گېپنوز -تەرجىمە كىتاب

nirvana

3-باب
سىزمۇ گېپنوز ئۇستىسى بولالايسىز
گېپنوزنىڭ ئاساسىي بىلىملىرى
3.1گېپنوزنىڭ ئۆلچەملىك پىروگىراممىسى
بۇ كەسپى كىلىنكىدا ئىشلتلىدىغان ياكى پىسخىك داۋالاشنى مەقستە قىلغان گېپنوزنىڭ ئۆلچەملىك پروگراممىسى .ئادەتتىكى گېپنوز  يەنى ئويۇن خارەكىتىرىنى ئالغان گېپنوز تۈرلىرىدە ئاساسلىقى تۆت باسقۇچىنى ئۆز ئىچىگە ئالىدۇ .يەنى سۆھبەت -بۇ جەرياندا سىز قارشى تەرەپكە گېپنوز ئۇقۇمى ھەققىدە ساۋات ياكى بۇ ھەقتە قارشى تەرەپنىڭ چۈشەنمىگەن جايلىرىغا نىسبەتەن جاۋاب بېرىسىز .گېپنوز قىلىش – بۇ جەرياندا سىز گېپنوز يېتەكلەش ئۇسۇللىرىنى قوللىنىپ قارشى تەرەپنى گېپنوز قىلىسىز ۋە گېپنوزنى چوڭقۇرلاشتۇرسىز .ئويۇن مەزمۇنى –بۇنى سىز ئۆزىڭىزنىڭ ئىجادى كۈچىگە ياكى ئاخىرىدا تونۇشتۇرلىدىغان كوللىكتىپ سەھنە گېپنوزى قىسىمدىكى تونۇشتۇرۇلغان ئۇسۇللار بويىچە ئېلىپ بارسىڭىز بولىدۇ .ئاخىرلاشتۇرۇش –بۇ جەرياندا سىز قارشى تەرەپنى گېپنوزدىن يېشىۋىتسىز .
  ھازىر تونۇشتۇرلىدىغنى پىسخىك داۋالاشنى ئاساس قىلغان گېپنوزنىڭ ئۆلچەملىك پروگراممىسى ،بۇ بەش باسقۇچنى ئۆز ئىچىگە ئالىدۇ .
1)        سوئال سوراش ۋە ئۆز-ئارا چۈشىنىش (diagnosis):گېپنوز قىلنغۇچىنىڭ ئېھتياجىنى بىلىش،ئۇنىڭدىن گېپنوزغا بولغان كۆزقارشىنى سوراش ھەم ئۇنىڭدىكى گېپنوزغا بولغان چۈشەنمىگەن جايلارغا جاۋاب بىرىش.كۆپ ھاللاردا گېپنوز ئۇستىسى ئازىراق ۋاقىت ئاجىرتىپ گېپنوز قىلىنغۇچىغا گېپنوزنى چۈشەندۈرۈش كېرەك.چۈنكى نۇرغۇن كىشلەرنىڭ گېپنوزغا بولغان چۈشەنچىسى شۇنداق ئاز،بۇ ئاز چۈشىنىش قارشى تەرەپتە گېپنوزغا بولغان خاتا چۈشەنچىنى پەيدا قىلىپ قويىدۇ .
2)        گېپنوزغا باشلاپ كىرىش (Induction):
گېپنوزچى تىل بىلەن قارشى تەرەپنى گېپنوز ھالىتگە باشلاپ كىرىدۇ.ئادەتتە كۆپ ئىشلىتدىغان گېپنوزغا باشلاپ كىرىدىغان ئۇسۇللار بولسا،قەدەملىك ئازادە قىلىش ئۇسۇلى(Progrssive Relaxation)،.تىكىلىپ قاراش ئۇسۇلى،چوڭقۇر نەپەس ئېلىش ئۇسۇلى،تەسەۋۋۇر بىلەن باشلاش،ساناق ساناش ئۇسۇلى،بىلەكنى يۇقىرىغا لەيلىتىش ...قاتارلىق ئۇسۇللار بار.
3)        چوڭقۇرلاشتۇرۇش باسقۇچى(Deeping):
گېپنوز قىلىنغۇچىنى يەڭگىل ھالەتتىكى گېپنوز ھالىتىدىن چوڭقۇر گېپنوز ھالىتىگە باشلاپ كىرىشنى كۆرستىدۇ.كۆپ قوللىنىدىغان ئۇسۇللار بولسا،بىلەكنى تۆۋەنگە چۈشۈرۈش،ساناق ساناش،پەلەمپەيدىن چۈشۈش..قاتارلىقلار.بۇ خىل چوڭقۇرلاشتۇرۇش ئۇسۇلىنى ئەھۋالغا قاراپ ئۆزگەرتسە بولىدۇ.ھەم ھەرخىل يېڭى ئۇسۇللار بارلىققا كېلىپ تۇرىۋاتىدۇ.بۇنىڭدا گېپنوز ئۇستىسىنىڭ قانچىلىك تەسەۋۋۇر كۈچى بولسا ،شۇنچىلىك يېڭى ئۈنۈملۈك ئۇسۇللارنى بارلىققا كەلتۈرسە بولىدۇ.
4)        داۋالاش باسقۇچى(Healing):
گېپنوز قىلنغۇچىنىڭ ئېھتىياجىغا ئاساسەن داۋالاش ئېلىپ بېرىلىدۇ.بۇنىڭدا گېپنوز قىلغۇچىدا ياخشى بولغان پىسخولوگىيىلىك داۋالاش ۋە روھىي كېسەللىك ئىلمى قاتارلىق ئارقا كۆرۈنۈشى بولۇشى كېرەك.ھەتتا دىن ۋە پەلسەپە جەھەتتە ئازىراق خەۋەردار بولسا تېخمۇ ياخشى.بۇ باسقۇچ گېپنوزنىڭ كىشنى ئەڭ جەلىپ قىلىدىغان قىسمى دەپ قارىلىدۇ.
5)        گېپنوزنى ئاخىرلاشتۇرۇش(Ending):
گېپنوز قىلىنغۇچىنى گېپنوز ھالىتدىن ئادەتتىكى ئاڭلىق ھالەتكە ئېلىپ كېلىشنى كۆرسىتدۇ.ئۇنىڭغا نىسبەتەن پۈتۈن داۋالاش جەريانىدا ئېنىق بولغان ئەسلىمە بولۇشى ھەم توغرا بولغان بېشارەت بىلەن ئاخىرلاشتۇرۇش كېرەك.كۆپ ھاللاردا ساناق ساناش ئۇسۇلى ئاساسىي ئورۇندا تۇرىدۇ.
تۆۋەندە مەن مىسال كەلتۈرۈش ئارقلىق بۇ باسقۇچلاردىكى ئىشلىندىغان تەرتىپلەرنى چۈشەندۈرۈپ ئۆتىمەن .
كۆپ قىسىم ھەربىر گېپنوز تېخنىكسىنى ئۆگەنگەن كىشلەر «مەن ھەقىقەتەن باشقىلارنى گېپنوز قىلالامدىم »دەپ گۇمان قىلىدۇ.مەنمۇ دەسلەپتە شۇنداق بولغان .گېپنوزنى تۇنجى قېتىم خۇنەن تېلىۋىزىيسىدىن كۆرگەندىن كېيىن دەرھال تورغا چىقىپ بۇنىڭ مەزمۇنىنى كۆردۇم.ھەم گېپنوزغا ئائىت باشقا ئۇچۇرلارنى كۆرۈپ چىقتىم .كىتابخانىغا بېرىپ بۇ توغىرىسىدىكى كىتابلارنى ئىزلىدىم .بىراق تاپالمىدىم .شۇنىڭ بىلەن توردىن سېتىۋالدىم.بۇ كىتابلارنى كۆرۈپ بولغاندىن كېيىن،بىر دوستۇمغا سىناپ باقتىم .دەسلەپتە مەن گۇمان بىلەن ئۇنى گېپنوز قىلالامدىم دىگەن ئوي كەچتى ،بىراق ئويلىغنمنىڭ ئەكسىچە دوستۇم گېپنوز سەزگۈرلۈكى يۇقىرى بولۇپ چىققاچقا مېنىڭ گېپنوزنى ئۆگنىشمنىڭ تۇنجى پاي ئوقىنى ياخشى ئاتالىدىم ھەم مەندە شۇنداق يۇقىرى بولغان ئىشەنچ پەيدا بولدى.كېيىن توردىن سەھنە گېپنوز ماھارەتلىرىنى كۆردۈم ،ھەممسى كىتابتا كۆرگىنىم بىلەن ئوخشاش بولۇپ چىقتى .كېيىن يەنە نۇرغۇن ماتىرىياللارنى كۆردۈم ،بۇ چاغدا كۆرگەن ماتىرىياللىرىم نوقۇل گېپنوزدىن ھالقىپ باشقا مەزمۇنلارغىمۇ ئۆتۈپ  كەتتىم .گېپنوز تېخنىكىسنى ئۆگىنىش ئاسان،خۇددى ھەممە كىشنىڭ ماشىنا ھەيدەشنى ئۆگىنۋالغىنغا ئوخشاش،بىراق ماشىنا ماھىرى بىلەن ئادەتتىكى ماشىنا ھەيدىگۈچى ئوتتۇرسىدا پەرق بار.ئەگەر سىزنىڭ بۇنىڭغا تەلىپڭىز يۇقىرى بولسا ھەم كەسپى بىلىمنى ئۆگىنشىنى خالسىڭىز ،سىزگە بېرىدىغان تەكلىپىم تۆۋەندىكىدەك؛
1)گېپنوزغا ئائىت كىتابلاردىن كۆپرەك ئوقۇڭ.ھەم يېڭى ئۇچۇرلانى قوبول قىلىڭ.
2)كەسپى گېپنوز ئۆگىتىش دەرسىگە قاتنىشىڭ.
3)كۆپ قېتىم كەسپى گېپنوز ئۇستىلىرنىڭ گېپنوزىنى قوبۇل قىلىپ تۇرۇڭ.گېپنوز بولۇشنى سىناپ باققىلى بولۇپلا قالماي يەنە كەسپى بىلىمنى ئىگىلىگلى بولىدۇ.
4)كۆپ قېتىم ئۆز-ئۆزىڭىزنى گېپنوز قىلىپ مەشىق قىلىڭ.
5)پىسخىكا كەسپى ۋە باشقا مۇناسىۋەتلىك كەسىپتىن سىرتقى ئۆگەنگۈچىلەر ئەڭ ياخشىسى كۆپلىگەن پىسخولوگىيگە ئائىت ماتىرىياللارنى كۆرۈپ بېرىڭ .ئۆزڭىزدە تولۇق بولغان پىسخولوگىيىلىك بىلىملەرنى توپلاڭ.
6)ئەگەر سىزنىڭ مەقسىتىڭىز گېپنوز ئۇستىسى بولۇپلا قالماي يەنە گېپنوز داۋالاش مۇتەخەسىسى بولماقچى بولسىڭىز.نۇرغۇن پىسخولوگىيلىك داۋالاش كەسپى بىلىملىرىنى ئىگەللەڭ.كىلىنكىلىق داۋالاش تەجىرىبىلىنى توپلاڭ.
7)باشقلارنى گېپنوز قىلىشنى باشلىغان ۋاقىتتا چوقۇم ئالدى بىلەن گېپنوز سەزگۈرلىكى يۇقىرى بولغان كىشنى تاللاڭ .بۇنداق بولغاندا سىزنىڭ ئۆزىڭىزگە بولغان ئىشەنچىڭىز ئاشىدۇ.ئەكىسچە گېپنوز سەزگۈرلىكى تۆۋەن كىشنى تاللاپ قالسىڭىز سىزنىڭ قىزغىنلىقىڭىز سۇسلاپ قالىدۇ . چۈنكى ياخشى باشلىنىش يېرىم غەلبە .
ئەگەر سىزدە ھەقىقەتەن گېپنوزغا بولغان يۇقىرى دەرىجدىكى قىزىقىش ھەم ئۆزىڭىزگە بولغان چوڭقۇر ئىشەنچ بولسا يۇقىرىدىكى جەريانلارنى ئۆزىڭىز قىلىسڭىزمۇ بولىدۇ ،يەنى كەسپى تەربىيلەش كۇرۇسلىرى دىگەندەكلەرگە قاتناشمسىڭىزمۇ بولىدۇ.ئەلۋەتتە ئارىمىزدىمۇ ھەرقانداق ئنگىلىزچە تەربىيلەش كۇرۇسلىرىغا ياكى دەرسلىرىگە قاتناشماي يەنە ئىنگلىزچە كەسپى ئېمتھانلاردىن ئەلا دەرىجىدە ئۆتكەنلەر كۆپ بولغىنىدەك.چۈنكى« ئەڭ ياخشى ئوقۇغۇچى ۋە ئەڭ ياخشى ئۇستاز دەل ئۆزىڭىز!» شۇڭا بۇ جەريانلارنى ئۆزۈم تاماملايمەن دەيدىكەنسىز بۇنىڭغا ئائىت ھەرقانداق سىزگە ئۇچىرىغان ئۇچۇرلارنى قولدىن بەرمەڭ. ھەم كۆپ كىتاب ۋە ماتىرىياللارنى كۆرۈپ بىرىڭ .پۇرسەت بولسا گېپنوز ئۇستلىرى بىلەن پىكىر ئالماشتۇرۇپ تۇرۇڭ .مەنچە رايونىمىزدىكى گېپنوز بىلەن شۇغۇللىنىدىغانلار بۇ جەھەتتە پىكىر ئالماشتۇرمايدۇ(بەلكىم بۇ ھەقتە ئىزدىندىغانلارنىڭ ئاز بولغىنى ئۈچۈنمىكىن ).مەنمۇ ئۆزۈم پۈتۈن جەرياننى ئۆزۈم ئۆگەنگەن .مەن بۇ جەھەتتە ۋاستە تاللىماي توردىن ھەرقانداق ماتىرىيال،كىتاب،كۆرۈنمە چاستوتىلىق ئۆگىتىش ماتىرىياللىرىنى چۈشۈرۈپ ئۆگەنگەن.سىزمۇ كېيىن بۇ جەھەتتىكى بىلمىڭىزنىڭ كۆپىيىشگە ئەگىشىپ باشقا مەزمۇنلارغا چۆكۈپ كېتىسىز ،مەسلەن پىسخولوگىيىلىك داۋالاش،روھىي كېسەللىك ئىلمى،پەلسەپە دېگەندەك .بۇ پەقەت ۋاقىت مەسلىسى .خۇددى ئاتلان تىل تەربىيلەش مەركىزنىڭ قۇرغۇچىسى قاسمجان ئېيتقاندەك :«مەن ئېنگىلىز تىلى ئۆگەنگەن ۋاقتىمىدا ماتىرىيال ھەم ياخشى مۇئەللىمنىڭ كەمچىل بولۇشى بىلەن ئېنگىلىزچىنى ئۆگىنىشىم قىيىنغا توختىغان ،بىراق سىلەر ھازىر تەلەيلىك ،سىلەرنىڭ ياخشى ماتىرىيالىڭلار بولۇپ قالماي مەندەك ياخشى ئوقۇتقۇچىڭلار بار »دىگىنىگە ئوخشاش مانا ھازىر ئۆز ئانا تىلىڭىزدىكى ماتىرىيال ۋە سىزگە ياخشى بىر ئۇستاز پەيدا بولدى.سىز بۇ كىتابتىن ئاساسىي بىلمىنى ئىگەللسىڭىز .قالغان قىسملارنى ئۆزىڭىزگە تايىنىپ ياخشى ئىگەللسىڭىز ياخشى گېپنوز ئۇستىسى بولۇپ كېتشىڭىزدە گەپ يوق .تۆۋەندە مەن مىسال ئېلىش ئارقىلىق يۇقىرىدا كۆرسىتىلگەن قەدەم باسقۇچلارنى بىر قۇر كۆرسىتىپ ئۆتىمەن.
   مىسال :
  ئۇ قىز دەسلەپ ماڭا تېلفون قىلغان ۋاقتىدە ،مېنىڭ گېپنوز قىلىدىغانلىقىمىنى بىر ساۋاقدىشىن ئۇققانلىقىنى ھەمدە ئۇ ئارقىلىق مېنىڭ تېلفون نومۇرۇمنى تاپقانلىقىنى ئېيتتى .ھەم مەندىن بۇنىڭغا قانچە ھەق ئالىدىغانلىقىنى سورىدى،بۇ چاغدا مەن تېخى بۇنى كەسپى قىلمغان ئېدىم (گەرچە كەسپى بولمىسمۇ بۇ چاغدا ئۆزۈمنىڭ گېپنوز تېخنكامغا چوڭقۇر ئىشنەتتىم ،گەرچە قاتتىق دېتال جەھەتتە كەسپى بولمىسىمۇ ،يۇمشاق دېتال جەھەتتە كەسپى سەۋىيدە ئېدىم)  پەقەت مەندە باشقىلارغا ياردەم بېرىش ئاساسىي مەقسەت ئېدى .يەنى ھەقىسىز قىلاتتىم. باشقىلارنى خوشال قىلسام مېنىڭ بىر كۈنۈم خوشال ئۆتىدۇ دىگەن پوزتسىيدە پەقەت بەزى مەكتەپلەرگە بېرىپ ئوقۇغۇچىلارغا ياردەم بېرىپ گېپنوز قىلغان ئېدىم.چۈنكى مەكتەپتە نېمە قىلغان بىلەن گېپنوزغا كېتدىغان قاتتىق دېتالنىڭ ھەممىسى بار ئېدى .چۈنكى مەن بىر ئوقۇغۇچى بولغاچقا بۇنداق گېپنوز ئارقىلىق مەسلھەت سوراش ئۆيى قىلىشقا قۇربىم يەتمەيتتى ،مەن ئۇنىڭغا ھازىرچە ھەق ئالمايدىغانلىقىمنى ئېيتتىم ھەم بۇنىڭ سەۋەبىنى چۈشەندۈردۈم.بۇ چاغدا فىرانسۇز تىلى ئۆگىنۋاتقان بولغاچقا فىرانسىيىلىك بىر دوستۇم بىلەن بىر ئۆيدە تۇراتتىم.ئۆي يامان ئەمەس ئېدى .مەن ئۇ قىزغا مۇمكىن بولسا بىر دوستىنى ئېلىۋىلىشنى ئېيتتىم .ئەلۋەتتە بىر قىزنىڭ ناتونۇش بىر ئوغۇل بالىنىڭ ئۆيىگە بېرىشقا ئەپسىز ئېدى.
