تاشپولات: ئېينىشتېين نېمە ئۈچۈن تىنىچ ئالەمدىن كېڭىيىۋاتقان ئالە...

jahangir123

     مېنىڭ بىلىشىمچە:
     كاپىتالىزىم لاگىرى ياكى سوتسىيالىزىم لاگىرى بولسۇن، ۋە ياكى ئىنسانىيەت جەمىيىتىنىڭ باشقا تارماقلىرىدا بولسۇن قانۇن بىلەن ئەخلاق ئايرىۋېتىلگەن بولۇپ، ئۇلارغا ئايرىم-ئايرىم مۇئامىلە قىلىنىدۇ. تاغۇتلىق خۇسىسىيىتىنى ئالغان بۇنداق جەمىيەتلەردە كىشىلەردىن قانۇنغا رىئايە قىلىش تەلەپ قىلىنىدۇ. قانۇنغا خىلاپلىق قىلغۇچىلار جاۋاپكارلىققا تارتىلىدۇ.لېكىن، ئەخلاق قارىشى ئۆزگىچە بولۇپ، جەمىيەت ئەزالىرىدىن ئەخلاقلىق بولۇش تەلەپ قىلىنىدۇ. ئەخلاققا خىلاپلىق قىلغۇچىلارنىڭ مەسئۇلىيىتى سۈرۈشتۈرىلمەيدۇ. يەنە، ئەخلاق جاۋاپكارلىققا تارتىلمايدۇ.
    دىنىمىز ئىسلامدا، قانۇن بىلەن ئەخلاق قان بىلەن گۆشتەك مۇناسىۋەتتىدۇر. ھەتتا قىسمەن چاغلاردا ئۇلارنىڭ مۇناسىۋېتى قايسىسى قانۇن، قايسىسى ئەخلاق ئايرىۋالالمۇغىدەك دەرىجىدە شۇنچىلىك زىچتۇر.
    غەيرى ئىسلام جەمىيەتلىرىدە كىشىلىك مۇناسىۋەتتە ئۆزئارا سالاملىشىش تەشەببۇس قىلىنسىمۇ، سالام قىلىش ياكى سالام ئىلىك ئېلىشتىن ئىبارەت تاللاش ھوقوقى شۇ جەمىيەت ئەزاسىنىڭ قولىدىدۇر. ئۇ باشقىلارغا سالام قىلمىسا ياكى باشقىلارنىڭ سالىمىنى ئىلىك ئالمىسا، ئۇنىڭغا گۇناھ ئارتىلمايدۇ. يەنى، قانۇنىي جاۋاپكارلىققا تارتىلمايدۇ. ئىسلام جەمىيىتىدە ئەھۋال ئۇنداق ئەمەس. ئىسلام جەمىيەت ئەزاسىنى باشقىلارغا سالام قىلىش، ياكى باشقىلارنىڭ سالامىنى ئېلىك ئېلىشقا رىغبەتلەندۈرىلىدۇ. ئەگەر جەمىيەت ئەزاسى مۇسۇلمان قېرىندىشىغا سالام قىلمىسا، ياكى مۇسۇلمان قېرىندىشىنىڭ سالىمىنى ئېلىك ئالمىسا، ئۇنىڭغا گۇناھ ئارتىلىدۇ. يەنى قانۇنىي جاۋاپكارلىققا تارتىلىدۇ. ئاللاھ خالىسا ئۇنى جازالايدۇ، ئاللاھ تەۋبىگە مۇۋەپپەق قىلسا، ئۇنى مەغپىرەت قىلىدۇ.
    يۇقىرىدا بايان قىلىنغان كىچىككىنە مىسالدىن ئىسلام جەمىيىتى بىلەن غەيرى ئىسلام جەمىيىتىدە يولغا قويۇلىۋاتقان قانۇن بىلەن ئەخلاقنىڭ قانداق مۇناسىۋەتتە كېلىدىغانلىقى ھەققىدە ئېنىق بىر چۈشەنچىگە ئىگە بولدۇق دەپ قارايمەن.
     مۇھەممەد ئەلەيھىسسالامنىڭ توغرا يولىدا مېڭىش-ماڭماسلىق مەسىلىسىدە ئەۋۋەل مەزكۈر شەخىسكە ھەق يەتكۈزىلدىمۇ-يوق، بۇنىڭغا قارايمىز. ئاندىن مەزكۈر شەخىسنىڭ تەقۋادارلىقى ياكى گۇمراھلىقى قايسى يولدا مېڭىشنى بەلگىلەيدۇ.
     سىز ھەرقايسى تور بەتلەردە ئېلان قىلىنىۋاتقان شىيئە مەزھىپى توغرىسىدىكى رىسالىلەرنى كۆرۈپ باقسىڭىز، ئاندىن بەشىر ئەسئەدنىڭ توغرا ياكى خاتا قىلىۋاتقانلىقىنى پەرەز قىلالايسىز.
    بىز ياشاۋاتقان بۇ زېمىن ئىنسانلار ئۈچۈن بىر ئىمتىھان مەيدانىدۇر. بىر ئادەمنىڭ مەنپەئەت[گۇمراھلىق] ياكى ئەخلاق[تەقۋادارلىق]تىن ئىبارەت قايسى يولدا مېڭىشى شۇ ئادەمگە يۈزلەنگەن سىناقتۇر. ئاللاھ غەيىبنى بىلگۈچىدۇر. شەيتاننىڭ يارىتىلىشىمۇ ئىنسانلارغا يۈزلەنگەن بىر سىناقتۇر. ھەربىر ئىنسان سىنالماي قالمايدۇ. كىشىلەرنىڭ تەقۋادارلىق ماقامىغا يېتىشى بىلەن گۇمراھلىق ھالىتىدە قېلىشىنى ئاشۇ سىناقلاردىن ئايرىپ قارىيالمايمىز.

akim888

jahangir123 يوللىغان ۋاقتى  2014-4-18 13:37
مېنىڭ بىلىشىمچە:
     كاپىتالىزىم لاگىرى ياكى سوتسىيا ...

