چاشقاندىن قورققان مۇشۇك

imar

ﺋﯩﻠﻐﺎرﺟﺎن ﺳﺎدﯨﻖ

   ﻛﻮﭼﯩﻨﯩﯔ ﻧﻪرﯨﮕﯩلا ﻗﺎرﯨﺴﺎڭ ﺗﺎﺷﻠﯩﯟﯦﺘﯩﻠﮕﻪن ﺋﻪرﻣﻪك ﮬﺎﻳﯟاﻧلار لاﻟﻤﯩﻠﯩﻖ ﻗﯩﻠﯩﭗ ﻳﯜرﮔﻪن، ﺗﯧﺨﻰ ﺗﯜﻧﯜﮔﯜﻧلا ﺋﯘلارﻧﻰ ﺋﯩﮕﯩﻠﯩﺮى ﺋﯚز ﺑﺎﻟﯩﻠﯩﺮﯨﺪﯨﻦﭼﺎرە ﻛﯚرۈپ، ﺋﯚزى ﻳﯧﻤﯩﮕﻪﻧﻨﻰ ﻳﯧﮕﯜزۈپ، ﺑﻮﻳﯘﻧﻠﯩﺮﯨﻐﺎ ﮬﻪرﺧﯩﻞ زﯨﻨﻨﻪت ﺑﯘﻳﯘﻣﻠﯩﺮﯨﻨﻰ ﺋﯧﺴﯩﭗ، ﻛﻮﭼﯩلاردا ﺳﻪﻳﻠﻪ ﻗﯩﻠﺪۇرۇپ ﻳﯜرۈﺷﻜﻪن ﺋﯩﺪى، ﻣﺎﻧﺎ ﺋﻪﻣﺪى ﺑﯘ ﺋﻪرﻣﻪك ﮬﺎﻳﯟاﻧلار ﻛﻮﭼﯩلاردا ﺳﻪرﺳﺎن. ﻣﯘﺷﯘ ﺋﻪرﻣﻪﻛﻠﻪر ﺋﺎرﯨﺴﯩﺪا ﮬﻪﻣﻤﯩﺪﯨﻦ ﺑﯩﭽﺎرﯨﺴﻰ ﻣﯜﺷﯜﻛﻤﯩﻜﯩﻦ دەپ ﻗﺎﻟﯩﺴﻪن، ﭼﯜﻧﻜﻰﺋﯘلار ﺋﯚز ﺗﻪﺑﯩﺌﯩﻴﯩﺘﯩﺪﯨﻦ ﻳﺎﺗلاﺷﺘﯘرۇﻟﻐﺎن، ﺧﺎراﻛﺘﯧﺮى ﺑﺎﺷﻘﯩﭽﻪ ﺗﯜﺳﻜﻪ ﻛﯩﺮﮔﻪن، ﻣﯜﺷﯜﻛﻠﻪر ﺋﺎﺋﯩﻠﯩﺴﯩﺪە ﺑﻮﻟﯩﺪﯨﻐﺎن ﺋﺎلاﮬﯩﺪﯨﻠﯩﻜﻠﻪر ﺋﯘلارﻧﯩﯔ ﻛﯚزﻟﯩﺮﯨﺪﯨﻤﯘ، ﮬﯚﺳﻨﯩﺪﯨﻤﯘ، ﮬﻪرﯨﻜﻪﺗﻠﯩﺮﯨﺪﯨﻤﯘﺗﺎﻣﺎم ﻳﻮﻗﯩﻐﺎن، ﺧﯘددى ﻣﯜﺷﯜك ﺳﯩﻴﺎﻗﯩﻐﺎ ﻛﯩﺮﯨﭗ ﻗﺎﻟﻐﺎن ﺑﺎﺷﻘﺎ ﺑﯩﺮ ﺟﺎﻧﻠﯩﻘﺘﻪك ﻛﯚزﻟﯩﺮى ﻗﻮرﻗﯘﻧﭻﺑﯩﻠﻪن ﭘﯩﻠﯩﻠﺪاپ ﺗﯘرﻏﺎن.
   ﺋﻪﻧﯟەرﻧﯩﯔ ﻛﯩﭽﯩﻚ ﻗﯩﺰى ﺋﺎﻳﻨﯩﮕﺎر ﻛﯩﺸﯩﻠﻪرﻧﯩﯔ ﺋﻪرﻣﻪك ﮬﺎﻳﯟاﻧلارﻧﻰ ﻳﯧﺘﯩﻠﻪپ ﻛﯧﺘﯩﯟاﺗﻘﺎﻧﻠﯩﻘﯩﻨﻰ ﻛﯚرﮔﻪﻧﺪە، ﺗﻪﯕﺘﯘﺷﻠﯩﺮﯨﻨﯩﯔ ﺋﯚﻳﯩﺪە ﺑﯧﻘﯩﯟاﺗﻘﺎن ﺗﻮﺷﻘﺎن، ﻣﯜﺷﯜﻛﻠﻪرﻧﯩﯔ ﺋﻪﻗﯩﻠﻠﯩﻘﻠﯩﻘﻰ، ﺋﻮﻣﺎﻗﻠﯩﻘﻰ، ﺋﯚزﻟﯩﺮﯨﮕﻪ ﻗﺎﻧﺪاق ﺋﻮﻳﯘﻧلارﻧﻰ ﺋﻮﻳﻨﺎپ ﺑﻪرﮔﻪﻧﻠﯩﻜﻰﺗﻮﻏﺮۇﻟﯘق ﺑﻪس - ﺑﻪﺳﺘﻪ ﺳﯚزﻟﻪپ ﺑﻪرﮔﻪﻧﻠﯩﺮﯨﺪە ﻛﯚﯕﻠﯩﻨﯩﯔ ﺑﯩﺮ ﻳﻪرﻟﯩﺮى ﻳﯧﺮﯨﻢ ﺑﻮﻟﯘپ ﺟﯩﻤﯩﭗﻗﺎلاﺗﺘﻰ. دادﯨﺴﯩﻨﯩﯔ ﺑﯧﻘﯩﭗ ﺑﻪرﮔﯜﺳﻰ ﺑﻮﻟﺴﯩﻤﯘ، ﺋﺎﻳﻨﯩﮕﺎرﻧﯩﯔ ﺋﺎﭘﯩﺴﯩﺪﯨﻦ ﻗﻮرﻗﯘپ ﺑﯧﻘﯩﭗ ﺑﻪرﻣﯩﮕﻪﻧﻠﯩﻜﯩﻨﻰﻳﺎدﯨﻐﺎ ﺋﺎﻟﻐﯩﻨﯩﺪا ﻛﯚزﯨﮕﻪ ﻣﯚﻟﻠﯩﺪە ﻳﺎش ﺋﻮﻟﯩﺸﯩﭗ، ﺧﻮﺗﯘﻧﯩﻐﺎ ﺑﯩﺮ ﺋﯧﻐﯩﺰ ﺳﯚزﯨﻨﻰ ﺋﯚﺗﻜﯜزەﻟﻤﯩﮕﻪن دادﯨﺴﯩﺪﯨﻦ رەﻧﺠﯩﻴﺘﺘﻰ. ﺋﻪرﻣﻪك ﮬﺎﻳﯟاﻧلار ﭘﺎت - ﭘﺎت ﺋﯘﻧﯩﯔ ﭼﯜﺷﯩﮕﻪ ﻛﯩﺮﯨﭗ ﺋﯘﻧﯩﯔ ﺑﯩﻠﻪن ﺋﻮﻳﻨﺎپ، ﺋﯘﻧﻰ ﻛﯜﻟﺪۈرۈپ، دوﺳﺘﻠﯩﺮى ﺋﺎﻟﺪﯨﺪا ﻣﻪﻏﺮۇرلاﻧﺪۇرۇپ ﻛﯚﯕﻠﯩﻨﻰ ﺧﯘش ﺋﯧﺘﻪﺗﺘﻰ. ﺋﻪرﻣﻪك ﮬﺎﻳﯟاﻧلار ﺋﯘﻧﯩﯔ ﭼﯜﺷﯩﮕﻪ ﻛﯩﺮﮔﻪن ﻛﯜﻧﻠﯩﺮى، ﺋﯘ ﺧﯘددى راﺳﺘلا ﺋﯚﻳﯩﺪە ﺋﻪرﻣﯩﻜﻰ ﺑﺎردەك ﮬﯧﺲ ﻗﯩﻠﯩﭗ ﺷﺎدﻟﯩﻨﺎﺗﺘﻰ. ﺋﯚزﯨﻨﻰ ﺧﯘش ﻗﯩﻠﻐﯩﻨﯩﻨﯩﯔ ﭼﯜش ﺋﯩﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﻐﯩﻨﯩﺪا ﺑﻮﻟﺴﺎ ﻛﯚﯕﻠﻰ ﻳﯧﺮﯨﻢ ﺑﻮﻟﯘپ، دﯦﻤﻰﺋﯩﭽﯩﮕﻪ ﭼﯜﺷﯜپ ﺷﯜﻛﻠﻪپ ﻗﺎلاﺗﺘﻰ.