  ئۇلار ئۆيىگە كەلدى .قىزنىڭ قارىماققا راستىنلا چۈشكۈن ئىدى .ئۇنىڭ بۇ خىل ھالىتىگە قاراپ ئىچىم ئاغىرىپ قالدى .ئۇلارغا چاي قويۇپ بېرىپ ،قىزغا ئالدىن تەييارلاپ قويغان جەدىۋەلدىن بىرنى بەردىم .(چۈنكى ئۆيدە كومپىيوتىر ۋە خەت بېسىش ماشىنسى بولغاچقا مەن ئالدىن تەييارلاپ قويغان ئېدىم)ئۇنىڭدا قىزنىڭ ئىسمى ،يۇرتى ،ئالاقىلىشىش ئۇسۇلى،ئائىلە ئەھۋالى،تەربىيلىنىش ئەھۋالى،بۇ يەرگە كېلىپ داۋالىنىش ئەھۋالى.گېپنوز تەجىرىبىسى قاتارلىقلار يېزىلغان ئېدى.
  سوئال سوراش ۋە ئۆز-ئارا چۈشىنىش باسقۇچى(سۆھبەت)
  قىز جەدىۋەلنى تولدۇرۇپ بولغاندىن كېيىن بىز سوئال سوراش ۋە ئۆز-ئارا چۈشىنىش باسقۇچىغا قەدەم قويدۇق .مەن ئۇنىڭ بىلەن بىر ئاز پاراڭلىشىپ، ئۇنىڭ تەلىپى  ۋە ئۇنى قېيىناۋاتقان مەسىلىنىڭ نېمە ئىكەنلىكىنى  ئىگلىدىم.
  ئىسمى XX،ئالىي مەكتەپنىڭ تۆتىنچى يىللىقىدا ئوقۇيدۇ،كەسپى بېئولوگىيە ئىلىمى.ئارلاشقىلى بىر يىل  بولغان ئوغۇل دوستى بار.ھېسياتى تۇراقلىق.بەدىنى ناھايىتى ساغلام .باشقا ھەممە جەھەتتىن نورمال ،قوشۇمچە دورا ئېستىمال قىلمايدۇ.
  ئۇنىڭ ئاتا-ئانسى ئاجىرىشىپ كەتكەن بولۇپ ،ئانسى ئۇ ئون ئىككى يېشىدا قايتا توي قىلغانلىقى .ئۆگەي ئاتسىنىڭ كەمسۆز ،يۇۋاش ۋە مۆمىن ئادەم بولۇپ ئۇنىڭغا ناھايىتى ياخشى مۇئامىلە قىلىدىكەن ،ئۇمۇ ھەم ئۆگەي دادىسىنى ياخشى كۆرىدىكەن.
  ئۇنىڭ مېنى ئىزدەپ كېلىشتىكى مەقسىتى بولسا ئۆزنىڭ يېقىنىدىن بېرى كەيپىياتنىڭ بارغانسىرى چۈشكۈن بولۇپ كېتۋاتقانلىقى .ياشاشنىڭ ئەھمىيتى قالمىغاندەك ھېس قىلىدىغانلىقى.نەچچە قېتىم ئۆلۈپلا ئارام تېپىشنى ئويلىغان بولسمۇ ،بىراق ئاتا-ئانسىنىڭ ئازابلىنىشى ۋە دىننىڭ  تەسىر كۈچى تۈپەيلدىن بۇنداق قىلمىغانلىقى ئېيتىپ كېلىپ گېپىنى داۋاملاشتۇرالماي چايدىن بىر ئوتلام ئىچتى .مەن بۇ چاغدا ئۇنىڭ ئىچكى دۇنياسىنىڭ قۇتقۇزۇش سېگنالى تارقىتىۋاتقانلىقىنى ھېس قىلدىم.
  مەنمۇ ئارتۇق گەپ قىلمىدىم ،ئەگەر ئۇنداق قىلىسام ئۇنىڭ كۆز ياشلىرنىڭ تاراملاپ تۆكۈلۈپ كېتىدىغانلىقىنى بىلەتتىم.مەن پاراڭ تېمىسىنى ئۇنىڭ گېپنوز تەجىرىبىسى ۋە بۇ ھەقتىكى چۈشەنچىسىنى سورىدىم.ئۇ بۇرۇن گېپنوزنى قوبۇل قىلىپ باقماپتكەن (رايونىمىزدا ئەمەلىيەتتە نۇرغۇن ئادەم گېپنوز بۇياقتا تۇرسۇن ئادەتتىكى پىسخولوگىيلىك داۋالاشنى قوبۇل قىلىپ باقمىغان).دوستىنىڭ تېلفونىدىن مېنىڭ بىر مەكتەپتە گېپنوز قىلغان كۆرۈنمە چاستوتىنى كۆرگەنلىكىنى ئېيتتى .بۇ ھەم مېنى ئىزدەپ كېلىشتىكى سەۋەبى ئىكەن.(بۇنداق بولارىنى بىلگەن بولسا ئۇ قىزغا زېۋىدە ھەدىنى تەۋسىيە قىلغان بولاتتىم ،زېۋىدە ھەدە پىسىخولوگىيىلىك بىلىمى مول بۇلۇپلا قالماي بەلكى يەنە ئايال بولۇش سۈپىتى بىلەن ئۇ قىزنىڭ قەلبىنى تېخمۇ بەك چۈشىنەتتى .بۇنداق قىلىش ئارقىلىق مەن مەسئۇلىيەتتىن قاچقىنىم ئەمەس،بەلكى تۇنجى قېتىم ئۆزۈم دېمەتلىك قىزلارغا گېپنوز قىلىشتىن خىجل بولۇۋاتاتتىم.كېيىن مەندە قىلغاندىن كېيىن ئاخىرغىچە ياخشىلىق قىلىش ئېرادىسى پەيدا بولدى )مەن ئۇنىڭ گېپنوز ھەققىدىكى  بىلمنىڭ بىر ۋاراق ئاق قەغەزدەك ئېكەنلىكىنى بىلدىم ۋە بەش مېنۇتتەك ۋاقىت سەرپ قىلىپ ئۇنىڭغا گېپنوز ھەققدىكى ساۋاتلاردىن ئازىراق چۈشەنچە بەردىم .
  باشلاپ كىرىش باسقۇچى(يېتەكلەش باسقۇچى)
ئارقىدىن مەن قىزنى مېھمانخانا ئۆيدىكى سافادا ياتقۇزۇپ ئۇنىڭ بۇ سافاغا ۋە ياستۇققا كۆنۈۋېلىشنى ئېيتتىم .ھەمدە قىزنىڭ ئۈستىگە نېپىز ئەدىيال يېپىپ قويدۇم.  قىز سافادا ناھايىتى راھەت ياتقانلىقى ئېپادىلىدى.مەن ئۇنىڭدىن:« تەييارلىنىپ بولدىڭىزمۇ ؟» دەپ سورىدىم.قىز جاۋابەن كۈلۈمسىرەپ قويدى.
تۆۋەندىكىسى مەن ياقتۇردىغان گېپنوزغا باشلاپ كىرىش ئۇسۇلى .بۇنداق گېپنوزغا باشلاپ كىرگەن ۋاقتىمدا مەنمۇ گېپنوز قىلنغۇچى بىلەن تەسەۋۋۇر قىلىمەن،شۇڭا باشقىلارغا گېپنوز ئېلىپ بېرىش ماڭا نېسبەتەن ئۆزممۇ راھەتلىندىغان ئىش.
  -ھازىر بەدىنىڭىزنى ئەڭ ئازادە ۋە راھەت ھالەتكە ئېلىپ كېلىڭ.
كۆزىڭىزنى يۇمۇڭ،كۆزىڭىزنى يۇمسىڭىزلا سىزنىڭ كاللىڭىز تىنچلىنىپ ئارام تېپىپ قالىدۇ.سىزمۇ ئازادە بولۇپ قالسىز.سېزىمىڭىزغا دىققەت قىلىڭ .سىزنىڭ قەلىبىڭىز بىر ئىللىق نۇرغا ئوخشاش بەدىنىڭىزنى كېزىۋاتىدۇ.ئۇ قەيەردىن ئۆتسە ،شۇ يەر ئازادە شۇنداق راھەت بولۇپ قالىدۇ.
  ھازىرىدىن باشلاپ سىزنىڭ ئىچكى دۇنيارىڭىز شۇنداق جىمجىت بولۇپ كەتتى.سىز باشقا بىر سىرلىق دۇنياغا بېرىپ قالغاندەك بولدىڭىز.سىز پەقەت مېنىڭ ئاۋازىم ۋە مۇزىكىنىڭ ئاۋازىنىلا ئاڭلىيالايسىز.سىرتقى دۇنيانىڭ شاۋقۇن-سۈرەنلىرى سىزگە تەسىر قىلالمايدۇ.ھەتتا سىز تۇيۇقىسىز سىرتقى دۇنيانىڭ شاۋقۇنلىرىنى ئاڭلاپ قالسڭىز ئۇنىڭ تەسىرىگە ئۇچىرىماستىن بەلكى تېخمۇ چوڭقۇر ھەم راھەت بولغان گېپنوز ھالىتىگە ئۆتىسىز.
  ھازىر ،نەپەس ئېلىشىڭىزغا دىققەت قىلىڭ.چوڭقۇر نەپەس ئېلىڭ،بەك كۈچىمەي ئازادە ھەم تۇراقلىق چوڭقۇر نەپەس ئېلىڭ،ئالدىرىماي ھاۋانى سۈمۈرۈڭ ،ئالدىرىماي چىقىرىڭ.ئۆزىڭىزنىڭ ھاۋا تەركىبدىكى ئوكسېگىننى سۈمۈرۈۋاتقانلىقىنى تەسەۋۋۇر قىلىڭ.ئوكېسگىن سىزنىڭ بۇرنىڭىزدىن كىرىپ ،كاناي يولىڭىزدىن ئۆتۈپ،سىزنىڭ ئۆپكىڭىزگە كىرۋاتىدۇ،ئاندىن ئۆپكىدىن سىزنىڭ قېنىڭىزغا ئۆتتى .قېنىڭىزغا ئۆتكەن بۇ ئوكسېگىنلار قېنىڭىز بىلەن ئايلىنىپ بەدىنڭىزنىڭ ھەربىر يېرىگە ،ھەربىر ھۈجەيرىسىگە بارىدۇ.سىزنىڭ بەدىنىڭىزنى يېپيڭى ھاياتى كۈچكە تولدۇرىدۇ.
نەپەسنى سىرتقا چىقارغاندا كاربون تۆت ئوكسىدنى سىرتقا چىقىرۋاتقانلىقڭىزنى تەسەۋۋۇر قىلىڭ.ھەربىر قېتىم نەپەسنى سىرتقا چىقارغاندا سىزدىكى چارچاش،بېزارلىق،جىددىيچلىك ئاشۇ نەپەس بىلەن سىرتقى دۇنياغا چىقىپ كېتىدۇ.ھەربىر نەپەس چىقىرشىڭىز بىلەن سىزدىكى كۆڭۈلسزلىك ۋە بېئاراملىقنىڭ ھەممىسى سىرتقى دۇنياغا چىقىپ كېتىدۇ.
  ھەربىر نەپەس ئېلىش سىزنى تېخمۇ ئېغىر ،تېخمۇ ئازادە ھالەتكە ئېلىپ كېلىدۇ.
  نەپەس ئېلىشڭىزغا دىققەت قىلىڭ.سىز نەپەس ئېلشىڭىزغا دىققەت قىلىۋاتقان چاغدا ،ئوكسېگىن سىزنىڭ بەدىنىڭىزدە ئايلىنۋاتىدۇ،ئايلىنۋاتقان ئوكسېگىن سىزنىڭ ھەربىر ھۈجەيرىڭىزگە كىرىپ ئېنىرگىيە تولۇقلاۋاتىدۇ.سىز قانچە نەپەس ئېلىشىڭىزغا دىققەت قىلىسڭىز بەدىنىڭىز شۇنچە ساغلام ۋە ھاياتىي كۈچكە تولغان بولىدۇ.
  ھازىرىدىن باشلاپ سىزنەپەس ئېلىشڭىزغا دىققەت قىلىش بىلەن بىرگە مېنىڭ يېتەكلىشىمنى قوبۇل قىلىسىز .شۇنداق تەبئىي ،سىزنىڭ ھېچنەرسىنى ئويلىشىڭىزنىڭ ھاجىتى يوق ،مېنىڭ يېتەكلىشمگە ئەگەشسىڭىز بولدى.سىز ناھايىتى تېز چوڭقۇر ھەم ئازادە بولغان گېپنوز ھالىتىگە كىرىسىز .
  ھازىر باش قىسمىغا دىققەت قىلىڭ ،باش تېرىڭىز بوشىشىپ ئازادە بولۇپ كەتتى ...
باش سۆڭىكىڭىزمۇ ئازادە....
قېشىڭىزنىڭ ئەتىراپىدىكى مۇسكۇللار بوشىشىپ ئۆزنى تاشلاپ ئازادە بولۇپ كەتتى....
قۇلاق ئەتراپىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
يۈزىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى
.......
ئېڭىكىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
بوينىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
يەلكە ۋە مۈرىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى.....سىزنىڭ يەلكە ۋە مۈرىڭىزدىكى ئۇزۇن مەزگىللىك جىددىيچىلىك ۋە بېىسملار ھەممسنىڭ چىقىرۋىتىڭ .
ئوڭ بىلىكىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
سول بىلكىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
كۆكرىكىڭىزدىكى مۇسكۇل ۋە سۆڭەكلەرمۇ بوشىشىپ ئۆزنى تاشلاپ ئازادە بولۇپ كەتتى .....
بېلىڭىز ۋە دۈمبىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
قورساق قىسمىڭىزدىكى مۇسكۇللار پۈتۈنلەي ئۆزنى تاشلىۋەتتى ،ھېچقانچە كۈچىمەي سىزنىڭ نەپەس ئېلىشىڭىز شۇنداق ئېغىر ھەم ئازادە بولۇپ كەتتى .
سول يوتىڭىز ،پاقالچىكىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
ئوڭ يوتىڭىز،پاقالچكىڭىزدىكى مۇسكۇللارمۇ بوشىشىپ ئۆزنى تاشلاپ ئازادە بولۇپ كەتتى .....
  تۇراقلىق نەپەس ئېلشىڭىزنى داۋاملاشتۇرۇڭ ،ھەربىر قېتىم نەپەس ئالغان ۋاقتتا سىز بوشىشىپ ،ئېغىرلىشىپ شۇنداق ئازادە ۋە راھەت تۇيغۇدا بولسىز ...
  بۇ چاغدا مەن قىزنىڭ چىرايىغا قارىدىم .ئۇ شۇنداق رېتىملىق نەپەس ئېلۋاتاتتى .قىز ئاللىقاچان يېنىك گېپنوز ھالىتىگە كىرىپ بولغان ئېدى.ئەگەر قىز يېنىك گېپنوز ھالىتىگە ئۆتمىگەن بولسا مەن يەنە باشقا ئۇسۇل-چارىلەر بىلەن ئۇنى گېپنوز ھالىتگە كىرگۈزۈشكە كاپالەتلىك قىلغان بولاتتىم
چوڭقۇرلاشتۇرۇش باسقۇچى
  گېپنوز قىلىنغۇچىنىڭ تەسەۋۋۇر كۈچى ياخشى بولسا پەلەمپەيدىن چۈشۈش ئۈنۈملۈك ئۇسۇل بولغان بولىدۇ.ئەگەر ياخشى بولمىسا قولنى تۆۋەنلىتىش ۋە لەيلىتىش ئۇسۇلى ۋە ساناق ساناش ئۇسۇلى ئۈنۈملۈك بولىدۇ.
  مەن گېپنوز سەزگۈرلىكىنى سىناش نەتىجسىدىن قىزنىڭ تەسەۋۋۇر كۈچىنىڭ ناھايىتى ياخشلىقىنى بىلدىم.شۇنىڭ بىلەن مەن تارىخى ئۇزۇن بولغان پەلەمپەيدىن چۈشۈش ئۇسۇلىنى ئىشلىتىشنى لايىق تاپتىم.
  ھازىر ئۆزىڭىزنى چىرايلىق مەرمەردىن ياسالغان چىرايلىق پاكىز پەلەمپەينىڭ ئالدىدا دەپ تەسەۋۋۇر قىلىڭ .پەلەمپەينىڭ ئون بالدىقى بار.مەن سىزنى يېتەكلەپ بىر-بىردىن تۆۋەنگە چۈشۈرىمەن.
ھەربىر پەلەمپەي تۆۋەنگە چۈشكەن چاغدا ،سىز تېخمۇ چوڭقۇر بولغان گېپنوز ھالىتىگە ئۆتۈپ ماڭسىز،قەلىبىڭىز ۋە پۈتۈن بەدىنىڭىز ئازادە ۋە راھەت سېزىمغا چۆكۈپ كېتىدۇ.
  سىز پەلەمپەيدىن چۈشۈپ يەر ئاستى ئۆيگە چۈشكەن چاغدا ،سىز ئۆزىڭىز ھېس قىلالمايدىغان يوشۇرۇن ئاڭ ئىچىگە كىرىپ كېتىسىز ھەم نۇرغۇن مۇھىم ئەسلىمىلەرنى ئەسلەيسىز،سىزگە ياردىمى بولغان نۇرغۇن پايدىلىق بىلىملەرگە ئېرىشسىز.
  سىز ھازىر بىرىنچى پەلەمپەيدىن چۈشتڭىز،قەلبىڭىز ۋە بەدىنىڭىز ئازادە تۇيغۇغا تولدى.
ئىككىنچى پەلەمپەيدىن چۈشتىڭىز،مېڭىڭىزنىڭ بارغانسىرى جىمجىتلىققا چۆكۈۋاتقانلىقىنى ھېس قىلىدىڭىز .
داۋاملىق ئۈچىنچى پەلەمپەيدىن چۈشتىڭىز،بۇ خىل بارا-بارا ئازادە ۋە راھەت تۇيغۇنى ياقتۇرۇپ قالدىڭىز.
داۋاملىق تۆتىنچى پەلەمپەيدىن چۈشكەن چاغدا ،سىزنىڭ نەپەس ئېلىشىڭىز بارغانسىرى رېتىملىق بولۇپ كەتتى،ھەرقېتىم نەپەس ئالغان ۋاقىتتا ،ناھايىتى ئازادە ۋە راھەت تۇيغۇنى سۈمۈرۈڭ.
سىز بەشىنچى پەلەمپەيدىن چۈشتىڭىز ....سىز بارغانسىرى يوشۇرۇن ئاڭغا ئۆتۈپ ماڭدىڭىز.
ئالتىنچى پەلەمپەيدىن چۈشتىڭىز،پۈتۈن بەدىنىڭىز بىر خىل شۇنداق ئازادە ۋە راھەت تۇيغۇغا كەلدى،خۇددى بارلىق بېسىم ۋە ئۆزىنى قويىۋىتەلمەسلىك ھەممىسى يوقاپ كەتتى .
يەتتىنچى پەلەمپەيدىن چۈشتڭىز ،ھازىر سىز ئېيتقۇسىز راھەت تۇيغۇسىدا ئەللەيلىنۋاتىسىز.
سەككىزىنچى پەلەمپەيدىن چۈشتىڭىز ،سىز بارغانسېرى يوشۇرۇن ئاڭغا چوڭقۇرلاپ كىرىدىڭىز ،خۇددى قەلىب دۇنيارىڭىزغا كىرىگەندەك شۇنداق بېخەتەر ھەم جىمجىت ..
  توققۇزۇنچى پەلەمپەيگە كەلدىڭىز،چوڭقۇر گېپنوز ھالىتىگە ئاز قالدىڭىز.
  سىز ئونىنچى پەلەمپەيدىن چۈشتىڭىز،ئېنچىكە كۆزىتىڭ ،ھېس قىلىڭ ،چوڭقۇر ئازادىلىككە تولغان راھەت تۇيغۇدىن ھوزۇرلىنىڭ.سىز ھازىر يەر ئاستى ئۆيىگە كىرىسىز ...قەلب دۇنيارىڭىزنىڭ ئىچىگە چوڭقۇرلاپ كىرىسىز .....
  پەلەمپەيدىن چۈشۈش ئۇسۇلىنى قوللانغان چاغدا ،گېپنوز قىلنغۇچىغا يەر ئاستى ئۆيىنىڭ قاراڭغۇ ھەم قورقۇنچلۇق ئەمەسلىكىنى مۇقىملاشتۇرۇپ بېرىڭ ،چۈنكى بەزى ئادەملەر يەر ئاستى ئۆيى دېسە كاللىسىغا يەرئاستى ئۆيىگە مۇناسىۋەتلىك قاراڭغۇلۇق ،قورقۇنچ بىلەن باغلىۋالىدۇ،ئەگەر گېپنوز قىلغۇچى قالايمىقان ئىشلەتسە،گېپنوز قىلنغۇچى قارشلىق كۆرسىتدۇ.
  داۋالاش باسقۇچى
  قىز قەلب دۇنيارىنىڭ يەر ئاستى دۇنياسىغا قەدەم قويغاندىن كېيىن ،ئۇنىڭ ئېنتايىن تۆۋەن ئاۋازىدىن ئۇنىڭ ناھايىتى نۇرلۇق ۋە ئارامبەخىش تۇيغۇ ئىچىدە مەستخۇش بولغانلىقىنى بايقىدىم،ئۇ خۇددى بۇنداق ئازادە تۇيغۇدا بولۇپ باقمىغاندەك ئېدى.مەن ئۇنىڭغا ئۈچ مېنۇت ۋاقىت بەردىم ،ئۇ قەلب دۇنياسىنىڭ  خۇشاللىقى ۋە ئازادىلىكىدىن بەھرىمەن بولاتتى.
  ئۈچ مېنۇتتىن كېيىن مەن ئۇنىڭغا :«ھازىر مەن بىردىن ئونغىچە سانايمەن،مەن ساناپ ئونغا كەلگەندە،سىزنىڭ يوشۇرۇن ئېڭىڭىز ئۆتمۈشتىكى مەلۇم بىر ۋاقىت ،سىزگە زىچ مۇناسىۋەتلىك بىر ئىشقا ئۈستىگە قايتىدۇ .بەلكىم سىزنىڭ ئۆتمۈشىڭىز،بەلكىم سىزنىڭ بالىلىق چاغلىرىڭىز،بەلكىم يېقىندىكى بىر چاغ.ئىشقىلىپ يوشۇرۇن ئاڭ سىزنى يېتەكلەپ بارىدۇ.مەن ساناپ ئونغا كەلگەندە ،سىز نېمە كۆرۈشىڭىز،نېمىنى ئەسلىشىڭىزدىن قەتىئينەزەر ،كۆرگەن ۋە ئەسلىگەن ئىشلارنى ئېيتىپ بېرىڭ .ئېيتىپ بولغاندىن كېيىن سىزنىڭ كەيپىياتىڭىز ياخشى بولۇپ كېتىدۇ.ناچار ۋە پاسسىپ كەيپىيات ھەممىسى يوقىلىپ كېتىدۇ.
مەن ساناپ ئونغا كەلگەندە ،ئۇنىڭ كۆز ئالمىسى تېز ھەرىكەتلىنىپ كەتتى،ئادەتتىكى ئەھۋالدا ،بۇ يوشۇرۇن ئاڭنىڭ ئۇچۇر تەمىنلىگەنلىكنىڭ ئېنكاسى،بۇنداق بولغاندە قارشى تەرەپ ئۆتمۈشتىكى مەلۇم بىر ئۇنىڭغا تەسىر قىلغان ئىشنى ئۇنىڭغا قايتا زاھىر قىلىپ بېرىدۇ.
  ناھايىتى تېزلا ئۇنىڭ كۆزىدىن ياش سىرغىپ چىقتى ،قارىماققا ئۇ مەلۇم بىر ئەسلىگەن ئىشى ئۈچۈن ئازابلانغاندەك قىلاتتى .بۇ چاغدا مەن «ناھايىتى ياخشى ،بۇمۇ بىر ياخشى ئىش،سىز كۆز يېشى بىلەن ئىچىڭىزدىكىنى سىرتقا چىقىرىۋېتىڭ »دېدىم.
بىرئازدىن كېيىن ئۈنسىز كۆز يېشى يۇقىرى ئاۋازدىكى قويۇپ بېرىپ يىغلاشقا ئۆتتى .بۇ چاغدا ئۇنىڭ دوستى ئىشكىنى ئاستا ئېچىپ كىردى ،مەن ئۇ قىزغا شەرەت قىلىپ چىقىپ تۇرۇشنى ئېيتتىم.
  چۈنكى بۇ چاغدا قىزنىڭ يوشۇرۇن ئېڭى ئۇنىڭغا ئۆتمۈشتىكى بىر ئازابلىق ئىشنى ئەسلىتۋاتاتتى،ئۇ بۇنى چىقىرىۋېتىشكە مۇھتاج ئېدى.گېپنوز ھالەتتىكى يىغا بولسا بىر خىل ئۈنۈملۈك داۋا بولىدۇ.شۇڭا بۇ قېتىملىق داۋالاش ئۈنۈملۈك بولۇپ كېلۋاتاتتى .
  قىزنىڭ ئېسەدەپ يىغلىشى بېسسىقاندەك بولدى ،بۇ چاغدا مەن ئۇنىڭدىن «بايا نېمە ئىش بولدى؟»دەپ سورىدىم.
  قىز يىغلاپ تۇرۇپ ماڭا ئۆزنىڭ بەش ياش چېغىدا دادسىنىڭ ئاپىسىنى ئۇرغانلىقىنى ،ئۆزنىڭ دادىسنىڭ قېشىغا ئۇنى توسقىلى كەلگەندە ئۇنى ئېتتىرىۋەتكەنلىكىنى .ئۆزنىڭ شۇ چاغدا ناھايىتى قورقۇپ كەتكەنلكىنى ،ئۇ يەنە دادسىنڭ تىزىدىن ئۇستىۋالغانلىقىنى ،داداسنىڭ ئاپسىنى ئۇرۇشتىن توختاپ ئۆيىدىن چىقىپ كەتكەنلىكىنى ئېيتىپ بەردى .
  ئارىدىن ئون نەچچە يىل ئۆتۈپ كەتكەن بولىسمۇ ،قىز بۇنى ئەسلەپ باقىمغان،ئۇ ئۆزىمۇ ئۆزنىڭ بۇنچە يىغلاپ كېتىشىدىن ھەم بۇ ئىشنىڭ كۆز ئالدىدا شۇنداق ئېنىق زاھىر بولغانلىقىدىن ھېسىياتىنىڭ بىراقلا سىرتقا تېشىپ چىقىپ كەتكەنلىكىدىن ھەيران بولدى.
  مەن ئۇنىڭغا ھازىرقى چوڭلارغا ئوخشاش پىشقان ئېپادىلەش قابىلىيىتى بىلەن ئاشۇ ۋاقىتقا قايتىشقا،دادىسنىڭ ئالدىغا بېرىپ ئۇنىڭغا «دادا ئاپامنى بولدى ئۇرما،بىردەم جىم ئولتۇرۇپ ئۆزۈڭنى بېسۋال ،مەن بەك قورقۇپ كېتىدىكەنمەن ..»دەڭ دەپ يېتەكلىدىم.
  مەن ئۇنىڭدىن دادىسىنىڭ قانداق ئېنكاستا بولغانلىقىنى سورىدىم .
ئۇ ،دادام ئاپامنى ئۇرۇشتىن توختاپ مېنى قۇچاقلاپ تۇرۇپ «قورقماڭ قىزىم ،داداڭنى كەچۈر »دېدى،دەپ جاۋاب بەردى.
  مەن ئۇنى  قايتا بۇ ئىشنى بىر قېتىم باشتىن ئۆتكۈزۈشنى ،بۇ قېتىم تىنچ ھەم سالماق كەيپىياتتا ئۇ ئىشلارنىڭ يېنىدا تۇرۇپ ئۆتۈپ كەتكەن ئاشۇ ئىشنى كۆرۈشىنى ھەم بۇ ئىشلارنىڭ ئاللىقاچان ئۆتۈپ كەتكەن بىر ئەسلىمە ئىكەنلىكىنى دەپ ئۇنى يېتەكلىدىم.
  بۇ چاغدا ۋاقتىمۇ بىريەرگە بېرىپ قالغان ،گېپنوزنىمۇ ئاخىرىلاشتۇرىدىغان ۋاقىتمۇ كېلىپ قالدى .
  گېپنوزنى ئاخىرلاشتۇرۇش(گېپنوزنى يېشىۋىتىش)
  مەن ئۇ قىزغا ،ئەمدى گېپنوزنى يېشىدىغان ۋاقىت كەلدى ،مەن بىرىدىن ئونغىچە سانايمەن .مەن ساناپ ئونغا كەلگەندە سىزنىڭ بەدىنىڭ ئازادە بولۇپ كۆزىڭىزنى ئاچىسىز دەپ گېپنوزنى ئاخىرلاشتۇرساممۇ بولاتتى . بۇ چاغدا خۇددى ئاپام ئېيتىدىغان بىر ماقال ئېسىمگە كېلىپ قالدى؛«ئىشنى قىلساڭ پۇختا قىل ،نامىڭ چىقسۇن سودىگەر»دېگەندەك بۇ قېتىمقى گېپنوز شۇنداق ياخشى بولدى ،شۇڭا چوقۇم ياخشى ئاخىرلاشتۇرۇش كېرەك دىگەن ئوي بىلەن  ئادەتتىكى گېپنوز يېشىشتىن باشقا يەنە ئېنىرگىيە تولۇقلاش ئارقىلىق ئاخىرلاشتۇرماقچى بولدۇم. چۈنكى قىز بايا خېلى ۋاقىت يىغلاپ كۈچ سەرپ قىلغان ئېدى.
  ياخشى ،ھازىر گېپنوزنى يېشىدىغان ۋاقىت كەلدى،بايا سىز ئەسلىگەن،باشتىن كەچۈرگەن،ھېس قىلغان ئىشلار سىزنىڭ مېڭىڭىزدە ئەسلىمە بولۇپ قالدى،ئەمدى سىز بۇنى ھەر قېتىم ئەسلىيەلەيسىز ھەم ھەرقېتىم ئەسلىگەن چېغىڭىزدا بۇنىڭدىن زور ئېلھام ۋە ياردەمگە ئېرىشىسز ،ئەشۇ ئەسلىملەر سىزنى تېخمۇ قەيسەر بولۇشقا،ھاياتنى قىزغىن سۆيۈشكە،ھەممىنى قايتدىن باشلاشقا يېتەكلەيدۇ.
  كېيىنكى قېتىم سىز گېپنوز بولغاندا،سىز ئوخشاشلا ئاسانلا ھالدا گېپنوز بولۇپ كېتىسىز.ھەتتا تېخمۇ چوڭقۇر بولغان ھالەتكە كىرىسىز ھەم بۇنىڭدىن ناھايىتى ياخشى ئۈنۈم ئالىسىز.
  ھازىر، سىز ھازىر ئۆزىڭىزنىڭ  بىر تال توخو پېيدەك يەڭگىل بولۇپ كەتكەنلىكىنى پەرەز قىلىڭ .سىز ئاستا-ئاستا يەڭگىل ھالدا يۇقىرى ئۆرلەۋاتىسىز،يۇقىرى ئۆرلەۋاتىسز،بەدىنىڭىز ئاستا يۇقىرى كۆتۈرلىۋاتىدۇ.يۇقىرى كۆتۈرۈلىۋاتىدۇ.كۆتۈرلۈپ خېلى ئىگىزگە چىقتىڭىز.پۈتۈن بەدىنىڭىز ناھايىتى ئازادە ھەم راھەت تۇيغۇدا.سىز بۇ تۇيغۇلار ئىچىدە پەيدەك ئەركىن لەيلۋاتىسىز،سىز شۇنداق ئازادە ۋە ئەركىن ھالدا لەيلۋتسىز ،بەدىنىڭىز شۇنداق ئازادە ۋە ئارامبەخشىلىككە چۆمۈۋاتىدۇ.سىز لەيلەۋاتىسىز،سىز لەيلەۋاتىسىز..پۈتۈن بەدىنىڭىز شۇنداق راھەت تۇيغۇدا.
  ھازىر چوڭقۇر ھەم رېتىملىق نەپەس ئېلىڭ.ھازىر سىزنىڭ كۆز ئالدىڭىزدا بىر دانە چوڭ خرىستال شار پەيدا بولدى،بۇ خرۇستال شار شۇنداق سۈزۈك ۋە نۇرلۇق.ئۇنىڭدىن چىقىۋاتقان ئىللىق نۇر ھازىر سىزنىڭ پۈتۈن بەدىنىڭىزنى ئورۇۋالدى،سىز قولىڭىزنى چىقىرىپ چىقۋاتقان ئىللىق نۇرغا تۇتتىڭىز،نۇر قولىڭىزدىن پۈتۈن بەدىنىڭىزگە تاراۋاتىدۇ.سىزگە توختىماي ئېنىرگىيە ئاتا قىلۋاتىدۇ.سىزنىڭ بەدىنىڭىز خۇددى بىر باتارىيىگە ئوخشاش ئېنىرگىيە قاچىلاۋاتىدۇ.سىز قولىڭىزغا قاردىڭىز ،قولىڭىز شۇنداق نۇرلۇق بولۇپ كەتتى ،سىز كۈلۈمسىرىدىڭىز ،چۈنكى ھازىر شۇنداق تېتىك ،ھاياتى كۈچىڭىز ئۇرغۇپ تۇرىدۇ.
نەپەس ئېلىشنى داۋاملاشتۇرۇڭ ،نەپەس ئالغانسىرى سىز نەپسىڭىزنىڭ شۇنداق راۋان بولۇۋاتقانلىقىنى ھېس قىلۋاتىسز ،شۇنداق ساپ ھاۋا سىزنىڭ بەدىنىڭىزگە تاراپ سىزنى تېخمۇ تېتىك قىلماقتا.سىز نۇرغۇن ئىللىق نۇرلانى قوبۇل قىلدىڭىز ،يەنە داۋاملىق قوبۇل قىلىڭ ،بۇ ئىللىق نۇرلار سىزنىڭ بەدىنىڭىزنى ساغلام كەيپياتىڭىزنى شۇنداق خاتىرجەم قىلىدۇ ھەم سىزنىڭ يولۇققان ھەربىر ئىشقا بولغان تولۇپ تاشقان ئىشەنچىڭىزنى ئاشۇرۇدۇ.سىز ئويلىغان ھەرقانداق ئىشنى قىلالايسىز.ئېسڭىزدە بولسۇن سىزنىڭ كەيپىياتىڭىز كۈندىن كۈنگە ياخشى بولۇپ كېتىدۇ.
  ھازىر ئوندىن بىرگىچە ساناپ كەلگەندە سىز كۆزىڭىزنى ئاچىسىز ۋە رېئال دۇنياغا قايتسىز.ناھايىتى نورمال ھالەتكە قايتسىز ھەم شۇنداق تېتىك ھاياتى كۈچكە تولغان بولىسز ھەم پۈتۈنلەي يېشىلىپ كېتسىز.
ئون  ئاستا يېشىلىڭ،پۈتۈن بەدىنىڭىز شۇنداق ئازادە ۋە راھەت.
توققۇز بارغانسىرى سەگەكلىشۋاتىسز.
سەككىز بەدىنىڭىز بارغانسىرى نورمال ھالەتكە قايتىۋاتىدۇ.
يەتتە بارغانسىرى سەگەكلشىۋاتىسز.
ئالتە كەيپىياتىڭىز خاتىرجەم بولىۋاتىدۇ.
بەش بارغانىسرى سەگەكلىشۋاتىسز.