خوش،2-3ياشلىق ئوغۇل- قىزلاردا،بىر-بىرىگە جىنسى تەلپۇنۇش بولمايدۇ،يەنى شايتان ئادەم ئاتا بىلەن ھەۋۋا ئانىنىڭ چەكلەنگەن مىۋىنى يىيىشىدىن بۇرۇنقى ھالەتكە ئوخشايدۇ،يەنە كېلىپ كىچىك بالىلار ئۇنداق چەكلەنگەن مىۋىنى يەپ باقمايمۇ،يېشى قۇرامىغا يەتكەندە،ئەۋرەتلىرىنى ئۈزىلا يۇشۇرۇدۇ، ئەلۋەتتە بۇ بالىلىرىمىزنىڭ ئەڭ ئىسىل ۋاختى،چۇنكى ئۇلارنىڭ قوسىغى تويسىلا،ئاغرىپ قالمىسىلا باشقا غېمىنى يوق دەپ تۇرايلى،بالاغەتكە يەتكەنىن كېيىن قارشى تەرەپكە تەلپۇنۇش بولىدۇ،بۇ ئۇلارنىڭ كىشىنى ئەنسىرىتىدىغان ۋاختى،بۇنى {تەڭرى ئالدىن ئورۇنلاشتۇرۇپ قويغان، سىز بۇنى قارشى تەرەپكە بولغان قىزىقىش ۋە ئىنتىلىشنى ۋاقىتلىق بومبىنىڭ رولى بىلەن ئوخشاش} دەپ چۇشەندۇرمەيدىغانسىز، چۇنكى بۇنداق چۇشەندۇرسىڭئىز ،بۇنىڭدا تەڭرى بىلەن ئىنساننىڭ پەرقى قالمايدۇ،ئۇنداقتا شەيتان نەدىن كەلگەندۇ،بۇنى دىنىمىزدا قايسى خىل ئېنىقلىما ئارقىلىق چۇشەندۇرۇمىز؟مەن تۇنۇيدىغان قارىلارمۇ خېلى كوپ،بۇ مەسىلىلەرنى چۇشەندۇرۇشتە كوپ قىيلىنىدۇ،بۇنىڭ بىلەن گەپنى باشقا ياققا ئېلىپ قاچىدۇ،ياكى بۇ{ ئاللاھقا شەك كەلتۇرگەنلىك جۇمۇ}دىگەن سۇز بىلەن تەھدىت سالىدۇ،مېنىڭ قارىشىمدا،خىرىستىئان دىنىنىڭ بەرپە قىلغۇچىسى ئەيسا پەيۇغەمبەرنىمۇ ئىسلام دىنىنىڭ بىر پەيغەمبىرى دەپ چۇشەندۇرۇدۇ،ئەيسا پەيغەمبەر مىلادى بىرىنچى ئەسىردە ياشىغان،دەل بۇ كىشىنىڭ تۇغۇلغان كۇنىنى ھازىرقى دۇنيا بويىچە ئورتاق ئېتىراپ قىلىدىغان مىلادى كالىندارى قىلىپ بېكىتكەن،مەن تۇركىيە ئىستامبۇل ئۇنىۋېرىستېتىنىڭ تور بېتىدىن مىلادىيە كالىندارىنى ئىشلىتىدىغانلىغىنى،ئىرانلىق ئالىملارنىڭمۇ شۇنداق قىلىدىغانلىغىنى بايقىدىم،بىزمۇ ھىجىريە كالىندارىنى ئاز-تولا ئاڭلاپ قالىمىز،نىمە ئۇچۇن ئەيسا پەيغەمبەر بىلەن مۇھەممەت پەيغەمبەرنىڭ تەلىماتىدا شۇنچىلىك زور پەرق بولىدۇ،ئىسلام دىنى ئىيسا پەيغەمبەرنىڭ قايسى توھپىسىنى ئېتىراپ قىلىدۇ،