   − ﻧﯧﻤﯩﮕﻪ ﺷﯜﻛﻠﻪپ ﻗﺎﻟﺪﯨﯖﯩﺰ ﻗﯩﺰﯨﻢ ؟ − دەپ ﺳﻮرﯨﺪى ﺑﯩﺮ ﻛﯜﻧﻰ ﻗﯩﺰﯨﻨﯩﯔ ﺷﯜﻛﻠﻪپ ﻗﺎﻟﻐﺎﻧﻠﯩﻘﯩﻨﻰ ﻛﯚرﮔﻪن ﺋﻪﻧﯟەر.
   − ﺷﯘ... ﮬﻪﻣﻤﻪ ﺑﺎﻟﯩلارﻧﯩﯔ ﺋﻪرﻣﯩﻜﻰ ﺑﺎرﯨﻜﻪن، ﭘﻪﻗﻪت ﻣﯧﻨﯩﯖلا ﻳﻮق. ﺋﻪرﻣﻪﻛﻠﻪر ﭼﯜﺷﯜﻣﮕﻪ ﻛﯩﺮﯨﭙﺘﯩﻜﻪن، ﺷﯘﻧﻰ ﺋﻮﻳلاپ، - ﺋﺎﻳﻨﯩﮕﺎر ﺳﯚزﯨﻨﯩﯔ ﺋﺎﺧﯩﺮﯨﺴﯩﻨﻰﻗﯩلاﻟﻤﯩﺪى، ﺋﯘﻧﯩﯔ دادﯨﺴﯩﻐﺎ ﻗﺎرﯨﻐﺎن ﻛﯚزﻟﯩﺮﯨﺪﯨﻦ ﺋﯩﻜﻜﻰ ﺗﺎﻣﭽﻪ ﻳﺎش ﺳﯩﺮﻏﯩﭗ ﭼﯜﺷﺘﻰ. ﻳﯜرەك ﭘﺎرﯨﺴﯩﻨﯩﯔ ﺑﯘ ﮬﺎﻟﯩﻨﻰ ﻛﯚرﮔﻪن ﺋﻪﻧﯟەرﻧﯩﯔ ﻳﯜرﯨﻜﻰ ﺋﯧﭽﯩﺸﺘﻰ.
   − ﻗﯩﺰﯨﻢ، ﻣﯧﻨﯩﯖﭽﻪ ﺑﻮﻟﺴﺎ ﺋﺎﻟﻠﯩﺒﯘرۇﻧلا ﺑﯧﻘﯩﭗ ﺑﯧﺮەﺗﺘﯩﻢ، ﻟﯧﻜﯩﻦ ﺋﺎﭘﯩﯖﯩﺰ ﻣﯘﺷﯘ ﺋﻪرﻣﻪك ﮬﺎﻳﯟاﻧلاردﯨﻦ ﺑﻪك ﻗﻮرﻗﯩﺪۇ.
   − دادا، ﺋﺎﭘﺎم ﮬﯧﭻ ﻧﯧﻤﯩﺪﯨﻦ ﻛﻮﻛﻤﺎﻳﺪۇ.
   − ﻗﺎﻧﺪاق دەﻳﺴﯩﺰ؟ - دەپ ﺳﻮرﯨﺪى ﺋﻪﻧﯟەر ﻗﯩﺰﯨﺪﯨﻦﻗﯩﺰﯨﻘﺴﯩﻨﯩﭗ.
   − ﺗﺎﻣﺎق ﻳﯧﮕﯩﻠﻰ ﺋﯘﻧﯘﻣﯩﺴﺎم، ﻗﻮﻟﯩﻐﺎ ﺗﺎﻳﺎق ﺋﯧﻠﯩﭗﻣﯧﻨﻰ ﻗﻮرﻗﯘﺗﯩﺪۇ؛ ﭼﯧﭽﯩﻨﻰ ﻳﯘﻟﯘپ، ﺗﺎﻣﻐﺎ ﺑﯩﺮ ﺋﯜﺳﯜپ ﻳﯩﻐلاﻳﺪﯨﻐﺎن ﺑﻮﻟﺴﺎ، ﺳﯩﺰ ﻗﻮرﻗﯩﺴﯩﺰﻏﯘ؟ - دﯦﺪى ﻛﯚزﯨﺪﯨﻜﻰ ﻳﺎﺷﻨﻰ ﺋﯧﺮﺗﯩﭗ ﺗﯘرۇپ. ﺋﻪﻧﯟەر ﻧﯧﻤﻪ دﯦﻴﯩﺸﯩﻨﻰ ﺑﯩﻠﻪﻟﻤﻪي ﻗﯩﺰﯨﻐﺎ ﻗﺎرﯨﻐﺎن ﭘﯧﺘﻰ ﺗﯘرۇپ ﻗﺎﻟﺪى: «ﺗﻮۋا، ﺋﺎدەﻣﻨﯩﯔ ﻛﯩﭽﯩﻜﻰ ﻗﺎﻟﻤﺎﭘﺘﯘ ﺑﯘ ﺟﺎﮬﺎﻧﺪا ﺟﯘﻣﯘ، ﻗﺎرا دەۋاﺗﻘﺎن ﮔﯧﭙﯩﻨﻰ...» دەپ ﺋﻮﻳﻠﯩﺪى ﺋﻪﻧﯟەر ﺋﯩﭽﯩﺪە. دﯦﻤﯩﺴﯩﻤﯘ ﺑﯘ ﺋﺎﺋﯩﻠﯩﺪە ﺋﺎﻳﺎﻟﯩﻨﯩﯔ ﻗﻮرﻗﯘﺗﻤﺎﻳﺪﯨﻐﺎن ﺋﺎدﯨﻤﻰ ﻳﻮق، ﭘﻪﻗﻪت ﭼﻮڭ ﺋﻮﻏﻠﻰ ﺋﻪﺳﻘﻪرﺟﺎﻧلا ﺑﯘﻧﯩﯔ ﺳﯩﺮﺗﯩﺪا.
