تاشپولات: بۇ رەڭ سىزگە قانداق كۆرۈندى؟

TashpolatRozi

تۈنۈگۈن دەرس دەم ئارىلىقىدا بىر ئوقۇغۇچىم تۆۋەندىكى كۆڭلەك رەسىمنى كۆرسىتىپ مۇئەللىم بۇ كۆڭلەكتىكى رەڭ سىزگە قانداق كۆرۈندى دەپ سورىدى. مەن ئۇنۇڭغا ئاق ۋە ئالتۇن رەڭ كۆرۈندى دەپ جاۋاب بەردىم. ئۇ ئوقۇغۇچىم بۇ رەسىمدىكى رەڭ ماڭا كۆك ۋە قارا كۆرۈنۈۋاتىدۇ دېدى. ئۇ ماڭا يەنە ھازىر مۇشۇ رەسىمدىكى رەڭ توغرىلىق ھەرقايسى تاراتقۇلاردا مۇنازىرە بولۇۋاتىدۇ دېدى. بۇ گەپنى ئاڭلاپ دەرس باشلاشتىن بۇرۇن ئوقۇغۇچىلىرىمدىن بۇ رەسىمدىكى رەڭنىڭ ئۇلارغا قانداق كۆرۈلگەنلىكىنى سوراپ باقتىم. سىنىپىمدا 30 دىن كوپ ئوقۇغۇچى بار ئىدى، بۇلارنىڭ يېرىمى بۇ رەسىمدىكى رەڭ “ئاق ۋە ئالتۇن رەڭ”، يەنە يېرىمى “كۆك ۋە قارا رەڭ” دەپ جاۋاب بەردى.  ئۆيگە قايتقاندا ئوغلۇمغا بۇ رەڭنى كۆرسەتسەم، ئۇ بۇ رەڭ “كۆك ۋە قارا” دەيدۇ. بۇ جاۋاپلارغا قاراپ رەڭنىڭ كاللىدا ياسىلىپ چىقىلىشى ئادەملەرگە قاراپ ئوخشىمايدىغانلىقىنى ھېس قىلدىم. بۈگۈن تاراتقۇلارغا قارىسام بۇ كۆڭلەك رېڭى توغرىلىق دۇنيا بويىچە مۇنازىرىگە چۈشۈپ كېتىپتۇ.  دۇنياغا داڭلىق بايقاش ژۇرنىلىمۇ بۇ ئۇچۇرنى ئېلان قىلىپ، راي سىناپ بېقىپتىكەن 75% ئادەم بۇ كۆڭلەك رېڭىنى  “ئاق ۋە ئالتۇن رەڭ”، 25% ئادەم بۇ رەڭنى “ كۆك ۋە قارا رەڭ” دەپ جاۋاب بېرىپتۇ. ئەمدىكى گەپ بۇ كۆڭلەك رەڭگى سىزگە قانداق رەڭدە كۆرۈنىدىكەن؟

بايقاش ژۇرنالدىكى ئۇلىنىش:

http://blogs.discovermagazine.co ... dress/#.VPEhrPnF-Sp

xarwaz

كۆك ، يەنە بىرى قارىمۇ ئەمەس ، ئالتۇن رەڭمۇ ئەمەس ، ماشىرەڭ دەمدۇق ئىشقىلىپ شۇنداق كۆرىنىۋاتىدۇ .

qqn0996

كۆك ۋە ماشرەڭ كۆرۈنىۋاتىدۇ.

قارارەڭ

كۆك ،قارامۇ ئەمەس،ئالتۇنمۇ ئەمەس.توم قەھۋە رەڭدەك.

isimtugaptu

بۇ ئ‍ۆزگەرگەندەك كۆرىنىدۇ،ئ‍اق رەڭنى ئ‍ارقا كۆرىنىش قىلىپ ئ‍ۇنىڭغا ئ‍ۇزاق قارىغاندىن كىيىن تۇيۇقسىز ئ‍ۇ كىيىمگە قارىسا قارا بىلەن كۆككە ئ‍ۆزگەرگەندەك،ئ‍ەگەر بىرىنچى قاراشتىلا ئ‍ۆزىگە قارىسا ئ‍اق رەڭ بىلەن ئ‍التۇن رەڭ كۆرىنىدىكەن،كاللا تۇراقسىز بولۇپ دىققەت يۆتكەلگەندە شۇنداق بولارمىكىن دىدىم،مۇنداق رەڭكەن دەپ ئ‍ەستە تۇتىۋالماڭلار بولمىسا ئ‍ۆزگەرگەننى كۆرەلمەيسىلەر،،، مەنمۇ ئ‍اخشام كۆرەپ نەچچە رەت قاراپ سىناپ بېقىپ ھەيران قالغان،،،

toksun

بۇ كىيىمنى كېيگەن ايال رەڭگىنى قارا كوك دەپبولدى

mustafaoguz

ماڭا سۇس كۆك ھەم سېرىق رەڭ كۆرۈندى.

aral52

سۇس كۆك رەڭ +بەك قېنىق ئەمەس پو  رەڭ.....
بۇ يەردىكى مەسىلە رەڭنى توغرا  پەرىق ئىتىش ئەمەس .بەلكى   رەڭ ئىسمىنى خاتا دەۋالغانلىقىتىن ھەرخىل جاۋاپ كىلىپ چىققان بولۇشى مۇمكىن. گەرچە كۆرگىنى بىرلاخىل رەڭ بولسىمۇ..