تامچى ؛ سارنى كەپتەرگە ئايلاندۇرۇش

tamqi1

يولۇچىنىڭ دەريادىن ئۆتۈشى

بىر ئادەم ساياھەتكە چىقىپ دۇلقۇنلاپ ئېقىۋاتقان بىر دەرياغا دۇچ كەپتۇ، يېقىن ئەترپتا يا  كېمە، يا  كۆۋرۈك يوقكەن، يولۇچى ، دەريادىن كېچىپ ئۆتسەم ھايات قېلىشىم ئۇياقتا تۇرسۇن، ھەتتا جەسىتىممۇ تېپىلماسلىقى مۇمكىن، دەپ ئويلاپ ، ئامالسىز جايىدا تۇرۇپ قاپتۇ.
شۇ يەرگە يېقىن يەردە تۇرۇشلۇق بىر ئادەم ئۇنىڭ ئاۋارىچىلىككە ئۇچىرىغانلىقىنى كۆرۈپ يېنىغا كېلىپ ، ئۇنى يۈدۈپتۇ، بۇ ئاق كۆڭۈل ئادەم مەيدىسىگىچە سۇغا كىرىپ شىددەت بىلەن كېلىۋاتقان ئېقىنغا تاقابىل تۇرۇپ ، بۇ يولۇچىنى ساق-سالامەت قارشى قىرغاققا ئۆتكۈزۈپ قويۇپتۇ،
    يولۇچى سەپەردە بولغاچقا، پۇلى كۆپ ئەمەسكەن، شۇڭلاشقا يېنىدىكى بوپىسىدىن ئازراق پارچە پۇل ئىېلىپ بۇ ئاق كۆڭۈل ئادەمگە بېرىپتۇ، بىرق ئاق كۆڭۇڭۈل ئادەم ئالغىلى ئۇنىماپتۇ، يولۇچى دەريا بويىدا خىجىل بولۇپ تۇرغىنىدا، ئۇ ئادەم يەنە ئۇدۇل قىرغاققا بېرىپ ،دەريادىن ئۆتەلمىگەنلەرنى داۋملىق بۇ تەرەپكە ئۆتكۈزۈشكە باشلاپتۇ،
    يولۇچى، ئەسلىدە بۇ ئادەم باشقىلارنى يۈدۈپ دەريادىن ئۆتكۈزۈشكە خۇشتار ئىكەن، ئۇ بۇنداق قىلىشنى ياخشى كۆرگەنىكەن، ئۇنىڭ ياردىمىنى خاتىرجەم قوبۇل قىلاي ، دەپ ئولاپ ھېلىقى ئاەمنىڭ يېنىغا بېرىپ؛
       -ئەمدى مەن سەندىن مىننەتدار بولمايمەن ،قارىسام، سەن غەلىتە ئادەم ئىكەنسەن، سېنىڭ باشقىلارنىڭ دەريادىن ئۆتۈشىگە ياردەملىشىدىغان ھەۋىسىڭ بارئىكەن، _ دەپتۇ.
يولۇچى سەپىرىنى تۈگىتىپ قايتىپ كەلگەندە ، ھېلىقى ئادەم ئۇنى دەريادىن ئۆتكۈزۈپ قويۇشقا ئۇنىماپتۇ. دۇلقۇنلاپ ئېقىۋاتقان دەريا بويىدا يولۇچى يەنە بىر قېتىم ئامالسىز تۇرۇپ قاپتۇ.

ھېكەت ؛ گەرچە ئۇ ئۆزىدە باشقىلارغا خالىس يارەم قىلىشتەك خىسلەتنى يېتىلدۈرگەن بولسىمۇ، لېكىن ئۇنىڭدا چوقۇم باشقىلارغا ياردەم قىلىدىغان مەجبۇرىيەت يوق.
گەرچە ئۇنىڭ ساڭا يارەم قىلىش مەجبۇرىيتى بولسىمۇ، سەن ئۇنىڭغا تەشەككۈر بىلدۈرۈشۈڭ كېرەك.باشقىلارغا داۋاملىق تەشەككۈر ئېيتىپ تۇرۇش، ئۇلارنىڭ ساڭا بولغان ياردەم قىلىش مەجبۇرىيەت تۇيغۇسىنى قۇزغايدۇ