jahangir123

     ئەپەندىم:
     سىز مەندىن  ۋەزنى ئېغىرلا بىر سوئاللارنى سوراپسىز. مەن بۇ سوئاللارغا جاۋاپ بېرىشكە ئاجىزلىق قىلىمەن. شۇنداق بولسىمۇ، سىز سورىغان ئىكەنسىز، قىسمەن قاراشلىرىمنى ئوتتۇرىغا قويۇپ، سىز بىلەن ئورتاقلىشىپ باقاي.
      ئەۋۋەل مۇنداق بىر نۇقتىنى ئايدىڭلاشتۇرىۋېلىشىمىزغا توغرا كېلىدۇ:
    ئاللاھ يەككە-يىگانە. ئۇنىڭ باشلىنىشى يوق. ئاخىرلىشىمۇ يوق. ئوخشىشى يوق. تەڭداشسىز. چەكسىز مەۋجۇت. ھەممىدىن بىيھاجەت.
     تامامى مەخلۇقاتلارنى ئاللاھ خەلق ئەتتى. مەخلۇقاتلار بولسا ئاللاھ-نىڭ تەسەرۇپى ئاستىدىدۇر. ئىنسانلارمۇ شۇلارنىڭ جۈملىسىدىندۇر. ئالاھ ئادەم ئەلەيھىسسالامنى تۇپراقتىن يارىتىش بىلەن بىللە، كامالى قۇدىرىتى بىلەن ئىنسانغىلا خاس بولغان نەپسىنى، ئەقىلنى، كۆڭۈلنى ھېس-تۇيغۇ قاتارلىق كۆز بىلەن كۆرۈپ قول بىلەن تۇتقىلى بولمايدىغان مەنىۋىي شەيئىلەرنىمۇ قوشۇپ يارىتىدۇ. شۇ نەرسە ئېسىمىزدە بولسۇنكى، مەۋجۇداتلار ۋە شەيئىلەر مەۋجۇتلىق جەريانىدىكى ھەرىكەت بارىسىدا ئىزچىل ئاللاھ-نىڭ تەسەرۇپى ئاستىدا بولۇپ، ئۇلار ئاللاھ-نىڭ ئىرادىسى بىلەن ئىدارە قىلىشىغا ھەربىر كونكىرىت زامان-ماكاندا ئىھتىياجى چۈشۈپ تۇرىدۇ. جانلىقلارنىڭ ئۆسۈپ-يېتىلىشىمۇ مۇشۇ قانۇنىيەتكە چۈشىدۇ، دەپ قارايمەن. ماددى ئالەم مۆجىزە ئاساسىدا يوقلىقتىن بارلىققا كەلگەن بولسا، ئۇلارنىڭ ھەرىكەت جەريانى تەبىئىيلىك ئاساسىدا داۋاملىشىدۇ. ئىنساننىڭ بالىلىق-ئۆسمۈرلىك، ياشلىق ۋە قېرىلىق دەۋىرلىرى مۇشۇ ئاساستا، ئۆزىنىڭ فىزولوگىيىلىك، بىئولوگىيىلىك ۋە ئاناتومىيىلىك جەريانلىرىنى مۇشۇ تەبىئىي ئاساستا، باشتىن كەچۈرىدۇ. شۇڭا، ئىنساننىڭ سەبىيلىك چېغىدىكى جىنسىي تەلپۈنىشتىن خالىيلىقى بىلەن ياشلىق چېغىدىكى جىنسىي تەلپۈنىشى -ئاللاھ ماددى ئالەمدىكى شەيئىلەرنىڭ ھەركىتىگە بېكىتىپ بەرگەن سەۋەپ-نەتىيجە قانۇنىيىتى بىلەن تەبىئىيلىك قانۇنىيىتىنىڭ سىرتىدا ئەمەستۇر، دەپ قارايمەن.
     بىز ئاللاھنىڭ بارلىق-بىرلىكىگە ئىمان كەلتۈرىمىز، پەرىشتىلەرگە ئىمان كەلتۈرىمىز، جىن-ئىسلارغا ئىمان كەلتۈرىمىز، ئاللاھ-نىڭ پەيغەمبەرلىرىگە ئىمان كەلتۈرىمىز، ئىنسانلارنىڭ يارىتىلىشى ۋە ئۆلىشىگە ھەمدە، ئۆلگەندىن كېيىن ھېساب بېرىش ئۈچۈن قايتا تىرىلىشىگە ئىمان كەلتۈرىمىز. جۈملىدىن شەيتانمۇ ئاللاھ-نىڭ مەخلۇقاتىدۇر. ئايەت-ھەدىسلەردىن مەلۇم بولىشىچە، ئاللاھ شەيتاننى ئوتتىن ياراتقان. شەيتاننىڭ مەۋجۇتلىقىغا ئىمان كەلتۈرىمىز. ئاللاھ-نىڭ تەغدىر قىلىشى بىلەن ئىنسان بىلەن شەيتان جەننەتتىن بىر بىرىگە دۈشمەن ھالەتتە قوغلاندى. چۈنكى، تەبىيئەت دۇنياسىدىكى ھەربىر ھاياتلىقنىڭ كۈشەندىسى بولىدۇ. بۇ بىر مۇقەرەرلىك ئىچىدىكى قانۇنىيەت. قانۇنىيەت ئىچىدىكى مۇقەرەرلىكتۇر. غەيىبكە ئىشىنىش مۆھمىنلىكنىڭ روشەن بەلگىسىدۇر. بىز كۆز بىلەن كۆرۈپ، قول بىلەن تۇتمىغىچە بولدى قىلمايدىغان دەھرىي ماتىرىيالىزىمزىلاردىن ئەمەسقۇ.
      بىز ئىسلام دىنىغا بىر ئېنىقلىما بېرىپ باقايلى.
     ئادەم ئەلەيھىسسالامدىن تارتىپ مۇھەممەد ئەلەيھىسسالامغىچە پەيغەمبەرلەر ۋاستىسى ئارقىلىق داۋاملاشقان دىن بىر دىندۇر. يەنى تەۋھىد ئاساسىغا قۇرۇلغان بىر خۇدالىق دىندۇر. مۇھەممەد ئەلەيھىسسالامنىڭ ئۈممەدلىرى ئادەم ئەلەيھىسسالامدىن تارتىپ پەيغەمبەر ئەلەيھىسسالامغىچە بولغان ئارىلىقتا ئۆتكەن بارلىق پەيغەمبەرلەرگە ئىمان كەلتۈرىدۇ. ئۇلارغا چۈشۈرىلگەن ساماۋىي كىتابلارغا ئىمان كەلتۈرىدۇ. ئۇ پەيغەمبەرلەر دەۋەت قىلغان دىن بىلەن ساماۋىي كىتابلار تەۋھىد ئاساسىدا كەلگەن بىر خۇدالىق دىندۇر. كېيىنكى چاغلاردا يەھۇدىيلار دىندا ئىختىلاپ قىلىشىپ، ئاللاھ-قا شېرىك كەلتۈرىدۇ.[يەنى زۇبەيىرنى ئاللاھ-نىڭ بالىسى دەيدۇ] يەھۇدىيلار تېخىمۇ ھەددىدىن ئېشىپ، تەۋراتنى ئۆزگەرتىدۇ. دىن ئىشلىرىدا نەپسى-خاھىشىغا ئەگىشىدۇ. تەۋراتتىكى ئەھكام-قانۇنلارنى ئۆز نەپسى-خاھىشىغا بويسۇندۇرۇپ خىزمەت قىلدۇرىدۇ. يەھۇدىيلارنىڭ دۇنيادىكى ھازىرقى ئىقتىسادىي ئورنىمۇ، ئۇلارنىڭ قەدىمدىن تارتىپ بىر دۇنياپەرەس مىللەت ئىكەنلىكىنى چۈشەندۈرىپ بېرەلەيدۇ. ئاللاھ ئىيسا ئەلەيھىسسالامغا ئىنجىلنى مەرھەمەت قىلىدۇ. ئەينى ۋاقىتتا، ئىنجىل تەۋراتتىكى بىر قىسىم ئىلاھىي ھۈكۈملەرنى مەنسۇق قىلىدۇ. بىر قىسىم ئىلاھىي ھۈكۈملەرنى تولۇقلايدۇ. دىن ۋە ساماۋىي كىتابتىكى مەلۇم ھۈكۈملەرنىڭ مەنسۇق قىلىنىشى ۋە تولۇقلىنىشى بولسا، يەنە بىر پەيغەمبەر ۋە ساماۋىي كىتابنىڭ ۋاستىسى بىلەن ئەمەلگە ئاشىدۇ. يەھۇدىيلار ئىنجىل ھەققىدىمۇ ئىختىلاپلىشىدۇ. ئىنجىلنىڭ كۆرسەتمىلىرىگە ئەمەل قىلمايدۇ. ئيسا ئەلەيھىسسالامنىڭ پەيغەنبەرلىكىنى ئېتىراپ قىلمايدۇ. ھەمدە، ئىيسا