2014-يىلدىكى ئەلىيۇلئەلا خاتا ئېلان قىلىندىمۇ ؟

ozturuk

   ھەريىلى ئالىي مەكتەپ ئىمتىھانى ئاخىرلاشقاندىن كېيىن كۆپلىگەن كىشىلەر دىققەت قىلدىغىنى بۇ يىلقى ئەلىيۇلئەلا زادى كىم ؟ ئالدىنقى يىلى پەخرىيە ماتىماتىكا ئىمتىھانىدا تولۇق نومۇر ئېلىپ ئەلىيۇلئەلا بولۇپ زىلزىلە قوزغىدى . بۇ يىلمۇ ئوخشاشلا ئالىي مەكتەپ ئىمتىھانى ئاخىرلاشقاندىن كېيىن ئەلىيۇلئەلا مەيدان كېلىدۇ . ئالىي مەكتەپ ئىمتىھان نەتىجىسى ئېلان قىلىنغاندىن كېيىن ھەرقايسى تاراتقۇلار  تۆۋەنكىدەك خەۋەر ئېلان قىلدى :
    شىنجاڭنىڭ ئالىي مەكتەپ ئىمتىھانى  تەبىئىي پەن (قوش تىل سىنىپ): ئۈرۈمچى شەھەرلىك ئالىي ئوتتۇرا مەكتەپنىڭ ئوقۇغۇچىسى كامىران ۋە شىنجاڭ تەجىربە ئوتتۇرا مەكتىپىنىڭ ئوقۇغۇچىسى ئابلىكىم ئوخشاشلا 645 نومۇر ئېلىپ، پۈتۈن شىنجاڭ بويىچە تەبئىي پەندە ئەليۇلئەلا بولدى. شىنجاڭ تەجىربە ئوتتۇرا مەكتىپى تولۇق 3-يىللىق 18-سىنىپ ئوقۇغۇچىسى شەھىدە ئابلا 628 نومۇر ئېلىپ، پۈتۈن شىنجاڭ بويىچە قوش تىل ئىجتىمائىي پەندە بىرىنچى بولدى. ئەسمايىم 617 نومۇر ئېلىپ، پۈتۈن شىنجاڭ بويىچە قوش تىل ئىجتىمائىي پەندە ئىككىنچى بولدى.
    يوقىرىقى مۇنەۋەر ئوقۇغۇچىلارنى ئەلۋەتتە ئالاھىدە تەبرىكلەشكە ئەرزىيدۇ ،شۇنداقلا ئۇلارنىڭ ئەڭ ياخشى ئالىي مەكتەپلەرگە بېرىشىنى ھەممە كىشى ئۈمىد قىلىدۇ ،لېكىىن يوقىرىقى خەۋەر ئېلان قىلىنىپ نەچچە كۈن ئۆتمەي ئۈندىداردا تۆۋەنكى نارازىلىق خېتى تارقالغان : مەزمونى تۆۋەنكىدەك :

   بۇ يەردە يوقىرىقى ئوقۇغۇچىلارنىڭ شان شەرىپىنى چەتكە قېقىش مەقسەت ئەمەس ، ئەگەر يوقىرىقى نارازىلىق خېتىدىكى ئەھۋال توغرا بولسا بۇ مائارىپ نازارىتى ۋە ھەرقايسى تاراتقۇلاردىكى سەۋەنلىك بولىدۇ  . بۇنى ۋاقتىدا تەكشۈرۈپ ئېنىق چۈشەنچە بېرىش زۆرۈردۈر .
  بۇ يىلقى ئەلىيۇلئەلا زادى كىم ، بۇنى يەنە مۇناسىۋەتلىك ئورۇنلارنىڭ ئېنىق چۈشەنچىسى ئارقىلىق بىلەلەيمىز . مۇناسىۋەتلىك ئورۇنلارنىڭ بۇ ھەقتە تەكشۈرۈپ دەللىللەپ ئېنىق چۈشەنچە بېرىشنى ئۈمىد قىلىمىز !

iltebir107

ئاخپارات ئىشلىرىدا يالغانچىلىق بەزى ساختا خەۋەرلەردىن ساقلانغىلى بولمايدۇ. لېكىن بۇنىڭغا يالغانچىلىق ئارلاشتۇرۇپ قويسا قەتئىي بولمايدۇ.

kalpinim

مەنمۇ ئۈرۈمچى شەھەرلىك ئالىي ئوتتۇرا مەكتەپنىڭ ئوقۇغۇچىسى كامىران ۋە شىنجاڭ تەجىربە ئوتتۇرا مەكتىپىنىڭ ئوقۇغۇچىسى ئابلىكىم دەپ ئاڭلىغان ،ئەجىبا مۇناسىۋەتلىك تارماقلار راستىنلا خاتا ئېلان قىلىپ قويغانمىدۇ؟ قانداقلا بولمىسۇن بۇ ئەزىمەتلىرىمىزنى تەبرىكلەيمىز ھەمبۇنىڭدىن كېيىنكى ئىشلىرىغا ئامەت تىلەيمىز!

