مەن كۆرگەن گېرمانىيە ( 2 )

uyghari

مەن كۆرگەن گېرمانىيە

      

       گېرمانىيەنىڭ ميۇنخېن شەھرى-850 يىللىق تارىخقا ئىگە قەدىمىي شەھەر بۇلۇپ، شەھەر مەركىزىدىكى مارىئان مەيدانى ۋە ئۇنىڭ ئەتراپلىرىدا نۇرغۇن ساياھەت مەنزىرە نۇقتىلىرى بار ئىكەن. بىز بۇ يەردە 1525-يىلى ياسالغان 109 مېتىر ئىگىزلىكتىكى مەريەمئانا چىركاۋى، 1050-يىلى سېلىنىشقا باشلاپ 1294-يىلى پۈتكەن، 92 مېتىر ئىگىزلىكتىكى ساينېت پېتىر چىركاۋى، 19-ئەسىرنىڭ ئاخىرىدا سېلىنغان يېڭى شەھەر مەمۇرىيىتى بىناسى قاتارلىق بەلگە خاراكتىرلىق قۇرۇلۇشلارنى ئىكىسكۇرسىيە قىلدۇق.2-دونيا ئورۇشىدا بۇ يەردىكى بىر قىسىم قەدىمىي ئىمارەتلەر مەلۇم بۇزغۇنچىلىققا ئۇچرىغان بولسىمۇ، ئورۇشتىن كىيىن ھۆكۈمەت زور كۈچ سەرپ قىلىپ، ئورۇشتا بۇزۇلغان قەدىمىي ئىمارەتلەرنى ئەسلى ھالىتى بۇيىچە رىمۇنتلاپ ئەسلىگە كەلتۈرۈپتۇ. ئۇنىڭدىن كىيىن ئېلىپ بېرىلغان شەھەر قۇرۇلۇشى ۋە يول قۇرۇلۇشلىرىدىمۇ بۇ قەدىمىي ئىمارەتلەر ھىچقانداق زىيان-زەخمەتكە ئۇچرىماي، ئەسلى ھالىتى بۇيىچە بۇزۇلماي تۇرۇپتۇ. گېرمانىيەلىكلەرنىڭ قەدىمىيلىكنى قوغداش، تەبىئىيلىكنى ئۆزگەرتمەسلىك تەدبىرى بىلەن ساقلىنىپ قالغان بۇ قەدىمىي بىناكارلىق قۇرۇلۇشلىرى بۈگۈنكى كۈندە ساياھەتچىلەرنىڭ ئايىقى ئۈزۈلمەيدىغان مۇھىم ساياھەت مەنزىرە نۇقتىسىغا ئايلىنىپتۇ.

  

  

  

  

  

  

  

  

  

  

  

  

  

  

  

  

  

        مارىئان مەيدانىنىڭ ئەتراپىدىكى پىيادىلەر كوچىسىمۇ بىر ساياھەت مەنزىرە نۇقتىسى بۇلۇپ، كوچىنىڭ ئىككى تەرىپى پۈتۈنلەي ياۋروپا ئۇسلۇبىدىكى قەدىمىي ئىمارەتلەردىن تەركىپ تاپقان ئىكەن. بىز بۇ كوچىنى ئارىلاپ كېتىۋىتىپ، ئۆزلىرىنى بەئەينى ھەيكەلگە ئوخشۇتۇپ گىرىم قىلىۋالغان تىلەمچىلەرنى ئۇچراتتۇق. ھەمراھلىرىمدىن ئاڭلىشىمچە، بۇ تىلەمچىلەرنىڭ ھەممىسى باشقا دۆلەتلەردىن كەلگەن كۆچمەنلەر ئىكەن. بەزى خەير-ساخاۋەت تەشكىلاتلىرىنىڭ ئادەملىرىمۇ بۇ كوچىدا ئۇيۇن قويۇپ، خەير-ساخاۋەت ئىشلىرى ئۈچۈن ئىئانە توپلايدىكەن.

  

  

  

  

  

  

  

  

  

  

  

  

  

  

       بىز مەلۇم پۇرسەتتە، گېرمانىيەنىڭ غەربىگە جايلاشقان كۆلىن شەھرىدە قىسقا مەزگىل ساياھەتتە بولدۇق. ياۋروپا بۇيىچە ئەڭ ئىگىز بىر قەدىمىي چىركاۋ مۇشۇ شەھەرگە جايلاشقان ئىكەن. تەخمىنەن 15-20 قەۋەتلىك بىنانىڭ ئىگىزلىگىدەك كېلىدىغان بۇ چىركاۋنىڭ سىرتىغا ئۇيۇلغان بىر بەلگىدىن بۇ چىركاۋ قۇرۇلۇشىنىڭ 1248-يىلى باشلىنىپ 1880-يىلى ئاخىرلاشقانلىقى خاتىرىلەنگەن ئىدى. 600 نەچچە يىلدا ئاران پۈتكەن بۇ قەدىمىي ئىمارەتنىڭ بەزى جايلىرى رىمۇنت قىلىنىۋىتىپتۇ. بۇ چىركاۋنىڭ يېنىدا 300 نەچچە يىللىق تارىخقا ئىگە يەنە بىر قەدىمىي ئىمارەت قەد كۆتىرىپ تۇرۇپتۇ.

