ئەركىم: قار ئاستىغا كۆمۈلگەن بىر چوغ

arkim

قار ئاستىغا كۆمۈلگەن بىر چوغ

-ئەركىم

قار ئاستىغا كۆمۈلگەن بىر چوغ،
خەير دەيدۇ پاتقاندا قۇياش.
بۇندا باھار ھارارىتى يوق،
ئېھ، زىمىستان ئەتكەندە باغاش.

ئوت يالقۇنى توڭغان شۇ پېتى،
قېتىپ قاپتۇ لەۋلىرىدە  ياش.
ئۇ ئۈن-تىنسىز يىغلىغان  چېغى،
ئېھ، زىمىستان ياڭراتقاندا مارش.

لاۋۇلدار بۇ قەلبىمدە گۈلخان،
باققىنىمدا ئاڭا ھەر نۆۋەت.
دولقۇن ئۇرۇپ تومۇردا ۋولقان،
سۆيگۈ گۈلى ئاچىدۇ پورەك...

2014-يىلى 18- نويابىر قومۇل

4032

ياخشى چىقىپتۇ ھارمىغايسز

ababakriimir

ئەسەرنىڭ يەنە كۇپلېتلىرى باردەكلا؟ئەمما بىر ناخشىغا تېكىست بولغۇدەك شېئىركەن،باغداشتا شېئىرغا ئىنكاس يازىدىغانلار بەك ئازكەن،مېنىڭچە سىز كۆمۈلۈپ قاپسىز

batur72

گەرچە شېئىر باھالاشقا كۈچۈم يەتمىسىمۇ ،لېكىن مىنىڭ ھىس قىلىشىمچە  شېئىردىكى شېئىرى تۈس ۋە شېئىرى تىل كىشىگە بىرخىل ھوزۇر ئاتا قىلىدىكەن . شېئىرنىڭ شېئىرى تىلى  ياخشى ئىشىلتىلمىسىلا قانىتى بوغۇلغان كەپتەرگە ئوخشاپ قالىدۇ ، بىر ھويلىغا كىرىپلا قالسا ئۇچۇپ چىقالمايدۇ ، بىر ئورەككە كىرىۋالسا شۇنىڭدىن قاڭقىپ چىقالمايدۇ  ، يەنى ئەركىن قانات قاقالماي ،كىشىنى بىر يەرلىرىدە زورلاپ يېزىپ قويغاندەك ھىس قىلدۇرۇپ ، ئوقۇغان ئادەمنىڭ ئىچىنى سىقىپ  ،سۈنئى ئىلھام بىلەن يازغاندەك تۇيغۇغا كەلتۈرۈپ قويىدۇ -دە ، يازغان كىشى ئۆزىمۇ ئۆزىنىڭ شېئىرىدىن ھوزۇر ئالالمايدۇ .
ئاخىرىدا ئەركىم ئاكاشنىڭ ئەجرىگە كۆپ رەھمەت .

rahima24

ياخشى يېزىلىپتۇ شىئېرىڭىز رەھمەت سزگە .

arkim

مېنىڭچە ياخشى ئەسەر يەنىلا بويۇن قىسىپ قالمايدۇ. ھازىر شئېرىيەتنىڭ بازىرى كاساتلىشىپ قالدى. نەشىرىيات ئورۇنلىرىمۇ شئېر توپلاملىرىنى كۆرسە بېشى ئاغرىيدىغان ھالەت شەكىللەندى.
كىشىلەردىكى شئېر قىزغىنلىقى شىددەت بىلەن سۇزلاشتى. ئەلۋەتتە بۇنىڭ ھەر تەرەپلىمە سەۋەبلىرى بار. خەلقنىڭ قەلبىدىكىنى يېزىش تەسلەشتى...شئېر قەلىبنىڭ ساداسى، نىداسى بولۇپ تۇرۇقلۇق قەلىبلەر بىلەن ئۇچىرىشالمىسا ئۇنىڭ قىلچىلىك قىممىتى بولمايدۇ.

bahitkuyaxi

ئېسىل

bahitkuyaxi

ياخشى چىقىپتۇ