   − ﺑﺎلام، ﻣﻪن ﺋﺎﭘﯩﯖﯩﺰدﯨﻦ ﻗﻮرﻗﻤﺎﻳﻤﻪن، ﭘﻪﻗﻪت ﮬﯚرﻣﻪت ﻗﯩﻠﯩﻤﻪن، ﺋﺎﭘﯩﯖﯩﺰ...
   − ﺑﻮﻟﺪى دادا، ﺳﯩﺰ ﻗﻮرﻗﯩﺴﯩﺰ! ﺋﯚﺗﻜﻪﻧﺪە ﺋﺎﭘﺎم ﻳﯩﻐلاپ ﺗﺎﻣﻐﺎ ﺋﯜﺳﯜپ ﻳﯩﻐﻠﯩﻐﺎﻧﺪا ﺳﯩﺰ ﻗﻮرﻗﻘﺎن. ﺋﺎﭘﺎم ﺳﯩﺰﻧﻰ ﺋﯩﺘﺘﯩﺮﯨﭗ ﮬﺎﺟﻪﺗﺨﺎﻧﯩﻐﺎ ﻛﯩﺮﮔﯜزۈپ ﺗﯧﺸﯩﺪﯨﻦﺳﻮلاپ ﻗﻮﻳﻐﺎﻧﺪا، ﻣﻪن ﻳﯩﻐلاپ ﺋﺎﭘﺎﻣﻐﺎ ﻳﺎﻟﯟۇرۇپ ﺳﯩﺰﻧﻰ ﻗﯘﺗﻘﯘزۇپ ﭼﯩﻘﺘﯩﻤﻐﯘ؟ - دﯦﺪى ﻛﯜﻟﻜﯩﺪﯨﻦﺋﺎران ﺋﯚزﯨﻨﻰ ﺗﯘﺗﯘپ. ﺧﻮﺗﯘﻧﯘم ﻗﺎﺗﻨﺎش ﮬﺎدﯨﺴﯩﺴﯩﮕﻪ ﺋﯘﭼﺮاپ ﻣﯧﯖﯩﺴﻰ ﺳﯩﻠﻜﯩﻨﯩﭗ ﻛﻪﺗﻜﻪﻧﺪﯨﻦ ﺑﯧﺮى ﺋﺎﺷﯘﻧﺪاق ﺗﻪرﺳﺎ ﺑﻮﻟﯘپ ﻗﺎﻟﻐﺎﻧﯩﺪى، ﺋﯘﻧﯩﯔ ﺑﯩﻠﻪن ﺗﻪڭ ﺗﯘرﺳﺎم ﻛﯧﺴﯩﻠﯩﻨﯩﯔ ﻳﻪﻧﻪ ﻗﻮزﻏﯩﻠﯩﭗ ﻗﯧﻠﯩﺸﯩﺪﯨﻦ، ﺑﯘ ﻳﺎﺷﻘﺎ ﻛﻪﻟﮕﻪﻧﺪە «ﻳﯧﺮﯨﻢ ﻳﻮﻟﻐﺎ ﻛﻪﻟﮕﻪﻧﺪە ﮬﺎرۋاڭ ﺳﯘﻧﻤﯩﺴﯘن، ﺋﻮﺗﺘﯘرا ﻳﺎﺷﻘﺎ ﻛﻪﻟﮕﻪﻧﺪە ﺧﻮﺗﯘﻧﯘڭ ﺋﯚﻟﻤﯩﺴﯘن» ﺑﻮﻟﯘپ ﻗﺎﻟﻤﯩﺴﯘن، دەپ ﺋﯘﻧﯩﯔ ﻳﻮﻟﺴﯩﺰﻟﯩﻘﻠﯩﺮﯨﻐﺎ ﭼﯩﺸﯩﻤﻨﻰ ﭼﯩﺸﻠﻪﻳﺪﯨﻐﺎن ﺑﻮﻟﯘپ ﻗﺎﻟﻐﺎﻧﯩﺪﯨﻢ.
   − ﺑﻮﻟﺪى دادا ﺳﯩﺰ ﻛﻮﻛﯩﺴﯩﺰ، ﻛﻮﻛﯩﺴﯩﺰ، ﺋﻮﺑﯘﻳﻨﯩﻐﺎ...
   − ﻧﻪدﯨﻜﯩﻨﻰ ﻗﯩﺰﯨﻢ، ﺋﯚزۈم ﺳﻮﻟﯩﻨﯩﭗ ﻗﺎﻟﺪﯨﻤﻐﯘ؟ - دﯦﺪﯨﻢ ﻗﯩﺰﯨﻤﻨﯩﯔ ﺋﺎﻟﺪﯨﺪا ﺧﯩﺠﯩﻠﻠﯩﻘﯩﻤﻨﻰ ﻳﻮﺷﯘرۇﺷﻘﺎ ﺗﯩﺮﯨﺸﯩﭗ.
   − ﺋﻪﻣﯩﺴﻪ ﺗﺎﻏﻘﺎ ﺋﻮﻳﻨﯩﻐﯩﻠﻰ ﭼﯩﻘﻘﺎﻧﺪا ﺳﯩﺰ داداﺷلار ﺑﯩﻠﻪن ﮬﺎﻳﺎق ﺋﯩﭽﯩﭗ ﻛﻪﭘﺴﯩﺰﻛﻪن، ﺋﺎﭘﺎم ﺑﯩﺮ ﻗﻮﻏﻠﯩﺴﺎ ﻗﯧﭽﯩﭗ ﻛﻪﺗﺘﯩﯖﯩﺰﻏﯘ؟ - دﯦﺪى ﻗﯩﺰى ﻛﯜﻟﯜپ ﺗﯘرۇپ. ﺋﻪﻧﯟەر ﺋﺎﭘﯩﯖﯩﺰﻏﺎ ﮬﯚرﻣﻪت ﻗﯩﻠﯩﭗ، ﺋﺎﭘﯩﯖﯩﺰﻧﻰ ﺋﺎﻳﺎپ دﯦﮕﻪﻧﺪەك ﻳﺎﻟﻐﺎﻧلارﻧﻰ ﺋﯧﻴﺘﯩﺸﺘﯩﻦﻧﻮﻣﯘس ﻗﯩﻠﺪى. ﻗﯩﺰى ﺋﻪﻣﺪﯨلا ﺋﺎﻟﺘﻪ ﻳﺎﺷﻨﯩﯔ ﻗﺎرﯨﺴﯩﻨﻰ ﺋﺎﻟﻐﯩﻨﻰ ﺑﯩﻠﻪن ﺧﯧﻠﻰ ﺋﯩﺸلارﻧﻰ ﭼﯜﺷﻪﻧﮕﯩﺪەك ﺑﻮﻟﯘپ ﻗﺎﭘﺘﯘ، ﺋﻪﻣﺪى ﺑﯘرۇﻧﻘﯩﺪەك ﻳﺎﻟﻐﺎن ﻳﺎۋﯨﺪاﻗلارﻏﺎ ﻛﯚﻧﻤﯩﮕﯩﺪەك. «ﻗﯧﻨﻰ ﺑﯧﺸﯩﻤﻐﺎ ﻛﻪﻟﮕﯩﻨﯩﻨﻰﻛﯚرەي، ﻣﯘﺷﯘ ﻗﯩﺰﯨﻤﻨﯩﯔ ﺋﺎرزۇﺳﯩﻐﺎ ﺑﯩﺮ ﻳﻪﺗﻜﯜزۈپ ﻗﺎﻟﻐﺎن ﻛﯚرﮔﯜﻟﯜﻛﻨﻰ ﻛﯚرﻣﻪﻳﻤﻪﻧﻤﯘ؟» دﯦﮕﻪن ﺧﯩﻴﺎل ﻛﯚﯕﻠﯩﺪﯨﻦ ﻛﯧﭽﯩﭗ ﺋﯚﺗﺘﻰ. ﺋﯘ ﺋﻪﺗﯩﺴﻰ ﻗﯩﺰﯨﻨﻰ ﺋﻪﮔﻪﺷﺘﯜرۈپ ﺋﻪرﻣﻪك ﮬﺎﻳﯟاﻧلارﻧﻰ ﺳﺎﺗﯩﺪﯨﻐﺎن ﺑﺎزاردﯨﻦ ﻗﯩﺰﯨﻐﺎ ﺗﺎﻟﻠﯩﺘﯩﭗ ﺑﯩﺮ ﻣﯜﺷﯜك ﺳﯧﺘﯩﯟاﻟﺪى، ﻗﯩﺰﯨﻨﯩﯔ ﺧﯘﺷﺎﻟﻠﯩﻘﯩﻨﻰ ﻛﯚرۈپ ﺋﯘﻧﯩﯖﻤﯘﻛﯚﯕﻠﻰ ﻛﯚﺗﯜرۈﻟﯜپ ﻗﺎﻟﺪى. ﺧﻮﺗﯘﻧﻰ ﺑﯩﺮ ﺋﯚﻟﯜم ﭘﻪﺗﯩﺴﻰ ﺑﯩﻠﻪن ﺑﯩﺮ ﻳﺎﻗﻘﺎ ﭼﯩﻘﯩﭗ ﻛﻪﺗﻜﻪﻧﯩﺪى، ﺧﻮﺗﯘﻧﯩﻨﯩﯔ دوﺳﺖ - ﺑﯘرادەرﻟﻪر ﺋﺎرﯨﺴﯩﺪا ﺋﯩﻨﺎۋﯨﺘﻰ ﺋﻪﻧﯟەرﻧﯩﯖﻜﯩﺪﯨﻦ ﻳﯘﻗﯩﺮى ﺋﯩﺪى. ﺧﻮﺗﯘﻧﻰﻗﺎﭼﺎﻧلا ﻗﺎرﯨﺴﺎڭ ﺑﯩﺮ داﺳﺘﯩﺨﺎﻧﻨﻰ ﻗﻮﻟﺘﯘﻗﯩﻐﺎ ﻗﯩﺴﺘﯘرۇپ ﺋﺎﯕﻠﯩﻐﺎﻧﻠﯩﻜﻰ ﺋﯚﻟﯜم، ﺋﺎﯕﻠﯩﻐﺎﻧﻠﯩﻜﻰﺗﻮي، ﺋﺎﯕﻠﯩﻐﺎﻧﻠﯩﻜﻰ ﺋﺎﻏﺮﯨﻖ ﭘﻪﺗﯩﺴﯩﮕﻪ ﺗﯚت، ﺑﻪش دوﺳﺘﯩﻨﻰ ﺋﻪﮔﻪﺷﺘﯜرۈپ ﻳﯜرﮔﯩﻨﻰ ﻳﯜرﮔﻪن. ﺋﻪﻧﯟەر «ﮔﺎﻟﻐﺎ ﻣﺎي ﻳﻮق، ﺳﯘﻧﺎﻳﻐﺎ ﻧﻪدە؟» دەپ ﺧﯧﻠﻰ ﺗﻪﮔﯩﺸﯩﭙﻤﯘ ﺑﺎﻗﺘﻰ، ﺋﺎﯕلار ﺋﻪﻣﻪس. ﺧﯘﺷﻰ ﺗﯘﺗﺴﺎ «ﻗﺎﻧﺪاق ﻗﯩﻠﯩﻤﻪن، ﺑﯘ دﯦﮕﻪن ﺋﺎدەﻣﯩﮕﻪرﭼﯩﻠﯩﻚ. ﺑﯩﺰﻧﯩﯔ ﺋﯚﻳﺪﯨﻜﯩﻠﻪر ﺷﯘﻧﺪاق داﺳﺘﯩﺨﯩﻨﻰ ﭼﻮڭ ﺋﯚﺗﻜﻪن، ﻣﺎﯕﺎ ﻣﯩﺮاس ﻗﺎﻟﻐﺎن ﺋﻮﺧﺸﺎﻳﺪۇ» دەپ ﻳﺎﭘﺘﺎ ﮔﻪپ ﻗﯩﻠﻐﺎن، ﺧﯘددى ﺋﻪﻧﯟەرﻧﯩﯔ ﺋﺎﭘﯩﺴﻰ داﺳﺘﯩﺨﺎﻧﺴﯩﺰ، ﭘﻪﺗﯩﺴﯩﺰ ﺋﯚﺗﻜﻪﻧﺪەك.
   ﻗﯩﺰى ﻣﯜﺷﯜﻛﻨﯩﯔ ﺧﯘﺷﺎﻟﻠﯩﻘﯩﺪا، ﻣﯜﺷﯜك ﺑﯩﻠﻪن ﺋﻮﻳﻨﺎپ، ﺋﺎﻟﺪﯨﻐﺎ ﻧﺎﻧﺪﯨﻦ ﺗﺎرﺗﯩﭗ ﺗﺎﺗﻠﯩﻖ - ﺗﯘرۇﻣلارﻏﯩﭽﻪ ﺗﯩﺰﯨﭗ ﻣﯜﺷﯜﻛﻨﻰ ﺧﯘددى ﻣﯧﮭﻤﺎﻧلاردەك ﺋﻪزﯨﺰﻟﻪپ «ﺋﺎﻟﻪ - ﺋﺎﻟﻪ» دەپ ﮬﻪﻟﻪك؛ ﺋﻪﻧﯟەر ﻣﯜﺷﯜﻛﻜﻪ ﻛﺎﺗﻪك ﻳﺎﺳﺎﻳﻤﻪن، دەپ ﺑﯩﺮ ﻳﻪﺷﯩﻜﻨﻰ ﺗﯜزەﺷﺘﯜرۈپ ﺋﻮﻟﺘﯘراﺗﺘﻰ. ﺋﯩﺸﯩﻚ ﺋﯧﭽﯩﻠﯩﭗ ﺋﻮﻏﻠﻰ ﺋﻪﺳﻘﻪرﺟﺎن ﻛﯩﺮﯨﭗ ﻛﻪﻟﺪى. ﺑﯘ ﺋﻮﻏﻠﯩﻨﻰ ﺋﻪﻧﯟەر ﻳﯧﻤﻪي ﻳﯧﺪۈرۈپ، ﻛﻴﻤﻪي ﻛﯩﻴﺪۈرۈپ، ﻛﯚزﯨﻨﯩﯔ ﺋﯩﭽﯩﮕﻪ ﻗﺎراپ ﭼﻮڭ ﻗﯩﻠﺪى. ﺗﻮﻟﯘق ﺋﻮﺗﺘﯘرا ﻣﻪﻛﺘﻪﭘﻨﻰ ﭘﯜﺗﻜﯜزۈﭘلا «ﺋﻮﻗﯘﻣﺎﻳﻤﻪن» دەپ، ﺋﺎﻟﯩﻲ ﻣﻪﻛﺘﻪﭘﻜﻪ ﺋﯩﻤﺘﯩﮭﺎن ﺑﻪرﮔﯩﻠﻰ ﺋﯘﻧﯘﻣﺎي ﺗﯘرۇۋاﻟﺪى. ﺗﻪرﺑﯩﻴﻪﻣﯘ ﻗﯩﻠﺪى، ﺗﯩﻠلاﭘﻤﯘ ﺑﺎﻗﺘﻰ، ﻟﯧﻜﯩﻦ ﺋﻪﺳﻘﻪرﺟﺎن دﯦﮕﯩﻨﯩﻨﻰ ﻗﯩﻠﯩﭗ ﺋﻮﻗﯘﻣﺎﻳلا ﻗﻮﻳﺪى. ﺋﯘ ﻧﻮﻏﯘﭼﺘﻪك ﺗﺎر