ئەلەيھىسسالامنىڭ تۇغۇلىشىدىكى پەۋقۇلئاددە ئورنىغا قاراپ، ئۇنى ئاللاھ-نىڭ بالىسى دەپ، ئاللاھ ۋە ئاللاھ-نىڭ پەيغەمبىرىگە قەبىھلەرچە تۆھمەت قىلىدۇ. كېيىنكى دەۋىرلەردە يەھۇدىي موللىلىرى ئىنجىلنىمۇ ئۆزگەرتىدۇ. شۇنداقلا ئىسمى-جىسمى نامەلۇم شەخىسلەرمۇ ئىنجىل يېزىشقا باشلايدۇ. مەسىلەن ھازىر خىرىستىيانلار ئارىسىدا كەڭ تارقىلىۋاتقان ‹‹ماتتا ئىنجىلى››، ‹‹لۇقا ئىنجىلى›› ۋە ‹‹يوھاننا ئىنجىلى›› قاتارلىق كىتابچىلارنىڭ ئاپتورلىرى تارىىختا ئالاھىدە ئورنى يوق شەخىسلەردۇر. كېيىنكى چاغلاردا خىرىستىيان پوپلىرى سان-ساناقسىز ‹‹ئىنجىل››لاردىكى ئۆزئارا زىتلىقلارنى بايقاپ، كۆپ قىسىم ئۆزگەرتىلگەن ئىنجىللارنى كۆيدۈرىپ، ھازىرقى بىرلىككە كەلگەن 4 خىل نۇسخىسىنى ساقلاپ قالىدۇ. تەۋھىد جەھەتتە، مەنا-مەزمۇن جەھەتتە قۇرئان كەرىمگە يېقىن ۋە يانداش كەلگەن ئىنجىلنىڭ بىر نۇسخىسى بولۇپ، ئۇ ‹‹بەرنا ئىنجىلى›› دېيىلىدۇ. بۇ ئىنجىل ئىيسا ئەلەيھىسسالامنىڭ يېقىن ئەگەشكۈچىلىرىدىن بولغان ھاۋارىيۇنلار تەرەپىدىن ساقلاپ قېلىنغان بولىشى مۈمكىن. ‹‹بەرنا ئىنجىلى››دا ئىيسا ئەلەيھىسسالام ھەققىدە بەزىبىر بايانلار ساقلاپ قېلىنغانكەن. ئىيسا ئەلەيھىسسالام ئاللاھ-قا ۋە ئۆزىگە تۆھمەت قىلغۇچىلارغا ئاللاھ-نىڭ شېرىكى يوقلىقىنى، ئۆزىنىڭ ئاللاھ-نىڭ بالىسى ئەمەسلىكىنى ۋە ئۆزىنىڭ ئاللاھ-نىڭ بەندىسى ئىكەنلىكىنى دەۋەت قىلغانىكەن. قىزىقارلىقى شۇكى، خىرىستىيان پوپلىرى ‹‹بەرنا ئىنجىلى›› كۆيدىرىۋەتمەيدىكەن، يا ئۇنى قەۋمىگە ئوچۇق-ئاشكارە ئېلان قىلمايدىكەن. ‹‹بەرنا ئىنجىلى›› بولسا كۇتۇپخانىدا نەزەربەنىت قىلىغلىقكەن.
        قۇرئان كەرىم مۇسا ئەلەيھىسسالامنىڭ پەيغەمبەرلىكىنى تەستىقلايدۇ ۋە ئۇنىڭغا چۈشكەن ساماۋىي كىتابنى ‹‹ تەۋرات››نى تەستىقلايدۇ. [ئەسلى نۇسخىسى بولۇپ، ئۆزگەرتىلگەن نۇسخىسى ئەمەس] بىزمۇ قۇرئان كەرىمنىڭ تەستىقى بويىچە، مۇسا ئەلەيھىسسالام ۋە ‹‹ تەۋرات››نىڭ ئەسلى نۇسخىسىغا ئىمان كەلتۈرىمىز. قۇرئان كەرىم ئىيسا ئەلەيھىسسالامنىڭ پەيغەمبەرلىكىنى تەستىقلايدۇ ۋە ئۇنىڭغا چۈشكەن ساماۋىي كىتاب ‹‹ئىنجىل››نى تەستىقلايدۇ.[ئەسلى نۇسخىسى بولۇپ، ئۆزگەرتىلگەن نۇسخىسى ئەمەس] بىزمۇ قۇرئان كەرىمنىڭ تەستىقى بويىچە، ئىيسا ئەلەيھىسسالام ۋە ئۇنىڭغا چۈشكەن ‹‹ئىنجىل››نىڭ ئەسلى نۇسخىسىغا ئىيمان كەلتۈرىمىز. ‹‹تەۋرات››ۋە‹‹ئىنجىل›› ئىنسانلار تەرەپىدىن ئۆزگەرتىلىپ كەتتى. مۇسۇلمانلارنىڭ ئوقۇشى مەنسۇق قىلىندى. شۇڭا، بىز ‹‹تەۋرات›› بىلەن ‹‹ئىنجىل››دىكى دىنىي ئەھكاملارغا ئەمەل قىلمايمىز.
     ئىبىراھىم ئەلەيھىسسالام پەيغەمبەرلەرنىڭ بوۋىسى دېگەن پەخىرلىك نامغا ئىگىدۇر. ئىسلام دىنى ئىبىراھىم ئەلەيھىسسالامنىڭ دىنىغا ئۇلىشىدۇ. ئىبىراھىم ئەلەيھىسسالامنىڭ دىنى بولسا، نوھ ئەلەيھىسسالامنىڭ دىنىغا ئۇلىشىدۇ. نوھ ئەلەيھىسسالامنىڭ دىنى بولسا، ئادەم ئەلەيھىسسالامنىڭ دىنىغا ئۇلىشىدۇ. ئادەم ئەلەيھىسسالامنىڭ دىنى بولسا ئاللاھ-نىڭ دىنىدۇر. ئاللاھ-نىڭ دىنى بولسا، بىزنىڭ ھازىرقى ئىسلام دىنىمىزدۇر.
      كالىندار مەسىلىسىگە كەلسەك، ياۋروپا ۋە ئامېرىكا ئەللىرى خرىستىيان ئەللىرىدۇر. شۇ ۋەجىدىن ئۇلار مىلادىيە كالىندارىنى ئىشلەتكەن بولۇشى مۈمكىن. باشقا قەۋىملەرنىڭ مىلادىيە كالىندارىنى قوللىنىشى بولسا، ياۋروپا ۋە ئامېرىكا ئەللىرىنىڭ دۇنيادىكى يېتەكچىلىك ئورنى بىلەن مۇناسىۋەتلىك بولۇشى مۈمكىن. سەئۇدى ئەرەبىستان قاتارلىق ئىسلام ئەللىرى ھىجىرىيە كالىندارىنى قوللىنىشى مۈمكىن. بىزنىڭ ھىجىرىيە كالىندارىنى قوللىنالماسلىقىمىز، بەلكىم ، بىزنىڭ ھازىرقى سىياسىي ئورنىمىز، مىللىي مەدەنىيىتىمىز، جۇغراپىيىلىك ئەھۋالىمىز ۋە ياكى باشقا ئامىللار بىلەن مۇناسىۋەتلىك بولۇشى مۈمكىن.
     مۇھەممەد ئەلەيھىسسالام بىلەن ئىيسا ئەلەيھىسسالام ئوتتۇرىسىدىكى پەرىقلەر بولسا:
      ئىيسا ئەلەيھىسسالامنى مەلۇم بىر قەۋىمگە ئەۋەتىلگەن پەيغەمبەر دەپ قارايمەن.
       مۇھەممەد ئەلەيھىسسالامنى كۈللى پەرىشتىلەرگە، كۈللى جىنلارغا ۋە كۈللى ئىنسانلارغا ئەۋەتىلگەن پەيغەمبەر دەپ قارايمەن.
      مۇھەممەد ئەلەيھىسسالام بىلەن ئىيسا ئەلەيھىسسالام ئوتتۇرىسىدىكى ئوخشاشلىقلار بولسا:
       ھەر ئىككىسى ئاللاھ-نىڭ رەسۇلى. ھەر ئىككىسىگە پەيغەمبەرلىكىنى تەستىقلايدىغان ئىلاھىي ۋەھىي بولغان ساماۋىي كىتاب چۈشكەن. ھەر ئىككىسى تەۋھىدنى دەۋەت قىلدى، بىر خۇدالىق دىننى دەۋەت قىلدى. ھەر ئىككىسى قەۋمىنى قىيامەتتىن ئاگاھلاندۇردى، دوزاقتىن ئاگاھلاندۇردى. جەننەتتىن خۇش بىشارەت بەردى. ھەر ئىككىسى قەۋمىنى يەككە-يىگانە بولغان بىر ئاللاھ-قا ئىبادەت قىلىشقا، ئاللاھ-قا شېرىك كەلتۈرمەسلىككە چاقىردى، يەنە ئىسلامغا چاقىردى.

