بالىلىغىمدا دادامنىڭ دىگەن گەپلىرى

arzugulabduweli

    يۆلەنچۈگۈم،تۈۋرۈگۈم،قەدىرلىك دادا،‹كىچىكىڭدە ئۈگەنگىنىڭ تاشقا مۆھۈر باسقاندەك،قېرىلىغىڭدا ئۈگەنگىنىڭ  قاشقا ئوسما قويغاندەك.›دىگەن سۆزۈڭنىڭ مەنىسىنى خىزمەتكە چىقاندىلا چۈشىنىۋاتىمەن.سەۋەبى ،كىچىكىمدە غەمسىز،بېسىمسىز بولغاچقا،ئۈگۈنۈشنىڭ دىققەتنى مەركەزلەشتۈرۈش جەھەتتە يوقىرى نىسبەتنى ئىگەللەيدىغانلىقىنى چۈشەندىم.
      ئوقۇتقۇچى كىشىنىڭ ھاياتىدىكى ئىككىنچى ئوقۇتقۇچىسى بولسا،ئاتا-ئانىنىڭ كىشى ھاياتىدىكى تۇنجى ئۇلۇغ ئۇستازى ئىكەنلىكىنى بالىلىق بولغاندىلا ھەقىقىي چۈشەندىم.
      مەن ھەقىقەتەن تەلەيلىك ھەم بەخىتلىك ئىكەنمەن،سەۋەبى،ماڭا ئۇلۇغ ئاللاھ ئاتا قىلغان ساغلام بەدەن بولۇپلا قالماي،سىلەرنىڭ مېھىر-مۇھەببىتىڭلارھەم تەربىيەڭلار ئاتا قىلغان ساغلام روھىي دۇنيا بار،بۇنىمۇ ھازىرقى ئۇچقاندەك تەرەققىي قىلىۋاتقان جەمىيىتىمىزدە،روھىي بېسىمنىڭ ئېغىرلىغى مەن-مەن دىگەن ئادەمنى يىقىتىۋەتكەنلىكىنى كۆرۈپ،روھىي ساغلاملىقنىڭ نەقەدەر مۇھىم ئىكەنلىكىنى چۈشەندىم.
   ئېسىمدە قېلىشىچە،سىڭلىم مېنىڭ يېڭى ئالغان ئايىغىمنى كىيىپ قاچتى،مەن رەنجىپ سىڭلىم بىلەن سوقۇشتۇم،شۇ چاغدا،سىز ماڭا رەنجىپ:- ئاياغنى كىيىپ كەتسە،بەلكىم ئازىراق ئۇپىرار،بىراق،سىڭلىڭنىڭ دىلى ئازار يىسە،سەن خوش بولارسەنمۇ؟كىچىكىنە ئىشنى دەپ سىڭلىڭنىڭ دىلىغا ئازار بەرمە!چوڭلاردا،‹ تىغ يارىسى ساقىيار،تىل يارىسى ساقايماس.›دىگەن گەپ بار، دىگەنىدىڭىز.
   ئېسىمدە قېلىشىچە،تولۇق ئوتتۇرا مەكتەپ مەزگىلىم بولسا كېرەك،مەن ئۆينىڭ چوڭى،ئۇكا-سىڭلىرىم تېخى كىچىك بولغاچقا،سىز ماڭا:-چوڭ چاق قانداق ماڭسا،كىچىك چاق  شۇنداق ماڭىدۇ،سەن ھەر قايسى جەھەتتە ئىلغار بولساڭ،ئۇكا-سىڭىلىرىڭ سېنى دوراپ ياخشى يولغا ماڭىدۇ،دىگەنىدىڭىز،شۇنىڭ تۈرتكىسى بولسا كېرەك،مەن ئۈگىنىشنى ياخشى قىلاتتىم.ئەپسۇس،ئۇلار تېخى  كىچىك بولغاچقا،غەلۋىسى جىق،مەن ئۇلار ئۇخلاپ تىنىچلانغاندا،
ئۈگىنىشنى ياخشى كۆرەتتىم.بىراق سىز يەنىلا :-سائەت ئوندا چوقۇم ئۇخلىشىڭ كېرەك،ھايات بەئەينى مالاسۇڭ(ئاستائۇزۇنغا يۈگۈرۇش)مۇسابىقىسى،سېنىڭ باشتا ئوزۇپ چىقىنىڭ ھىساپ ئەمەس،ئاقىۋەت ئەڭ ئاخىرقى پەللىگە ئوزۇپ بارغىنىڭ ھىساپ.ناۋادا،كېچىدە ئۇزۇنغىچە دەرس تەكرارلاپ،چىڭخۇا،بېيدا(بېيجىڭ ئۇنىۋېرىسىتى)دىگەندەك،دۆلەت دەرىجىلىك ئالىي مەكتەپ ئوقۇغۇچىسى بولغىنىڭ بىلەن،جەمىيەتكە چىققاندا،تېنى ئاجىز،كۆزى ئاجىز، ئاغىرىقچان بولۇپ قالساڭ،ھىچبىر خىزمەت ئورنى ئالدىراپ سېنى قوبۇل قىلمايدۇ،دىگەنىدىڭىز.