تۆت پۈتۈن بەدىنىڭىزنىڭ بارغانسىرى ھاياتى كۈچكە تولۇۋاتقانلىقىنى ھېس قىلۋاتىسىز.
ئۈچ بارغانسىرى سەگەكلىشۋاتسىز.
ئىككى پۈتۈنلەي يېشىلەي دېدىڭىز،كەيپىياتىڭىز شۇنداق ياخشى.
بىر كۆزىڭىزنى ئېچىڭ ،كۆزىڭىزنى ئۇۋىلاپ بېقىڭ،قۇلاقلىرىڭىزنى ئۇۋىلاپ بېقىڭ،يۈزڭىزنى سىلاپ بېقىڭ،چوڭقۇر نەپەس ئېلىڭ،بەدىنڭىزنى ھەرىكەتلەندۈرۈپ بېرىڭ.سىز پۈتۈنلەي سەگەكلىشىپ كەتتىڭىز.ئۇچ قېتىم چاۋاك ئۇرۇپ ئۆزىڭىزنىڭ كەيپىياتنىڭ ناھايىتى ياخشى بولۇپ كەتكەنلىكنى تەبرىكلەڭ.
  قىز بۇ چاغدا قارىماققا شۇنداق روھلۇق ۋە تېتىك تۇراتتى ،ئۇ كۆزلىرىنى ئاچقان چاغدا خۇددى ئۆزنىڭ بايىلا شۇنداق بىر ئازادىلىك ئىچىدىن قايتىپ كەلگەندەك كۈلۈمسىرەپ تۇراتتى .
  مەن «كەيپىياتىڭىز شۇنداق ياخشى ھە ؟»دەپ سورىدىم .
ئۇ بېشىنى لىڭشىتىپ ماڭا قاراپ كۈلۈمسىرەپ قويدى .
  
3.2 سىزمۇ گېپنوز قىلالايسىز
  ئالدىنقى مەزمۇندا گېپنوزنىڭ ئاساسىي باسقۇچلىرىنى بىلۋالدىڭىز .ئەمدى گېپنوز قىلىشنىڭ قەدەم باسقۇچىلى بويىچە بۇنى باشلايمىز ،تەييارلىنىپ بولىدىڭىزمۇ ؟چوڭقۇر بىر نەپەس ئېلىڭ ھەم %200 ئىشەنچ بىلەن ئۆزىڭىزگە ئىشنىڭ.
   ★ سىرتقى قىياپەت ۋە پوزىتسىيە-ئالدى بىلەن خاتىرجەملىك تۇيغۇسى بېرىش     بۇ بابتا تونۇشتۇرۇلدىغىنى گېپنوزنىڭ ئاساسىي خىزمەت ئۇسۇلى تونوشتۇرۇىلىدۇ،ئالدىنقى بابتىكى ئاساسىي پىرىنسىپلارنى ئۆگىنىپ بولىدىڭىز ،ئەمدى پىششىقلاش باسقۇچى ئارقىلىق سىز گېپنوز ئۇستىسى بولۇشنىڭ تۇنجى قەدىمىنى باسىسىز.
  ئالدى بىلەن سىناق قىلنغۇچىدا ياخشى ئوبراز قالدۇرۇڭ،بۇ مەقسەتكە يېتىش ئۈچۈن ئالدى بىلەن ئۆزىڭىزنىڭ سىرتقى قىياپىتىگە ناھايىتى دىققەت قىلىڭ.
  ئەگەر گېپنوز قىلنغۇچى سىزنى مەينەت ھېس قىلسا ،ئۇنىڭغا قارىتا گېپنوز يېتەكلەش تەسكە چۈشىدۇ .بەلكىم گېپنوز قىلنغۇچى سىزنىڭ قولىڭىزغا دىققەت قىلماسىلىقى مۇمكىن ،بىراق بۇنىڭ كاپالەت بېرەلمەيسىز ،شۇنىڭ ئۈچۈن قول تىرناقلىرىڭىزنىڭ پاكىزدە بولۇشىغمۇ دىققەت قىلىڭ .
  تۇنجى قېتىمىدىلا سىزنىڭ ياخشى بولغان قىياپىتىڭىز ئۇنىڭدا چوڭقۇر تەسىر قالدۇرىدۇ.شۇڭا تۇنجى قېتىملىق بەرگەن ئوبرازىڭىزنىڭ پاكىزە بولۇشىغا كاپالەتلىك قىلىڭ .
  ئۇنىڭدىن باشقا ئېپادىڭىز سالماق ۋە تۇراقلىق بولسۇن ،ئەگەر قارشى تەرەپ سىزدىن گېپنوزغا ئائىت سوئاللارنى سورىسا ئەستايدىللىق بىلەن جاۋاب بېرىڭ.ئەگەر كۆزگە ئىلمىغاندەك جاۋاب بەرسىڭىز قارشى تەرەپتە ياخشى تەسىر قالدۇرالمايسىز،گېپنوزمۇ بۇ يەردە ئاخىرىلىشىدۇ.
  ئەگەر بىرگە بىر گېپنوز بولسا دوختۇرنىڭ بېمارغا بولغان پوزىتسىيىسى بىلەن مۇئامىلە قىلىڭ.ئەگەر كۆپ بولسا مۇئەللىمنىڭ ئوقوغۇچىلارغا بولغان پوزىتسىيىسى بىلەن مۇئامىلە قىلىڭ.ئەلۋەتتە بۇ ئويدىكىدەك ھالەت.بولسا ئەمەلىي ئەھۋالغا نىسبەتەن ئۆزىڭىزنىڭ كۈچىنىڭ يېتىشچە ياخشى مۇئامىلە قىلىپ ئۇنىڭدا ئازادىلىك ۋە خاتىرجەملىك تۇيغۇسى ھاسىل قىلىڭ ،بۇندىلا گېپنوز يېتەكلىشنىڭ ياخشى ئېلىپ بېرىلىشغا كاپالەتلىك قىلالايسىز .
★ مۇھىت –گېپنوز قىلنغۇچىغا ئازادە مۇھىت يارىتىپ بېرىڭ
  گېپنوز تېخنىكىسغا ياخشى بولسىڭىز ،ياخشى بولمىغان مۇھىت ئىچىدىمۇ گېپنوز قىلالايسىز.بىراق،دەسلەپكى ئۆگەنگۈچىلەرگە نىسبەتەن ياخشى بولغان گېپنوز مۇھىتى تەييارلىۋىلىش گېپنوزغا مۇۋاپىق بولغان كەيپىيات يارىتشقا پايدىلىق.
  ئالدى بىلەن ئۆينىڭ چوڭ-كىچىكلىكىنى ئويلىشىڭ ،ئۆي بەك چوڭ بولۇپ كەتسە گېپنوز قىلغۇچىنىڭ بېشارەت بېرىشى سەل تەسكە چۈشىدۇ،بەك كىچىك بولۇپ قالسا ،گېپنوز قىلنغۇچىدا ئىچى سىقىلىش تۇيغۇسى ھاسىل قىلىپ قويىدۇ،بۇنىڭدا ئۇنىڭ دىققىتىنى يىغىشى تەسكە توختايدۇ.شۇڭا ئۆينىڭ چوڭ-كىچىلىكى مۇۋاپىق بولۇشى كېرەك .
  ئۇنىڭدىن باشقا ئۆينىڭ قاراڭغۇ-يورۇقلۇق دەرىجسى،ئادەتتە گېپنوز قىلنغۇچىلارنىڭ تېخمۇ دىققىتىنى يىغىشى ئۈچۈن ئۆينىڭ يورۇقلۇق دەرىجسى قاراڭغۇراق قىلىپ لايىھىلىنىدۇ،بىراق بەك قاراڭغۇ بولۇپ كەتسە قارشى تەرەپتە خاتىرجەمسىزلىنىش تۇيغۇسى پەيدا قىلىپ قويىدۇ.قۇياش نۇرنىڭ بىۋاستە چۈشۈشىدىن ساقىلنىڭ.ئىشقىلىپ باشقا يەنە گېپنوز قىلنغۇچىنى بېئارام قىلىدىغان ھەرقانداق ئامىللاردىن ساقلىنىڭ.
★  كەيپىيات
  گېپنوز قىلغان چاغدا كەيپىيات گېپنوز قىلنغۇچىنىڭ ھېسياتىغا ماس قەدەمدە بولۇشى كېرەك.چۈنكى قارشى تەرەپ گېپنوز ھالىتىگە كىرىشكە باشلىغان چاغدا ،كەيپىيات بېشارەتنىڭ ئۈنۈملۈك قوبۇل قىلىنىشغا تەسىر كۆرستىدۇ.
★ قارشى تەرەپنىڭ ماسلىشىشنى قولغا كەلتۈرۈڭ
  ئەگەر گېپنوز قىلنغۇچى مەلۇم بىر پايدىلىق ئەھۋالغا ئېرىشەلمىسە ،ئۇنىڭ گېپنوز بولۇشى قېيىنغا توختايدۇ.يەنى گېپنوز ھالەتكە كىرىش ئۈچۈن مەلۇم پايدىلىق شارائىتقا مۇھتاج بولىدۇ.
  چۈنكى گېپنوزدا گېپنوز قىلنغۇچى ئاساسىي ئوبىيكىت،شۇڭا پۈتۈن كۈچ بىلەن ئۇنىڭ ماسلىشىشنى قولغا كەلتۈرۈڭ .مەسلەن ،ئۇنىڭدىن ئىسمنى سورىغان چاغدا ،ئەگەر ئۇ ئېلشاد دەپ جاۋاب بەرسە مېنىڭ ئېنمنىڭ ياكى نەۋرە ئېنمنىڭ ئىسمى ئېلشاد ياكى يۇرتىنى سورىغان چاغدا قەشقەردىن بولسا ،مېنىڭ تېگىم قەشقەردىن ،يۇرتۇم قەشقەردىن،ياكى قەشقەر شۇنداق ياخشى يۇرت ،شۇنداق بارغۇم بار  دىگەندەك جاۋابلار بىلەن قارشى تەرەپتە يېقىنچىلىق تۇيغۇسى پەيدا قىلىڭ .گېپنوز قىلنغۇچىنىڭ ماسلىشىنى قولغا كەلتۈرۈپ بولغاندىن كېيىن ئۇنىڭىدىكى خاتىرجەمسىزلىنىش تۇيغۇسنى يوقىتىشقا ياردەم بېرىڭ .
★خاتىرجەمسىزلىكىنى يوق قىلىش
  گېپنوز قىلىشتىن بۇرۇن مەن قارشى تەرەپتىن «گېپنوزغا نىسبەتەن گۇمان ۋە خاتىرجەمسىزلىنىش تۇيغۇسى بارمۇ ؟» دەپ سورايمەن.كۆپ ئاڭلايدىغان جاۋابىم «ئەگەر گېپنوز بولۇپ قالسام ،گېپنوزدىن ئويغىنالمىسام قانداق بولىدۇ؟»دىگەن شۈبھە .بۇنداق گۇمانغا يولۇققا چاغدا سىز ناھايىتى ئەستايدىللىق بىلەن ئۇنىڭغا گېپنوز ھەققىدە چۈشەنچە بېرىڭ .
« مۇنداقچە قىلىپ ئېيتقاندا گېپنوز بىر قارىسا ئۇخلاپ قېلىشقا ئوخشايدۇ،بىر قارىسا ئاڭنى يوقاتقانغا ئوخشايدۇ،بىراق گېپنوز ئاڭنى يوقىتىش ئەمەس.گېپنوز ھالىتىنى سەگەك ياكى سەگەك ئەمەس ھالىتى ئارقىلىق ئۆلچەنمەيدۇ،بەلكى يىغىلغان دىققەتنىڭ تەسىرگە ئۇچىرىماسلىقى ئارقىلىق بەلگىلىنىدۇ،گېپنوز ھالىتى يوشۇرۇن ئاڭ ھالىتىدە كۈچلۈك قىزىقىش ئارقىسىدا دىققەتنىڭ يىغىلىشى ،خۇددى كىچىك بالىنىڭ ئويۇنغا كىرىشىپ ھەممىنى ئۇنۇتقىنىغا ئوخشايدۇ.»
  بۇ ئەمەلىيەت ،ھەرگىز گېپنوز قىلنغۇچنى خاتىرجەم قىلىش ئۈچۈن توقۇغان ھېكايە ئەمەس.
بۇنىڭغا ئوخشاش گېپنوز قىلنغۇچىنىڭ سوئاللىرىغا تەپسىلى جاۋاب بېرىپ ئۇنىڭدىكى گېپنوزغا ئائىت پاسسىپ كۆز قاراشلارنى يوقىتىڭ.
★  ئۆزئارا ئىشەنچ گېپنوزنىڭ چوڭقۇرلىقىنى بەلگىلەيدۇ
  ئۆزئارا ياخشى مۇناسىۋەت گېپنوز قىلغۇچى ۋە قىلنغۇچى ئوتتۇرسىدىكى ئىشەنچنىڭ دەسلەپكى ئامىلى.گېپنوز يېتەكلىشى ئېلىپ بېرىشتىن بۇرۇن چوقۇم ئۆزئارا ئىشەنچ پەيدا قىلىش كېرەك .
  ئەگەر گېپنوز قىلنغۇچى «بۇ گېپنوز قىلغۇچى گېپنوز قىلغاندىن كېيىن قانداق بولىدۇ»دىگەندەك گۇمان پەيدا بولسا ،ئۇ چاغدا سىزنىڭ ئەمگىكىڭىز يوققا چىقىدۇ ،بۇنى ئۆزىمىزنى ئورنىغا قويۇپ تەھلىل قىلساقلا بۇنىڭ جاۋابى چىقىدۇ،ئەگەر سىز گېپنوز قىلىنىش ئالدىدا ،سىزنى گېپنوز قىلماقچى بولغان ئادەمنىڭ قانداق ئادەم ئېكەنلىكىنى بىلمىسىڭىز ياكى ئۇنىڭ سىزگە ئۆزىڭىز قىلىشنى خالىمايدىغان ئىشلارنى قىلدۇرۇپ قويۇشىدىن ئەنسىرسىڭىز قانداق بولىدۇ .بۇ يەردىمۇ ئوخشاش ،سىز گېپنوز قىلماقچى بولغان سىناق قىلنغۇچىدا سىزگە بولغان ئىشەنچ تۇيغۇسىنى شەكىللەندۈرۈڭ .
  ئۇنىڭدىن باشقا ،قارشى تەرەپنى «ئەخمەق»قىلماڭ،ئەگەر قارشى تەرەپ سىزنىڭ ئۇنى ئەخمەق قىلۋاتقانلىقىنى سەزسە ياكى ئەخمەق قىلىنغاندەك ھېس قىلسا گېپنوز بۇنىڭ بىلەن ئاخىرىلشىدۇ.قارشى تەرەپنى ئەخمەق ساددا ھېس قىلسىڭىز ،سىزنىڭ بەرگەن بېشارىتىڭىزمۇ ئەخمەق قىلغاندەك تۇيغۇ بېرىدۇ.شۇڭا ھەرگىز قارشى تەرەپنى ئەخمەق قىلغاندەك تۇيغۇنى بېرىپ قويماڭ.
  ئۆزئارا ئىشەنچىنىڭ شەكىللىنىشگە مەلۇم ۋاقىت كېتىدۇ،بىراق گېپنوزدا بەزى ئۇسۇللار بىلەن تېزلىكتە ئۆزئارا ئىشەنچ مۇناسىۋىتىنى تۇرغۇزغىلى بولىدۇ.
تۆۋەندە مەن ئۆزئارا ئىشەنچنى بارلىققا كەلتۈرۈشنىڭ ئۇسۇلىدىن  مىسال قىلىپ ئۆتىمەن ،ئەلۋەتتە ،سىزنىڭ گېپنوز تېخنىكىڭىزنىڭ ئۆسۈشىگە ئەگىشىپ سىزمۇ باشقا يېڭى ئۇسۇللارنى ئىجاد قىلسىڭىزمۇ بولىدۇ.
ئۆز-ئارا ياخشى مۇناسىۋەتنى شەكىللەندۈرۈش باسقۇچىدا ئالدى بىلەن قارشى تەرەپنىڭ يوشۇرۇن ئېڭى بىلەن بىردەكلىكنى ساقلاڭ.چۈنكى يوشۇرۇن ئاڭدا ناھايىتى ئېپتىدائىي ھېسيات بار ،ئۇ ئېنىق ھالدا قارشى تەرەپنىڭ دۈشمەن ياكى دوست ئېكەنلىكىنى ئايرىپ چىقالايدۇ ،بۇ خۇددى سىزنىڭ مەلۇم ئادەمنى تونۇمسىڭىزمۇ ئۇنى بىر خىل ئۆچ كۆرۈپ قېلشىڭىزغا ئوخشايدۇ ،ئۇ ئادەمنى سىز تونۇمايسىز ياكى ئۇ سىزگە زىيانكەشلىك قىلمىغان.ئۇنىڭ يوشۇرۇن ئېڭىدا «مەن بىلەن ئوخشاش»دىگەن تۇيغۇنى پەيدا قىلالىسڭىز ياخشى بولغان ئۆزئارا ئىشەنچنى پەيدا قىلالايسىز.
  1)ئەينەككە قاراش
  گېپنوز ھالىتىدە،گېپنوز قىلنغۇچغا كۆزىنى ئېچىپ،ئۆزىڭىزنىڭ كۆزىگە قاراشنى ئېيتىڭ ھەم ئۇنىڭ كۆزىگە قاراڭ.ئەگەر بۇ چاغدا گېپنوز قىلغۇچى قولىنى قۇلقىغا ئاپارسا ،گېپنوز قىلنغۇچىمۇ قولىنى قۇلقىغا ئاپىرىدۇ.بۇ گېپنوز قىلغۇچى بىلەن قىلنغۇچىنىڭ يوشۇرۇن ئېڭىنىڭ ياخشى مۇناسىۋەتنى شەكىللەندۈرگەنلىكنىڭ ئىسپاتى .يەنى ئۆزئارا ئىشەنچنىڭ شەكىللەنگەنلىكىنىڭ بەلگىسى.