akim888

jahangir123 يوللىغان ۋاقتى  2014-4-19 22:33
ئەپەندىم:
     سىز مەندىن  ۋەزنى ئېغىرلا بىر سوئاللارن ...

نۇرغۇن مەسىلىلەرنىڭ جاۋابىنى ئاز-تۇلا تاپقاندەك بولدۇم،مېنىڭ بۇ سۇئاللارنى سورىشىم ھەرگىز مۇنبەر بوش تۇرۇپ قاپتۇ دەپ سوز يېزپ قويۇش  ئەمەس، بىلىمىڭىز چوڭقۇركەن،رەخمەت،يەنە نۇرغۇن مەسىلىلەرنى ئورتاقلىشىشىمىشغا،يەنىمۇ ئىلگىرلەپ ئېنىقلىشىمىشغا توغرا كېلىدۇ،مەن ھازىرغىچە ئەڭ كوپ ئۇچۇراشقان دىن ئىسلام دىنى،چۇنكى ئىسلام دىنىنىڭ مەنىسى بەكلا چوڭقۇر، ئۇ ئالاھنىڭ بىرلىگىنى تەشەببۇس قىلىدۇ،ئۇ ئىلىم ئۇگۇنۇشنى،ئىتپاقلىشىشنى تەشەببۇس قىلىدۇ،بىز بۇ تەرەپلەرنى تەبىى پەن بىلەن بىرلەشتۇرۇپ تەھلىل قىلىپ،باشقىلار بايقىمىغان بەزى بىر چوڭ مەسىلىلەرنى بايقىدۇق،فىزىكا تارىخىدا نيوتون،ئېينىشتىيىن،سىتىفون خاۋكىڭ قاتارلىق ئاكادىمىكلار ئۇزلىرىنى ناھايىتى ئېنىق قىلىپ تەڭرى دەپ قارىغان،بۇنىڭغا نۇرغۇن ئالىملار  نەچچە مىليارت ياش ئۇسمۇرنى باشلاپ ئەگەشكەن،يەنە كېلىپ ئۇلارنىڭ بۇ خىل تەلىماتى دۇنيا ھەرقايسى دولەت ئاساسى قانۇنىنىڭ قوغدىشىغا ئېرىشكەن،تۇركىيە ئىستامبۇل ئۇنىۋېرىستېتىمۇ بۇنىڭ سىرتىدا ئەمەس،بۇنىڭ تارىخى 300يىلدىن ئېشىپتۇ،لېكىن بۇ نۇرغۇن دولەتلەرنىڭ ئاساسى قانۇنىغا خىلاپ،ئۇلار بايقىماي قاپتۇ،بىز بۇنى مۇشاقەتتە تاپتۇق،شۇنىڭ بىلەن خاۋارت ئۇنىرېرىستېتى بىلەن تەڭ دەرىجىلىك ئۇنىرېرىستېتنىڭ مائارىپقا مەسۇل مۇدىرى {زادى قانداق قىلساق بىزنىڭ يىغىنغا كېلەلەيسەن}دەپ ،بىزنىڭ تىمىغا قىزىققانلىغىنى بىلدۇردى،بىزنىڭ بۇ ماقالە يەنە 10كۇنلەردە ھىندىستاننىڭ  خەلقئارالىق ژورنىلىدا ئېلان قىلىنىدىغان بولدى،چۇنكى ھىندىستاننىڭ  يېرىم ئاھالىسى ئىسلام دىنىغا ئېتىقات قىلىدۇ،بىزنىڭ تەشەببۇسىمىز ھەرقانداق ئالىمنىڭ ئۈزىنى خۇدا دەپ تەلىمات يېزىشى قانۇننىڭ ئاز-تۇلا نازارىتىنى قۇبۇل قىلىشى كېرەك دىگەن ئىدىيەنى ئىلگىرى سۇرۇدۇ،،بىز پەقەت خۇدانىڭ قۇللىرى،نيوتوننىڭ،ئېينىشتىيىننىڭ،سىتىفون خاۋكىڭنىڭ قۇللىرى بولۇپ قالساق،ۋىجدان قانداق كۇتۇرۇدۇ،ھىلىمۇ پۇتكۇل ئىنسانىيەت 300يىل كۇتۇرۇپتۇ بۇ خۇرلۇقنى،شۇنىڭ ئۇچۇن ئىسلام دىنىنى تېخىمۇ چوڭقۇرلاپ بىلىشكە توغرا كېلىۋاتىدۇ،سىزدىن سورىغان  ئىسلامدىكى بەزى بىلىملەرنى بەزى ھاجىملار چۇشەندۇرگەن، لېكىن يەنىمۇ ئىچكىرلەپ سوراشقا پۇرسەت يار بەرمەيدىكەن، مەن ئادەتتە سىز يازغان چۇشەندۇرۇشنى ئاز دىگەندە10 نوۋەت ئوقۇپ ،ئاندىن سۇئال سورايمەن،چۇنكى ئىسلام دىنىغا ئەستايىدىل مۇئامىلە قىلىش شەرت،بولمىسا گۇنا ئارتىلىپ ماڭىدۇ،

ziya

ئېينىشتېيىن ئېيتىدۇ:
تارتىش كۈچى مەيدانىدا بارلىق جىسىملار ئوخشاش تىزلىنىشچان ھەركەت قىلىدۇ،بۇ قانۇنىيەت ئۇز نۇۋىتىدە ئىنىرىتسىيىلىك ماسسا بىلەن تارتىش كۈچى ماسسىسىنىڭ تەڭ ئۆنۆملىك ئىكەنلىگىنى ئىپادىلەيدۇ.مەن ئەينى ۋاقىتتا بۇنىڭ ھەر تەرەپلىمە موھىملىغىنى تونۇپ يەتكەن ئىدىم.مەن بۇ خىل ھالەتنىڭ مەۋجۈتلىغىغا ھەيران قالغان،شۇنداقلا  ئۇنىڭ ئىچىدەئىنىرىتسىيە ۋە تارتىش كۈچىنى تېخىمۇ چوڭقۇر چۈشۈنۈشنىڭ ئاچقۇچى بارلىغىنى پەرەز قىلغان.

http://zh.wikipedia.org/wiki/%E7%AD%89%E6%95%88%E5%8E%9F%E7%90%86

29-41-تىئورمىلار ئورۇنلۇق بولسا زۆرۆر تېپىلغاندا كىلاسسىك "تەڭ ئۆنۆم پىرىنسىپى"غا تۈزۈتۈش كىرگۆزۈپ،"شەكىل نەزەريسى خارەكتىرلىك تەڭ ئۆنۈم پىرىنسىپى"سۈپىتىدە قايتا بايان قىلىشقا توغرا كېلىدۇ.چۈنكى ،ئوقىدائايلاندۇرۇلۇپ ۋە ئايلاندۇرۇلماي تاشلانغان ئىككى شارچە ئوخشاش بىر نۇقتىغا چۈشمەيدۇ ۋە تەڭ چۈشمەيدۇ.بۇ يەردە پەقەت ئومۇمى ھەركەت مىقدارىنىڭ تەڭ بولىدىغانلىغىنىلا پەرەز قىلىشقا بولىدۇ.