    كىچىكىمدە،‹زۇمرەت بىلەن قىممەت›تېمىسىدىكى بالىلار چۆچىكىنى ھەدىيە قىلىپ،ماڭا زۇمرەتتەك ئەقىلىق،ئىشچان،كۆيۈملۈك بولۇشۇمنى،قىممەتتەك لايىغەزەل،ياسانچۇق،ھورۇن ،شەخسىيەتچى بولماسلىقىمنى ئۈگەتكەن ئىدىڭىز.
     كىچىكىمدە،‹ساڭا ئوخشايدۇ› دەپ، شۇ چاغدا مودا بولىۋاتقان‹星子›دىگەن ئارتىسنىڭ رەسىمىنى ئېلىپ بەرگەنىدىڭىز،ھازىر ئويلىسام،شۇ ئارقىلىق ئاق قان راكى بىلەن ئېلىشىپ،نىجىس كېسەل ئالدىدا باش ئەگمەي، ئەزرائىل بىلەن قەيسەرلىك بىلەن ئېلىشىپ ،ئاخىرقى  تىنىقىغىچە  كۇلۇپ ياشىغان باش رول شىڭزىنىڭ،چىدامچانلىغى،قەيسەرلىگى،قىيىنچىلىق ئالدىدا باش ئەگمەسلىگى،چۈشكۇنلەسمەسلىگىنى ئۈگەتكەن ئىدىڭىز  .
    ھېلىھەم ئېسىمدە،كىچىكىمدەئۇكىلىرىم بىلەن رەنجىشىپ،ئۇلارنى گەپ ئاڭلىمىدى دەپ ئۇرسام،ئۇلارنىڭ ئالدىدا :-ھەدەڭنىڭ توغرا بولسىمۇتوغرا،خاتا بولسىمۇتوغرا. دەپ مېنىڭ ئىززىتىمنى قىلاتتىڭىز،بىراق ئۇلار يوق پۇرسەتتىن پايدىلىنىپ،ماڭا ئىدىيىۋى خىزمەت ئىشلەپ:-جېنىم قىزىم ،ئامال بار ئۇرما،ناۋادا ئاچچىغىڭغا پايلىماي ئۇرغۇنۇڭدا،ئويلىمىغان يەردىن ئۇلارنىڭ كۆزى ياكى قولى ناكا بولۇپ قالسا،سەن بىر ئۆمۈر پۇشايمان قىلساڭمۇ،ئورنىغا كەلمەيدۇ،شۇڭا،‹يولۋاسنى يەڭگەن باتۇر ئەمەس،ئاچچىقنى يەڭگەن باتۇر›.دەپ، ماڭا سالماق بولۇشنى،ئېغىر-بېسىق بولۇشنى ئۈگەتكەن ئىدىڭىز  .ھازىر ئويلىسام،گەرچە مەن  ئۇكىلىرىمنى ئۇرغۇنۇمدا،ئۇلار ئۈچۈن يۈرۈكىڭىزدىن قان ئاقسىمۇ،ئۇكىلىرىمنىڭ ئالدىدا مېنىڭ غورۇرۇمنى دەپسەندە قىلماپتىكەنسىز.
ھېلىھەم ئېسىمدە،كىچىكىمدە ، مەن ئۆيدە يوتقان-كۆرپىلەرنى مىڭ تەستە يىغدىم،ئەپسۇس،ئاپام كۆرۈپلا ياراتماي ئۆرۈۋەتتى، شۇ چاغدا سىز ئاپامغا رەنجىپ:-ئۇ بىر قېتىم چىرايلىق قاتلىيالمىسا،ئىككى قېتىم، ئىككى قېتىم بولمىسا ھەتتا ئون  قېتىم قاتلاپ،ئاخىرى نەتىجە قازىنىدۇ،دەپ مېنى رىغبەتلەندۇرۇپ،مېنى قىينچىلىققا باش ئەگمەي،بىر ئىشتىن ئاسان ۋاز كەچمەسلىگىمنى ئۈگەتكەن ئىدىڭىز  .
  جېنىم پاسىبانىم دادا،مېھرىۋان،كۆيۈملۈك ئانا،دۇنيادىكى مەڭگۈ ئۆزگەرمەس،سۇنماس،توزىماس، مىننەتسىز مۇھەببەتنىڭ ئاتا-ئانىنىڭ بالىغا بولغان چوڭقۇر مۇھەببىتى ئىكەنلىكىنى تىلىم بىلەن تەسۋىرلەشكە ئاجىزمەن،ھەم بۇنىمۇ ئۆزۇم ئانا بولغاندىلا ھەقىقىي چۈشەنگەندەك بولدۇم.