ﺋﯩﺸﺘﺎن، ﮔﯜﻟﻠﯜك ﻛﯚﯕﻠﻪك ﻛﯩﻴﯩﭗ، ﭼﺎﭼﻠﯩﺮﯨﻨﻰ ﺑﯩﺮ ﻗﯩﺴﻤﺎ ﻳﺎﺳﯩﺘﯩﭗ ﺋﻪﺗﯩﺪﯨﻦ ﻛﻪﭼﻜﯩﭽﻪ ﺗﺎلا - ﺗﯜزدە ﻳﯜرﮔﯩﻨﻰ ﻳﯜرﮔﻪﻧﯩﺪى، ﺗﻪرﺑﯩﻴﻪ ﺑﯘ ﻗﯘلاﻗﺘﯩﻦ ﻛﯩﺮﯨﭗ ﺋﯘ ﻗﯘلاﻗﺘﯩﻦ ﭼﯧﻘﯩﭗ ﻛﯧﺘﻪﺗﺘﻰ. ﻳﺎ دادﯨﺴﯩﻨﻰ، ﻳﺎ ﺋﺎﭘﯩﺴﯩﻨﻰ «ﭘﻮش» دﯦﻤﻪﻳﺘﺘﻰ. ﺑﻪزﯨﺪە ﺗﯧﺨﻰ «ﺑﯘ دﯦﮕﻪن ﻣﻮدا، ﺳﯩﻠﻪر ﻧﯧﻤﯩﻨﻰ ﺑﯩﻠﯩﺴﯩﻠﻪر؟» دەپ ﺋﯩﺸﯩﻜﻨﻰ ﺟﺎلاﻗﻠﯩﺘﯩﭗ ﻳﯧﭙﯩﭗ ﭼﯩﻘﯩﭗ ﻛﯧﺘﻪﺗﺘﻰ. ﺑﺎﺷﺘﺎ ﺋﯘلار ﻛﯧﭽﻪ - ﻛﯧﭽﯩﻠﻪپ ﺋﯩﺰدەپ ﻳﯩﻐلاپ، ﻗﺎﻗﺸﺎپ ﻳﯜردى. ﺋﻪﺳﻘﻪرﺟﺎن ﺋﯘلار ﻳﯩﻐلاپ، ﻛﯚز ﻗﺎﭘﺎﻗﻠﯩﺮﯨﻨﻰ ﺋﯩﺸﺸﯩﺘﯩﭗ، ﺋﯩﭽﻜﯩﻨﻰ زەﮬﻪر، ﻳﯧﮕﯩﻨﻰﺋﻮﻏﺎ ﺑﻮﻟﯘپ ﺋﻮﻟﺘﯘرﻏﺎﻧﺪا «ﻟﻮﻛﻜﯩﺪە» ﭘﻪﻳﺪا ﺑﻮﻟﯘپ ﻗﺎلاﺗﺘﻰ. ﺋﻪﻧﯟەر ﺋﻪر - ﺧﻮﺗﯘﻧلار ﺋﻪﺳﻘﻪرﺟﺎﻧﻨﯩﯔﻳﻮﻗﺎپ ﻛﯧﺘﯩﺸﻠﯩﺮﯨﮕﻪ ﺋﺎﺧﯩﺮ ﻛﯚﻧﯜپ ﻗﺎﻟﺪى.
  − ﮬﻪ، ﻣﺎﯕﺎ ﻗﯩﻠﻐﺎن ﺋﻪﺳﻜﯩﻠﯩﻜﯩﯖﻨﻰ ﻗﯩﻠﯩﭗ، ﺋﺎۋۇ ﺋﻪرﻛﻪﻧﺎﻳﻨﯩﻘﯩﯖﻐﺎ ﺑﯩﺮ ﮬﻪﻳﯟە ﻗﯩﻠﯩﭗ، ﮔﯧﭙﯩﯖﮕﻪ ﻛﯩﺮﮔﯜزۈپ ﺑﺎﻗﻤﺎﻣﺴﻪن؟ - دﯦﺪى ﺑﯩﺮ ﻛﯜﻧﻰ ﺋﻪﻧﯟەر ﺧﻮﺗﯘﻧﯩﻐﺎ.
   − ﺳﯩﻠﻰ ﺑﯘ ﺋﯚﻳﺪە ﻗﻮﻧﭽﺎﻗﻤﯘ ﻳﺎﻛﻰ ﺋﻪرﻣﻪك ﮬﺎﻳﯟاﻧﻤﯘ؟ ﺳﯩﻠﻰ دادﯨﺴﻰ ﺗﯘرۇپ ﮔﻪپ ﻗﯩﻠﻤﺎي، ﻣﯧﻨﻰ ﮔﻪپ ﻗﯩﻞ دﯦﮕﻪﻧﻠﯩﺮى ﻧﯧﻤﯩﺴﻰ ﺋﯩﭽﯩﻤﻨﻰ ﺳﯩﻘﯩﭗ؟ - دﯦﺪى ﻛﯚزﯨﻨﯩﯔ ﭘﺎﺧﺘﯩﺴﯩﻨﻰ ﭼﯩﻘﯩﺮﯨﭗ. ﺋﻪﻧﯟەر ﻳﻪﻧﻪ ﺋﺎرﺗﯘﻗﭽﻪ ﮔﻪپ ﻗﯩﻠﺴﺎ ﺟﯧﺪەﻟﻨﯩﯔ ﺋﺎۋۇﺷﯩﺪﯨﻦ ﻗﻮرﻗﯘپ، ﺋﺎﻏﺰﯨﻐﺎ ﻛﯧﻠﯩﭗ ﻗﺎﻟﻐﺎن ﮔﻪﭘﻨﻰ ﻳﯘﺗﯘۋەﺗﺘﻰ. ﻧﯘرﻏﯘن ﺋﺎزاﺑلارﻧﻰ ﻳﯘﺗﻘﺎن ﺑﯘ «ﺋﻪزﯨﻤﻪت» ﻛﻪ ﺑﯘﻧﭽﯩﻠﯩﻚﺳﯚزﻟﻪرﻧﻰ ﻳﯘﺗﯘۋﯦﺘﯩﺶ ﮬﯧﭽﻘﺎﻧﭽﻪ ﺋﯩﺶ ﺋﻪﻣﻪس ﺋﯩﺪى. ﺋﻪﺳﻘﻪرﺟﺎن ﺳﯩﯖﻠﯩﺴﯩﻨﯩﯔ ﺑﺎﻗﻘﺎن ﻣﯜﺷﯜﻛﯩﻨﻰﻛﯚرۈپ ﺳﯩﯖﻠﯩﺴﯩﻨﻰ ﺋﻪرﻛﯩﻠﻪﺗﻜﻪچ ﻣﯜﺷﯜﻛﻨﻰ ﻗﻮﻟﯩﻐﺎ ﺋﯧﻠﯩﭗ ﭼﻮﻛﯘﻟﺪﯨﺘﯩﭗ ﺳﯚﻳﯜپ، ﺳﯩﯖﻠﯩﺴﯩﻨﯩﯔ «ﻣﻮدا» ﭼﯜﺷﻪﻧﮕﻪﻧﻠﯩﻜﯩﺪﯨﻦ ﺳﯚﻳﯜﻧﯜپ ﺑﯩﺮدەم ﺋﻮﻟﺘﯘردى. ﺋﯘ ﺗﺎﭘﺴﯩﻐﺎ ﻛﯧﻠﯩﭗ ﺋﺎﻳﯩﻐﯩﻨﻰ ﻛﯩﻴﯩﯟﯦﺘﯩﭗ، ﺋﻪﻧﯟەرﮔﻪﺳﻮﺋﺎل ﺋﻪدﯨﮕﻪن ﻛﯚزﯨﺪە ﻣﯩﺨﺘﻪك ﺗﯩﻜﯩﻠﺪى. ﺑﯘ ﺋﯘﻧﯩﯔ «ﭘﯘل» دﯦﮕﯩﻨﻰ ﺋﯩﺪى.
