قار گۈللىرى مېنى ھىدلاپ چۈشمەكتە

xerqi

قار گۈللىرى مېنى ھىدلاپ چۈشمەكتە

يۈسۈپ نەمەنشاھ شېئىرى ۋە فوتوسى

يۈسۈپ نەمەنشاھ فوتوسى

قار گۈللىرى مېنى ھىدلاپ چۈشمەكتە،

شۇ ھىدىدىن يۈرەكتە ئوت كۆيمەكتە.

سەۋدا بولدۇم ئىشقىڭ ماڭا تۇتاشتى،

ئوتلىرىمدا پەرۋانىلار ئۆلمەكتە.

قار گۈللىرى مېنى ھىدلاپ چۈشمەكتە،

شۇ ھىدىدىن تەنگە سۆيگۈ سىڭمەكتە.

مەردانىڭمەن ئەي چىرايلىق قار گۈلى،

چىن مودەنىم  ياشلىرىڭدىن ئۈنمەكتە.

قار گۈللىرى مېنى ھىدلاپ چۈشمەكتە،

شۇ ھىدىدىن بولبۇلگويا كۈلمەكتە.

سىڭىپ كەتتىڭ لەۋلىرىمگە قار گۈلى،

مەنمۇ سىڭەي يۈرىگىڭگە مەڭگۈگە.

2014-يىل 14-نويابىر قومۇل

(قومۇلدىكى تۈنجى قارغا بېغىشلايمەن)

Weliyop

يىزىلغان مۇشۇ ئىسىل شېر ئۈچۈن بىزنىڭ جەنۇپتا باھار پەسلى ئىچىلىپ تۇرغان گۈلدىن بىردەستە تۇتاي.

xerqi

ياقتۇرغىنىڭىزغا ،گۈلىڭىزگە كۆپ رەھمەت !

amirsahip

ئەسسالامۇ ئەلەيكۇم قېرىندىشىم!يازغان شىئىرىڭزنى كۆرەپ ئىككى ئېغىز گەپ قىلغۇم كىلىپ قالدى،دىمەكچى شىئىردا تاللانغان بەدىئى دىت،ئىشلەتكەن سۆزلەر ياخشىى تاللانغان،رىتىم تۇراق قاپىيەمۇ يامان ئەمەس،ئەمما سۆزلەرنى جايدا ئىشلىتىش،تىل ئوينىتىش تازا مۇۋاپىق بولمىغان دەپ قارايمەن...مەسلەن؛
قارگۈللرى مېنى ھىدلاپ چۈشمەكتە، دىگەننى

چۈشمەكتە قارگۈللىرى مېنى ھىدلاپ،
شۇ ھىدى يۆرەكتە كۈيەرلاۋىلداپ.
تۇتاشتى ئىشق ئۇتى سەۋدايىمەن،
ئۇتۇمدا پەرۋانە ئۆلەر مىغىلداپ...

دەپ باقساقمۇياكى؛-

مىنى ھىدىلاپ چۈشمەكتە تۇنجى قار،
سۆيىدۇ لىۋىمگە سۆيگىنىدەك يار.
سەۋدايىمەن ئىشىق ئۇتى تۇتاشتى،
ئوتۇمدا پەرۋانە يىغلايدۇ زار-زار..

دەپ باقساقمۇ شئىرنىڭ مەنىسى ئۆزگىرىپ كەتمەي ئەسلى مەنانى ئىپادىلەپ بىرىدۇ،ئەمدى سىزدە ئۆمۈت بار ئىكەن شەيئىلەرنى كۈزتىشىڭزمۇ ياخشى ئىكەن،مەنمۇ جىق نەرسە بىلىپ كەتمەيمەن بۇندىن كىيىنكى ئىجادىيىتىڭزگە پايدىسى بۇلۇپ قالارمىكى دەپ ئۆزەمچە بىلجىرلاپ باقتىم،ئاتكاچىلىقمنى ئاقساقاللىقىمنى ئەپۇئىتەرسىز قېرىندىشىم...اللا سىزگە ئىمان ۋەخاتىرجەملىك بەرسۇن،،ئامىن!!!!!!!!!!!!!!!!!!!!

bahitkuyaxi

ياخشى چىقىپتۇ،ئاپىرىن!

bagalip

دىلغا يېقىشلىق لىرىكا بوپتۇ، ھۇزۇر ئالدىم.
ئېسىل شېئىرلىرىڭىزنى داۋاملىق يوولاپ تۇرغايسىز .

xerqi

ئالدى بىلەن amirsahip قېرىندىشىمغا چىن قەلبىمدىن رەھمەت ئېيتىمەن. شېئىرىمغا بەرگەن باھالىرىڭىزغا رەھمەت.لېكىن شېئىردا ئىلگىرى سۈرۈلگەن مەركىزى ئىدىيە بولسا قار گۈلىنى مەركەز قىلغان ئوتلۇق مۇھەببەت.
سىزنىڭ
چۈشمەكتە قارگۈللىرى مېنى ھىدلاپ،
شۇ ھىدى يۆرەكتە كۈيەرلاۋىلداپ.
تۇتاشتى ئىشق ئۇتى سەۋدايىمەن،
ئۇتۇمدا پەرۋانە ئۆلەر مىغىلداپ...

ماۋۇ خىل ئېلىشىڭىزمۇ بولىدىكەن،
لېكىن

مىنى ھىدىلاپ چۈشمەكتە تۇنجى قار،
سۆيىدۇ لىۋىمگە سۆيگىنىدەك يار.
سەۋدايىمەن ئىشىق ئۇتى تۇتاشتى،
ئوتۇمدا پەرۋانە يىغلايدۇ زار-زار..

بۇ مىسىرادا بىر گەپ بىر مىسىرانىڭ ئۆزىدىلا ئىككى نۆۋەت تەكرارلىنىپ (سۆيىدۇ لىۋىمگە سۆيگىنىدەك يار.)مىسرانىڭ مۇكەممەلىگىگە تەسىر يەتكەن.(ئوتۇمدا پەرۋانە يىغلايدۇ زار-زار..)مەن قار گۈلىگە كۆيگەن ھەم شۇ ئوت تەپتىدىن  پەرۋانىلەر جان تەسەددۇق قىلغان. ئاندىن سىز تۈنجى قار دەپسىز بۇ يەردە مېنىڭ ئالغىنىم قار گۈلى يەنى قار چۈشكەندە ھاسىل بولىدىغان خىلمۇ خىل سىمىتىرىك چىرايلىق قار گۈلى. شۇڭا كېيىنكى كوپلىت مەركىزى ئىدىيەدىن قېچىپ كەتكەن دەپ قاراشقا بولىدۇ.
   سىزنىڭ تەكلىۋىڭىزنىمۇ قوبۇل قىلىش ئاساسىدا تېخىمۇ ياخشى ئىجادىيەت قىلىشقا تىرىشىمەن.سىزمۇ داۋاملىق پىكىر بىرىپ ،مەن بىلەن ئورتاقلىشىپ تۇرىشىڭىزنى ئۈمىت قىلىمەن.كامالى ئېھتىرام بىلەن ---شەھەرچى

amirsahip

xerqi يوللىغان ۋاقتى  2014-11-16 22:15
ئالدى بىلەن amirsahip قېرىندىشىمغا چىن قەلبىمدىن رەھمەت ئ ...

تۇغراچۈشەنگىنىڭزگە رەھمەت قېرىندىشىم...