  ئاساسىي ئۇسۇلى ھەرىكەت ۋە قىياپەتنى دوراش،خۇددى گېپنوز قىلنغۇچى ئەينەككە قارىغانغا ئوخشاش ،بىردەك بولىدىغىنى ئۇنىڭ يوشۇرۇن ئېڭى .ئەگەر قارشى تەرەپ ھېس قىلالسا ،يەنى ئاڭلىق ھېس قىلىپ يېتەلىسە بۇنىڭ ئۈنۈمى بولمايدۇ.
  بۇخىل ھەركەتنى بىر ئاز ۋاقىت ئېلىپ بارغاندىن كېيىن گېپنوز قىلغۇچىدىمۇ ئورتاق تۇيغۇ بولىدۇ،ئىختىيارسىز ھالدا سىزنى ياخشى كۆرۈپ قالىدۇ.بۇ «ئەينەككە قاراش»ئۇسۇلى دەپ ئاتىلىدۇ.
2)كۈچلۈك سەزگۈ تىپى
كىشىلەر بەش ئەزاسى ئارقىلىق ئۇچۇرغا ئېرىشىدۇ،بۇنىڭ ئىچىدە ئەڭ سەزگۈر ھېسياتى  «باشقۇرۇش سېستىمىسى»دەپ ئاتىلىدۇ،قارشى تەرەپنىڭ رەھبەرلىك قىلىدىغان سېستىمىسىغا ماسلىشىش ئورتاق ھېسياتنىڭ شەكىللىنىشگە پايدىلىق ،بۇ ئارقىلىق قارشى تەرەپنىڭ ئەڭ سەزگۈر ئۇچۇر قوبۇل قىلىدىغان ئەزاسىنى بىلىپ ئۇنىڭغا ماسلىشىش ئۆزئارا ئىشەنچىنىڭ تېز پەيدا بولۇشىغا پايدىلىق،بۇ تەبئىي ھالدا گېپنوز قىلىنىش سۈرئىتىنى تېزلەشتۈرىدۇ.
  مەسلەن قارشى تەرەپتىن ئالما ئېسىگە كەلسە بىرىنچى بولۇپ ئېسىگە كېلىدىغان ھېسياتنى سورسىڭىز قارشى تەرەپ «قىزىل»ياكى«يېشىل » دەپ جاۋاب بەرسە ،قارشى تەرەپنىڭ كۆرۈش سېزىمنىڭ تەرەققىي قىلغانلىقىنى چۈشەندۈرۈپ بېرىدۇ.ئەگەر چىشلسە «قاراس»قىلغان ئاۋاز چىقىدۇ دېسە،بۇ ئۇنىڭ ئاڭلاش سېزىمنىڭ تەرەققىي قىلغانلىقىنى چۈشەندۈرۈپ بېرىدۇ،ئەگەر ناھايىتى خۇشپۇراق دېسە ئۇنىڭ پۇراش سېزىمنىڭ تەرەققىي قىلغانلىقىنى چۈشەندۈرۈپ بېرىدۇ .بۇ مىسال ئۈچۈن ئېلىندى ،تۆۋەندە بىرقىسىم سەزگۈ تىپىدىكلەرنىڭ ئالاھىدىلكى بېرىلدى.
كۆرۈش سەزگۈسى تىپىدىكلەر :
مىدىر-سىدىر قىلماي ،ئالدىغا تۈز قاراپ ئولتۇرۇدىغان ياكى ئۇچۇرىغا ئېرىشكەندە يۇقىرىغا قارايدىغان كىشلەر ئادەتتە كۆرۈش سەزگۈسى تىپىدىكلەردۇر .
كۆرۈش سەزگۈسى تىپىدىكلەردىن يول سورىسىڭىز،ئۇ بىر پارچە خەرىتە سىزىپ چۈشەندۈرۈشكە ئامراق .ئۇ بىر قېيىن مەسىلىنى چۈشەنگەندە :«نېمە دەيدىغانلىقىڭىزنى چۈشەندىم »دەيدۇ ،ئەگەر رېستۇراندا ئۇنىڭغا تاماق تىزىملىكىنى ئوقۇپ بەرسىڭىز ،ئۇ تاماق تىزىملىكىنى ئۆزۈم كۆرۈپ باقاي دەيدۇ .كۆپ ساندىكى كۆرۈش سەزگۈسى تىپىدىكلەر (ھەممىسى ئەمەس) تەرتىپلىك ،رەتلىك ۋە پاكىز بولۇشقا ئامراق ۋە كېيىم-كېچەككە بەك ئەھمىيەت بېرىدۇ .
ئاڭلاش سەزگۈسى تىپىدىكلەر:
ئۇچۇرىغا ئېرشكەندە كۆزى بىر تەرەپتىن يەنە بىر تەرەپكە قارايدىغان ياكى كۆزىنى ئاستىغا قىلىپ،ئۆزىنىڭ «ئاجىز» تەرىپى (ئوڭ قولىدا خەت يازىدىغان كىشلەر سولغا قارايدۇ )گە قارايدىغان كىشلەر ئاڭلاش سەزگۈسى تىپىدىكلەردۇر .
ئاڭلاش سەزگۈسى تىپىدىكلەر ئادەتتە بىر پارچە كىتاب ياكى بىر پارچە يېتەكچلىك قوللانمسىنى ئوقۇشقا قىزىقمايدۇ ،ئۇ چوقۇم مەزمۇنىنى سورايدۇ ،بىر كېنونى باشقىلار ماختسا كۆرۈش تىپىدىكىلەر دەرھال كۆرۈشكە ئالدىرايدۇ ،ئاڭلاش تىپىدىكلەر مەزمۇنىنى ئاڭلاشنى ياخشى كۆرىدۇ .ئۇ بىر قېيىن مەزمۇننى چۈشەنگەندە :«مەن دېگەنلىرىڭىزنى ئاڭلاپ چۈشەندىم »دىگەنگە ئوخشاش سۆزلەرنى قىلىدۇ .
ھەرىكەت سەزگۈسى تىپىدىكلەر :
ھەرىكىتى بىر قەدەر كۆپ ،ئۇچۇرغا ئېرىشكەندە ياكى ئۇچۇرنى ئەستە ساقلىغاندا ،ئوڭدىن ئاستىغا قارايدىغان ،ئوڭ قولىدا خەت يازىدىغان ،شۇنىڭ بىلەن بىر ۋاقىتتا ،ناھايىتى ئاستا سۆزلەيدىغان كىشلەر ھەرىكەت سەزگۈسى تىپىدىكى بولۇشى ئېھتىماللىقى ناھايىتى يۇقىرى.
ھەرىكەت سەزگۈسى تىپىدىكلەرنىڭ ھەرىكتى بىر قەدەر كۆپ بولىدۇ ،توختىماستىن ھەرىكەت قىلىشنى ئويلايدۇ .ئەگەر .ئۇ سىزنى تاساددىپى ئۇچىرتىپ قالسا قىلچە ئىككلەنمەي سىزنى قۇچاقلايدۇ .ئۇ بىر قېيىن مەسىلىنى چۈشەنگەندە «كەيپياتىم ياخشى»دىگەندەك سۆزلەرنى قىلدۇ
  قارشى تەرەپنىڭ تەرەققىي قىلغان سەزگۈ تېپىنى بىلگەندىن
كېيىن پاراڭلىشىش جەريانىدا قارشى تەرەپنىڭ بۇ ئالاھىدىلكىنى تۇتۇپ سۆھبەت ئېلىپ بارسىڭىز ئۆزئارا ئىشەنچنىڭ تېز يېتىلىشگە پايدىسى بار.
★ گېپنوز قىلنغۇچىنىڭ بەدەن ھالىتى
  گېپنوز تېخنىكىسغا پىششىق بولۇپ بولغاندىن كېيىن،قارشى تەرەپ گېپنوز قىلنىپ بولغاندىن كېيىن ئۇنىڭ بەدەن ھالىتىگە ئۆزگەرتىش ئېلىپ بارسىڭىزمۇ بولىدۇ.بىراق يېڭى ئۆگەنگۈچىلەرگە نىسبەتەن مۇۋاپىق بەدەن ھالىتدىن باشلاش كېرەك .
بۇنىڭدا ئالدى بىلەن گېپنوز قىلىنغۇچىنى ئوڭدىسىغا ياتقۇزۇپ،ئىككى قولىنى بەدەن بىلەن مۇۋاپىق ئارلىق قالدۇرۇپ قويغاندىن كېيىن باشلىساق بولىدۇ.
  بۇنداق بولغاندا بەدەندىكى قاننىڭ ئايلىنىشى راۋان بولىدۇ،شۇڭا بەدەننىڭ ھەرقانداق بىر قىسىمى ئەگرى بولۇپ قالماسلىقى كېرەك ،ئىككى پۇتمۇ مۈرە كەڭلىكىدە ئېچىلىپ تۇرىدۇ.
رەسىم بار

  بۇنىڭدىن باشقا ئورۇندۇقتا ئولتۇرغۇزۇش ئۇسۇلىمۇ بولىدۇ.
  گېپنوز قىلىنغۇچىنى ئازادە ھالدا ئورۇندۇقتا ئولتۇرغۇزغاندىن كېيىن تاپان قىسمى تىزنىڭ سەل ئالدىغىراق بولىدۇ،بۇ ئەڭ مۇۋاپىق ھالەت.
رەسىم بار







  ئورۇندۇقتائولتۇرۇش ھالىتىدە ،بەل قىسىمى ئورۇندۇق بىلەن مۇۋاپىق ئارلىق ساقلىشى كېرەك ،ئىككى پۇتمۇ ئېچىلىپ تۇرۇشى ھەم يەرگە تەكسى تېگىپ تۇرۇشى كېرەك .
★ نەپەس ئېلىش
  نەپەس ئېلىش ئاڭلىق نەپەس ئېلىشىنى ئۆزگەرتىشنى كۆرسىتدۇ،قارشى تەرەپكە گېپنوز قىلىشتىن بۇرۇن ،بۇ بىر مۇھىم ھالقىلارنىڭ بىرى،چۈنكى گېپنوز ھالىتى ئاڭ ھالىتى ئۆزگەرگەندىن كېيىنكى ھالەت،ئادەمنىڭ ئاڭ ھالىتى ئۆزگەرگەندىن كېيىن ،نەپەسمۇ ئۆزگىرىدۇ،بولۇپمۇ گېپنوز ھالىتىدە نەپەس تۇراقلىق ھەم رېتىملىق بولغان بولىدۇ.
  مۇنداقچە قىلىپ ئېيتقاندا،ئادەمنڭ ئادەتتىكى نەپەس ھالىتىنى ئۆزگەرتىپ ،رېتىملىق ھەم تۇراقلىق ھالەتكە ئېلىپ كەلگەندىن كېيىن ،سىناق قىلنغۇچىمۇ گېپنوز ھالىتىگە يېقىنلاپ بارىدۇ.
  نەپەس ئېلىشنىڭ تۈرلىرى كۆپ ،يەنى كۆكرەكچە نەپەس ئېلىش ،قورساق بوشلۇقى بىلەن نەپەس ئېلىش...گېپنوزدە قورساقچە نەپەس ئېلىش ئەڭ مۇۋاپىق ،بۇنداق بولغاندە مېڭىگە يېتەرلىك ئوكسىگىن تەمىنلىنىپ ،تەسەۋۋۇر كۈچى ئاشىدۇ ،ھەم بېشارەتىنىڭ قوبۇل قىلىنىشى تېز بولىدۇ،
  ئادەتتە ،ئەرلەرنىڭ كۆپى قورساقچە نەپەس ئالىدۇ،شۇڭا ئۇلارغا مۇنداقلا يېتەكلەش ئېلىپ بېرىلسا قورساقچە نەپەس ئېلىشى تۇراقلىشىدۇ،بىراق قىزلارنىڭ فزىئولوگىيىلىك ئالاھىدىلىكى تۈپەيلىدىن قورساقچە نەپەس ئېلىش ئۇلارغا بېسىم چۈشۈرۈپ قويىدۇ،شۇڭا قورساقچە نەپەس ئېلىش تەشەببۇس قىلىنمايدۇ ،چۈنكى قورساقچە نەپەس ئېلىش بالياتقۇغا بولغان بېسىمنى ئاشۇرىۋىتىدۇ.
  شۇڭا قىزلارغا ئۇزۇن نەپەس ئالدۇرۇش كېرەك .كونكىرىت ئۇسۇلى بۇرنى بىلەن ئاستا نەپەس ئېلىپ ،ئارلىقتا قىسقا توختاپ يەنە ئاستا نەپەس چىقىرىش.
  تولۇقلاپ قۇيۇشقا تېگىشلىكى شۇكى،ئەگەر سىزنىڭ يېتەكلىشىڭىز ياخشى بولمىسا ،قارشى تەرەپنىڭ نەپەس ئېلىشى رېتىمى قالايمىقانلىشىپ كېتىدۇ،بۇنىڭ بىلەن قارشى تەرەپتە ۋاز كېچىش تۇيغۇسى پەيدا بولۇپ قالىدۇ ،بۇنىڭ ئۈچۈن سىز بۇ خىل نەپەس ئېلىشنىڭ ئاساسىي قائىدىسىنى چوقۇم ئېنىق ئايدىڭلاشتۇرۇۋىلىشڭىز كېرەك ،ئېسىڭىزدە بولسۇن ،گېپنوز قىلنغۇچى ھامان بىرىنچى ئويلىشىدىغان ئوبىكىت.
  ★يوشۇرۇن ئاڭنى مەركەزلەشتۈرۈش
  يوشۇرۇن ئاڭنىڭ يىغىلىشى گېپنوز ھالىتىنىڭ ئالدىنقى شەرتى .گېپنوز قىلنغۇچىنىڭ يوشۇرۇن ئېڭى گېپنوز قىلغۇچى تەرەپكە مەركەزلەششى كېرەك.قارشى تەرەپنىڭ يۈز قىسىمى گېپنوز قىلغۇچنىڭ ئوڭ تەرىپى ياكى سول تەرىپىگە قارشى مۇھىم ئەمەس ،مۇھىمى قارشى تەرەپنىڭ يوشۇرۇن ئاڭ ھالىتىگە كېلىشى.
  مۇنداق بىر مەيداننى پەرەز قىلىپ باقايلى ؛ئەگەر بىر يىگىت دوستى بىلەن بىر يەردە ئولتۇرغان چاغدا ،ئەگەر ئۇلارنىڭ يېنىدا ئىككى قىز بولسا .ھەم قىزلار قىزغىن ھالدا مۇھەببەتنىڭ پارىڭىنى قىلسا،بۇ چاغدا ئىككى يىگىت گەرچە ئۆز پاراڭلىرىنى قىلىپ ئولتۇرغان بولسمۇ،قىزلارنىڭ گېپىگە ئىختىيارسىز قۇلاق سالىدۇ.گەرچە يىگىتنىڭ يۈزى قىسىمى دوسىتى تەرەپكە قاراپ تۇرغان بولسىمۇ ،بىراق دوستىنىڭ گېپنى زەن قويۇپ ئاڭلىمايدۇ.چۈنكى بۇ چاغدا ئۇنىڭ يوشۇرۇن ئېڭى قىزلارنىڭ سۆھبىتى تەرەپكە ئېغىپ كەتكەن بولىدۇ.
  گېپنوز قىلغاندىمۇ ،بۇنىڭغا ئوخشاش قىزىقىش بىلەن يوشۇرۇن ئاڭنى يىغىش كېرەك .
  بۇنىڭغا ئوخشاش ،تۇنجى قېتىملىق گېپنوز قىلغان چاغدا ،«كۆزۈمگە قاراڭ»،«مېنىڭ بارمىقىمنىڭ ئۇچىغا قاراڭ»دىگەندەك بېشارەت بىلەن گېپنوز كەيپىياتىنى بارلىققا كەلتۈرۈپ ،قارشى تەرەپنىڭ كېيىنكى بولىدىغان ھادىسىگە بولغان قىزىقىشىنى قولغا كەلتۈرەلسىڭىز،سىزنىڭ بەرگەن بېشارىتىڭىز ئۆز كۈچىنى كۆرسەتكەن بولىدۇ.
   ★گېپنوز سەزگۈرلىكى
  1) گېپنوز سەزگۈرلىكىنى قانداق ئۆلچەش كېرەك ؟
  گېپنوزنىڭ ئاخىرقى مەقسىتى گېپنوزنى مۇۋاپپىقىيەتلىك قىلىش ۋە گېپنوز قىلىنغۇچىغا ئامالنىڭ بارىچە ياردەم بېرىش ،قىلغاندىن كېيىن ھەربىر ھالقىدا ئۇنىڭغا %100 مەسئۇل بولۇش كېرەك .گېپنوز سەزگۈرلىكنى ئۆلچەش ئارقىلىق گېپنوز قىلغۇچى نۇرغۇن قىممەتلىك ئۇچۇرلارغا ئېرىشەلەيدۇ ھەم گېپنوزنىڭ ئېلىپ بېرىشلىغا ناھايتى چوڭ ياردىمى بولىدۇ.
مەسلەن گېپنوز سەزگۈرلىكنى ئۆلچەش ئارقىلىق گېپنوز قىلىنغۇچىغا قايسى خىل يېتەكلەش ئۇسۇلى ئەڭ مۇۋاپىق كېلىدۇ ،قارشى تەرەپنىڭ تەسەۋۋۇر كۈچى،دىققەت يېغىشى،ئۇنىڭ گېپنوزغا بولغان ئىشەنچ دەرىجىسى ۋە ئۇنىڭ گېپنوز ئارقىلىق داۋالاشقا بولغان كۈتكەن ئۈمىدى قاتارلىقلارنى بىلگىلى بولىدۇ.ھەتتا بەزىلەر گېپنوز سەزگۈرلىكىنى ئۆلچەۋاتقان چاغدىلا گېپنوز ھالىتىگە كىرىپ بولغان بولىدۇ.
