NASA: كاربون تۆت ئوكسىدنى ئۆلچەيدىغان ئالەم ئۇچقۇرى قويۇپ بېرىلىدۇ

bilimhumar

بىلىمخۇمار

2014-يىلى 6-ئاينىڭ 20-كۈنى

        ناسا 2014-يىلى 7-ئاينىڭ 1-كۈنى «ئوربىتلاپ كاربون تەكشۈرگۈچى» (Orbiting Carbon Observatory 2, OCO-2) دەپ ئاتىلىدىغان بىر ئالەم ئۇچقۇرىنى يەر شارى ئوربىتىسىغا چىقىرىدۇ.  ئۇنى ئىنگلىزچە قىسقارتىپ «OCO-2» دەپ ئاتايدۇ.  بۇ ئالەم ئۇچقۇرىنىڭ ۋەزىپىسى يەر شارىدىكى كاربون تۆت ئوكسىدنىڭ تەقسىملىنىش ئەھۋالى بىلەن ئۇنىڭ ئۇزۇن مۇددەتلىك ۋاقىت جەريانىدا يەر شارىغا كۆرسىتىدىغان تەسىرىنى تەكشۈرۈپ ئېنىقلاشتىن ئىبارەت.  بۇ ئالەم ئۇچقۇرىنى ناسا مەركىزى ج پ ل لاھىيىلەپ ياسىغان بولۇپ، ئۇنى ناسا ئۈچۈن يەنە ج پ ل باشقۇرۇپ بېرىدۇ.  بۇ ناسا نىڭ تۇنجى قېتىملىق يەر شارى ئوربىتىسىغا مەخسۇس كاربون تۆت ئوكسىدنى تەكشۈرىدىغان ئالەم ئۇچقۇرىنى چىقىرىشى بولۇپ ھېسابلىنىدۇ.
        ناسا 2009-يىلى مۇشۇنىڭغا ئوخشاش ئالەم ئۇچقۇرىدىن بىرىنى ياساپ، ئالەم بوشلۇقىغا چىقارماقچى بولغاندا، ئۇنى كۆتۈرۈپ ماڭغان راكېتانىڭ باش قىسمى ئاجرىماي، ئالەم ئۇچقۇرى ئاسماندا پارتىلاپ كېتىپ، ناسا غا 275 مىليون دوللار زىيان بولغان ئىدى.  بۇ قېتىم ياسالغان ئالەم ئۇچقۇرى ئالدىنقى قېتىمقىسى بىلەن ئوپمۇ-ئوخشاش بولۇپ، بۇ قېتىم ئۇ ئالدىنقى قېتىمدا ئىشلەتكەن راكېتادىن جىق ئىلغار بولغان بىر راكېتا بىلەن ئالەم بوشلۇقىغا چىقىرىلماقچى.  بۇ قېتىمقى راكېتا ئاسمانغا ئېتىلىدىغان  ۋاندېنبېرگ (Vandenberg) ھاۋا ئارمىيە بازىسى بىزنىڭ ئۆيدىن 250 كىلومېتىر يىراقلىقتا.
       ناسا بۇ يىل يەر شارى ئىلمى ئۈچۈن جەمى 5 ئالەم ئۇچقۇرىنى ئالەم بوشلۇقىغا چىقىرىدىغان بولۇپ، «ئوكو-2» ئۇلارنىڭ ئىككىنچىسى بولۇپ ھېسابلىنىدۇ.  بۇ 5 ئالەم ئۇچقۇرلىرىنىڭ ئىچىدىكى ئۈچىنى ج پ ل باشقۇرىدۇ.  
       پايدىلىنىش ماتېرىيالى:

[1] NASA sets July launch for mission studying global carbon dioxide levels
http://www.pasadenastarnews.com/ ... rbon-dioxide-levels

رەسىمنىڭ مەنبەسى:
https://www.google.com/webhp?sou ... sl#q=Photo+of+OCO-2

Umut903

ياخشى تىما !

xogqar0998

بىر قىتىملىق پارتىلاش سەۋەپلىك بۇ تەتقىقات 5يىل كىچىكىپتۇ، بىر مىليارىد 700يۇز مىلىيۇن يۇەن زىيان بوپتۇ، شۇنداقتىمۇ ناسا تەتقىقاتتىن ۋاز كەچمەپتۇ، بۇ ئەھۋال  بۇ تەتقىقاتنىڭ ئىنسانلارغا ئىلىپ كىلىدىغان نۇرغۇن پايدىلىق تەرەپلىرىنىڭ بارلىقىنى ئىسپاتلامدۇ- قانداق؟
1-ئىيۇل نەقمەيداندىن تارقاتقان كورنۇشىنى چوقۇم كورىمەن، مۇۋاپىقىيەتلىك ئوربىتىغا كىرەلىشىنى ئارزۇ قىلىمەن.