سارنى كەپتەرگە ئايلاندۇرۇش

بىر ئادەم ئودا خىزمىتىگە تاللىنىپتۇ، ئۇ ئوردا بېغىدىكى قۇشلارغا قاراشقا مەسئۇل ئىكەن.
      ئۇ نۇرغۇن قۇشلارنى تونۇيدىكەن، ئۇلارنىڭ ئىسمىنى ئاتىيالايدىكەن، بىراق ئوردا دىگەن يەنلا ئوردا - دە،  ئۇ يەردە ئاز ئۇچرايدىغان نۇرغۇن قىممەتلىك قۇش تۇرلىرى بار بولۇپ، ئۇنىڭ ئىچىدە بىر خىل سار  بار ئىكەن، ئۇنىڭ سايرىشى ئالاھىدە، شەكلى غەلىتە بولۇپ، ئۇ ئادەم ئەزەلدىن كۆرۈپ باقمىغانىكەن. بىر كۈنى ئۇ ، غەلىتە ئىشقۇ بۇ ، مەن نۇرغۇن قۇشنى تونۇيتتىم، بۇ خىلدىكى كەپتەر بارلىقنى بىلمەيدىكەنمەن، چوقۇم بۇرۇنقى خوجىدار ياخشى خەۋەر ئالمىغان گەپ، مېنىڭ مەسئۇلىيتىم بۇ قۇشلاردىن خەۋەر ئېلىش ، كۆز ئالدىمدا بۇنداق كۈلكىلىك ئىشلارنىڭ يۈز بېرىشىگە يول قويسام بولمايدۇ، نەدىمۇ تۇمشۇقى، تىرنىقى ۋە قانىتى بۇنداق ئۆسكەن كەپتەر بولسۇن، دەپ ئويلاپ،ئۇنى ھەقىقىي كەپتەرگە ئوخشاش ياساش قارايىغا كەپتۇ.
ئۇ قولىغا قايچىنى ئېلىپ، سارنىڭ تىرناقلىرىنى كېسىپتۇ، تۇمشۇقىنى تۈزلەپتۇ، ئاخىرىدا ئۇنىڭ قاناتلىرىنىمۇ بىر قۇر ياساپتۇ.
      ياساپ بولغاندىن كېيىن ، ئۇ مەغرورلانغان ھالدا سارغا قاراپ؛
            -بىچارە كەپتەر،سەن نىمىدېگەن بەختسىز، باشقىلارنىڭ قولىدا تۈگىشىپ كېتىپتىكەنسەن ،  بىراق  سېنىڭ يەنىلا ئامىتىڭ بارئىكەن  ماڭا ئۇچىرىدىڭ ، ئەمدى قاراپ باققىنا ھەقىقىي كەپتەرگە ئۇخشىدىڭ، - دەپتۇ.
ھېكەت؛
دۆت ئادەم ئەڭ ئەخمىقانە ئىشلارنى قىلالمايدۇ،   ئەڭ ئەخمىقانە ئىشلارنى بىلەرمەن ئادەم قىلىدۇ.
             ئەڭ ئەقىلگە سىغمايددىغىنى، بىلەرمەن ئادەملەر دائىم جاھىللىق بىلەن ئۆزىنىڭ بىمەنە خىياللىرىنى ئەمەلگە ئاشۇرۇپ ، ئۆزىنى مەسخرىگە قويغاندىن سرت، باشقىلارغىمۇ زىيان سالدۇ.
                       مەنبە ؛ <<ھاياتىڭىزغا تەسىركۆرسىتىدىغان پەلسەپىۋى مەسەللەر>> دىگەن كىتاپتىن ئىلىندى.

Sayaq

بىرىنجى ھېكايىنى ئوقۇپ بولۇپ، ئويلىنىپ قالدىم.

qayan123

ھەقىقەتەن ئادەمنى چوڭقۇر ئويغا سالدىغان تېمىكەن ،

tamqi1

qayan123 يوللىغان ۋاقتى  2014-8-14 10:45
ھەقىقەتەن ئادەمنى چوڭقۇر ئويغا سالدىغان تېمىكەن ،