   − ﺑﺎلام ﻣﻪﻧﺪە ﭘﯘل ﻳﻮق، ﺑﯩﺮدەم ﺋﻮﻟﺘﯘرﺳﺎڭ ﺋﺎﭘﺎڭ ﻛﯧﻠﯩﺪۇ، ﺋﺎﭘﺎﯕﺪﯨﻦ ﺳﻮرا، - دﯦﺪى ﺋﻪﻧﯟەر ﻗﺎﭘﯩﻘﯩﻨﻰ ﺗﯜرۈپ ﺗﯘرۇپ.
   − راﺳﺖ، ﺳﻪﻧﺪﯨﻐﯘ ﭘﯘل ﺑﻮﻟﻤﺎﻳﺪۇ، ﺑﻮﭘﺘﯘ، ﺋﺎﻟﺪﯨﺮاش ﺋﯩﺸﯩﻢ ﺑﺎﺗﻰ، ﺋﺎﭘﺎم ﻛﻪﻟﺴﻪ ﻣﯧﻨﻰ ﻛﯧﻠﯩﭗ ﻛﻪﺗﺘﻰ دەپ ﻗﻮي، - ﺋﻪﺳﻘﻪر ﺋﯩﺸﯩﻜﻨﻰ ﺋﯧﭽﯩﭗ ﺗﯧﺸﯩﻐﺎﺑﯩﺮ ﻗﻪدەم ﺋﯧﻠﯩﭗ، ﻳﻪﻧﻪ ﺋﺎرﻗﯩﺴﯩﻐﺎ ﺋﯚرۈﻟﺪى، − دادا ﺋﺎﭘﺎﻣﻨﯩﯔ، ﻣﯧﻨﯩﯔ ﻛﯩﺮﻟﯩﺮﯨﻤﻨﻰ ﻳﯘﻳﯘۋﯦﺘﻪرﺳﻪن، - دﯦﺪى ﭼﯩﺮاﻳﯩﻐﺎ ﻛﯜﻟﻜﻪ ﻳﯜﮔﯜرﺗﯜپ. ﺋﻪﻧﯟەر ﻳﺎ ﻛﯜﻟﯜﺷﯩﻨﻰ، ﻳﺎ ﺋﺎﭼﭽﯩﻘﻠﯩﻨﯩﺸﯩﻨﻰ ﺑﯩﻠﻪﻟﻤﻪي ﺗﯘرۇﭘلا ﻗﺎﻟﺪى، − ﻳﯘﻣﯩﺴﺎڭ ﺑﺎرار ﻳﯧﺮﯨﯔ، - ﺋﻪﺳﻘﻪر ﮬﺎﺟﻪﺗﺨﺎﻧﯩﻨﻰ ﺋﯩﻤﺎ ﻗﯩﻠﺪى ﻛﯜﻟﻜﯩﺪﯨﻦ ﺋﯚزﯨﻨﻰ ﺋﺎران ﺗﯘﺗﯘپ. ﺋﻪﻧﯟەر ﺟﺎن - ﺟﻪﮬﻠﻰ ﺑﯩﻠﻪن ﺋﯩﺸﯩﻚ ﺗﻪرەﭘﻜﻪ ﺋﯚزﯨﻨﻰ ﺋﺎﺗﺘﻰ، ﺑﯩﺮاق ﺑﯧﺮﯨﭗ ﻳﯧﭙﯩﻠﻐﺎن ﺗﯚﻣﯜر ﺋﯩﺸﯩﻜﻜﻪ ﭼﺎﭘﻠﯩﺸﯩﭗ ﻗﺎﻟﺪى، ﺋﯘﻧﯩﯔ ﻛﯚزﯨﺪﯨﻦ ﻏﻪزەﭘﻜﻪ ﺋﻮﺧﺸﺎﭘﺮاق ﻛﯧﺘﯩﺪﯨﻐﺎن، ﺋﯚزﯨﺪە ﺧﯧﻠﻰ ﻳﯩﻠلاردﯨﻦ ﺑﯧﺮى ﻳﻮﻗﺎپ ﻛﻪﺗﻜﻪن ﺑﯩﺮ ﺟﺎﺳﺎرەﺗﻨﻰ ﮬﯧﺲ ﻗﯩﻠﻐﺎﻧﺪەك ﺑﻮﻟﺪى.
  − ﮬﯘ ﮔﯘﻳﻨﯩﯔ ﺑﺎﻟﯩﺴﻰ، ﻗﺎرا ﺗﻪﭘﺘﺎرﺗﻤﺎي، - ﺋﻪﻧﯟەر ﺳﺎﻓﺎدا لاﺳﺴﯩﺪە ﺋﻮﻟﺘﯘرۇپ ﻗﺎﻟﺪى.