0903-2097

ئامىركىلىقلار ھەممە ئىشنى قىلىپ باقىدۇ دە! دىڭىز قاراقچىلىرى بىرە مىڭ يىل ئىلگىرى ئامىركا قىتئەسىنى بايقىغان بۇلسا ئىش باركەنتۇق تىخى، ئامىركا قىتئەسى بايقالغان 500-600 يىل مابەينىدە شۇنداق تەرەققى قىلىپ جاھان زۇمىگىرى بۇلىۋالغىنىغا ھىچ ئەقلىم يەتمەيدۇ.

ALKUT15

مىنىڭ ئاڭلىشىمچە ئامرىكا ھەر يىلى يەر شارىنىڭ بىخەتەرلىگى ئۇچۇن نۇرغۇن پۇل خەجلەيدىكەن  بۇ پۇللارنى باشقا دۆلەتلەرمۇ تەڭ ئۇستىگە ئالامدىغانمىدۇ قانداق ؟ بىلىمخۇمار ئاكىمىزنىڭ بىزگە يىڭى پەن تەخنىكا ئۇچۇرلۇردىن  خەۋەرلەندۇرۇپ تۇرۋاتقانلىقىغا كۆپتىن كۆپ رەھمەت  ئاللا بۇ ئاكىمىزنى ھەر ئىككى ئالەمدە ئەزىز قىلغاي

tikan

ئەركىن ئاكا :
ئالدىقى قايسى بىر تىمىزدا مەن مەرھۇم ئالىمىمىز ئابدۇشۈكۈر مۇھەتئىمىن ئاكىمىز
ياپونىيەگە بارغاندا سىز تەرجىمان بوپسىز ھەم ساياھەت قىلدۇرۇپسىز رەسىملەرگە
قارىسام،دېمەكچى سىز ئاشۇ ۋاقىتلارنى بىر ئەسلەپ ئاشۇ ۋاقىىتتىكى ئابدۇشۈكۈر مۇھەتئىمىن ئاكىمىزنىڭ ياپونىيەدىكى كۈنلىرى،ئۇنتۇلغاس خاتىرىلەر،سىزگە تەسىر
قىلغان تەرەپلىرى ۋە باشقا سىز كۆرگەن كارتىلارنى بىر يېزىپ چىقسىڭىز دەپ
ئارزۇ قىلىمەن.

ili

بۇ ئالەم ئۇچقۇرىنىڭ ۋەزىپىسى يەر شارىدىكى كاربون تۆت ئوكسىدنىڭ تەقسىملىنىش ئەھۋالى بىلەن ئۇنىڭ ئۇزۇن مۇددەتلىك ۋاقىت جەريانىدا يەر شارىغا كۆرسىتىدىغان تەسىرىنى تەكشۈرۈپ ئېنىقلاشتىن ئىبارەت.  بۇ ئالەم ئۇچقۇرىنى ناسا مەركىزى ج پ ل لاھىيىلەپ ياسىغان بولۇپ، ئۇنى ناسا ئۈچۈن يەنە ج پ ل باشقۇرۇپ بېرىدۇ.  بۇ ناسا نىڭ تۇنجى قېتىملىق يەر شارى ئوربىتىسىغا مەخسۇس كاربون تۆت ئوكسىدنى تەكشۈرىدىغان ئالەم ئۇچقۇرىنى چىقىرىشى بولۇپ ھېسابلىنىدۇ. رئەھمەت دوكتۇر ئەپەندىم ئۇيغۇرلار بىلەلمەيۋاتقان بىىلىشكە ئىنتىلۋاتقان يىڭلىق پەن  تەخنىكىلاردىن خەۋەر قىلدىلا. بۇ تىيمىلارنى تورداشلىرمىز كۆرۇپ بىلىمگە ئىگە بۇلدۇ. دىنى  تىيمىدەك 200 بەتكە چىقمىسىمۇ  بۇ تىيمىللىرنىڭ ئۇيغۇرلارغا نىسبىتەن باشقا تىيمىدىن نەچە ھەسە قىمىتى بار.يەنەھ رئەھمەت .ئاللاھ بىلىملىرنى زىيادە قىلسۈن. ئىشلىرنى ئۈتۇقلۇق قىلسۇن.

ablimitt

بىر دۆلەتكە نىسبەتەن بۈگۈنكى كۈندە راكىتا قىسىلىپ قىلىپ پارتىلاپ كەتتى دەپ ئېلان قىلىش ...
  بەزى دۆلەتلەر بولسا دۇنيانىڭ ئەڭ ئالدىنقى سەۋىيسىدە ياسالغان بۇ ئۇچقۇنىڭ راكىتاسى غايىپ كۈچنىڭ تەسىرىدىن پارتىلاپ كەتتى دىيىشى تۇرغان گەپ، ياكى يۈتكىلىشچان ۋاقىت تونىلىغا ئۇچراپ قىلىپ، تىز سۈرئەتلىك يۈتكىلىشتە بىسىم ئىشىپ پارتىلاپ كەتتى دىيىشى مومكىن.