بىرقانچە مەسەل يۇللىسام قالغىنىنى تەستىقلىماپتۇ ئىنكاسقىلا يۇللاپ قۇياي

يول بۇيىدىكى پاقا

بىر كۈنى، يول بويىدىكى بىر پاقا ئوت -چۆپلەر ئارىسىدا بەخىرامان ئارام ئالغاچ خىيال سۈرۈپتۇ؛‹‹مېنىڭ تۇرمۇشۇم نېمىدېگەن راھەت، يول بويىدىكى ئوت چۆپلەر ئارىسىدا دائىم دېگۈدەك ئاز-تولا قۇرت-قوڭقۇزلار بار، قورسىقىم ئاچسا تۇتۇپ يەيمەن، تەمى دېگەندەك بولمىسىمۇ، بىراق قورساق تويىدۇ. قۇرساق تويغاندىن كېيىن، يول بويىدا دەم ئالىمەن،زېرەككەن چاغلاردا يولدىن ئۆتكەن قىز-ئوغۇللارغا قاريمەن››.دەل شۇ چاغدا چاقىرغان ئاۋاز ئاڭلىنىپتۇ؛
         _ھەي ئاغىنە، مەن تەرەپكە كەل، بو يەر بەئەينى جەننەت، ئۇ خۇشياقمىغاندك كۆزىنى ئىېچىپ قارىسا، ئېتىزلىقىدىكى پاقا ئىكەن.
        _ سەن تۇرغان ئۇ يەرخەتەرلىك، يولدىن ئۆتكەن ھارۋىلاردىن ھەزەر ئەيلە، كۆچۈپ كېلىپ مەن بىلەن تۇرىغىن، بۇ يەردە ناھايىتى كۆڭۈللۈك ياشايسەن،_ دەپتۇ ئېتىزلىقتىكى پاقا ئۇنىڭغا كۆڭۈل بۆلۈپ ،_ ئېتىزلىققا كەلسەڭ، ھەرخىل قۇرت-قوڭغۇزلار بار، ئۇلارنىڭ تەمى ئىنتايىن ئۆزگىچە، بۇ يەردە بىز ئېسىل تائاملاردىن ھۇزۇرلانغاندىن سېرت، زىرائەت ئۈچۈن زيانداشلارنى يوقىتىمىز، ئەڭ مۇھىمى بۇ يەر بىخەتەر، خېيىمخەتەردىن ئەنسىرەش كەتمەيدۇ.
     يول بويىدىكى پاقا سەۋىرسىزلىك بىلەن؛
     _مەن بۇ يەرگە كۆۇنۈپ قالدىم، ھازىرقى تۇرمۇشۇممۇ ناچار ئەمەس، خېلىلا خاتىرجەم،مەن كۆچۈشكە ئېرىنىمەن، ئاۋارە بولۇپ ئېتىزلىققا كۆچكەننىڭ نېمە پايدىسى؟يەنە كېلىپ يول بويىدىمۇ يېگىلى قۇرت -قوڭغۇزلار بار،_ دەپتۇ.
      ئىېتىزلىقىتىكى پاقا يول بويدىكى پاقىنىڭ ئۆزىنىڭ ياخشى كۆڭلىنى چۈشەنمىگەنلىكىنى كۆرۈپ، ئامالسىز كېتىپتۇ.
      نەچچە كۈندىن كېيىن، ئېتىزلىقىتكى پاقا يول بويىدىكى پاقنىڭ يەنە يوقلاپ بارغىنىدا، ئۇنىڭ ھارۋا چاقى ئاستىدا ئۆلۈپ، جەسىتىنىڭ يولدا تاشلىنىپ قالغانلىقىنى كۆرۈپتۇ.

ھېكىمەت؛
     مەن ئېرىنىمەن دېيىشكە ئادەتلەنگەن كىشىنى تەقدىرنىڭ ئامەتلىرىمۇ زاىيارەت قىلىشتىن ئېرىنىدۇ.
    مەن كۆنۈپ قالدىم دېيىشكە ئادەتلەنگەن كىشىنىڭ بەخت - سائادىتى ئادەتتىكىدىن ئاشمايدۇ،
    ئادەتكە ئېسلىۋىلىپ، كۆنگەن يولدىن چىقىشقا ئېرىنىدىغان ئادەملەر ھەگىز مۇ قىردىن ئاشالمايدۇ

