ئامېرىكىنىڭ ئېكسپورت قىلغىنى قۇرال ئەمەس ، ئۇرۇش

tograk

  

             ئامېرىكىنىڭ ئېكسپورت قىلغىنى قۇرال ئەمەس ، ئۇرۇش

   

      يېقىندا شىۋېتسىيە ستوكھولم تىنچلىق تەتقىقات مەركىزى بىر گۇرۇپپا سانلىق مەلۇمات دوكىلاتىنى ئاشكارىلاپ ، 2009 - يىلىدىن 2012 - يىلغىچە ئامېرىكا قۇراللىرىنىڭ ئېكسپورت مىقدارى ۋە ئۇلارنىڭ دۇنيا سودا بازىرىدا ئىگىلىگەن نىسبىتىنى ئېلان قىلغان .
       دوكلاتقا قارىغاندا ، 2009 - يىلى ئامېرىكىنىڭ قۇرال سودىسى 7 مىليارد ئامېرىكا دوللىرى بولغان بولسا ، 2012 - يىلى 9 مىليارد ئامېرىكا دوللىرىغا يەتكەن . ئامېرىكا ئېكسپورت قىلغان قۇرال - ياراقنىڭ %40 ى ئاسىيا تىنچ ئوكيان رايۇنىغا سېتىلغان . بۇنىڭدىن سىرت ئامېرىكىنىڭ قۇرال ئېكسپورت مىقدارىنىڭ %30 ى ئوتتۇرا شەرقتە ، %20 ى ياۋروپادا ئىكەن .
        سانلىق مەلۇماتلاردىن قارىغاندا ، ئاغزىدا دۇنيانىڭ تىنچلىقىنى قوغدايدىغان ئامېرىكا خەۋىپسىزلىكنى قوغداش قالپىغىنى كىيىۋېلىپ ، كوپلەپ قۇرال ئېكسپورت قىلغان . ئامېرىكىنىڭ قۇراللىرىنىڭ خېرىدارى ئېنىق ئەمەس بولۇپ ، قەيەردە قالايماقانچىلىق بولسا ، قۇرالنى شۇ يەرگە سېتىپ بېرىدىكەن . قەيەردە ئامېرىكىنىڭ قۇرالى بولسا ، شۇ يەر تىنچ ئەمەس ئىكەن . ئەمەلىيەتتە ئاسىيا - تىنچ ئوكيان رايۇنى ئامېرىكا قۇرالسودىسى ئەڭ مەركەزلەشكەن رايۇن چېسابلىنىدىكەن .
       ھازىر ئوتتۇرا شەرق رايۇنىدىكى ۋەزىيەت مۇقىمسىز . ئامېرىكىنىڭ دېڭىز قولتۇقى دۆلەتلىرىگە كەڭ كۆلەمدە قۇرال سېتىپ بىرىشى ئوت ئۈستىگە ياغ چاچقانلىقمۇ - قانداق ؟ ئامېرىكا ئىران بىلەن يادرو سۆھبىتى ئۆتكۈزۈش بىلەن بىللە ، سەئۇدى ئەرەبىستان ، ئەرەپ بىرلەشمە خەلپىلىكى ، ئىسرائىلىيەگە كۆپلەپ قۇرال سېرتىپ بەرگەن .
       يېقىنقى يىللاردىن بۇيان ئىقتىسادنىڭ تۆۋەنلىشىدەك بېسىم ئاستىدا ، ئامېرىكىنىڭ قۇرال - ياراق سودا مىقدارى يەنىمۇ ئېشىپ ، كىشىلەرنىڭ دۇنيا تىنچلىقى ۋە مۇقىملىقىدىن ئەنسىرىشىنى تېخىمۇ كۈچەيتىۋەتكەن .
      ئەمەلىيەتتە ، ئۇرۇش ئارقىلىق بېيىش ئامېرىكىنىڭ ئەنئەنىسى . ئىككى قېتىملىق دۇنيا ئۇرۇشىدىن ئوتتۇرا شەرق ئۇرۇشىغىچە ، دېڭىز قولتۇقى ئۇرۇشلىرىقىچە ، ئامېرىكا نۇرغۇن پايدىغا ئېرىشتى . 21 - ئەسىر كىرگەندىن كېيىن ، ئامېرىكا يەنىلا قۇرال ئېكسپورتى ئارقىلىق بايلىققا ئېرىشتى . ئىستاتىسكا قىلىنىشىچە ، دۇنيادىكى بەش جايدا ئېرقى توقۇنۇش يۈز بەرسە ئۇنىڭ تۆتى ئامېرىكىدىن سېتىۋالغان قۇرال بىلەن مۇناسىۋەتلىككەن . كىشىلەر بۇنداق چوڭ كۆلەملىك قۇرال سودىسىدىن چۆچۈپ كىتىشى مۇمكىن ، ئامېرىكا زادى قۇرال ئېكسپورت قىلىۋاتامدۇ ياكىئۇرۇشمۇ ؟
      
         شىنجاڭ قانۇنچىلىق گېزىتىدىن ئېلىندى

arslan428

جۇڭگۇنىڭ  قورال ئىكىسپورتىمۇ پالانچى يىلى 100%  كۆپرەك ئاشتى ھەمدە داۋاملىق ئېشىش ھالىتىدە دەپ كۆرگەنمەن.
خەققە زورلاپ ساتمىغاندىكىن ئالىدۇ-دە

sutapanqisi

ھەجەپ بەلەن تىمىكەن،،،  ھى ھى ھى،،،،،

orkex

تىللاۋەرسەكمۇ بىكار ،ئامېركا قىلىدىغاننى قىلىپ باي بولىۋېرىدۇ ....

burhanhoja

ئامىركا بىلەن روسيە باشقىلارنى كۈشكۈرتۈپ ھەربى ھازىرلىقلار مۇسابىقىسىنى كەلتۈرۈپ چىقىرىپ قورال سېتىپ ئنسانلارنىڭ ھاياتى بەدىلىگە باي بۇلۋاتامدۇ قانداق؟

qol~ogli

ئۇرۇش __ئامېركىنىڭ كونا قۇراللىرىنى يېڭىلايدىغان پۇرسەت .....

satuk

ئۇرۇشسىز ئامرىكىنى تەسەۋۋۇر قىلغىلى بولمايدۇ ئامرىكا توقۇنۇش بولۇۋاتقان رايۇنلارغا قۇرال سىتىپ بىرىپ ئۇرۇشقا سىلىپ ،سۇنى لىيتىپ بىلىق تۇتىدۇ ياكى توپىلاڭدىن توغاچ ئوغۇرلايدۇ ،ئاقىۋەتتە توقۇنۇشۋاتقان تەرەپلە بىلىپ بىلمەي ئامرىكىنىڭ تىزگىنىگە ئوتۇپ قالىدۇ ئىرىشمەكچى بولغان نەرسىلىرىمۇ ئامرىكىنىڭ قولىغا ئوتۇپ بولىدۇ

edrek

ئامرىكا قايسى دۆلەتكە قورال ساتسا شۇ دۆلەتنىڭ دۈشمىنىنىڭ بىشىدا ئوت قاينايدۇ！