزنىڭ بالىلاردىن ئالىدىغان ئەڭ چوڭ سوۋغىمىز، ئۇلارنىڭ ياخشى نەتىجىسى، ئۇلار ياخشى ئوقۇپ، ياراملىق بولۇپ يىتىشىپ چىقسا، مانا بۇنىڭ ئۆزى بىزگە نىسبەتەن ئەڭ ياخشى سوۋغا بولىدۇ. مەن خىزمەتكە چىقىپ تا ھازىرغىچە ئوقۇغۇچىلاردىن ئېلىۋاتقان سوۋغام مانا موشۇ. بىزنىڭ مەكتەپتە مەكتەپ مەسئوللىرى قاتتىق چەكلەيدۇ، ئوقۇغۇچىلار پۇل خەشلەپ ئوقۇتقۇچىلارغا سوۋغا ئېلىش قىلمىشىنى، ھەتتا ئاترىتكا سېتىۋېلىپ سوۋغا قىلماقچى بولغان بىر قىسىم ئوقۇغۇچىلارنىمۇ چەكلەيدۇ. شۇڭا ئوقۇغۇچىلارمۇ بۇنىڭغا كۆنۈپ كەتكەن، پۇل خەشلىمەيدىغان لېكىن، چىرايلىق ئۆزلىرى ياسىغان سوۋغىلارنى تەغدىم قىلىدۇ.