tamqi1

قۇلىقى ئىغىر ئىشەك

ئېشەك بىلەن ئات بىر ئېغىلدا تۇرىدىكەن، ئېشەك كۆپىنچە چاغلاردا ئات ئۆزنىڭ گەپلىرىگە زەن سالمىغاندەك ھېس قىلىدىكەن. شۇنىڭ بىلەن، ئېشەك ئاتنىڭ قۇلقىنىڭ دەردى بار دەپ گۇمانلىنىپ كەپتۇ. بىر كۈنى ئېشەك بىر ياخشى ئامالنى ئويلاپ تېپىپ ،ئاتنىڭ قۇلىقىنىڭ ئېغىر ياكى ئېغىر ئەمەسلىكىنى تەكشۈرۈپ كۆرۈشنى ئويلاپتۇ.
     -ئۇزۇن ئۆتمەي ئېشەك ئۆزنىڭ خىيالنى ئەمەلگە ئاشۇرۇپتۇ. ئۇ پۇتىنىڭ ئۇچىدا مېڭىپ ،ئاتنىڭ كەينىدىن ئون  مېتىرچە يېقىنلاپ؛
   -ھەي قېرى ئات، مەن ساڭا گەپ قىلىۋاتىمەن، ئاۋازىمنى ئاڭلىدىڭمۇ؟-دەپتۇ. ئېشەك خىلى ئۇزۇن ساقلىسىمۇ ھېچقانداق ئىنكاس ئاڭلانماپتۇ. ئون مېتىر بەك يىراق بولۇپ كەتكەن ئوخشايدۇ دەپ ئويلاپ، ئاتقا بەش مېىترچە يېقىنلىشىپ؛
   -ھەي قېرى ئات ، مەن ساڭا گەپ قىلىۋاتىمەن،منىڭ ئاۋازىمىنى ئاڭلىدىڭمۇ؟ ئاڭلىغان بولساڭ جاۋاپ قايتۇرغىن،- دپتۇ.
بىراق، ئېشەك يەنە بىر ئازساقلىغان بولسىمۇ، ئاتتىن زۇۋان چىقماپتۇ، ئاھ خۇدا، ئۇنىڭ قولىقىدىكى چاتاق ئىنتايىن ئېغىر ئىكەن! مەن يەنە يېقىنراق باراي، دەپ ئويلىغان ئېشەك ئالدىغا بىر نەچچە قەدەم مېڭىپتۇ. ئارلىق ئۈچ مېتىرلا قاپتۇ، ئېشەك؛
   -ھەي ئات مەن ساڭا گەپ قىلىۋاتىمەن،ئاۋازىمىنى ئاڭلىدىڭمۇ؟ئاڭلىغان بولساڭ ،ماڭا جاۋاپ قايتۇر،- دەپتۇ.
    -ئاڭلىدىم، - دەپتۇ ئات،- بۇ ئۈچىنچى قېتىم ساڭا جاۋاپ قايتۇرشۇم ،مەن سەندىن بەك بىزار بولدۇم، سەن قۇلىقىڭنى داۋالاتساڭ بولغۇدەك.

بىلەرمەن ئادەمنىڭ قۇلىقى ئېغىر بولۇپلا قالماستىن يەنە ئۇنىڭ قەلبىمۇ خىرەلشىدۇ.
كۆپ ھاللاردا ئۆززىمىزدىن سەۋەب ئىزدىشىمىز كېرەك، بولمىسا خۇددى ئاشۇ دۆت ئېشەككە ئوخشاپ قالىمىز.

Sayaq

tamqi1 يوللىغان ۋاقتى  2014-8-14 11:05
قۇلىقى ئىغىر ئىشەك

ئېشەك بىلەن ئات بىر ئېغىلدا تۇرىدى ...

بۇ مەسەللەر ھەقىقەتەن مەزمۇنلۇقكەن. ئۆزىڭىز يېزىۋاتامسىز؟
يەنە مۇشۇنداق مەسەللەرنى يوللاپ تۇرغايسىز.