huxruy

‹‹ مەن ئۆيدە يوتقان-كۆرپىلەرنى مىڭ تەستە يىغدىم،ئەپسۇس،ئاپام كۆرۈپلا ئۆرۈۋەتتى، ››بۇ گېپىڭىز ماڭا بالىلىق ۋاقتىمدىكى بەزى ئىشلارنى ئەسلەتتى ،مەنمۇ بىر قېتىم چىنە - قاچىلارنى ئەمىلا يۇيۇشۇمغا ئاپام ‹‹ قوللىرىڭىز پەقەت قولاشمايۋاتىدۇ ،چىنىلەرنىمۇ تۈزۈك يۇيالمايۋاتىسىز ›› دەپ تېرىكتى ھەم شۇ ھامان مېنى كەتكۈزىۋېتىپ ئۆزى يۇيدى ، شۇنىڭدىن كېيىن مەنمۇ قازان بېشىغا كەلمىدىم ، ئاپام مېنى ياخشى قىلالمايسىز ، دەيتتى ، شۇڭا تاكى ئوتتۇرا مەكتەپنى پۈتتۈرگىچە ئۆيدىكى ئاشۇنداق ئۇششاق - چۈششەك ئىشلارنىمۇ قىلىپ باقمىغان ئىدىم ، شۇڭا كېيىنكى ۋاقىتلاردا مەن ئۈچۈن ئۆي ئىشلىرىنى قىلىش ، تاماق ئېتىش بەك تەسكە توختىدى . شۇڭا ئاتا - ئانا بولغۇچى بولۇپمۇ قىز بالىغا كىچىكىدىن باشلاپ ئۆي ئىشلىرىنى قىلغۇزۇش زۆرۈر ئىكەن دېگەن قاراشقا كەلگەن ئىدىم . شۇنداق قىلسا ئانىلارنىڭمۇ ئائىلىدىكى يۈكى يەڭگىللەيدۇ ، قىزلارمۇ ئۆي ئىشلىرىغا پىششىق بولىدۇ ئەمەسمۇ .ئاتىڭىز ئىشلارنى ناھايىتى ئەتراپلىق ئويلايدىغان مەسئۇلىيەتچان ئادەمكەن . ئاتا - ئانىڭىنىڭ ئۆمرى ئۇزۇن بولسۇن .