__ قاسىم سىدىق

2014.4.20

jahangir123

     ئەسسالامۇئەلەيكۈم ھاكىم 888 بۇرادەر:
     سىزنىڭ يۇقىرىدىكى ئىنكاسىڭىزنى كۆرۈپ ناھايىتى خۇرسەن بولدىم. ئاللاھ سىزگە رەھمەت قىلسۇن. سىزنىڭ ماڭا دەسلەپ بەرگەن تەسىرىڭىز مۇنداق:
    مەن سىزنى بىر پەننىي زىيالىي دەپ ھېس قىلغانىدىم. ئۇچۇقىراقىنى دېگەندە، ياكى بىر ئىدىيالىزىمچى زىيالىي، ۋە ياكى بىر ماتىرىيالىزىمچى زىيالىيمىكىن دەپ گۇمان قىلغانىدىم. لېكىن كېيىنكى ئىنكاسلىرىڭىزدىن، بولۇپمۇ يۇقىرىدىكى ئىنكاسىڭىزدىن سىزنىڭ ئەخلى ئويغاق، زېرەك بىر زىيالىي ئىكەنلىكىڭىزنى ھېىس قىلدىم. مەن ھېس قىلغان بىر نەرسىنى سىزمۇ ھېس قىلىپسىز. ئۇ بولسىمۇ چىن ھەقىيقەت بىلەن ساختا ھەقىيقەتتۇر.
      ئاللاھ ، نۇقسانسىز سەنئەتكار بولۇپ، ئىنساننى ماددى ۋە روھىي قېلىپتا قۇيۇپ چىقىدۇ. ئەنە شۇ ماددى ئالەم بىلەن روھىي ئالەمگە ئىمان بىلەن شەيتاننى، ھەق بىلەن باتىلنى قوشكېزەك ھەمراھلاردىن قىلىپ قويىدۇ. روھنىڭ ئىچكى ئىپادىسى بولغان ئىدىيە ئەنە شۇ بوشلىقتا ئەركىن سەيىر قىلىدۇ. ئىدىيىنىڭ تاللىشى ئىمان بىلەن شەيتان، ھەق بىلەن باتىلدا مۇقەرەرلىشىدۇ. ئوبېكتىپ ۋە سوبېكتىپ ئامىللارنىڭ تەسىرلىشىشى بىلەن ئىدىيىدىن ئۇچقىنلىغان تەپەككۈر ئىمان ياكى شەيتاندا، ھەق ياكى باتىلدا قارار ئالىدۇ. ئىدىيىنىڭ پائالىيىتى ئىنساننىڭ مۇشۇ خىل مەنىۋىي دۇنياسىدا زاھىر بولغانلىقتىن، بىز ئىشەنگەن چىن ئەقىيقەت بىلەن بىز ئىشىنىپ قالغان ساختا ھەقىيقەت كىشىلەر ئېڭىدا تەدىرىجىي شەكىللىنىشكە باشلايدۇ.
     1. چىن ھەقىيقەت.
     ئاللاھ-نىڭ بارلىق-بىرلىكىگە ئىمان كەلتۈرگەن ئىنسان، ئاللاھ-نىڭ كالامى بولغان قۇرئان كەرىمگە ئىمان كەلتۈرىدۇ. مانا بىز تەرىپلاۋاتقان قۇرئان كەرىم بولسا، چىن ھەقىيقەتتۇر. ئاسمان-زېمىندا سەيىر قىلىپ تۇرغان تۈرلۈك-تۈمەن ھادىسەلەرنى ۋە ئىنسان روھىيىتىدىكى ھادىسىلەرنى قۇرئان كەرىمگە باغلاپ تەسەۋۋۇر قىلسا ياكى تەپەككۈر قىلسا، كىشى قەلبى يورۇپ، ھەقىيقەت ئاشكارىلىنىشقا باشلايدۇ.ئاشكارىلانغان بۇ ھەقىيقەتلەر چىن ھەقىيقەت بولۇپ، ماددى ئالەم بىلەن روھىي ئالەمنىڭ ئەسلى ماھىيىتىنى ئەكىس ئەتتۈرۈپ بېرىدۇ. سىيراتىم مۇستەقىيىمدىن ئىبارەت داغدام يولنى بىزگە ھامان ئەسلىتىپ تۇرىدۇ. كىشىلەر قەلبىنى ھەمىشە ئىسكەنجىگە ئېلىپ تۇرىدىغان چىنلىق بىلەن ساختىلىق بىزنى زىددىيەتلەر قاينىمىغا تاشلايدۇ. شۇڭا دەيمەن، تېڭىرقاپ قالغان، تەمتىرەپ قالغان چاغلىرىمىزدا، بىز ھامان بىر نەرسىگە مۇھتاج بولىمىز. ئۇ نەرسە شۇكى، جىسمانىي ۋە مەنىۋىي پائالىيىتىمىزدە بىزگە ھەمرا بولۇپ كېلىۋاتقان بولسىمۇ، كۆپ ھاللاردا، بىز دىققەت قىلىپ كېتەلمەيۋاتقان چىن ھەقىيقەتتۇر. مەن شۇنى كېسىپ ئېيتىمەنكى، بىز ياشاۋاتقان بۇ ئالەمدە قۇرئان كەرىمدىن باشقا ھەقىيقەت يوقتۇر. بار دېيىلگەندىمۇ، قۇرئان كەرىمنىڭ ھەقىيقىتى بىلەن تويۇنغان ئاسمان-زېمىندۇر. قۇرئان كەرىمنىڭ ھەقىيقىتى بىلەن تويۇنغان كائىناتنىڭ قانۇنىيىتىدۇر. قۇرئان كەرىمنىڭ ھەقىيقىتى بىلەن تويۇنغان تەبىيئەتنىڭ قانۇنىيىتىدۇر.