mahatjan

تۆگىگە ئايلانغان چۆجە

     خەلق ئىشلىرىغا مەسئۇل جا جۈيجاڭ دادۈيجاڭلارغا يىغىن ئېچىپ تۆۋەندىكىدەك خىزمەتلەرنى ئورۇنلاشتۇردى.
          -يولداشلار! مۇشۇ ئايدا ئىشلەيدىغان ئەڭ موھىم خىزمىتىمىز ئائىلىلەردىكى بارلىق چۆجىلەرنى تۆگىگە ئايلاندۇرۇش.دادۈيجاڭلار شىياۋدۈيجاڭلارنى ھەركەتلەندۈرۈپ،چۆجىلەر
نىمىنى يىسە شۇنى كۆپ يىگۈزۈپ،تىز سەمرىتىپ ھەم چوڭايتىپ چۆجىلەرنى مۇشۇ ئاينىڭ ئاخىرغىچە تۆگىگە ئايلاندۇرمىساق ئىشلىگەن خىزمەتلىرىمىز نۆلگە تەڭ بولۇپ قالىدۇ.-دەپ
كۆپچىلىككە سۈرلىك قارىدى.يىغىنغا قاتناشقانلار ئۆز-ئارا پىچىرلىششقا باشلىدى .ئارىدىن بىرەيلەن:
         -جا جۈيجاڭ؟! چۆجىنى تۆگىگە ئايلاندۇرۇشتىكى مەخسەت نىمە،زادى چۆجىنى تۆگىگە
ئايلاندۇرۇشنىڭ ئىلمى ئۇسۇلى بارمۇ يوقمۇ؟-دەۋاتقاندا،جا جۈيجاڭ كەسكىن ھالدا؛
       -يولداشلار،ئالدىنقى قاراردىكى خەلق ئىشلىرىغا مەسئۇل جىڭ جۈيجاڭ زور تىرىشچانلىق كۆرسۈتۈپ،يۇقۇردىن خەلق تۇرمۇشىنى ياخشىلاش ئۈچۈن بەرگەن تۆگىنى چۆجىگە ئايلاندۇرۇپ
يېڭىلىق ياراتقان،-دەپ تۇرشىغا يەنە بىر دا دۈيجاڭ سۇئال سورىدى؛
        -نىمە ئۈچۈن ئۇ چاغدا جىڭ جۈيجاڭ تۆگىنى چۆجىگە ئايلاندۇرغان؟ نىمە ئۈچۈن ھازىر
چۆجىنى تۆگىگە ئايلاندۇرمىز؟-جا جۈيجاڭ بۇ سۇئاللارغا جاۋاپ بىرىپ مۇنداق دىدى.
      -ئىلگىركىلەرنىڭ تۆگىنى چۆجىگە ئايلاندۇرىشى خەلققە كۆيۈنگەنلىكى، يەنى:خەلق
تۇرمۇشىدىكى بېسىمنى يەڭگىللەتكەنلىكى،مەسلەن؛تۆگە بەك چوڭ،كۆپ يەيدۇ، بويى ئىگىز
ئىگىز قوتان سالمىسا بولمايدۇ.شۇڭا،خەلقنىڭ ئەمىلى ئەھۋالىنى چىقىش قىلىپ،تۆگىنى مەركەزدىن يىتىلەپ تۆۋەنگە كەلگىچە چۆجىگە ئايلاندۇرۋەتكەن.بۇ تەرەققىيات، ئىلمى بولمىغاچقائۇلار تەنقىتلەنگەن.شۇڭا بىز يېڭىلىق يارتىشىمىز كىرەك.بىز چوقۇم ئىلگىركىلەر قىلالمىغان ئىشلارنى قىلىشىمىز كىرەك.مەسىلەن:ئىلگىركىلەر تۆگىنى چۆجىگە ئايلاندۇرۇپ تەنقىتلەنگەن بولسا،ئەمدى بىز، چۆجىنى تۆگىگە تەرەققى قىلدۇرۇپ پارتىيمىزنىڭ ئىلمى تەرەققىيات قارىشىنى ئىپادىلەپ چوقوم تەقدىرلىنىشىمىز كىرەك.شۇڭا ئىككىلىنىپ تۇرماي قانداق ئۇسۇللارنى قوللانساق  خەلقنىڭ كاتەكلىرىدىكى چۆجىلەرنى تۆگىلەرگە ئايلاندۇرايلى.ئۇنىڭ مۇكاپاتىدىن سىلەرنى چوقۇم بەھرىمەن قىلىمەن.
      جا جۈيجاڭ دادۈيجاڭنى رىغبەتلەندۈرۈپ،دادۈيجاڭ شۆدۈيجاڭنى ھەركەتلەندۈرۈپ
