|
مائارىپنىڭ خاراكتېرى ئالىپ ئوغۇز
مائارىپ كىشىلەرگە ئىنسانىيەتنىڭ بىلىم تەجرىبىلىرىنى يەتكۈزۈشتىن سىرت ئۇ يەنە كىشىلەرگە ئەخلاقى_ پەزىلەت ،ئۆزىنى قەدىرلەش ،ئۆزىنى يارىتىش ،گۈزەللىكنى سۆيۈش ۋە ئىنسانپەرۋەرلىك روھىنى ئۆگىتىدۇ . مەيلى ئائىلە مائارىپى بولسۇن ياكى سىستېمىلاشقان جەمئىيەت مائارىپى بولسۇن، ئۇ ئىنسان قەلبىدە يورۇقلۇقنى ئاپىرىدە قىلىدىغان بۆشۈك . ھەقىقى مائارىپ دەل ئىنساننىڭ خاسلىقىنى يارىتىشقا يول قۇيۇشتىن باشلىنىدۇ . بىز ئۇنى نوقۇل ئىنسانىيەتنىڭ بىلىم تەجىرىبىللىرىنى يەتكۈزىدىغان، شۇنداقلا مەلۇم تۈزۈلمە بەلگىلىگەن قىممەت قاراشقا كىشىلەرنى مەجبۇرلايدىغان سىستېما دەپ قارىساق.ئۇ ھالدا مائارىپ بىلەن تۈرمىنىڭ ھېچ قانداق پەرقى قالمايدۇ .تۈرمىنىڭ خاراكتېرىدىن ئېلىپ ئېيتقاندا ئۇمۇ مائارىپقا ئوخشاش ئادەم تەربىيىلەشنى ئالدىنقى نىشان قىلىدۇ . تۈرمە جىنايەتچىلەرنىڭ مۇددىئاسىنى ھەرخىل ۋاسىتىلەر بىلەن ئۆزگەرتىشكە تىرىشىپ ،ئۇلارنىڭ ئېڭىنى ئەينى جەمئىيەتنىڭ قىممەت قارشى ۋە ھەرىكەت ئۆلچىمىگە ئۇيغۇنلاشتۇرىدۇ . مائارىپ ئەركىن ئاساستا كىشىلەرنى تەربىيىلەيدۇ ،تۈرمە تەربىيىلەشنى مەجبۇرى يۈرگۈزىدۇ . بۇ مائارىپ بىلەن تۈرمىنىڭ پەرقى . بۇ ئىككىسىنىڭ ئوخشاشلىق تەرىپى ئادەم تەربىيىلەش . بىراق شۇنى ئېسىمىزدە چىڭ تۇتىشىمىز كېرەككى. مائارىپتا تەربىيە ئېلىۋاتقان ۋە ئېلىپ بولغانلارنىڭ ھەممىسىنىڭ جەمئىيەتنىڭ قىممەت قارىشى ۋە ھەرىكەت ئۆلچىمىگە پۈتۈنلەي ماسلاشقان ياخشى پۇقرا بولىشى ناتايىن مەسىلەن ، بىز گېزىت ۋە تېلېۋىزورلاردىن داڭلىق ئالىي مەكتەپلەرنى پۈتتۈرۈپ چىققان، بىر قىسىم كىشىلەرنىڭ توساتتىن جىنايەت يولىغا ماڭغانلىقى ۋە باشقا قەبىھ قىلمىشلارنى قىلغانلىقى ھەققىدىكى خەۋەرلەرنى ئاڭلاپ تۇرىمىز. بۇنىڭدىن شۇنى كۆرۈۋالالايمىزكى، مائارىپنىڭ كۈچى مەلۇم كىشىلەردە ئالاھىدە رول ئوينىسا ، بىر قىسىم كىشىلەردە قىلچە رول ئوينالمايدۇ .