  

  

  

  

  

  

  

  

atella0997

مۇشۇ غەرپلىكلەرنىڭ قەدىمى قۇرۇلۇشلىرىدا نېمە ئۈچۈن ئۆينىڭ شۇنچە ئىگىز،ئۆي ئىچىدە بەش ئالتە ئادەم بىر-بىرىنىڭ ئۈستىگە دەسسەپ تۇرسىمۇ تۇرۇسقا بېشى يەتمەيدىغان قىلىپ سېلىنىشىنىڭ سەۋەبىنى بىلىدىغانلار بارمۇ؟نېمانچە ئىگىز دەيمەن.

قەبرە

بىرسى شۇنداق ئېيتقان:« ئەنئەنىگە سادىق بولغاندا، مىللەت مەۋجۇت بۇلۇپ تۇرىدۇ»، بۇنى چەتئەلگە باغان قېرنىداشلىرىمىزنىڭ يازمىلىرىدىن كۆرىۋالالايمىز. بۇ يازمىدىمۇ،ناھايىتى ئىېنىڭ قىلىپ بۇ نوقتىنى تەكىتلەپتۇ.
ھەر بىر دۆلەتنىڭ تارىخىدا دىگۈدەك، بالدۇر تەرەققى قىلغان رايۇنلار، تەرەققى قىلمغان رايۇلارنى ئېچىش سىياسىتى يۈرگۈزگەن بولۇپ، مىيونخىن دەل،  گېرمانىينىڭ جەنۇبىي رايۇنلارنى ئېچىشنىڭ مەھسۇلى (تارىختا ئامىرىكا ۋە جوڭگۇ غەربى رايۇننى،گېرمانىيە،ئىتالىيەۋە ھىندىستان جەنۇبى رايۇننى ئاچقان ۋە ئېچۋاتىدۇ، لوس-ئانجىلىس،سان-فىرنسىسكو، مىيونخىن ۋە بانگالور قاتارلىق شەھەرلەر بۇنىڭ تىپىك ھاسىلاتى).ئۇ  گېرمانىينىڭ جەنۇبىدىكى ئەڭ چوڭ شەھەر ، گېرمانىينىڭ ئۈچىنىچى چوڭ شەھىرىدۇر. ( بېرلىن ۋە ھامبورگدىن كىيىن تۇرىدۇ.)مىيونخىن گېرمانىينىڭ مۇھىم سىياسى، مەدەنىيەت، ئىلىم-پەن ۋە قاتناش تۈگۈنىنىڭ بىرى  بولۇپ ، ياۋرۇپادىكى ئەڭ گۈللىنۋاتقان شەھەرنىڭ بىرسى ھېساپلىنىدۇ.
بۇ شەھەر ئويغۇرلارغا، 1938 -يىلدىكى «مىيونخىن سۈيقەستى» نامى بىلەن تونۇش بولسا، ھازىر گېرمانىدىدىكى ئويغۇرلار ئەڭ كۆپ شەھەر بولۇش بىلەن تونۇشلۇقتۇر.
(خاتالاشقان يەرلىرىم  بولسا ئىلمىي پىكىر بەرگەيسىلەر)

emet

ئەسسالامۇ ئەلەيكۈم قېرىندىشىم ! رەخمەت ئىسىل تىمىڭىزغا ! شۇنى سورىغىم كىلىۋاتىدۇ . ياۋرۇپا ساياھەت نۇقتىلىرىغا ئىشىكتىن كىرىش بىلىتى ئالامدۇ ؟ ئادەتتە پۇلى نەچچە پۇل ؟ ساياھەتكە قىززىققانلىقىم ئۈچۈن سوراپ باقتىم .

kanjebatur

atella0997 يوللىغان ۋاقتى  2014-5-3 12:01
مۇشۇ غەرپلىكلەرنىڭ قەدىمى قۇرۇلۇشلىرىدا نېمە ئۈچۈن ئۆ ...

ئادەتتىكى ئۆيلىرىنىڭ ئۆگزىسى ئۇنچىلىك ئەمەس،چىركاۋ،مۇزىي،خاتىرە سارىيى،دىگەندەك يەرلەرنىڭ شۇنداق ھەيۋەتلىك ئىگىز سالىدۇ.

kanjebatur

قەشقەرنىڭ  2مىڭ يىللىق  تارىخى بار،لېكىن قورقماي 500يىللىق تارىخى بار ئىمارەتتىن نەچچىنى تاپقىلى بولمايدۇ.

alepteken

گىرمانىيە ھەقىقەتەن تەرەققى قىلغان دۆلەت جۇمۇ  توۋادەيمەن  گىرمانىيەنىڭ  بولمىسا
نوپۇسى ئاز ئەمەس لىكىن شۇنچە ئاۋات كوچۇللىردا ئادەم نىمىنداغ ئاز
بىزنىڭ بۇيەرنىڭ نوپۇس ئىستاستىكىسى خاتا بولۇپ قالدىمۇ قانداغ
نەدىكىم كوچىلادا ئادەم پاتماي ماڭىدۇ ماشىنىلاچۇ تىخى

borabalisi

بىزنىڭ مەكتەپنىڭ ئىچىدە گېرمانىيىلىكلەر سالغان ھەيۋەتلىك چىركاۋدىن بىرسى بار ، 30 نەچچىنچى يىللاردا سالغانغۇ دەيمەن ، ھازىر مۇشۇ يەرگە خىرىستىيان دىنىنى تارقىتىدىغان مەنبە بولۇپ قالدى ... ئېگىزلىكى بەش ئالتە قەۋەت بىناچىلىك چىقىدىغۇ دەيمەن