        2. ساختا ھەقىيقەت.
        سىز تىلغا ئالغان ساختا ھەقىيقەت پىشىۋالىرى بولسا، قەدىمكى زاماندا خۇدالىق داۋاسى قىلغان پىرئەۋىن، نەمرۇد، شەددات ۋە داقىيانۇسلارنىڭ زامانىمىزدىكى بىر قىسىم ۋارىيانىتلىرىدۇر. چۈنكى ئۇلار غايىبنى بىلمەيدۇ. شۇنداق ئىكەن ئۇلارنىڭ بايقاشلىرىمۇ مۇجىمەل بولۇپ، ئارىسالدىلىق ئىچىدە مۇتلەق ھۈكۈمگە ئېسىلىۋالىدۇ. مۇتلەق ھۈكۈمگە ئېسىلىۋېلىش ‹‹ساختا تەڭرىلەر››نىڭ يەنە بىر خىل دەھرىيلىك بەلگىسىدۇر. ئاسمان-زېمىن ئاللاھ-نىڭ مۈلكىدۇر. بىز يەنە نىمىگە ئاساسەن دەلىل-ئىسپات تەلەپ قىلىمىز؟ كېچە بىلەن كۈندۈزنىڭ ئالمىشىشى ئاللاھ-نىڭ بىرلىكىنى كۆرسىتىدىغان روشەن ئالامەتلەردىنغۇ؟!  بىز يەنە نىمىگە ئاساسەن دەلىل-ئىسپات تەلەپ قىلىمىز؟ زامان-ماكاننىڭ سىرىنى بىلىش ئاللاھ-قا خاس ئىلىمدۇر. زامان-ماكاننىڭ سىرىنى بىلىش بولسا، ئالەمنىڭ سىرىنى بىلىش دېگەنلىكتۇر. بىز يەنە نىمىگە ئاساسەن دەلىل-ئىسپات تەلەپ قىلىمىز؟ دەھرىي پەيلاسوپلار ساختا ئىلىم ئىسكەنجىسىدە بىر ئۆمۈر تولغىنىدۇ. ئۇلار تاللىغان يول قاراڭغۇ-زۇلمەت بولۇپ، جىسمانىي ۋە روھىي زېھنى ۋاقىتسىز خوراپ تۈگەپ، چۈشكۈنلىشىشتىن ئىبارەت ھالاكەت يولىنى تاللايدۇ. ئۇلارنىڭ ئىدىيە-نەزىرىيىلىرى ھەقىيقەتنىڭ تېگىگە يېتەلمەيدۇ. ئۇلار تايانغان مەنبە ساختا. ئۇلار ھەقىيقەتنى ئەمەس، مەنپەئەتنى ئاساس قىلىدۇ. ھۈكۈمران سىنىپنىڭ ئىرادىسىگە خىلاپلىق قىلالمايدۇ. تەۋھىدتىن يىراقلاشقان، ئىنسانىيەتكە يېتەكچىلىك قىلىشتىن قۇرۇق قول قالغان دەھرىيلەرنىڭ ئىدىيە-نەزىرىيىلىرىنى شەيتاننىڭ ئىلمىدىن ئايرىپ قارىيالمايمەن. ئۇلار ئىشەنگەن ساختا ھەقىيقەت ئەنە شۇ شەيتاننىڭ ئىلمىدۇر.
       سىز تىلغا ئالغان ئەگەشكۈچىلەر قەۋمى ناھايىتى خەتەرلىك ئاقىۋەتتۇر. ھەر بىر قەۋىمنىڭ ئەگەشتۈرگۈچىسى بىلەن ئەگەشكۈچىلىرى بولىدۇ. يەنە بۇلار ئوتتۇرىسىدا ئەگەشتۈرگىچى بىلەن ئەگەشكۈچى مۇناسىۋېتى شەكىللىنىدۇ. ھەق يولدا بولسا، بۇ خىل مۇناسىۋەت خەيىرلىكتۇر. مۇھەممەد ئەلەيھىسسالام ۋە ئۇنىڭ ھۈممەدلىرى بۇنىڭغا ياخشى مىسال بولالايدۇ. ئەگەر باتىل يولدا بولسا، بۇنىڭ ئاقىۋىتى ئىنتايىن خەتەرلىكتۇر. مەسىلەن، دىيارىمىزدا ئۆتكەن بىر ئەۋلاد پىشقەدەم ئاتېزىمچى زىيالىيلار بۇنىڭغا شاھىد بولالايدۇ. ئۇلار بىلىپ-بىلمەي باتىل يولدا ئەگەشتۈرگىچى ۋە ئەگشكۈچىلىك مۇناسىۋېتىنى شەكىللەندۈرگەنىدى. كېيىنكى بىر ئەۋلاد كىشىلەر ھەقىيقەتەن ئۇلارغا ئەگىشىپ كەتتى. ئۇلار سالغان زىياننى بىز تا ھازىرغىچە تارتىپ كېلىۋاتىمىز. دار ئاخىرەتتە، ئۇلار بۇ خىل مۇناسىۋەتنى دەۋا قىلىپ، دوزاق ئىچىدە مۇنازىرىلىشىدۇ.
     سىزنىڭ يېڭىچە قاراشلىرىڭىزدىن ناھايىتى خۇرسەن بولدىم. بىر قىسىم مەسىلىلەردە ئورتاقلىشالايدىكەنمىز. ئاللاھ ئىلمىڭىزنى زىيادە قىلغاي.