uygur0903

ئەڭ ياخشىسى-توغرا خەۋەر ئېلان قىلىنغان بولسا، نېمە دېگەن ياخشى بولاتتى-ھە؟
بۇ تېمىنى مائارىپ نازارىتىدىكىلەرمۇ كۆرگەن بولسا،چوقۇم ئىشلار ئايدىڭلىشاتتى-دە..

alsuyer

مېنىڭچە، ئالىي مەكتەپ ئىمتىھانىدىكى ئەليۇلئەلالارنى جاكارلىماسلىق ۋە تەشىق قىلماسلىق لازىم، ئۇلارنىڭ ئەليۇلئەلا بولغىنى پەقەت يېزىقچە بەرگەن بىر قېتىملىق ئىمتىھانلا خالاس، ئۇلارنىڭ ھاياتلىق ئىمتىھانىدا ئەليۇلئەلا بولالىشى ناتايىن، شۇڭا پەقەت كەسپىي نەتىجىسىگىلا قارايدىغان، ئوقۇغۇچىلارنىڭ ئىندىۋۇدال خاسلىقىغا سەل قارايدىغان بۇ خىل خاتا سېلىشتۇرۇش ئۇسۇلىنى يوقىتىش تەشەببۇسىدىمەن!

ilterishxaqan

miskencn يوللىغان ۋاقتى  2014-7-2 12:23
http://misken.cn/article/mazmun.asp?id=2660        بۇ خەۋەر دىكى ئەليۇل ئەلا    ...

مەن ئۈرۈمچى كەچلىك گېزىتىنىڭ 27-ئىيۇن سانىدىكى ئاينۇر سەيدىنھاجى (ئۆرۈچى كەچلىك گېزىنىڭ ئۆز مۇخبىرى)نىڭ خەۋەرنى ئوقۇپ شۇنداق ئوخشايدۇ دەپ ئويلاپ تۇرسام،28-ئىيۇن سانىدا باشقىچە ئېلان قىلىندى. راستىمنى دېسەم مېنىڭمۇ كاللام گاڭگراپ قالدى. دېمەك گېزىتخانا، مۇخبىرلار بۇ ئىشتا مەسئۇليەتسىلىك قىلدىمۇ قاندق دېگەن ئويغا كېلىپ قالدىم. تۆۋەندە پاكىت سۈپىتىدە ئۈرۈمچى كەچلىك گېزىتىنىڭ سايىلەنگەن نۇسخسىنى تورداشلار كۆرۈپ باقسا بولىدۇ.
رەسىمگە قويغان 200 كى بى تەلەپ بويىچە رەسىمنى تېخىمۇ چوڭ، سۈزۈك قىلىپ تەمىنلەشكە بولمىدى.

iltebir107

alsuyer يوللىغان ۋاقتى  2014-7-2 12:52
مېنىڭچە، ئالىي مەكتەپ ئىمتىھانىدىكى ئەليۇلئەلالارنى  ...

مەنمۇ بىر ئۇستاز بۇلۇش سۈپىتىم بىلەن،  مۇشۇنداق دەبدەبىلىك ھالدا ئىمتىھاندا يۇقىرى ئالدى دەپ جار سېلىشنى قەتئىي ياقتۇرمايمەن. بۇ ئىشنىڭ شۇ بالا ۋە ئەتراپدىكى بالىلارغا نېسپەتەن بولغان ئىجابىي تەسىرىدىن ،سەلبىي تەسىرى ئېشىپ كېتىدۇ.

alsuyer

ئالايلۇق، دۇنيا لوڭقىسىنى تالىشىش پۇتبول مۇسابىقىسىگە قاتنىشىش شەرتىنى ھازىرلىغان بىر ماھىر ئالىي مەكتەپ ئىمتىھانىدىن ئۆتەلمەسلىكى مۇمكىن، فوربىس ژۇرنىلىدا دۇنيادىكى ئەڭ كاتتا باي دەپ جاكارلانغان بىرەيلەن بەلكىم ئالىي مەكتەپ ئىمتىھانىغا قاتنىشىپمۇ باقمىغان بولۇشى مۇمكىن. شۇڭا دەيمەن، بۇ ئاتا - ئانىلارنىڭ بالىلىرىنىڭ ئەليۇلئەلالىق تاجىنى تالىشىش داۋامىدا تۈرۈلۈك تاراتقۇلارغا مۇراجەت قىلىپ، ھەممە يەردە جار سېلىشى قاملاشمىغانلا بىر ئىش.  ئىنسان شان - شۆھرەت ۋە نام - ئابروينى قانچە قوغلاشقانسېرى، ئۇ ئىنساندىن شۇنچە يىراقلىشىدۇ، سىزگە ئەڭ كاتتا نام - شۆھرەتنى ئالاقىدار ئورۇنلار ئەمەس، بەلكى خەلق ۋە ..... بېرىدۇ.