Zaman333

مانا مەنمۇ چوڭ بولۇپ مۇساپىر بولغاننىڭزى , دادامنىڭ بىزنى ناھايىتى ياخشى تەربىيلىگەنلىكىنى ھىس قىلدىم  .  گەرچە بىز كىچىكىمىزدىن باي -باياشات ياخشى تۇرمۇشتا چوڭ بولغان بولساقمۇ , تاكى تۇلۇق ئوتتۇرغا چىققۇچە دادامنىڭ مە بالام ما پۇلنى خەجلە دەپ بەش موچەن بەرگىنىنى بىلمەيمەن . بىز پەقەت ھېيتلىق پۇللىرىمىزنى يىغىپ خەجلەيتۇق  . بۇ ھەرگىزمۇ دادامنىڭ پىخسىقلىقىدىن ئەمەس  , دادم , بىزگە بۇنداق چىڭلىق قىلغان بىلەن ھەرقانداق ئادەم ھاجەتمەن بولۇپ كىرىپ قالسا قولىدىن كىلىشىچە ياردەم قىلاتتى , مەھەللە ھەرقانداق ئش بولسا قولىدىن كىلىشىچە قىلاتتى ناھايىتى قولى كەڭ ئادەم ئىدى  . بىز كىچىكلىكتە بىلمەي خەققە بىردىكەن ۆزىنىڭ باللىرىغا بەرمەيدىكەن دەپ ئاغرىپ يۈرەتتۇق  .
دادامنىڭ مۇشۇنداق قاتتىق تەربىيەسىدە چوڭ بولدۇق  , ئاللاھ خالىسا تىجارەتنىمۇ ناھايىتى دۇرۇس قىلىپ كىلىۋاتىمىز  , قالايىمقان باللارنىڭ  كەينىگە كىرىپ ھىچقانداق كەيىپ ساپا ئىشلارغا ئارلاشماي ياخشى ئىتقاتلىق چوڭ بولدۇق  . ئاللاھقا شۈكرى , دادمنىڭ تېنى سالامەت بىزمۇ ھەم شۇ  , ھەر -بىر قەدەمنى دادمنىڭ كۆرسەتمىسى بويىچە بېسىۋاتنمىز  , باسقان قەدىمىمىزدىن گۈللەر ئۈنىۋاتىدۇ  , دادا بار ئۆيدە بەركەت بار قېرىنداشلىرىم  .   شۇڭا ھەممە قېرىنداشلارنىڭ ئاتا  -ئانىسىنى قەدىرلىشىنى ئۈمىد قىلىمەن  .   

sadiryurti

بۇنى كۆرۈپ مەنمۇ بالىلىق ۋاقتىمىنى ئەسلەپ قالدىم.مەن تولۇق3-يىللىققا چىققان يىلى يازلىق تەتىلدە دادام رەھمەتلىك مىنى ئىككى ئاي ئىتىزلىقتا تازا ئىشلىتىپ ئەتە مەكتەپكە بارىمەن دېگەن كۈنى مىنى ئولتۇرغۇزۇپ قويۇپ-ھە،بالام .ياخشى ئوقۇپ ئۆتۈپ كەتسەڭ كەتتىڭ بولمىسا مانا مۇشۇنداق بىر ئۆمۈر ئىشلەيدىغان دىھقانغا ئايلىنىسەن دېگەنئىدى.بۇ ئىشلارنىڭ بولغىنىغا 30 يىل بوپتۇ بۇ يازمىنى كۆرۈپ ئۆتكەن ئىشلارنىڭ خاتىرسىگە كېتىپتىمەن.ئەمدى ئويلىسام شۇ تەربىيەنىڭ مىنىڭ تىرىشچانلىقىمغا كۆرسەتكەن تەسىرى ناھايىتى چوڭ بولۇپتىكەن.رەخمەت سىزگە.

atlanjan

ھەي،،بالىلىقىمدىكى دادامنىڭ جاپا تارتقان،خەقنىڭ زىيانكەشلىكىگە ئۇچۇرغان،ناھاق قالپاق كەيدۈرۈلگەن ئىشلارنى ئويلىسام يۈرۈگۈم پىژىلداپ ئېچىشىدۇ.

پەرىشتە سۈپەت ئاتىللىرىمىز ئامان بولغاي.