خەلقنىڭ دان يەيدىغان چۆجىللىرىنى پاخال يەيدىغان تۆگىلەرگە ئايلاندۇرۇپ تۇرىشىغا،
خىزمەت تەكشۈردىغانلارمۇ كىلىشكە باشلىدى. ئالدى بىلەن جا جۈيجاڭ ئىشلىگە خىزمەتلەرنى دۆكلات قىلدى.
     -جانابى ھۆرمەتلىك رەھبەرلەر ،بىز ئاساسى قاتلامدىكىلەر جان-دىل بىلەن خەلق ئۈچۈن
خىزمەت قىلىدىغان ئالىجاناپ روھنىڭ يىتەكچىلىگىدە،ھەرخىل چارە-تەدبىرلەرنى قوللۇنۇپ
خەلقنىڭ ئىختىسادىنى ئەسلىدىكىدىن بىر قانچە ھەسسە يۇقۇرى كۆتەردۇق.مەسىلەن:خەلقنىڭ
كىتەكلىرىدىكى چۆجىلەرنى تۆگىلەرگە ئۆزگەرتتۇق.
      تەكشۈرۈش گوروپپىسىدىكىلەر بۇ ئۆزگۈرۈشلەرنى ئەمىلى كۆزدىن كۆچۈرۈشكە باشلىدى.
«چۆجىنىڭ كىتەكتىن قوتانغا چىققانلىقى راس،توقام توقولغان ئەمما تاپان ئۆزگەرمىگەن،پۇتى ئۇزۇن، بوينى قىسقا،قانات-قۇيرىقى ماسلاشمىغان»دەك غەيرىلىكلەرنى ھىس قىلىشتى.خىزمەت
تەكشۈرۈش ئۈمىكىنىڭ باشلىقى سۆز باشلىدى؛
      -يولداشلار!بۇ چۆجىلەرنىڭ تۆگىلەرگە ئۆزگۈرشى ئەقىلغا مۇۋاپىق ئەمەس،ئۇنىڭ شەكلى
تۆگە،ماھيىتى يەنىلا چۆجە.بۇ يەردىكى نىگىزلىك مەسىلە خەلقنىڭ ئىختىسادى بېسىمىنى كۆتۈرەلەيدىغان تۆگىلەر بارلىققا كەلسە بولاتتى. قېنى مۇشۇ تۆگىلەرگە يۈك ئارتىپ باقايلى؛-
دىيشىگە ئۇ تۆگىلەر توقاملىرىنى تاشلاپ ناھايتى تىزلىكتە ئەسلىدىكى كىتەكلىرىگە كىرىپ
كىتىشتى.-يولداشلار!خەلقنىڭ تۇرمۇش بېسىمى خېلى ئېغىر.شۇنداق بولغاچقا يۇقۇردىن خەلققە
تۆگىنى يەنى؛تۆگىدەك قىممەتتىكى غەمخورلوقنى بەرسە چۆجىگە ئۆزگەرتىۋەتسەك،چۆجىللىرىنى
يالغاندىن توقام توقۇپ تۆگىگە ئايلاندۇۋەتسەك،خەلىقنىڭ تۇرمۇشتىكى بۇ ئېغىر يۈكىنى كىم
كۆتۈرەر،بۈگۈنكى تەكشۈرۈش پاكىتلىرغا ئاساسەن شۇنى ئاگالاندۇرمىزكى:خەلىقنىڭ مەنپەتىگە
كۆيۈنمگەنلەرنىڭ بولۇپمۇ ،مانا مۇشۇنداق خەلقنىڭ ئىختىسادىنى تەرەققى قىلدۇرمايدىغان،قانۇنىيەتنى ھۆرمەت قىلمايدىغان كادىرلارنىڭ مەسئۇلىيتى خەلىق مەيدانىداسۈرۈشتە قىلىنىدۇ.شۇڭا، ھەممىمىز خەلىق مەيدانىدىكى تەكشۈرۈشكە قاتنىشايلى.
     جا جۈيجاڭ ھىلى كىتەكتىكى چۆجىگە،ھىلى قوتاندىكى تۆگىگە قارىغىنىچە كىتەكنىڭ تۈيدە
تۇرۇپلا قالدى. يولداشلار جا جۈيجاڭ نىمىلەرنى ئويلاۋاتقاندۇ؟

                           ئاپتۇرى:مەخەت ئابدۇرېھىم
        

Wolkanii

ئۆزگىچە يازمىڭىزغا مۇبارەك بولسۇن !