س ساۋاتسىزنىڭ سىماسى سۇغا سىزغان سايىدەك،
سايدىن-سايغا سۆرىلەر ساسلىقتىكى سالمىدەك.
د دادۈيدىكى دېھقانلار دانالارنى دورايدۇ،
دادۈيجاڭلار داۋاملىق دېھقانلارنى داڭلايدۇ.
ئى ئىشلىگەنگە ئىشەنمەس ئىنەكلەرنىڭ ئىنىسى،
ئىش ئىزىنى ئىزدەيدۇ ئىشچانلارنىڭ ئىگىسى.
پ پارىخورلار پوملايدۇ پۇقرالارنىڭ پۇلىنى،
پەسەيمىسە پەسكەشلىك پارتىلايدۇ پوكىنى.
گ گىپى گۈلدەك گۈزەللەر گاچىلارنى گوزلايدۇ،
گەپتە گاداي گالۋاڭلار گومۇشلارنى گوللايدۇ.
ك كۆرۈنمەيدۇ كۈندۈزدە كىتەكلەرگە كۆنگەنلەر،
كۆزى كۆرمەس كەڭلىكنى،كۆڭلى كۈلدە كۆيگەنلەر.
ن نادىر ناننى ناۋايلار نەخلىمىسە ناۋادا،
نۇرغۇنلىغان نامەرتلەر نايناقلىشار نىكاھدا.
غ غېرىپلارغا غەمگۇزار غالىپلارنىڭ غەلبىسى،
غىدىقلايدۇ غەزەپنى غالچىلارنىڭ غەلۋىسى.
م ماشىنىلار مەيداندا ماي،موتورسىز ماڭمايدۇ،
مەكتەپتىكى مايسىلار مۇئەللىمنى ماختايدۇ.
ت تاشنى توغراپ تانىدا،تەتۈر تولغاپ تاڭغانلار،
تەپەككۇرنى تەھرىرلەپ،تەتۈرلىكتىن توختاڭلار.
ش شىلدىرلاتماس شاخلارنى شەپىسىز شوخ شاماللار،
شاپتۇل شۇنداق شىرنىلىك شاللىنىدۇ شاكاللار.
ق قاسىم قاسساپ قوندۇرماس،قوي-قوتازنى قوتاندا،
قاراملىشار قولىغا قىزىل قەغەز قونغاندا.
ج جامائەتنى جىڭلايدۇ جا جۈيجاڭنىڭ جوزىسى،
جۇغلانمىنى جۆندەيدۇ جا جاڭزىلىق جۆرىسى.
ل لايدەك لۆمشۈپ لىغىلداپ لايىقلىشار لالمىلار،
لىۋى لەيلى لالىدەك، لەۋزى لاۋزا- لازىلار.
ئو ئوبدان ئويلاپ ئويغانسا ئوما ئورار ئوغوللار،
ئورماندىكى ئوغلاقتەك ئوموملىشار ئويونلار.
چ چىكىملىكنى چەككەنلەر چاشقانلاردەك چامدايدۇ،
چارچىغاندا چىرايى چىۋىلەردىن چانمايدۇ.
ئە ئەۋلاتلارغا ئەڭگۈشتەر ئەجدادىمىز ئەينەكتە،
يوللىغان ۋاقتى 2014-3-4 04:55:14
)