ئوغلانى :ئالدانمىغىن ياشلىقلىرىڭغا

batur72

ئالدانمىغىن ياشلىقلىرىڭغا

مۇھەممەدتۇرسۇن ئابدۇرېھىم ئوغلانى

ئالدانمىغىن ياشلىقلىرىڭغا ،

ئاساۋ ئاتتەك شاشلىقلىرىڭغا .

تۈگەيدۇ شۇ شوخلۇقمۇ ئويناپ ،

قروۋ ئۈنسە قاشلىقلىرىڭغا .

ئازما ئىنسان گۈلنى كۆرۈپلا ،

ئازما يەنە چۆلنى كۆرۈپلا .

گۈل ھەم چۆلدىن تۈگەشمەس ھايات ،

كەتمىگەندە قوياش ئۆچۈپلا .

ئۇچۇرغاندا سېنى بىر ھازا ،

تەلەيلىرىڭ ئەللەيلەپ راسا .

كۆنگىنىڭدە ئەللەيلىگەنگە  ،

شىجائىتىڭ بولىدۇ قازا .

داداڭ ھاردى نەسىھەت قىلىپ ،

ئاناڭ ھاردى مەدەتلەر بېرىپ .

ئۆلۈك بىلەن ئوخشاشتۇر كىشى ،

گەر تۇرمىسا پات - پات سىلكىنىپ .

ئۆكۈنسەڭمۇ ئۆتكەن كۈنۈڭگە ،

رازى بولغىن كۈلگەنلىرىڭگە .

   چىقىپ قالسا مەيلىغۇ يانتاق ،

پالتا چاپما ئۈنگەن گۈلۈڭگە .

  ئۈمىد بىلەن كەلگەندە جاپا ،

بىھاجەتتۇر يۈرۈشمۇ خاپا .

  تېرىشقانغا كېلەر نىسىۋە ،

خۇشاللىقىڭ چاچقاندا سادا .

  بەل باغلىغىن نىشانلىرىڭغا ،

  ئۇ بوي بەرمەس قىيانلىرىڭغا .

  بەلنى يەشمەس بولسا گەر كىشى ،

يىتىش تەسمۇ پىلانلىرىڭغا ؟

ئۈگەنگەننىڭ ياشلىقى ياشلىق ،

ئۈگەنگەننىڭ شاشلىقى شاشلىق .

بىلىم ئالغان ياشلىق قەدىرلىك ،

دۇنيا شۇنداق ياشقا قاراشلىق .

ئالدانمىغىن ياشلىقلىرىڭغا ،

گۈزەل قارا چاچلىقلىرىڭغا .

ۋاپا قىلماي سۆلەت ھەم راھەت ،

يىغلايسەن شۇ كاجلىقلىرىڭغا .

2014-12-14

تىيەنجىن

mahatjan

ئىنسان ھاياتىنى بالىلىق،ياشلىق،قېرىلىق دەپ ئۈچ باسقۇچقا بۆلسەك،بالىلىق يۇلتۇزغا،ياشلىق قوياشقا،قېرىلىق ئايغا ئوخشايدۇ.شۇڭا ياشلىق دۇنيانى يەنى ھاياتنى ھەم يورۇتالايدۇ ھەم ئىللىتالايدۇ.شۇڭا ياشلىقنى قەدىرلەش كىرەك.

okyaman

ياشلىقلىرىڭغا دېيىلىپتۇ، ھاياتتا شۇنچە كۆپ ياشلىق بارما؟

napalyun

قالتىس

txxx

ياخشى يېزىپسىز .

brave

ئالدانمايلى  قىرىنداشلىرىم...

batur72

mahatjan يوللىغان ۋاقتى  2014-12-14 21:16
ئىنسان ھاياتىنى بالىلىق،ياشلىق،قېرىلىق دەپ ئۈچ باسقۇ ...

شۇنداق ، ياشلىقنى قەدىرلەش دىمەككە ئاسان ، قىلماققا تەس ئىش ، بولمىغان بولسا بىزنىڭ نۇرغۇن ياشانغان كىشىللىرىمىز پىنسىيە مائاشىغا تايىنىپ ياشاپ ئەمەس ، ئۆزىنىڭ نەتىجىللىرىگە تايىنىپ خەلق قەلبىدىن ئورۇن ئېلىپ ياشايتتى .