  گېپنوز سەزگۈرلىكىنى ئۆلچىگەن چاغدا سىز گېپنوز قىلىنغۇچىغا بىۋاستە ھالدا ،ھازىر سىزنىڭ گېپنوز سەزگۈرلىكىڭىزنى ئۆلچەيمەن دېسىڭىز بەزىلەر خوشاللىق بىلەن قوبۇل قىلسا يەنە بەزىلەر بۇنى ئاڭلاش بىلەن ئۇنىڭ قەلبىدە ياقتۇرماسلىق تۈپەيلى قارشلىق كەيپىياتى بولىدۇ.شۇڭا بىۋاستە دېمەي ،باشقىچە ھالدا «بىز ھازىر قىزىقارلىق ئويۇندىن بىرنى ئوينايلى»دىگەندەك باشقىچە ئۇسۇللار بىلەن ئازادە كەيپىيات يارىتالىساق ،ئۇنى تېز گېپنوز قىلغىلى بولىدۇ.
تەسەۋۋۇر كۈچىنى سىناش جەھەتتە بىز چۈچۈك مېۋە سىنقى،قول بىلكىنى يۇقىرى كۆتۈرۈش سىنىقى،ئىككى قولنىڭ ئىسسىق-سوغۇق ھېس قىلىش سىنقى،ئالمىنى كۆزىتىش سىنقى،ئىككى قولنى كىرىشتۈرۈش سىنقى قاتارلىقلارنى قىلساق بولىدۇ.
ئادەتتىكى ئەھۋالدا ،گېپنوز قىلنغۇچى بۇ سىناقلاردىن كېيىن ئۇنىڭ گېپنوز ھالىتىگە كېلشىگە شۇنداق ياخشى ئۈنۈمى بولىدۇ.
  گېپنوز قىلنغۇچىنىڭ گېپنوز سەزگۈرلۈك دەرىجسىنىڭ قانچىلىك بولۇشى ۋە قانچىلىك چوڭقۇرلۇقتىكى گېپنوز ھالىتىگە كېلەلەيدىغانلىقىنى بىز ئوخشىمىغان گېپنوز سەزگۈرلۈك ئۇسۇلى بىلەن ئېنىقلايمىز .
Arons نىڭ ئالتە خىل گېپنوز سەزگۈرلۈك دەرىجىسى بويىچە ،گېپنوز قىلىنغۇچى كۆز قاپىقى ئېغىرلىشىش(كۆز قاپىقى چاپلىشىش) سىنقى،بەدەن قاتۇرۇش سىنىقىدىن ئۆتسە ،ئۇ «ئۈچىنچى دەرىجىلىك چوڭقۇر گېپنوز بولغۇچى»بولىدۇ.
  ساناق ساناش سىنقى بويىچە بىردىن ئونغىچە سانىغاندا مەلۇم بىر ساناققا كەلگەندە ئۇ ساناقىنى ئېيتالمىسا،ئۇ «تۆتىنچى دەرىجىلىك چوڭقۇر گېپنوز بولغۇچى »بولىدۇ.
«ئاكتىپ خىيالى سېزىم»سىنقىدىن ئۆتسە،يەنى تامدىكى مەۋجۇت بولمىغان سان،سائەتنى كۆرسە،مەۋجۇت بولمىغان مۇزىكىنى ئاڭلسا ،مەۋجۇت بولمىغان تېگىشىشنى ھېس قىلسا ،ئۇ «بەشىنچى دەرىجىلىك چوڭقۇر گېپنوز بولغۇچى»بولغان بولىدۇ.
«پاسسىپ خىيالى سېزىم »سىنىقدىن ئۆتسە،يەنى قولىدىكى مەۋجۇت سائەتنى،كۆز ئالدىدىكى ئادەمنى كۆرەلمىسە ،ئۇ «ئالتىنچى دەرىجىلىك چوڭقۇر گېپنوز بولغۇچى»بولغان بولىدۇ.
  ئەگەر ئۇنىڭ قايسى دەرىجدىكى چوڭقۇر گېپنوز بولغۇچى ئېكەنلىكىنى بىلۋالسىڭىز ،ئۇ چاغدا ئۇنىڭغا قانداق يېتەكلەش ئېلىپ بېرىشنى ئېنىق بىلدىغان بولىسز .
2)ئاساسلىق گېپنوز سەزگۈرلىكىنى ئۆلچەش سىناقلىرى
  بىلەكنى يۇقىرىغا لەيلىتىش ئۇسۇلى
  گېپنوز بولغۇچى ئازادە ھالەتكە ئۆتكەندىن كېيىن،ئۇنى بۇ خىل ئۇسۇل بىلەن يېتەكلەڭ:
  ھازىر دىققىتىڭىزنى قولغا مەركەزلەشتۈرۈڭ ،بىردەمدىن كېيىن مەن بىردىن ئونغىچە سانايمەن ،ھەربىر ساناقتا سىز تېخمۇ ئازادە ۋە راھەت تۇيغۇدا بولىسىز،سىزنىڭ يوشۇرۇن ئېڭىڭىز تېخىمۇ ئېچىلىپ بارىدۇ،دېگەن ھەربىر سۆزۈمگە ئېنكاس پەيدا بولىدۇ.مەن ساناپ ئونغا كەلگەندە ،سىزنىڭ ئوڭ قولىڭىز خۇددى بىر خىل كۈچنىڭ تەسىرىدە يۇقىرى كۆتۈرۈلۈۋاتقانلىقنى ھېس قىلىسز،كۆتۈلۈپ ئەڭ يۇقىرى ئورۇنغا كەلگۈچە كۆتۈرۈلىدۇ.
ئوڭ قولىڭىز كۆتۈرۈلۈۋاتقان چاغدا ،ھەرگىز ئۇنى بېسىشقا ئۇرۇنماڭ ھەم كونتىرول قىلماڭ،سىز خۇددى ئالىملار تەجىرىبىخانىدا تەجىرىبە نەتىجىسىنى كۆزەتكەندەك پوزىتسىيە بىلەن ئوڭ قولىڭىزنىڭ قانچىلىك يۇقىرى كۆتۈرۈلىدىغانلىقىنى كۆزەتسىڭىز بولدى.
  بۇ چاغدا سىز گېپنوز قىلنغۇچىنىڭ ئوڭ قولىنىڭ كۆتۈرۈلۈش دەرىجسىنىڭ يۇقىرى-تۆۋەنلىكى بويىچە ئۇنىڭ گېپنوز بولۇش دەرىجسىنىڭ يۇقىرى-تۆۋەنلىكىگە ھۆكۈم قىلالايسىز.

رەسىم بار




  كۆز قاپىقىنىڭ ئېغىرلىشىشى(چاپلىشىشى)
  گېپنوز بولغۇچى ئازادە ھالەتكە ئۆتكەندىن كېيىن،ئۇنى بۇ خىل ئۇسۇل بىلەن يېتەكلەڭ:
بىردەمدىن كېيىن مەن بىردىن ئونغىچە سانايمەن،مەن ھەربىر ساناق سانىغاندا سىزنىڭ كۆزىڭىز تېخمۇ ئازادە ،كۆز قاپىقىڭىز تېخمۇ ئېغىرلاپ بارىدۇ.مەن ساناپ ئونغا كەلگەندە كۆز قاپىقىڭىز خۇددى بىر خىل سىرلىق كۆرۈنمەس يېلىم بىلەن چاپلاپ قويغاندەك چاپلىشىپ ئاجىرالمايدىغان ھالەتكە كېلىدۇ. سىز ۋاقتىنچە ئويىڭىز بىلەن كۆزىڭىزنى ئاچالمايسىز،سىز قانچە كۆزىڭىزنى ئېچىشنى ئويلاشسىڭىز ،ئەكسىچە كۆز قاپىقىڭىز تېخمۇ چاپلىشىپ كېتىدۇ.تاكى مەن ساناق ساناپ«بىر،ئىككى،ئۈچ كۆزىڭىزنى ئېچىڭ »دېگەندىن كېيىن ئاچالايسىز ،ئاچقاندىن كېيىن كۆزىڭىز ئارام ئالغاندەك ناھايىتى ئازادە بولۇپ كېتىدۇ.
1،2،3،4،5،6،7،8،9،!10 سىزنىڭ كۆز قاپىقىڭىز پۈتۈنلەي چاپلىشىپ ئاجىرالمايدىغان ھالەتكە كەلدىم،سىز كۆز قاپىقىڭىزنى ئېچىشقا ئۇرۇنۇپ بېقىڭ.بىراق سىز قانچە كۈچىگەن بىلەن كۆزىڭىزنى ئاچالمايدىغانلىقىڭىزنى بايقىدىڭىز !
  قارشى تەرەپ كۆزىنى ئاچالمىغاندىن كېيىن سىز بېۋاستە «ناھايىتى ياخشى ،چوڭقۇر نەپەس ئېلىڭ ،كۆزىڭىزنى ئاچالمىغان بولىسڭىزمۇ ،بىراق كۆزىڭىزنىڭ شۇنداق راھەت ۋە ئازادە بولۇپ كەتكەنلىكىنى ھېس قىلدىڭىز»دەپ باشقا گېپنوزنى باشلىسىڭىز بولىدۇ.
  ئەگەر قارشى تەرەپ كۆزىنى ئاچالىسا ،چوڭقۇر گېپنوز ھالىتگە ئۆتمىگەنلىكىنى ئىسپاتلايدۇ.بۇ چاغدا سىز ئۇنى يېتەكلەپ گېپنوز ھالىتىگە ئېلىپ كىرسىڭىز بولىدۇ.ياكى تېخمۇ چوڭقۇر گېپنوز ھالىتىگە يېتەكلسىڭىز بولىدۇ.سىز «ياخشى،كۆزىڭىزنى يۇمۇڭ ،سىزنىڭ گېپنوز ھالىتىڭىزنىڭ چوڭقۇرلۇقى يېتەرلىك بولمىدى،مەن سىزنى يېتەكلەپ تېخمۇ چوڭقۇرلاشتۇرىمەن......»
  كۆز قاپىقى چاپلىشىش سىنقى ئادەتتە ئىككىنچى دەرىجىلىك چوڭقۇر گېپنوز ھالەتىگە تەۋە،نۇرغۇن كىشلەر باشتىن ئۆتكۈزگەندىن كېيىن «مەن گېپنوز بولۇپتىمەن»دىگەن ئېنكاسنىڭ بولۇشىغا پايدىلىق.
بەدەن قېتىش سىنقى
   گېپنوز بولغۇچى ئازادە ھالەتكە ئۆتكەندىن كېيىن،ئۇنى بۇ خىل ئۇسۇل بىلەن يېتەكلەڭ:
  ھازىر دىققىتىڭىز نەپەس ئېلىشىڭىزدا بولسۇن،نەپەس ئالغان چاغدا سىز سۈمۈرگەن ھاۋادا بىر خىل ناركوز قىلغۇچى ھاۋا دەپ تەسەۋۋۇر قىلىڭ،ئۇ سىزنىڭ ئۆپكىڭىزگە بارغاندىن كېيىن ،پۈتۈن بەدىنڭىزگە تارايدۇ.پۇت-قولىڭىز ناركوزلىنپ قالىدۇ.مەن بىردىن ئونغىچە سانىغاندا سىزنىڭ بەدىنڭىز پۈتۈنلەي ئۆزىنى قويىۋېتىدۇ،پۈتۈنلەي ئارام ئېلىش ھالىتىگە ئۆتىدۇ.ھەتتا سىز پۇت-قولىڭىز يوقتەك تۇيغۇغا كېلسىز.بىراق سىز بۇ ئازادە ۋە ئارامبەخش بېغىشلايدىغان تۇيغۇنى ياقتۇرۇپ قالىسز.بىرتەرەپتىن سىز سۈمۈرگەن ھاۋا ناركوز قىلىش خۇسۇسىيتىگە ئېگە دەپ، يەنە بىر تەرەپتىن پۈتكۈل جەرياندىن ھوزۇرلانسىڭىز بولدى.
1،2،3،4،5،6،7،8،9،10.
  ھازىر سىزنىڭ پۈتۈن بەدىنىڭىز شۇنداق ئازادە ھالەتكە ئۆتتى .قەلبىڭىزمۇ شۇنداق راھەت ھالەتكە ئۆتتى .پۇ-قولىڭىز پۈتۈنلەي بوشىشىپ يوقتەكلا تۇيغۇدا ،سىز ھەرىكەتلەندۈرىمەن دەپمۇ ھەرىكەتلەندۈرەلمەيسز،چۈنكى پۇت-قولىڭىز پۈتۈنلەي بوشىشىپ كەتتى . ئۇنى ھەرىكەتلەندۈرۈشىڭىزنىڭ زۆرۈرىيتىمۇ يوق.
  قولىڭىزنى كۆتۈرەلەمسىز ،سىناپ بېقىڭ .
پۇتىڭىزنى يۆتكىيەلەمسىز،سىناپ بېقىڭ.
  ئەگەر گېپنوز قىلغنغۇچى پۇت-قولىنى يۆتكىيەلمىسە ئۇنىڭ ئۈچىنچى دەرىجىلىك چوڭقۇر گېپنوز ھالىتگە ئۆتكەن بولىدۇ.
  بەزى ۋاقىتلاردا گېپنوز قىلنغۇچى :«شۇنداق راھەت،مېنىڭ ھەرىكەتلەندۈرگۈم يوق»دەيدۇ.بۇ چاغدىمۇ ئۈچىنچى دەرىجىلىك چوڭقۇر گېپنوز ھالىتىدە دەپ قارىلىدۇ.ئەگەر سىز يەنە ئۇنىڭغا گېپنوز ئىشلمەكچى بولسىڭىز «شۇنداق،سىز ھەركەتلەندۈرمەيدىغان بولدىڭىز،سىناپ بېقىڭ ،قولىڭىزنى كۆتۈرمەكچى بولسىڭىزمۇ ،كۆتۈرەلمەيسىز.»ھەرگىز «سىز ھەركەتلەندۈرمەكچى ئەمەس،ھەرىكەتلەندۈرەلمدىڭىز،سىناپ بېقىڭ»دېمەڭ .بۇنداق بولغاندا قارشى تەرەپ سىز ھەرىكەتلەندۈرمەكچى ئەمەس ،ھەرىكەتلەندۈرەلمىدىڭىز دىگەن سۆزنى ئاڭلىغاندىن كېيىن ئۇنىڭ ئېڭىدا ھەرىكەتلەندۈرۈشكە بولغان كۈچلۈك سىناپ بېقىش ۋە قارشى تۇرۇش خاھىشى بولۇپ سىز بىلەن پەيدا بولۇۋاتقان پىسخىك تەڭپۇڭلۇقىنى بۇزۇۋېتىدۇ.
  ئوخشاش ئۈچىنچى دەرىجىلىك چوڭقۇر گېپنوز ھالىتى بولىسمۇ بىراق تېيىز-چوڭقۇرلۇقى ئوخشاش بولمايدۇ.بەزى گېپنوز قىلىنغۇچىلار پۇت-قولىنىڭ ئېغىرلىشىپ ،ئۇنى ھەرىكەتلەندۈرشكە خېلى كۈچ سەرپ قىلىدىغانلىقىنى ئېيتىدۇ.بەزى گېپنوز قىلىنغۇچىلار تېخمۇ چوڭقۇر كىرىشىپ .سىزگە پۇت-قولىنى يوقاتقاندەك سېزىمنى بېرىدۇ .
ئالمىنى كۆزىتىش سىنقى
  گېپنوز بولغۇچى ئازادە ھالەتكە ئۆتكەندىن كېيىن،ئۇنى بۇ خىل ئۇسۇل بىلەن يېتەكلەڭ:
  ھازىر كۆزىڭىزنى يۇمۇپ كۆز ئالدىڭىزدا بىر يوغان ئالمىنىڭ پەيدا بولغانلىقىنى تەسەۋۋۇر قىلىڭ .ئالمىنىڭ رەڭگى ۋە چوڭ كىچىكلىكىنى ئېنىق كۆزىتىڭ .
  سىز كۆرۈپ بولغاندىن كېيىن ماڭا ئېيتىپ بېرىڭ .
  بۇ قىسقا بىر سىناق ،بىراق سىز ئېرىشىدىغان ئۇچۇرنىڭ قىممىتى يۇقىرى.
ئەگەر قارشى تەرەپ ناھايىتى ئېنق ھالدا سىزگە ئالمىنىڭ رەڭگى ۋە چوڭ-كىچىكلنى تەسۋىرلەپ بەرسە ،ئۇنىڭ مېڭسىنىڭ سۈرەتلىك بىر تەرەپ قىلىش ئىقتىدارىنىڭ ناھايىتى ياخشىلىقىنى ،ئوڭ مېڭىنى ئىشلىتىشكە ماھىر ئىكەنلىكىنى بىلدۈرىدۇ،بۇ سىزنىڭ گېپنوز ئېلىپ بېرشىڭىزنىڭ ناھايىتى ياخشى ئوبىيكتى ئېكەنلىكىنى بىلدۈرىدى.
ئەگەر قارشى تەرەپنىڭ تەسۋىرلەپ بېرىشى ئانچە كۆڭۈلدىكىدەك بولمسا ،گېپنوز قىلغۇچى ئۇنىڭغا بىۋاستە ھالدا سۈرەتلىك بىر تەرەپ قىلىش ئىقتىدارى تەرەپتىن يېتەكلەش ئېلىپ بارسا بولىدۇ.ئۇنىڭغا«ھەربىر قېتىمقى گېپنوزدا،سىزنى بارغانسىرى ئاسان ھالدا گېپنوز ھالىتىگە ئۆتۈپ ماڭسىز،سىزمۇ بارغانسىرى كاللىڭىزدا ئېنىق بولغان سۈرەتىنى كۆرۈپ ماڭىسز .»دەپ يېتەكلەش ئېلىپ بېرىڭ.
  چۈچۈك مېۋە سىنقى
  بۇ ئەسىلدە لىمۇن سىنقى دەپ ئاتىلاتتى ،بىراق رايونىمىزدا چوڭ شەھەرلەردىن باشقا يەردىكى كىشلەر لىموننى كۆرۈپ ھەم تېتىپ باقمىغانلىقى ئۈچۈن سىز مەلۇم بىرخىل قارشى تەرەپ كۆرۈپ باققان چۈچۈك مېۋىدىن بىرنى مىسال قىلىسڭىز بولىدۇ.مەسلەن رايونىمىزدا بار بولغان قارائۆرۈك،ئالۇچا ياكى رايونىمىزنىڭ ھەممە يېرىدىن تاپقىلى بولىدىغان ئاپلېسىن دېگەندەك .مەن بۇ يەردە قارائۆرۈكنى مىسال قىلىپ ئۆتىمەن.
