ئايتاراتى-قومۇلغا قايتىش

tarati

نىمىشقىدۇر بۈگۈن تالادىكى توپىلىق ھاۋاغا قاراپ مۇڭلىنىپ قالدىم. شۇڭا باغداشنى ئېچىپ بۇرۇنقى شېئىرلىرىمنى، يازمىلىرىمنى ئوقۇدۇم.  يېڭى شېئىرلاردىن يوللاپ قويدۇم. بىللە ھوزۇرلىنايلى....

قومۇلغا قايتىش

كۆپكۈك ئاسمان، تاكسىيلارنىڭ چىرىقى

چىراقلىق يوللار ، غازاڭسىز دەرەخلەر

ئاسماندا ئېسىلىپ تۇرغان ئاي

مەن ئۆزۈمنى قومۇلدا دەپ ئويلايمەن

ھېچنىمىگە قارىماي

قومۇل شىۋىسىدە سۆزلەۋاتقان يول

سەن كىمسەن

كىمدۇرسەن

قومۇلغا قايتتىم ئاخىر

ئۇزۇن ـ ئۇزۇن يوللارنى بېسىپ

قۇملۇقلارنى تاغلارنى كېسىپ

نۇرغۇن ھېكايىلەرنى سۆزلەپ

نۇرغۇن ھېكايىلەرنى ئاڭلاپ

بىز بىر تال چىراقتۇرمىز

ھەممە يەرگە نۇر چاچقان

بىز بىر تال قوغۇندۇرمىز

قىرىقبىر ئۇرۇقى بىر يەردە قالغان

كۆپكۈك ئاسمان تەۋەدۇر خىيالغا

قومۇل شىۋىسى تەۋە قەلبىمگە

مەن تەۋەدۇرمەن قۇمۇلغا

ئۆرگىلىپ ئوينايلى

چۆرگىلىپ ئوينايلى

قومۇلغا قايتىپ كەلدۇق

قۇمۇل بىر تال ئوتۇن بولسۇن

باغرىمىزنى يېقىپ

راسا كۆيەيلى

hasritim

ھەجەپ داڭلاپ كەتتىڭلار مۇشۇ قۇمۇلنى.
خەپ، بۇيىل كۈزدە چوقۇم بېرىپ كۆرۈپ كەلمىسەم.

yagurqak

hasritim يوللىغان ۋاقتى  2015-3-10 13:03
ھەجەپ داڭلاپ كەتتىڭلار مۇشۇ قۇمۇلنى.
خەپ، بۇيىل كۈزدە  ...

راست ئەلۋەتتە داڭلىغۇدەك ئېسىل كاتتىچىلىقى بار تۇرسا بۇ يۇرتىمىز قومۇلنىڭ . ‹‹ تاشمۇ چۈشكەن يېرىدە ئەزىز ›› دەپ كونىلاردا تولىمۇ توغرا ئېيتىپتىكەن ، دېمىسىمۇ ئۆز يۇرتىنىڭ ھەممە نېمىسى گۈلدەك بىلىنمەيدىغان يەنە كىم بار دەيسىز . ئۇنىڭ ئۈستىگە ھەر يۇرتنىڭ شۇ يۇرت كىشىلىرىنىڭ ئۆزگىچە ئالاھىدىلىكى خاسلىقى ، جەمئىيەتكە نىسبەتەن ئالاھىدە كۆرسەتكەن تەسىرلىرىمۇ ئوخشىمايدۇ ئەلۋەتتە ، شۇڭا ھەر يۇرتنىڭ ئۆزگىچە تەرىپلەيدىغان ماختايدىغان تەرەپلىرى ئاز ئەمەس ...........  تېمىلىرى ياخشى چىقىپتۇ بەزىلەرنىڭ ئىچى قىزىغىدەك بولغاندىكىن ، لېكىن ئەپسۇس ئۆزلە ئايتاراتى مۇنبەردە كەمدىن كەم ئۇچرايدىغان بوپقالدىلا ، بۇ بولمىدى جۇمۇ .... ئالدىراشچىلىقمۇ يە . بىزدەك بېرىلىپ كېتىۋاتقان ئۇقۇرمەن كۆرۈرمەنلىرىنى ھەرگىز ئۇنتۇپ قالمىسىلا بۇندىن كېيىن ......................

diwa

ھازىر كۆرگۈدەك مەنزىرىسى ،ئەزىزلىگۈدەك ئادىمى ،ۋاي دىگۈدەك مۇھەببىتى قالمىغىلى تۇردى ..

turan

يۇرت سېغىنىشنى ھىچنەرسگە تەڭ قىلغىلى بولمايدۇ-دە

madika2

  ئاڭلىسام  قۇمۇلنىڭ    تەرەقىياتى   بەك  تېز   دەيدۇ،،،،    بېرىپ  ساياھەت  قىلىپ  كەلگىم  بار  مۇھىمى  توختۇر  ئاكام  ئەركىم   ئاكاملار بىلەن   ھەم  سۆھبەتتە  بىرگە  بولغىم   بارتى    ئنشائاللاھ   نىسىپمۇ  قىپقالار         

tarati

يۇمىلاق جۇگان
چوقۇم قولۇڭدا داپ بار دەپ ئويلايمەن
غىڭشىپ ناخشا ئېيتىسەن ئىچىڭدىكى ئاھاڭغا
گۈل -تىكەنلەر ئاراسىدا
سېنى ئىزدەيمەن غېرىبلىقىمدا
مەن تېشىمدا غېرىبمەن قۇم ئارىسىدا
سەن ئىچىڭدە غېرىپ ئادەملەرئىچىرە
كۈلگەن كۆزۈڭگە ئورنىغان ھەسرەت
بىر ئۇخلىۋالـماقنى ئويلايسەن تىنماي
قولۇڭدىن تارتار دۇنيا غەملىرى
بىر ئۇھ دىمەكنى ئىستەيسەن
ئۇھ دىگۈزمەس تېنىچ ھاياتلىق
قۇچاقلاپ چىڭ بوشاتماس سېنى
باي بولۇشنى ئويلامسەن
سېنى ئەزمىسۇن تۇرمۇشتىكى داغ
سېنى ئەزمىسۇن ھاياتنىڭ كۆكى
قەھۋە ئىچكىن تېنىچ ئولتۇرۇپ
سېنى تەرك ئەتسۇن بۈگۈن ھەممىسى
ئۆزۈڭگە خاس بوشلۇقتا لەيلە
ئۆز كۆڭلۈڭدە ئۆزۈڭنى بەزلە
يۇمىلاق جۇگان
قولۇڭدىكى دېپىڭنى
تازا چالغىن ھايات كۈيىگە
كۈينىڭ ئىسمى بولسۇن «ئۆزەمچە »

Aygang

ھەر يۇرتنىڭ خەلقىمىزغا قوشقان ئازدۇر-كۆپتۇر، چوڭ-كېچىك تۆھپىسى بار ! بايقايلى، ئازبولسا كۆپەيتەيلى، كىچىك بولسا چوڭايتايلى ! سىز ياخشى، مەن ياخشى، ھەممىمىز ياخشى!