ھېيت كۇنىدىكى تېڭېرقاش

Umut903

   ھېيتنىڭ بېرىنچى كۇنى ئەن-ئەنىمىز بويىچە قۇربانلىق قوينى سويۇپ چوڭلارنىڭ ئويىگە جەملەشمەك بولۇپ ماشىنامنى سۇرۇتۇپ باللارنىڭ چىقىشىنى ساقلاۋاتاتتىم،توساتتىن كېيىنىشى ناھايىتى كونا ئەمما پاكىزە ،ساقاللىرى ئاپپاق 70ياشلارنىڭ قارىسىنى ئالغان بىر بوۋاي خىيالىمنى بۇزدى: ئەسسالامۇ ئەلەيكۇم بالام سويىدىغان قوي بارمۇ؟ سويۇپ بولدۇم چوڭ دادا رەھمەت!دىشكە ئاران ئۇلگۇردۇم، بوۋاي مېڭشقا تەمشىلىۋىدى ئورۇپ-ئادەتلىرىمىز بۇيىچە:ئويكە كىرىپ پەتىلەپ ماڭسىلا؟!دەپ بوۋاينى ئويگە تەكلىپ قىلدىم ،بوۋاي بۇرۇلۇپلا: رەھمەت بالام مەن ھېيت نامىزىدىن كېيىن پىشىنگىچە(پىشىن نامىزى) بەش ئون قوي سويۇپ ئازراق پۇل تاپمىسام نەۋرەمنڭ بوينى قېسىلىپ قالىدۇ مەن ماڭاي دەپلا ئاسپالىت يولغا چىقتى؛ كالامدا چاقماڭ تىزلىگىدە بىر ئىنكاس پەيدا بولدىدە :چوڭ دادا توختاپ تۇرسىلا ! دىدىمدە يانچۇغۇمدىن ھەمياننى ئېلىپ 50يۇئەنلىك پۇلدىن بىرنى تەڭلەپ: ئالسىلا نەۋرىللىرىگە بىر نەرسە ئەپ بېرەلا! بوۋاي قولىنى سۇنماقتا يوق:بالام ئويدە مەن سىلىگە قىلىشىپ بېرىدىغان ئىش بامۇ؟ قىرقىدىغان قوي بوسىمۇ ؟چاپىدىغان ئېرىق ،ياكى كومىدىغان تال(ئۇزۇم تېلىى ،تەگ) بوسىمۇ بولاتتى! ھېچقىسى يوق چوڭ دادا باشقا ئىش يوق دەپ پۇلنى قولىغا تۇتقۇزدۇم؛ بوۋاي پۇلنى ماڭا تەڭلەپ :بالام مەن ھالال ياشاپ مۇشۇ كۇنگە كەلگەنمەن ،بۇ يىل 85ياشقا كىردىم ئىككى بالام باتتى بەك يىراق جايدا خىزمەت بىلەن مەزلۇم(ئايالىنى دىمەكچى) قازا قىلغىلى دەل 10يىلنىڭ قارىسىنى ئالدى ،تېنىم ئاللاھنىڭ شاپائىتى بىلەن ساغلام ئىشلەپ يىيەلىگۇدەك كۇچۇم بار! دەپ پۇلنى قولۇمغا تۇتقۇزدى دە يولىغا يۇرۇپ كەتتى،قىزىمنىڭ دادا ماڭايلى دىگەن ئاۋازى بىلەن دېققىتىمنى يىغسام قۇلۇمدا 50يۇئەن پۇل !
   ماشىنا ھەيدەپ ماڭىمەنيۇ كاللامدا ھېلىقى بوۋاي :بەزىلەر كۇندە تىلەپ تىلەمچىلىك بىلەن كەسىپلىشىپ كەتكەن بۇنداق كۇندە مۇشۇنداقمۇ ئادەملەر باركەن..........توۋا...

putin

بۇۋىمىز ئىككىنچى دوختۇرخانا ئەتراپىدىكى كەسپىي بىچارىلەرگە قەتئىي ئوخشىمايدىكەن .تىنىنىڭ سالامەت بولىشى ،قىيىن كۈنلەرنىڭ ئاخىرىلىشى ئۈمۈد قىلىمەن .مۇشۇنداق تېمىلاردا ئىچ ئاغرىتىشتىن بۇرۇن ،كۆرۈپلا ئاچچىقىم بەك كىلىدۇ .دىيارىمىزدا نىمە ئۈچۈن چوڭ مىللەت بولغان ئۇيغۇرلاردىن تېلەمچىلەر ،مۇشۇنداق كۈنى ئىغىرلار جىق چىقىدۇ ؟بىز قىرىنداشلىقنى ئۈنۈتتۈقمۇ ياكى جاھان مۇشۇنداق ئويۇنغا سىلىۋاتامدۇ ؟مىھنتەسىز ئىرىشنى دىنىمىز ئەڭ ئىغىر ئالىدۇ .بىراق راسىت -يالغان بولسۇن ئۇنداق كىشىلەر ئاللاھنىڭ نامى بىلەن تېلەمچىلىك قىلىدۇ ...؟
   

kuxlan

ياخشى بىر ھىكايە ئىكەن، شۇ بۇۋاي ھەقىقى ئۇيغۇر ئىكەن

aloglituran

putin يوللىغان ۋاقتى  2015-9-26 14:30
بۇۋىمىز ئىككىنچى دوختۇرخانا ئەتراپىدىكى كەسپىي بىچار ...