  گېپنوز بولغۇچى ئازادە ھالەتكە ئۆتكەندىن كېيىن،ئۇنى بۇ خىل ئۇسۇل بىلەن يېتەكلەڭ:
  ھازىر سىزنىڭ تىلىڭىزدا بىر پارچە كېسلگەن قارائۆرۈك پارچىسى بار دەپ تەسەۋۋۇر قىلىڭ،ئۇنىڭ پوستى قان قىزىلى رەڭگىدە،مېۋە ئېتى يېشىل سۈزۈككە مايىل.قارئۆرۈكنىڭ شىرنىسى ئاستا-ئاستا سىزنىڭ تىلىڭىزغا تېمىۋاتىدۇ.سىز ھەتتا قارائۆرۈكنىڭ پۇرىقىنى ھېس قىلدىڭىز....بۇ چاغدا قارشى تەرەپنىڭ ئېغىزىغا شۆلگەي سۇيۇقلۇقى يىغىلغان بولىدۇ.سىزنىڭچۇ ؟
  بىر تەرەپتىن دەپ ،بىر تەرەپتىن قارشى تەرەپنىڭ ئېنكاسىنى كۆزىتىڭ.كۆپ قىسىم كىشلەرنىڭ چۈچۈك مېۋىگە قارىتا شۇنداق ياخشى ئېنكاس بولغان بولىدۇ.
  بۇ دىققەت،تەسەۋۋۇر ۋە بىشارەتىنى قوبۇل قىلىش قابىلىيتىنى سىناشتىكى ياخشى ئۇسۇللارنىڭ بىرى .
  بەدەن تەۋرىتىش سىنىقى
  بۇ ئۇسۇلمۇ ناھايىتى ئۈنۈملۈك بولغان سىناقنىڭ بىرى،كوللېكتىپ گېپنوز قىلغان چاغدا ئۈنۈمى ناھايىتى ياخشى بولىدۇ .
  گېپنوز قىلنغۇچىنى تىك تۇرۇغۇزۇڭ ،ئاددى ھالدا بەدەن بوشاشتۇرۇش ۋە ئازادىلەشتۈرۈپ يېتەكلەپ بولغاندىن كېيىن؛
  ھازىر بەدىنىڭىزنى كۆزىتىڭ ،سىز بەدىنىڭىزنىڭ ئازىراق تەۋرىنىۋاتقانلىقىنى ھېس قىلىسز،بۇ ناھايىتى نورمال ھادىسە،چۈنكى بەدىنڭىز تەڭپۇڭلۇقىنى ياخشى ساقلىدى.شۇڭا بەدىنىڭىزدە ئازىراق تەۋرىنىش بولىدۇ.مەن ھازىر بىردىن بەشكىچە سانايمەن.سىز بەدىنڭىزنىڭ بارغانسىرى تەۋرىنىۋاتقانلىقىنى ھېس قىلىسز،مەن كۆزىتىپ بېقىڭ دەيمەن .سىز بەدىنىڭىزنىڭ كونتىرول قىلمسىڭىزمۇ تەۋرىنۋاتقانلىقىنى ھېس قىلىسز .
1،2،3،4،5
  گېپنوز قىلىنغۇچى تەۋرەنگەندىن كېيىن ،ئۇ ئۆزنىڭ گېپنوز ھالىتگە كىرگەندەك ھېس قىلىدۇ.


رەسىم بار
★ گېپنوزغا باشلاپ كىرىش (گېپنوز قىلىش)
  گېپنوز قىلىش ئىككى ئاساسىي ئۇسۇلدىن تەركىب تاپىدۇ :بىرىنچىسى بەدەننىڭ فىزىئولوگىيلىك مېخانىزىمى(فىزىئولوگىيلىك گېپنوز)،ئىككىنچىسى بولسا ئادەمنىڭ پىسخولوگىيلىك مېخانىزىمى (بېشارەت گېپنوز ئۇسۇلى).ئەڭ يۇقىرى گېپنوز ئۈنۈمىگە يېتىش ئۈچۈن ئىككى خىل ئۇسۇلنى بىرلەشتۈرۈپ ئىشلىتىش كېرەك .بۇ ئىككى خىل ئۇسۇلنى بىرلەشتۈرۈپ ئىشلىتىشكە ماھىر بولسڭىز ،ھەقىقى گېپنوز ئۇستىسى بولۇشڭىزدا گەپ يوق .
  ھەربىر ئادەم تۇغما باشقىلارغا تەسىر قىلىش ئىقتىدارىغا ئېگە،سىزمۇ ئوخشاش.گېپنوز قىلىشنىڭ ماھىيتى بولسا ئېدىيڭىز بىلەن باشقىلارنىڭ ئېدىيسىگە تەسىر قىلىش .شۇڭلاشقا،گېپنوزنىڭ مېخانىزىمنىنى چۈشىنشتىن بۇرۇن ئادەمنىڭ ئېدىيىسىنىڭ ماھيتىنى چۈشنشىڭىز كېرەك .ئېدىيە ماددا ئەمەس ،بىراق ئۇ ھەقىقەتەن مەۋجۇت،سىز ئۆزىڭىزنىڭ ئېدىيسىنى بىلگۈڭىز كېلەمدۇ ؟
ئادەمنىڭ ئېڭى بەزىدە سىرتقى تەرەپكە يۆتكەلگەن بولىدۇ،بەزى چاغدا ئىچكى تەرەپكە يۆتكەلگەن بولىدۇ.بۇنىڭمۇ دەۋرىيلىكى بولغان بولىدۇ.سەگەك ھالەتتە سىرتقا قارىغان بولىدۇ.تەسەۋۋۇر قىلغان ياكى خىيال قىلغان چاغدا ئۇنىڭ ئېڭى ئىچكى تەرەپكە قارىغان بولىدۇ.گېپنوز ھالىتدە ئىچىكى تەرەپكە قارىغان ئاڭ ئاساسىي ئورۇندا بولغان بولىدۇ.گېپنوز قىلغان چاغدا سىرتقى تەرەپكە قارىغان ئاڭ گېپنوز قىلغۇچى تەرەپتە بولغان بولىدۇ(بۇلۇپمۇ گېپنوز قىلغۇچىنىڭ ئاۋازى).
  شۇڭا گېپنوز قىلغان چاغدا ،گېپنوز قىلىنغۇچىنىڭ ئېڭىنى ئىچكى تەرەپكە يۆتكەش كېرەك
  چوڭ مېڭە غىدىقلاشقا مۇھتاج ،سىرتقى مۇھىتنىڭ غىدىقىلىشى ئاجىزلاشقان چاغدا ،ئادەمنىڭ ئېڭى تەبئىي ھالدا ئىچكى تەرەپكە يۆنەلگەن بولىدۇ.ئەگەر قاراڭغۇ،ھېچقانداق ئاۋاز بولمىغان بىر ئۆيگە كىرىپ ئولتۇرغان چاغدا ،ھەرقانداق بىر ئادەمنىڭ ئېڭى ئىچ تەرەپكە بولىدۇ.چۈنكى سىرتقى دۇنيانىڭ غىدىقلىشىدىن ئايرىلغاندىن كېيىن ،چوڭ مېڭگە غىدىقلىنشقا مۇھتاج بولىدۇ،شۇڭا چوڭ مېڭە غىدىقلىشنى ئىچكى تەرەپتىن ئىزدەيدۇ.
چارچىغان نېرۋىلار ئۆزى ئىزدىمەكچى بولغان نەرسىنى تاپالمايدۇ.سىرتقى دۇنيانىڭ غىدىقلىنىشىنى توختىماي قوبۇل قىلىپ تۇرۇش ئۈچۈن كۆرۈش ،ئاڭلاش ۋە پۇراش سەزگۈ نېرۋىلىرى ئىزچىل خىزمەت ھالىتىدە تۇرىدۇ.بۇنى بىز ھېس قىلالمايمىز .بۇ ئۈچ سەزگۈ نېرۋىلىرىنى بىر ئاز ئارام ئالدۇرۇش كېرەك ،بۇنداق قىلغاندا ئاسانلا گېپنوز يېتەكلەش مەقسىتىگە يەتكىلى بولىدۇ.كۆرۈش سەزگۈ نېرۋىلىرى سەزگۈ نېرۋىلىرىنىڭ تەخمىنەن  %70نى ئىگەللىگەن بولىدۇ.شۇڭا كۆپ ھاللاردا چىراق ئارقىلىق كۆرۈش سەزگۈ نېرۋىلىرىنى چارچىتىپ ،ئۇنىڭ سىرتقى دۇنيادىن قوبۇل قىلىدىغان غىدىقلىنىشىنى يوقىتىپ ،ئىچكى تەرەپتىن غىدىقلىنىشنى قوبۇل قىلدۇرۇش كېرەك .تۆۋەندە مەن بۇنىڭ ئۇسۇلىنى كۆرسىتىپ ئۆتىمەن .
  -چىراققا قاراڭ ...كۆرۈش دائىرىڭىزنى يۆتكىمەڭ...ھازىر چىراققا قاراڭ...شۇنداقلا مېنىڭ چىراق تۇتقان قولۇمنى كۆردىڭىز ...چىراق نۇرى ئارقسدىكى تامنى كۆردىڭىز...تامدىكى سائەتنىڭ ئاۋازىنى ئاڭلدىڭىز...نەپەس ئاۋازىڭىزنىمۇ ئاڭلىدىڭىز ...مېنىڭ ئاۋازىمنمۇ ئاڭلىدىڭىز...پۇتىڭىزنىڭ يەرگە تەگكەن سېزىمنىمۇ ھېس قىلدىڭىز...يوتىڭىزغا قويۇلغان قولىڭىزنىڭ ئېغىرلىقىنى ھېس قىلىدىڭىز...دۈمبىڭىزدىكى سىزنى يۆلەپ تۇرغان ئورۇندۇقنىڭ تەگكەن سېزىمىنى ھېس قىلدىڭىز..ھازىر چىراققا قاراڭ... چىراق نۇرى ئارقسدىكى تامنى كۆردىڭىز...تامدىكى سائەتنىڭ ئاۋازىنى ئاڭلدىڭىز...نەپەس ئاۋازىڭىزنىمۇ ئاڭلىدىڭىز ...مېنىڭ ئاۋازىمنمۇ ئاڭلىدىڭىز...پۇتىڭىزنىڭ يەرگە تەگكەن سېزىمنىمۇ ھېس قىلدىڭىز...يوتىڭىزغا قويۇلغان قولىڭىزنىڭ ئېغىرلىقىنى ھېس قىلىدىڭىز...دۈمبىڭىزدىكى سىزنى يۆلەپ تۇرغان ئورۇندۇقنىڭ تەگكەن سېزىمىنى ھېس قىلدىڭىز...
ھازىر چىراققا قاراڭ... تامدىكى سائەتنىڭ ئاۋازىنى ئاڭلدىڭىز... ئورۇندۇقنىڭ دۈمبىڭىزگە تەگكەن سېزىمىنى ھېس قىلدىڭىز...چىراق ئەتراپى بارغانسىرى قاراڭغۇلىشۋاتىدۇ.كۆزىڭىزمۇ چارچىغىندىن يۇمۇلۇشقا باشلىدى...


رەسىم بار



  بۇ خىل ئالدى بىلەن ئۈچ قېتىملىق كۆرۈش،ئاڭلاش ۋە تېگىش سەزگۈسى جەھەتتىكى بېشارەتنى بېرىپ ،ئاندىن ئىككىگە ئازايتىپ ،ئاخىرىدا بىرگە ئازايتقاندىن كېيىن كۆپ قىسىم نېرۋىلار چارچاپ كېتىدۇ،ئاندىن بۇ نېرۋىلار غىدىقلىنىش قۇبول قىلىشنى ئىچكى تەرەپكە يۆتكىگەندە يوشۇرۇن ئاڭ جانلىنىدۇ.ئاڭ تىك سىزىق بويىچە تۆۋەنلەيدۇ،بۇ چاغدا تۆۋەندىكى ئۇسۇل بىلەن يەنە يوشۇرۇن ئاڭنى تېخمۇ جانلاندۇرىمىز .
  ئالدى بىلەن گېپنوز قىلنغۇچىنى ئورۇندۇققا ئولتۇرغۇزۇپ ھەم ئۇنىڭ ئارقىسىدا تۇرۇپ
  -ھازىر،بەدىنىڭىز ئالدىغا ئىگىلىدۇ...ئاستا نەپەس ئېلىڭ،نەپەس ئېلىڭ ...نەپەس ئېلىڭ...نەپەس ئېلىڭ...ھازىرىدىن باشلاپ ئۆزىڭىز نەپەس ئالىسىز...مېنىڭ مۇشۇنداق بەدىنىڭىزنى تەۋرىتىشىم بىلەن ،بەدىنىڭىزدە بارغانسىرى كۈچ قالمايدۇ.
  بىر تەرەپتىن سۆزلىگەچ،بىر تەرەپتىن قارشى تەرەپنىڭ مۈرىسىدىن تۇتۇپ  بەدىنىنى يېنىك تەۋرىتىڭ .ئەگەر قارشى تەرەپنىڭ دۈمبىسى ئورۇندۇقنىڭ يۆلەنچۈكىگە تەگمسە ھەم بېشى ئالدىغان ساڭگىلاپ تۇرسا ،تەۋرىتىش تېخمۇ ئاسان بولغان بولىدۇ.
  -...بەدىنىڭىزدە بارغانسىرى كۈچ قالمىدى.بەدىنىڭىزمۇ ئاستا-ئاستا ئۆزى تەۋرىنىشكە باشلايدۇ،مەن قولۇمنى ئاجىرتىۋالساممۇ ،بەدىنىڭىز  ئۆزلۈكىدىن تەۋرىنىۋىرىدۇ...
  بىر تەرەپتىن سۆزلىگەچ ،يەنە بىر تەرەپتىن قولىڭىزنى ئۇنىڭ مۈرسىدىن ئاجىرتىپ ئېلىڭ.
-بەدىنىڭىز ئۆزلۈكىدىن تەۋرىنىشكە باشلىدى،بەدىنىڭىزنىڭ تەۋرىنىشگە ئەگىشىپ ،سىزنىڭ كەيپىياتىڭىزمۇ ياخشىلىنپ بارىدۇ.بەدىنىڭىز توختىماي تەۋرىنىدۇ،كەيپىياتىڭىز شۇنداق ئازادە ۋە جىمجىتلىققا تولغاندا ،بەدىنىڭىزنىڭ تەۋرىنىشمۇ توختايدۇ.قەلبىڭىزنىڭ جىمجىتلىققا تولىشى بىلەن ،تەۋرىنىشمۇ توختايدۇ....
  ئەگەر قارشى تەرەپنىڭ بەدىنى تەۋرىنىشتىن توختىسا ئۇنىڭ گېپنوز ھالىتىگە ئۆتكەنلىكىدىن دېرەك بېرىدۇ.تەۋرىنىش تېز ھەم ئاستا بولۇپ كەتمىسە،چوڭ مېڭە ھەركىتى تېزلىشىپ بارىدۇ،بۇ چاغدا پىكىر قىلىش توختاشقا باشلايدۇ.
  ئارقىدىن بۇنى ھالەتنى چوڭقۇرلاشتۇرسىڭىز بولىدۇ.
  -مەن ھازىر تەتۈر ساناق سانايمەن،ھەربىر قېتىم ساناق سانىغاندا سىزنىڭ گېپنوز ھالىتىڭىز بارغانسىرى چوڭقۇرلۇشىپ بارىدۇ...توققۇز ...سەككىز...يەتتە...ئالتە...بەش...تۆت...ئۈچ...پۈتۈن بەدىنىڭىزدە كۈچ قالمىدى،پۈتۈنلەي كۈچ قالمىدى...ئۇخلاپ قالاي دېدىڭىز...
   بۇنىڭ بىلەن قارشى تەرەپ گېپنوز ھالىتىگە كىرىدۇ.ئادەمنىڭ مۇنداق بىر ئادىتى بار ،ساناق سانىغان چاغدا بارا-بارا ئازادىلىشىپ بارىدۇ،شۇڭا ھەرقېتىم ساناق سانىغان چاغدا،كېيىنكى قېتىم پەيدا بولىدىغان سان ئۇنىڭ ئالدىنقى بىر سېكونت ئىچىدە ئويىلغان سان.بۇنداق قىلىش ئۇنى بارغانسىرى گېپنوز ھالىتگە ئېلىپ كېلىدۇ.
  بۇنىڭدىن باشقا يەنە بىر خىل ساناق ئۇسۇلى بار ،بۇنى گېپنوز ئۇستىسى سانىمايدۇ ،ئەكىسچە گېپنوز قىلنغۇچى سانايدۇ.بۇ چاغدا 500 ياكى 800 دىگەندەك چوڭ ساناقلاردىن باشلايدۇ.
-        ھازىر سىز 500 دىن باشلاپ تەتۈر ساناق ساناڭ،چوڭ ئاۋازدا ساناڭ،مەن سىزگە گەپ قىلىمەن ،بىراق دىققىتىڭىز ساناق ساناشتا بولىدۇ...ياخشى،ھازىر ساناق ساناشىنى باشلاڭ...
گېپنوز قىلنغۇچى ساناق ساناشنى باشلىغان چاغدا سىز ،
بوينىڭىزنى كۈچى ئاستا-ئاستا ئاجىزلاۋاتىدۇ،يۈزىڭىزدىكى مۇسكۇللارنىڭ كۈچى ئاجىزلىشۋاتىدۇ...
  گېپنوز قىلنغۇچى ساناق سانىيالمىغان چاغدا سىز يەنە ئۇنىڭغا:
  -سىز ھازىر ھېچنىمىنى ئەسلىيەلمەيدىغان بولدىڭىز...ھەتتا ئىسمڭىزنىڭ نېمە ئىكەنلىكىنمۇ ئەسلىيەلمەيسىز...