    *       *       *   
   ﭼﯜﺷﺘﯩﻦ ﻛﯧﻴﯩﻦ ﺧﻮﺗﯘﻧﻰ ﻗﺎﻳﺘﯩﭗ ﻛﻪﻟﺪى. ﺋﯘ ﺋﯩﺸﯩﻜﺘﯩﻦﻛﯩﺮﯨﭙلا ﻗﯩﺰى ﺋﻮﻳﻨﺎپ ﺋﻮﻟﺘﯘرﻏﺎن ﻣﯜﺷﯜﻛﻨﻰ ﻛﯚرۈپ «ﭼﯩﺮ» ﻗﯩﻠﯩﭗ ﭼﯩﺮﻗﯩﺮاپ، ﺑﯩﺮ ﺟﺎﻳﯩﺪا ﭘﯘﺗﻰﻛﯚﻳﮕﻪن ﺗﻮﺧﯘدەك ﺗﺎﻗلاپ ﻛﻪﺗﺘﻰ، ﻗﻮﻟﯩﺪﯨﻜﻰ ﭘﻪﺗﯩﺪﯨﻦ ﻗﯘرۇق ﻗﺎﻳﺘﻘﺎن ﭼﯩﻨﻪ ﺗﺎۋاق ﻳﻪرﮔﻪ ﭼﯜﺷﯜپ ﭼﯧﻘﯩﻠﺪى. ﺳﯧﻨﻜﺎ ﺳﺎﻟﻤﺎي ﺋﺎﻗﺎرﺗﻘﺎن ﺗﺎﻣﺪەك ﺗﺎﺗﯩﺮﯨﭗ ﻛﻪﺗﻜﻪن ﭼﯩﺮاﻳﯩﻨﻰ ﻛﯚرۈپ ﺋﻪﻧﯟەرﻧﯩﯔ ﻳﯜرﯨﻜﻰ «ﺟﯩﻐﻐﯩﺪە» ﻗﯩﻠﺪى - دە، ﻳﯜﮔﯜرﮔﯩﻨﯩﭽﻪ ﺋﺎﺷﺨﺎﻧﺎ ﺋﯚﻳﮕﻪ ﻛﯩﺮﯨﭗ، ﺑﯩﺮ ﭘﯩﻴﺎﻟﻪ ﻣﯘزدەك ﺳﯘﻧﻰ ﻗﻮۋۇزى ﺗﻮﻟﻐﯘدەك ﺋﯩﭽﯩﭗ ﺧﻮﺗﯘﻧﯩﻐﺎ ﻗﺎراپ ﭘﯜرﻛﯩﺪى. ﻣﯘزدەك ﺳﯘدﯨﻦ ﺋﻪﻧﺪﯨﻜﻜﻪن ﺧﻮﺗﯘﻧﻰ ﺋﺎﺷﺨﺎﻧﺎ ﺋﯚﻳﮕﻪﻛﯩﺮﯨﭗ، ﻧﻮﻏﯘﭼﻨﻰ ﺋﯧﻠﯩﭗ ﭼﯩﻘﯩﭗ ﺋﻪﻧﯟەرﮔﻪ ﺋﯧﺘﯩﻠﺪى. ﺋﻪﻧﯟەر ﭘﯘﺗﯩﻐﺎ ﺋﺎﻳﺎغ ﻛﯩﻴﯩﺸﻜﯩﻤﯘ ﺋﯜﻟﮕﯜرﻣﻪي ﺋﯚزﯨﻨﻰ ﺗﯧﺸﯩﻐﺎ ﺋﺎﺗﺘﻰ.
   ﺋﻪﻧﯟەر ﻳﺎلاڭ ﺋﺎﻳﺎغ ﻗﻮرۇﻏﺎ ﭼﯩﻘﯩﭗ ﺗﻮﺧﺘﯩﺪى. ﺋﯘﻧﯩﯔﭼﯩﺮاﻳﻰ ﺗﺎﺗﺎرﻏﺎن، ﻛﯚزى ﺑﯘزارﻏﺎن ﺋﯩﺪى. ﺋﯘ ﺋﻪﻣﺪى «ﺋﯘھ» دەپ ﺗﯘراﺗﺘﻰ، ﺋﯚﻳﺪﯨﻦ ﻗﯩﺰﯨﻨﯩﯔﭼﯩﺮﻗﯩﺮﯨﻐﺎن ﺋﺎۋازى ﺋﺎﯕلاﻧﺪى.
   − ﺟﯧﻨﯩﻢ ﺋﺎﭘﺎ، ﺋﯘﻧﺪاق ﻗﯩﻠﻤﺎڭ، ﻛﺎﺗﯩﻜﯩﺪە ﺑﺎﻗﺎي.
   − ﻳﺎق، ﻣﯜﺷﯜك ﺑﺎر ﺋﯚﻳﮕﻪ ﭘﻪرﯨﺸﺘﻪ ﻛﯩﺮﻣﻪﻳﺪۇ، ﺋﺎدەﻣﻨﯩﯔﻗﻮرﻗﻘﯩﺴﯩﻨﻰ ﻛﻪﻟﺘﯜرۈپ.
   ﺑﯩﺮ ﭼﺎﻏﺪا دﯦﺮﯨﺰﯨﺪﯨﻦ ﺑﯩﺮ ﻧﻪرﺳﻪ ﻗﺎﯕﻘﯩﭗ ﭼﯩﻘﯩﭗ ﺋﻪﻧﯟەرﻧﯩﯔﺋﺎﻟﺪﯨﻐﯩلا ﭼﯜﺷﺘﻰ، ﺋﻪﻧﯟەر ﺋﻪﻧﺪﯨﻜﯩﭗ ﻗﺎرﯨﺪى. ﺋﯘ ﮬﯧﻠﯩﻘﻰ ﻣﯜﺷﯜك ﺋﯩﺪى. ﮬﯧﻠﯩﻤﯘ ﻣﯜﺷﯜﻛﺘﻪ ﺑﯩﻨﺎدﯨﻦﭼﯜﺷﺴﯩﻤﯘ ﺗﯚت ﭘﯘﺗلاپ ﭼﯜﺷﯜپ ﺳﺎق ﻗﺎﻟﯩﺪﯨﻐﺎن ﺧﺎﺳﯩﻴﻪت ﺑﺎر ﺋﯩﻜﻪن، ﺑﻮﻟﻤﯩﺴﺎ ﺑﯩﭽﺎرە ﻣﯜﺷﯜك ﻧﯧﻤﻪﻛﯜﻧﻠﻪرﻧﻰ ﻛﯚرەر ﺑﻮﻟﻐﯩﻴﺘﺘﻰ. «ﺗﯧﺨﻰ ﭘﻪرﯨﺸﺘﻪ ﻛﯩﺮﻣﻪﻳﺪۇ، دەپ ﻛﻪﺗﻜﯩﻨﯩﻨﻰ، ﭘﻪرﯨﺸﺘﻪ ﺳﻪﻧﺪﯨﻦﻗﻮرﻗﯘپ ﻛﯩﺮﻣﻪس» دەپ ﭘﯩﭽﯩﺮﻟﯩﺪى ﺋﯘ ﺋﯚز - ﺋﯚزﯨﮕﻪ.
   ﻳﻪرﮔﻪ ﻗﺎﯕﻘﯩﭗ ﭼﯜﺷﯜپ، ﻗﻮرﻗﯘپ ﻛﻪﺗﻜﻪن ﻣﯜﺷﯜك ﻧﻪﻟﻪرﮔﯩﺪۇر ﻏﺎﻳﯩﺐ ﺑﻮﻟﺪى.