jahangir123

ziya يوللىغان ۋاقتى  2014-4-20 12:07
ئېينىشتېيىن ئېيتىدۇ:
تارتىش كۈچى مەيدانىدا بارلىق جىس ...

       ئەپەندىم:
    ئېسىمدە قېلىشىچە، تولۇقسىزنىڭ فىيزىيكا دەرىسلىكىدە نىيوتوننىڭ ئالمىنىڭ شاختىن ئۈزۈلىپ يەرگە چۈشۈپ كېتىش ھادىسىسىدىن ئالەملىك تارتىشىش كۈچى قانۇنىيىتىنى كەشىپ قىلغانلىقىنى تونۇشتۇرغان بىر دەرىسلىك باردەك قىلاتتى.
     خوش. ئەگەر ئالەملىك تارتىشىش كۈچى ھەقىيقەتەن مەۋجۇت بولسا، ئۇ ئاللاھ-نىڭ ئاسمان-زېمىن ۋە كائىنات بىلەن تەبىيئەتكە بەلگىلەپ بەرگەن ئۆلچىمىدۇر. نىيوتون ئالەملىك تارتىشىش كۈچىنى كەشىپ قىلغۇچى بولماستىن، پەقەت ئۇنى بايقىغۇچىدۇر، خالاس. قۇرئان كەرىمدە ئاللاھ ئاسمان-زېمىننى ئىنسانلارنىڭ مەنپەئىتىگە بويسۇندۇرۇش ۋەجىدىن ئاسمانلارنى توختىتىپ تۇرغانلىقىنى خەۋەر قىلىدۇ. مانا بۇ ئايەتنى ئىلىم -پەن ئالىملىرى دەۋا قىلىۋاتقان ئالەملىك تارتىشىش كۈچىگە ئەڭ ياخشى مىسال بولالايدۇ دەپ قارايمەن. ئاللاھ يەنە قۇرئان كەرىمدە، قىيامەتتىن ئىبارەت بۇ ئالەمشۇمۇل زور ۋەقەدە يۇلتۈزلارنىڭ يامغۇردەك تۆكىلىدىغانلىقىنى خەۋەر قىلىدۇ. مانا بۇ ئايەتنى ئىلىم-پەن ئالىملىرى دەۋا قىلىۋاتقان ئالەمنىڭ تارىيىشىغا ئەڭ ئۆلچەملىك جاۋاپ بولالايدۇ دەپ قارايمەن. چۈنكى يۇلتۇزلارنىڭ  يامغۇردەك تۆكۈلىشى بولسا، ھازىرقى ئالەمنىڭ ئاخىرلاشقانلىقىدىن دېرەك بېرىدۇ. ئاللاھ يەنە قۇرئان كەرىمدە، ئالەمنىڭ يارىتىلىش ھارپىسىدا، تۇمان ھالىتىدە ئىكەنلىكىنى خىۋەر قىلىدۇ. تەپسىرشۇناس ئالىملار بۇ خىل تۇمانلىق ھالەتنى ئىس-تۈتەك، چاڭ-توزاڭ دەپ تەپسىر قىلىشىدۇ. ئەگەر بىز بىر تاغنى پارتلاتساق تەبىي ھالدا ئىس-تۈتەك بىلەن چاڭ-توزاننى پەيدا قىلىدۇ. بۇ ئىككىسى بىرىكىپ تۇمانلىق ھالەتنى پەيدا قىلىدۇ. مانا بۇ ھايەت ئىلىم-پەن ئالىملىرى دەۋا قىلىۋاتقان ‹‹چوڭ پارتلاش›› نەزىرىيىسىگە ئەڭ ياخشى ئۈلگە بولالايدۇ دەپ قارايمەن.
     جىسىم پارتلىغاندا ئېنېرگىيە سەرىب قىلىدۇ. سەرىب قىلىنغان ئېنېرگىيەدىن پەيدا بولغان ئىس-تۈتەك ھارارەتلىك كېلىدۇ. جىسىم بولسا ئەڭ كىچىك بىرلىك زەررىچىلەرگە بۆلىنىپ كېتىدۇ. ئاللاھ يەنە قۇرئان كەرىمدە، زېمىننى يايغانلىقىنى، ئاندىن ئاسماننى يارىتىشقا يۈزلەنگەنلىكىنى خەۋەر قىلىدۇ. زېمىننىڭ يايسىمان يەنى ھازىرقى چەمبەرسىمان ئېللىپىس شەكىلگە كىرىشى يۇقىرىدىكى قائىدىدە بايان قىلىنغان يۇقىرى ھارەرەتلىك ئىس-تۈتەك بىلەن ئۇششاق زەررىچە چاڭ-توزاننى ئۆزىگە مەنبە قىلىدۇ. جىسىم ئاتوم ۋە مالېكۇلالاردىن تەركىپ تاپىپ، ئۆز ئارا بىرىكىش ھاسىل قىلىدۇ. شەكىلگە كىرىپ بولغان ئىككى جىسىم ئۆزئارا بىرىكىش ھاسىل قىلالمايدۇ. بىز بايان قىلىۋاتقان ئاتوم-مالېكۇلالار بولسا، ئايەتتە بايان قىلىنغان تۇمانلىق ھالەتتىكى چاڭ-توزاڭدۇر. جىسىملارمۇ مەجازىغا قاراپ بىرىكىش ھاسىل قىلىدۇ. يەنە ئىسسىق مەجازلىق جىسىملار يۇقىرى ھارەرەتلىك ئېنېرگىيىنىڭ ۋاستىسى بىلەن بىرىكىش ھاسىل قىلىدۇ. بىز دەۋاتقان يۇقىرى ھارەرەتلىك ئېنېرگىيە بولسا ئايەتتە بايان قىلىنغان ئىس-تۈتەكتۇر. تۆمۈرچى سوققان تۆمۈرلەر قىزىق بولۇپ، تۆمۈرچى ئۇنى سوغاق سۇغا سېلىپ سوۋۇتىش ئېلىپ بارىدۇ. يەنە بىز قىزىق تۆمۈرنى شامالدۇرغۇچ ئارقىلىق سوۋۇتساقمۇ بولىدۇ. ئاللاھ زېمىننى دەسلەپ يايغان چاغدا، تۆمۈرچىنىڭ قانۇنىيىتى بويىچە زېمىننىڭ تېمپۇراتۇرىسى ناھايىتى يۇقىرى بولۇشى مۈمكىن. شامالدۇرغۇچ قانۇنى بويىچە زېمىننى سوۋۇتىشقا توغرا كېلىدۇ. ئەينى ۋاقىتتا، يەر شارى مەلۇم دەۋىر ئۆز ئوقىدا بىر نەچچە سائەتتە ئايلىنىپ بولۇشتەك تەرتىپ بىلەن ئۆز بەدىنىنى سوۋۇتقان بولىشى مۈمكىن. يەر شارىنىڭ ئۆز ئوقىدا 24 سائەتتە ئايلىنىپ بولىشى بولسا، ئاللاھ قۇرئان كەرىمدە بايان قىلغان زېمىننى ئىنسانلارنىڭ مەنپەئىتىگە بويسۇندۇرۇپ بەردىم دېگەن ئايىتىنىڭ دەلىلى بولسا كېرەك.
    زىيا ئەپەندى مەن سىزنى قاسىم سىدىق ئەپەندى شۇ دەپ قىياس قىلدىم. سىز قاسىم سىدىق ئەپەندىم بولسىڭىز مەن سىزنى ھۆرمەت قىلىمەن. مەن سىزنى بىر تەتقىيقاتچى ئالىم دەپ قارايمەن. ھەمدە سىزنىڭ ئۇتۇق قازىنىشىڭىزغا تىلەكداشمەن. سىز قانداق ئىلىمنى تەتقىق قىلماڭ، ھەققە چىڭ دەسسىگەن ئاساستا تەتقىقاتىڭىزنى داۋاملاشتۇرۇڭ. باتىل تەپەككۈر ئەندىزىسىدىن ھەزەر ئەيلەڭ. شەك ۋە گۇمان تەتقىقات تېمىڭزغا ئارلىشىپ قالمىسۇن. شېرىك ۋە رىيا تېخىمۇ ئارلىشىپ قالمىسۇن.
      قۇرئان كەرىمدىكى ئايەتلەردىن مەلۇم بولىشىچە، زېمىننىڭ 1000 يىلى ئاللاھ-نىڭ دەرگاھىدىكى 1 كۈنگە تەڭدۇر. ئاخىرەتتىن ئىبارەت ئەڭ ئاخىرقى بىر كۈن زېمىننىڭ 50000 يىلىغا تەڭدۇر. ئاستىروفىزىك ئالىملىرى كائىناتتىكى ۋاقىت بىلەن يەر شارىدىكى ۋاقىتنىڭ ئۆزئارا پەرىقلىنىدىغانلىقىنى دەۋا قىلىشىدۇ. ئەگەر سىز خالىسىڭىز فىزىيكا ئىلمىدىكى ۋاقىت، بوشلىق ۋە سۈرئەت ئۇقۇملىرى بويىچە يۇقىرىدىكى مەسىلىلەرنى ئۆزئارا ئورتاقلاشساق بولىدۇ.