مۇنداقچە ئېيتقاندا ئۆز مەقسىتىگە لايقلاشتۇرئالمايدۇ . شۇنىڭغا ئوخشاش، تۇرمىدى تەربىيىلىنىۋاتقانلارنىڭ ھەممىسىنىڭ يامان ئادەم بولىشى ناتايىن مەسىلەن، پەلەستىن ئىنقىلابىنىڭ داھىيسى مۇبارەك ئەپەندى ۋە جەنۇبىي ئافرىقا مىللىي ئىنقىلابىنىڭ رەھبىرى ماندىللا ئەپەندى.... قاتارلىق تالاي خەلق پەرۋەر كشىلەر جىنايەت سادىر قىلمىغان بولسىمۇ بىراق، ئۇزاق يىل تۈرمىدىكى تەربىيەنىڭ تەمىنى تېتىغان .ئۇلار مەلۇم جەمئىيەتنىڭ قىممەت قارىشى ۋە ھەرىكەت ئۆلچىمىگە نىسبەتەن جىنايەتچى بولسىمۇ لېكىن ، ئۇلارنىڭ ئۆز ئېتىقادى ۋە قىممەت قارشى شۇنداقلا خەلقىنىڭ قەلبىدىكى ئورنىنى ئۆلچەم قىلساق، ئۇلار گۇناھسىز بولۇپ چىقىدۇ . ئۇنىڭدىن باشقا مەدەنىيەت ئىنقىلابى مەزگىلىدىكى قىممەت قاراش ۋە ھەرىكەت ئۆلچەملىرىنى يۈرگۈزگۈچىلەر تەرىپىدىن ئېتىلغان ، ھەرخىل ئۇسۇلدا خارلانغان ۋە تۈرمىگە جىنايەتچى دەپ سولانغانلار. ھازىرقى قىممەت قارىشىمىز ۋە ھەرىكەت ئۆلچىمىمىزدە گۇناھسىز بولۇپ چىقتى . دېمەك ، مەلۇم مەنىدىن ئېيتقاندا، تۈرمىدىكى تەربىيە بىلەن مائارىپىدىكى تەربىيە بىر گۇرۇھ بىلەن باشقا بىر گۇرۇھ ،بىر شەخس بىلەن باشقا بىر شەخس ئوتتۇرسىدىكى قىممەت قاراشنىڭ تىركىشىشىدىن ئىبارەت . بۇنىڭدا كىم غالىب كەلسە شۇ ئۆگەتكۈچى ،كىم مەغلۇپ بولسا شۇ ئۆگەنگۈچى رولىنى ئۆتەيدۇ .بۇ يەردە مۇتلەق ھالەت مەۋجۇت ئەمەس .چۈنكى قىممەت قاراش ۋە كۈچ ھامان ئۆزگىرىپ تۈرىدۇ . شۇنداقلا بۇرۇنقى مائارىپ شەكلى ھازىرقى مائارىپ شەكلىگە ئوخشىمايدۇ .كەلگۈسىدىكى مائارىپ شەكلىمۇ ئېنىقكى بۈگۈنكى مائارىپ شەكلىدىن پەرقلىنىدۇ . تۈرمىمۇ بۇنىڭ سىرتىدا ئەمەس . بىز مائارىپنىڭ پەيدا بولۇش مەنبەسىنى تەھلىل قىلغىنىمىزدا، ئۇنىڭ تۇرمە بىلەن مەلۇم باغلىنىشقا ئىگە ئىكەنلىكىنى بايقايمىز .ئۆتمۈش دەۋرلەردە مائارىپ ھامان كۈچلۈكلەرنىڭ ئاجىزلارنى ئىدارە قىلىدىغان قورالى بولۇپ كەلدى. مائارىپنىڭ شەكلىنى كۈچلۈكلەر ئۆز مەنپەتنى چىقىش قىلىپ ئاجىزلارغا تۈزۈپ بەردى. لېكىن ، بۇ ھوقۇق دەۋرنىڭ تەرەققى قىلىشى بىلەن مەجبۇرلاش ۋە ئېزىش تۈسىنى يوقىتىپ ئىختىيارلىق دېگەن بىر سۆزگە جەملىدى .ئۇنىڭ مەجبۇرلاش ۋە تېڭىش خاراكتېرى پەقەت تۈرمىدىلا ساقلىنىپ قالدى . | 
يوللىغان ۋاقتى 2015-1-30 12:30:54