    *       *       *   
   ﺋﻪﻧﯟەر ﺋﻪﺗﯩﺴﻰ ﺋﻪﺗﯩﮕﻪﻧﺪە ﺋﺎدﯨﺘﻰ ﺑﻮﻳﯩﭽﻪ ﻛﯚﻛﺘﺎت، ﺳﯜت، ﻧﺎن دﯦﮕﻪﻧﺪەك لازﯨﻤﻪﺗﻠﯩﻜﻠﻪرﻧﻰ ﺳﯧﺘﯩﯟﯦﻠﯩﺶ ﺋﯜﭼﯜن ﺗﯧﺸﯩﻐﺎ ﭼﯩﻘﺘﻰ، ﺋﯘ ﺗﯧﺸﯩﻐﺎ ﭼﯩﻘﯩﭙلا ﮬﻪﻳﺮاﻧﻠﯩﻘﺘﺎ ﺗﯘرۇپ ﻗﺎﻟﺪى. ﻗﯩﺰﯨﻨﯩﯔ ﮬﯧﻠﯩﻘﻰ ﺑﯩﭽﺎرە ﻣﯜﺷﯜﻛﻰ دەرەﺧﻨﯩﯔ ﺋﯘﭼﯩﻐﺎ ﭼﯩﻘﯩﯟﯦﻠﯩﭗ، ﭘﻪﺳﺘﻪ ﺋﯚزﯨﮕﻪ ﺧﯩﺮﯨﺲ ﻗﯩﻠﯩﭗ ﺗﯘرﻏﺎن، ﻛﯩﭽﯩﻜﺮەك ﺳﻮﻳﻤﯩﭽﯩﻠﯩﻚ ﻛﯧﻠﯩﺪﯨﻐﺎن ﭼﺎﺷﻘﺎﻧﻐﺎ ﻗﻮرﻗﯘﻧﭻﺑﯩﻠﻪن ﻗﺎراپ ﺗﯘرۇﭘﺘﯘ. ﺑﯘ ﭼﺎﺷﻘﺎن ﺋﻪﻧﯟەرﻧﻰ ﻛﯚرۈپ ﻳﯜرﮔﻪن ۋﯨﺠﯩﻚ ﭼﺎﺷﻘﺎﻧلارﻏﺎ ﺋﻮﺧﺸﯩﻤﺎﻳﺘﺘﻰ. ﺋﯘﻧﯩﯔ ﺑﻪدﯨﻨﻰ ﺋﯘزۇن، ﺑﯧﺸﻰ ﻛﯩﭽﯩﻚ، ﺗﯜﻛﻠﯩﺮى ﺷﺎلاڭ ﺋﯩﺪى، ﺋﯘ ﺑﯘ ﻣﻪﮬﻪﻟﻠﯩﮕﻪ ﻳﯧﯖﯩﺪﯨﻦ ﭘﻪﻳﺪا ﺑﻮﻟﯘپ ﻗﺎﻟﻐﺎن ﭼﺎﺷﻘﺎن ﺋﯩﺪى. ﭼﺎﺷﻘﺎن ﻣﯜﺷﯜﻛﻨﻰ ﺑﯩﺮ ۋاﺧﻠﯩﻖ ﻣﻪززﯨﻠﯩﻚ ﺗﺎﻣﯩﻘﯩﻢ، دەپ ﮬﯧﺲ ﻗﯩﻠﺪﯨﻤﯩﻜﯩﻦﻣﯜﺷﯜﻛﻜﻪ ﻗﺎراپ ﭼﻪﻛﭽﯩﻴﯩﭗ ﺗﯘرۇﭘﺘﯘ. ﺋﻪﻧﯟەر ﭼﺎﺷﻘﺎﻧﻨﻰ ﻗﻮﻏﻠﯩﯟﯦﺘﯩﭗ، ﻣﯜﺷﯜﻛﻨﻰ ﺧﻪﺗﻪرﻟﯩﻚ ﺋﻪﮬﯟاﻟﺪﯨﻦﻗﯘﺗﯘﻟﺪۇرﻣﺎﻗﭽﻰ ﺑﻮﻟﯘپ، ﭘﯘﺗﯩﻨﻰ ﻳﻪرﮔﻪ ﻗﺎﺗﺘﯩﻖ ﺗﯧﭙﯩﭗ «ﮬﯘﻳﺖ» ﻗﯩﻠﯩﭗ ﺗﯘراﺗﺘﻰ، ﺋﻪﻧﯟەرﻧﻰ ﻣﻪﻧﺪﯨﻦﻣﯜﺷﯜﻛﻨﻰ ﺗﺎﻟﯩﺸﯩﯟاﺗﯩﺪۇ، دەپ ﺋﻮﻳﻠﯩﺪﯨﻤﯘ ﻳﺎﻛﻰ «ﺧﻮﺗﯘﻧﯩﺪﯨﻦ ﻗﻮرﻗﯩﺪﯨﻐﺎن ﺋﺎدەﻣﻨﯩﯔ ﻣﺎ ﻧﻮﭼﯩﻠﯩﻘﯩﻨﻰ، ﺷﻪﻳﺘﯩﻨﻰ ﻣﯧﻨﻰ ﻛﯩﭽﯩﻚ ﻛﯚرﺳﯩﺘﯩﯟاﺗﺎﻣﺪۇ ﻧﯧﻤﻪ؟» دەپ ﺋﻮﻳﻠﯩﺪﯨﻤﯘ ﺋﻪﻳﺘﺎۋۇر ﺋﻪﻧﯟەرﮔﻪ ﻗﺎراپ ﺋﺎﻏﺰﯨﻨﻰﺋﯧﭽﯩﭗ ﺑﯩﺮ ﺋﯧﺘﯩﻠﯩﯟﯦﺪى، ﺋﻪﻧﯟەرﻧﯩﯔ ﻛﺎﻟﻠﯩﺴﯩﺪﯨﻦ ﺑﯩﺮ ﺋﯩﺴﺴﯩﻖ ﮬﻮر ﻛﯚﺗﯜرۈﻟﮕﻪﻧﺪەك ﺑﻮﻟﯘپ ﭘﯜﺗﯜن ﺑﻪدﯨﻨﯩﻨﻰ ﺗﻪر ﺑﺎﺳﺘﻰ - دە، ﺋﺎﻟﺪى - ﺋﺎرﻗﯩﻐﺎ ﻗﺎرﯨﻤﺎي ﺑﻪدەر ﻗﺎﭼﺘﻰ.

4032

ﺳﯩﻠﻰ ﺑﯘ ﺋﯚﻳﺪە ﻗﻮﻧﭽﺎﻗﻤﯘ ﻳﺎﻛﻰ ﺋﻪرﻣﻪك ﮬﺎﻳﯟاﻧﻤﯘ؟ ﺳﯩﻠﻰ دادﯨﺴﻰ ﺗﯘرۇپ ﮔﻪپ ﻗﯩﻠﻤﺎي، ﻣﯧﻨﻰ ﮔﻪپ ﻗﯩﻞ دﯦﮕﻪﻧﻠﯩﺮى ﻧﯧﻤﯩﺴﻰ ﺋﯩﭽﯩﻤﻨﻰ ﺳﯩﻘﯩﭗ؟ - دﯦﺪى ﻛﯚزﯨﻨﯩﯔ ﭘﺎﺧﺘﯩﺴﯩﻨﻰ ﭼﯩﻘﯩﺮﯨﭗ.
ھا ھا ھى ھى نىمىدىگەن قىززىق يىغلاپ كۇلۇپ ساپتىمەن.
ئەنۋەر جاندەك ئەزمەتلەر ياراملىق ئەۋلات تەربىيلەۋاتىدۇ جەمىيتىمىزدە،

nijatkurban

ئەرمەك ھايۋان باققىچە ئېغىل قوتان سېلىپ قوي بېقىپ قويساڭلار بولمامدۇ دەيمەندە؟

dolanogli

مۇشۇكنى چاشقان تۇتۇدۇ دەپ باقىدىغۇ ئۇيغۇرلاردا بىرە پايدىسىنى كوزلىمسە ئەرمەك دەپ ھايۋان باقىدقغان ئىش يوقتۇ

nida312

ھازىرقى مۈشۈكلەر چاشقاندىن چوڭ بوپكەتتى ..... چۈنكى چاشقانلار مۈشۈكنىڭ يەملىرنى يەيدۇ ئەمەسمۇ........