قىرانلىققا مۇبارەك!

adile

قىرانلىققا  مۇبارەك !

                                                  (ئادىلە ئىسمائىل)                                                      

ئاياللار بايرىمىغا بېغىشلايمەن.

                                                                                                   .

ياشلىغىم، نازۇكلۇغىم كەتتى دېمە.

گۈل يۈزۈم، لەرزان سەسىم سۇلدى دېمە.

قىزلىغىم، قىزغىنلىغىم ئۆلدى دېمە.

ئارمانىم، ئىستەكلىرىم ئۆچتى دېمە.

گۈل يۈزۈڭگە قورۇق ئەمەس لاتاپەت قوندى.

ئانىلىققا قىزلىغىڭ تەختىنى سۇندى.      

سالاپەتتىن شاش-قىزغىنلىق قىزاردى،چۆكتى.

ئارمانلىرىڭ چېچەك ئاچتى، ئارمانلار تۇغدى.

پاراسەتلىك ئايال بولدۇڭ، مېھرى ئوت ئانا.

ھاياتقا رەڭ، مەنە بەردىڭ. ئەرلەرگە داۋا.   

       ھايات تۇغدۇڭ، ھاياتلىققا بولغىن باش-پانا.      

        بايرام بولسۇن ھەر كۈنۈڭ،بەختكە ئەسرا.            

         2015-يىلى3-ئاينىڭ 7-كۈنى     

                   ياپونىيە

huxruy

گۈل مەيلى قانچىلىك چىرايلىق ئېچىلسۇن ، ھامان سولىشىدۇ ،توزۇيدۇ ، ھەرقانداق گۈزەل چىرايمۇ يىللارنىڭ ئۆتىشى بىلەن بۇرۇنقى گۈزەللىكىنى يوقۇتىدۇ ،ئەمما ئاقكۆڭۈللۈك ،مېھرىبانلىق ،مىننەتدارلىق،مۇلايىملىقتەك ئېسىل   پەزىلەتلەر بەخش ئەتكەن جەلپكارلىققا  ئىللىق باھار ئاپتىپىدەك ئەبەدىي جۇلالىنىپ تۇرىدۇ ،ئۇنىڭ سېھرى كۈچى مەڭگۈلۈكتۇر .

تېمىڭىزغا رەھمەت ،گۈلۈم ، ھەر بىر كۈنىڭىز بايرام خۇشاللىقىغا چۆمگەي !

atlanjan

جىق باللا بۈگۈن سەنبا،،سەنبا،،مابىتىمگە قانداق سوۋغات ئالسام بولار،قانداق تەبرىكلىسەم بولار دەپ ھەممىسى شۇ پاراڭدا...

Akhon

قۇربان ھېيىت ۋە روزى ھېيىتتىن باشقا ئاتالمىش بايراملارنى تەبرىكلەش ۋە ئۆتكۈزۈش ياخشى ئىش ئەمەس! نىمە ئۈچۈنلىكىنى ئۆزىڭىز ئىزدىنىڭ، تولا گەپ قىلماي....

Sayaq

مېنىڭچە بۇ ئەسلى « ئاياللار بايرىمى » ئىدى، لېكىن ھازىر «قىزلار بايرىمى» بولۇپ قاغاندەكمۇ تۇرىدۇ.

Sayaq

ياپۇنىيەدىمۇ ئۆتكۈزۈلەمدىكىن بۇ بايرام؟
مەنغۇ بېرىپ باقمىغان، ئەمما ئۇيەردە بۇنداق ئەھمىيەتسىز بايراملار ئكتكۈزۈلمەسمىكىن دەپ ئۇيلايمەن، ئۆزەمچە

mahatjan

قېرىلىققا نە ھاجەت.