ئەگەشتىم ئوخشاش قاراش .

eensan

پۇتىن ئەپەندىم كۆزۈمگە پۇتىندەكلا كۆرۈنەتتى. سىزمۇ خېلى تۈزۈك پىكىرلىك ئادەمكەنسىزغۇ! جىمى پىكىرلىرىڭىزنىڭ مۇشۇنداق سۈزۈك چىقىشىنى ئۈمىد قىلىمەن. تىلەمچىلەر ئاز كۈنگە قالـماي يوقايدۇ. ئۇ بوۋىمىزدەك غۇرۇر ـ ۋىجدانى بىلەن ياشايدىغان كىشىلىرىمىز ئارىمىزدىن يۈتمىگەي.

yadikar889

   دىققەت قىلىپ قاراپ باقساق ئەتراپىمىزدا ئۆز ئېھتىياجىنى نورمال قامدىيالمايۋاتقانلار خېلى بارلىقىنى كۇرىمىز،نۇرغۇنلىرىمىز كۆرسەكمۇ بۇگۇن،ياكى ئەتە يادەم قىلىپ قۇياي دىسەكمۇ تۇگىمەس ئىشلار دەستىدىن ئۇلارنى ئۇنتۇپ قالىمىز.بىر كۇنلەردە ئۇلارنىڭ ئېغىر ئاغرىپ قالغانلىقىنى ،تۇگەپ كەتكەنلىگىنى ئاڭلىغان ۋاقتىمىزدا ئەھۋال سوراپ تۇرمىغىنىمىزغا ،ياردەم قىلمىغىنىمىزغا پۇشايمان قىلىمىز ،كىچىككەنلىگىمىزنى،ئىنسانغا خاس ئادەمگەرچىلىك بۇرچىمىزنى ،كۇيۇنۇش ،باشقىلارنىڭ ھالىغا يىتىشتىن ئىبارەت ئەڭ گۇزەل ئەخلاقى پەزىلىتىمىزنىڭ يۇقالغانلىقىنى ،ئاجىزلاشقانلىقىنى بىلگىنىمىز بىزنىڭ يەنىلا ئىسانلىق غۇرۇرنى،پەزىلەتنى ئۇنتۇپ قالمىغانلىقىمىزدىن دىرەك بەرسىمۇ،پۇشايمان بەرىبىر ئورنىنى تولدۇرغىلى بولمايدىغان نەتىنجىدىن ئىبارەت ئىكەنلىگى بىزنى ئازاپلايدۇ.
   شۇ بوۋايدەك ھالال ئىشلەپ ھالال ياشىغان ئادەملەرنى شۇنچە ئەزىزلەيمىز قەدىرلىگۇمىز كىلىدۇ.دىمىسىمۇ پوتىن بۇرادەر ئېيتقاندەك ئۇلارنى تىلەپ ئولتۇرغانلارغا سېلىشتۇرغاندا بىر گۇھەر دىيىشكە بۇلىدۇ.ئاللاھ ئۇلارنى قىيىنچىلىقىنى ئاسانلاشتۇرغاي.
  
  بىردەم قاراپ تۇرساق بەلكىم تىرناق ئاستىدىن كىر ئىزدەيدىغانلار يىراقتىكى ئىككى بالىسى بۇ بوۋاينىڭ ھالىدىن خەۋەر ئالماي نىمە ئىش قىلىدىغان بىر نىمىلەر دىگەن سۇئالنىمۇ قۇيۇپ ئۇلگىرىشى مۇمكىن؟
  تەھلىلنى قانداق قىلىش ،جاۋاپنى قانداق بىرىش سىلەرنىڭ ئەركىنلىكىڭلار.

atuxoglani

تېنى سالامەت ئۆمرى ئۇزۇن بولسۇن....

aloglituran

ئەتراپىمىزدىكى ھەقىقى ياردەمگە مۇھتاج كىشىلەرگە ، ئىھتىياجىغا قارتا ياردەم قىلىشىمىز ، ياردەمنى نۇقۇل ئىختىسات بىلەن باغلىۋالماسلىقىمىز كىرەك . ئاچلىقتا قالغان كىشىگە بىرتال نان بىلەن ئامەس ، دائېىم نان تىپىپ يەيدىغان ، يولغا باشلاش ئارقىلىق داۋاملىق ئۆزىنىڭ نىنىنى تىپىپ يەلەيدىغان يولغا يىتەكلەش كىرەك .