  ئاندىن ئۇنىڭ ئىسمنى سورىسڭىز ئۇ ئېيتىپ بېرەلمەيدۇ.
  بۇ جەرياندا ،سىز ئۇنىڭ ئەسلىمىسىنى ئۇنتۇلدۇرىۋەتتىڭىز ،گېپنوزدا بۇ «ئۇنتۇلدۇرۇش»دېيىلىدۇ.قارشى تەرەپكە بۇنداق چوڭ ساندىن باشلاپ ساناق ساناتسىڭىز ،ئاڭنىڭ دائىرىسى كىچىكلەيدۇ،گېپنوزمۇ چوڭقۇرلشىپ بارىدۇ.
  بەدەننى ھەركەتلەندۈرۈش ئۈچۈن ئنېرگىيە لازىم بولىدۇ.ئېنرگىيە سەرپ قىلماقچى بولغان ئورۇنغا ئېنىرگىيە يۆتكەش كېرەك،ئېنىرگىينى يۆتكەش ۋەزىپىسىنى قان ئۈستىگە ئالغان بولىدۇ.
  باشقلارنىڭ سۆزنى ئاڭلاش ئۈچۈنمۇ چوڭ مېڭە ئېنىرگىيە سەرپ قىلدۇ ،شۇڭا ئادەم كۆپ يەردە سىز ئۆزىڭىزنىڭ ئاسان چارچاپ قالغانلىقىنى ھېس قىلىشىڭىز بۇ سەۋەبىنى چۈشەندۈرۈپ بېرىدۇ.
  گېپنوز قىلغان چاغدا باشقلارغا كۈچ قالمىدى دىگەن بېشارەتنى بەرگەن چاغدا ،چوڭ مېڭە ئارام ئالغان ھالەتتە بولىدۇ،بىراق بېشارەتنى ئاڭلاش ئۈچۈن ،چوڭ مېڭە يەنە ئېنىرگىيە مەلۇم مىقىداردىكى ئېنىرگىينى سەرپ قىلدۇ.شۇڭا قاننىڭ ئايلىنىشى چوڭ مېڭە تەرەپكە قاراپ بولىدۇ.گېپنوز ھالىتىدە قاننىڭ ئېقىشى تۆۋەنگە بولىدۇ،شۇڭا بېشارەت بېرىشىنى توختاتقان چاغدا ،سىز گەپ قىلمسىڭىزمۇ،گېپنوز چوڭقۇرلشىپ بارىدۇ.بۇ ھالەت «سۈكۈتكە چۆمۈش»ھالىتى دەپ ئاتىلىدۇ.
  بىراق،قارشى تەرەپ سۈكۈتكە چۆمۈشتىن بۇرۇن ئۇنىڭغا ؛
  -...ھازىرىدىن باشلاپ مەلۇم بىر ۋاقتىقىچە مەن سىزگە گەپ قىلمايمەن.مەن گەپ قىلمىغان بۇ ۋاقىت ئىچىدە ،سىز ھېچنىمىنى ئويلىمايسىز،بارغانسىرى چوڭقۇر گېپنوز ھالىتىگە كىرىپ بارىسىز ...
  دەپ بېشارەت بەرگەندىن كېيىن تەخمىنەن بەش مېنۇتتىن كېيىن
  -ھازىرىدىن باشلاپ مەن سىزگە گەپ قىلمەن
  دەپ ئۇنى گېپنوزدىن يېشىڭ ياكى داۋاملىق گېپنوز يېتەكلىشى ئېلىپ بارسىڭىز بولىدۇ،
  گېپنوزدىن يېشىش ئۈچۈن سىز
  -مەن ھازىر ئۈچكىچە ساناق سانايمەن .سىز ناھايىتى يەڭگىل كۆزىڭىزنى ئاچىسىز ،بىر،ئىككى،ئۈچ ! كۆزىڭيىزنى ئېچىڭ ،شۇنداق سەگەك بولۇپ كەتتىڭىز ،كەيپىياتىڭىز شۇنداق ياخشى .
  دەپ گېپنوزنى يەشسىڭىز بولىدۇ.ئەگەر قارشى تەرەپ دەماللىققا كۆزىنى ئاچالمىسا،سىز يەنە «ئۇخلاڭ»دەپ يەنە ساناق سانسىڭىز بولدى.ياكى ئالىنقى مەزمۇندا سۆزلەنگەن ئېنىرگىيە تولۇقلاش ئۇسۇلى بويىچە ئۇنىڭغا ئېنرگىيە تولۇقلاپ گېپنوزنى يەشسىڭىز بولىدۇ
  بۇ يەردە بىر نەچچە گېپنوزدىن يېشىشىكە دائىرى ساۋاتلارنى قستۇرۇپ ئۆتۈشنى لايىق تاپىتم
گېپنوزدىن يېشىش تەس كىشلەرنى ئويغىتىش
  ناھايىتى ئاز ئۇچىرايدىغان ئەھۋال ئاستىدا گېپنوز قىلنغۇچىنى گېپنوزدىن يېشىش قېينغا توختايدۇ .ئەگەر بۇ خىل ئەھۋالغا ئۇچىراپ قالسىڭىز :«ياخشى ،مەن سىزنىڭ ھازىرلا ئويغىنىپ كېتشىڭىزنى ئۈمىد قىلمەن .بىلمەن ،سىزنىڭ ھازىر شۇنداق ئۇيقۇڭىز كېلۋاتىدۇ ،بىراق سىز چوقۇم ئويغۇنىشىڭىز كېرەك،سىز ئاللىقاچان قېنىپ ئۇخلاپ بولدىڭىز .مەن سىزگە قانداق قىلدىغىنمنى ئېيتىپ بېرەي .مەن بىرىن ئونىغچە سانايمەن ،مەن ساناپ ئونغا كەلگەن چاغدا سىز ئويغىنىپ كېتسىز.ئادىل بولامدىكەن ؟مەن ئونىغچە سانىغان ۋاقىت ئىچىدە ئويغۇنۇپ كېتەلەمسىز ؟ئەگەر قارشى تەرەپ جاۋاب بەرمىسە ،تا ئۇ جاۋاب بەرگىچە قايتىلاڭ.ئاندىن ئۇنىڭغا ئونىغىچە ساناپ بولغاندىن كېين ئويغۇنۇپ كېتىشگە كاپالەت بېرىڭ.
ئاندىن بېشارەتنى داۋاملاشتۇرۇڭ «ياخشى،بىز باشلايلى 1،2،3،4،5،6،7،8،9،10 »بۇ چاغدا سىز كۈچلۈك چاۋاك چېلىڭ ھەمدە «ئويغۇنۇپ كېتىڭ!كۆزىڭىزنى ئېچىڭ!ئويغۇنۇڭ !ياخشى،پۈتۈنلەي ئويغۇنۇڭ !»دەپ داۋاملىق چاۋاك چېلىڭ ئاندىن يەنە تاكى قارشى تەرەپ يېشىلىپ كۆزنى ئاچقۇچە گېپنوز يېشىش بېشارىتى بېرىڭ .
  بۇ جەريان ئارقىلىق ئويغۇتۇش ناھايىتى قېيىن گېپنوز قىلنغۇچىنى يېشۋەتكىلى بولىدۇ .
نېمىشقا قارشى تەرەپ تېز يىشىلەلمەيدۇ ؟ بۇنىڭ سەۋەبى ئىككى خىل 1.چۈنكى قارشى تەرەپ گېپنوز ھالىتىدىن بەھىرلىنىش ۋە ئۇنىڭ ھوزۇرىنى داۋاملىق سۈرۈش ئۈچۈن ئويغۇنىشنى خالىمايدۇ ؛2.ئۇنىڭ ئويغۇنۇشقا ئىشەنچى سۇس .بىر چوڭقۇر گېپنوز ھالىتىدە تۇرغان كىشى شۇنداق ئۇيقۇسى كەلگەن ھالەتتە تۇرىدۇ،ئۇنى دەرھال ئويغۇتۇش بەزى چاغدا قېينغا توختايدۇ .شۇڭا ئۇ سىزنىڭ يېشىش بېشارىتڭىزنى دەرھال قوبۇل قىلىپ بولالمايدۇ.ئېسڭىزدە بولسۇن ،گېپنوز ھالىتدە قارشى تەرەپ ناھايىتى ئاسان تەسىرىگە ئۇچىرايدۇ ،سىزنىڭ ئۇنى ئويغىتالماي ئارتۇقچە جىددىيلىشىشىڭىز ،ئۇنىڭغا بولغان بېشارەتنى شەكىللەندۈرۈپ ئۇنى ئويغۇتۇش تېخمۇ قېيىنغا توختاپ كېتىدۇ .شۇڭا ناھايىتى سالماقلىق ۋە ئۆزىڭىزگە بولغان چوڭقۇر ئىشەنچ بىلەن گېپنوزدىن يەشسىڭىز بولىدۇ .
باشقىلار تەرىپىدىن گېپنوز قىلىنىپ ئويغىنالمىغانلارنى ئويغۇتۇش
  بەزىدە سىز گېپنوز قىلىش تەجىرىبىسى كەمچىل گېپنوز ئۆگەنگۈچىلىرى تەرىپىدىن گېپنوز قىلنىپ ئويغىنغالمىغان كىشلەرنى ئويغۇتۇپ بېرىشكە تەكلىپ قىلنشىڭىز مۇمكىن .بۇنىڭ ئۇسۇلى قارشى تەرەپنى يەنە بىر قېتىم گېپنوز قىلىپ ئاندىن يېشىش .گەرچە قارشى تەرەپ چوڭقۇر گېپنوز ھالىتىدە تۇرسىمۇ ،بۇنداق قىلىش ئارقىلىق سىز قارشى تەرەپ بىلەن يېقىن مۇناسىۋەت باغلايسىز.
  بىر قولىڭىزنى ئۇنىڭ بېشغا قويۇپ،«گېپنوز رېتسىپى»ئۇسۇلنى قوللىنىسىز(بۇ ئۇسۇل كېينكى دۇنيانىڭ ھەرقايسى جايلىرىدىكى گېپنوز قىلىش ئۇسۇللىرى دىگەن بۆلەكتە تونۇشتۇرلىدۇ).ئاندىن سىزنىڭ بەرگەن بېشارىتڭىزنىڭ ئۇنىڭغا بەرگەن ئېنكاسىنى كۆزىتىسىز.ئەگەر قارشى تەرەپ بېشارەتكە نىسبەتەن ئېنكاس قايتۇرغان بولسا،سىز ئارقىدىنلا كېسىپلا «ھازىر،مەن سىزگە نېمە قىلىڭ دېسەم ،سىز شۇنى قىلىسىز »دەپ بولغاندىن كېيىن ئۇنىڭغا بەدەننىڭ مەلۇم قىسمنى يۆتكەش بېشارىتى بېرىسىز ،ئەگەر ئۇ بۇنىڭغا ئېنكاس قايتۇرسا.يۇقىرىدا تونۇشتۇرلغان گېپنوزدىن يېشىش تەس كىشلەرنى ئويغىتىش ئۇسۇلىنى قوللانسىڭىز بولىدۇ .

nirvana

★گېپنوز يېتەكلەش ئۇسۇللىرى
گېپنوز يېتەكلىشنىڭ ئۇسۇلى ناھايىتى كۆپ ،خۇددى گېپنوز ئۇستىسىنىڭ سانى بىلەن تەڭ دېسەك ئارتۇق كەتمەيدۇ.بۇ يەردە تونوشتۇرىدىغان ئۇسۇلنىڭ ۋەكىل خارەكتىرىگە ئېگە بولۇشنى ئۈمىد قىلمەن ،بەلكىم بەزى ئوقۇرمەنلەر ئۆزنىڭ ياقتۇرىدىغان ئۇسۇلنى كۆرەلمەي ئەپسۇسلىنىشى مۇمكىن ،مەن بۇ كىتابنى ئۆلۈك ھالدا ئۆگىنىشىنى تەشەببۇس قىلمايمەن.ئەگەر سىز گېپنوز يېتەكلشىگە ئائىت تېخمۇ مۇكەممەل چۈشەنچىگە ئېگە بولاي دېسىڭىز ھاتلەندىنىڭ (1971 )ئېلان قىلغان ماقالىسى ۋەDavid T.Rowley نىڭ Hypnosis and Hypnotherbpy دىگەن كىتابى ۋە William W.Hewitt نىڭ Hypnosis for Beginners دىگەن كىتابلىرى ئوقۇپ چىقشىڭىزغا ئەرزىيدۇ.بۇنىڭغا ئوخشاش نۇرغۇن ماتىرىياللاردا كۆپلىگەن گېپنوز يېتەكلەش ئۇسۇللىرى تونۇشتۇرۇلغان.
  جەيمىس.بىرايد(James Braid)ئۇسۇلى
  بۇ جەيمىسنىڭ 1846 يىلى قوللانغا ئۇسۇلى ئاساسىدا كېيىنكىلەرنىڭ تەرەققىي قىلدۇرغان ئۇسۇلى .جەيمىس كۆز مۇسكۇلىنىڭ چارچىشى گېپنوز ھالىتىنى كەلتۈرۈپ چىقىرىدۇ دەپ قارىغان.بىراق ھازىر بۇ ئۇسۇل خاتا قاراش دەپ ئېيتىلسمۇ يەنىلا گېپنوزدا ئىشلىتىلىپ كەلمەكتە.
  ئاساسىي ئۇسۇلى بولسا گېپنوز قىلغۇچى گېپنوز قىلنغۇچىنى تورۇسقا ياكى تامدىكى يۇقىرراق ئورۇندىكى مەلۇم بىر نەرسىگە كۆزىنى تىكىپ قارىتىدۇ ,ئاندىن گېپنوز قىلغۇچى كۆز قاپىقىنى يۇمدۇرۇش بېشارىتى بېرىدۇ.بەزىلەر بۇنىڭغا ناھايىتى تېز ئېنكاس قايتۇرىدۇ(15 مېنۇت ياكى ئۇنىڭىدىنمۇ تېز)،بەزىلەرنىڭ تەستە ئېنكاس قايتۇرىدۇ،يەنى بەش مېنۇتتى كېيىن .گېپنوز قىلنغۇچى كۆزنى يۇمغاندىن كېيىن گېپنوز قىلغۇچى باشقا بېشارەتلەرنى بەرسە بولىدۇ.
  يۇقىردىكىسى بىرايدنىڭ ئەڭ ئاددى بولغان ئۇسۇلى ،بۇنىڭدىن باشقا قولچىراق ،شام،ئايلىنىدىغان تەخسە ھەتتا گېپنوز قىلغۇچىنىڭ كۆزى دىگەندەك نەرسلەر بىلەنمۇ بۇنى قىلسا بولىدۇ.
بىلەكنى يۇقىرى ئۆرلىتىش مەشىقى
  بۇ يېتەكلەش ئۇسۇلى بېشارەتنىڭ تەسىرى بىلەن گېپنوز قىلنىغۇچى ئىككى قولىنى تەڭ كۆتۈرۈش،قول كۆتۈرۈلۈپ مەلۇم بىر ئېگىزلىككە كەلگەندە ،يەنى مۈرە ئېگىزلىكىگە كەلگەندە قارشى تەرەپ گېپنوز ھالىتىگە كەلگەن بولىدۇ .باشقا يېتەكلەش ئۇسۇللىرىغا ئوخشاش،گېپنوز قىلنغۇچىغا بۇ ئۇسۇلدا قانداق بولىدىغانلىقىنى چۈشەندۈرۈش كېرەك ،مەسلەن ،ئۇنىڭغا ئۇنىڭ قولى قانداق كۆتۈرۈلۈپ ،قانچىلىك ئېگىزلىككە كۆتۈرۈلىدۇ دېگەندەك .بۇ نۇقتا شۇنداق مۇھىم .ئەگەر بۇنى قارشى تەرەپكە ئالدىن ئېيتىپ قويمىسا،ئۇ گېپنوز ھالىتىگە كىرمەيدۇ.
  گېپنوز قىلنغۇچىنىڭ ئازادە ھالەتتە بولۇشىغا كاپالەتلىك قىلىش كېرەك ،بۇ نۇقتىمۇ مەيلى قەيەردە بولسۇن شۇنداق مۇھىم ھالقىلارنىڭ بىرى،ئۇنىڭغا گېپنوز جەريانىدا بەدىنىنى يۆتكىشىگە ،چۈشكۈرۈپ-يۆتىلىشىگە ،بەدىنىنى قاشلىسا...دىگەندەك ئىشلارنى قىلسا بولىدىغانلىقنى ئېيتىپ قويۇش كېرەك.بۇنداق بولمىغاندا قارشى تەرەپنىڭ دىققىتى بەدىننىڭ بېئارام بولغان يېرىدە بولۇپ ،گېپنوز يېتەكلىشگە تەسىر كۆرسىتىدۇ.
  بۇ ئۇسۇلدا ئۇنىڭغا قولنىڭ ئالقىنىنى ئېچىپ تۆۋەنگە قارىتىش ،ئاندىن قولنىڭ ئاستىدا قولنى يۇقىرى كۆتۈرىدىغان شار بار ،ئۇ قولىڭىزنى ئاستا-ئاستا ئازادە ھالدا يۇقىرى كۆتۈرىدۇ دىگەن بېشارەتنى بەرسىڭىزمۇ ،ياكى ئىككى قولىڭىزنىڭ قول دۈمبە تەرىپى بىر ماگىنىت تەرىپىدىن ئۆزىگە تارتىلىپ يۇقىرى كۆتۈرۈلۋاتىدۇ دىگەن بېشارەتنى بەرسىڭىزمۇ بولىدۇ.بۇ سىزنىڭ تەسەۋۋۇر كۈچىنى قانداق ئىشلتىشىڭىزگە باغلىق .
  ئەگەر قارشى تەرەپ قولىنى كۆتۈرمىسە ،سىز يېنىڭ ھالدا ئۇنىڭ قولىغا تېگىپ،ھەركەتلەندۈرۈپ قويغاچ ،ئۇنىڭغا يەنە كۆتۈرۈشنى ئېيتىپ قويسىڭىز بولىدۇ.ئەگەر قارشى تەرەپ قولىنى كۆرۈپ ،سىز دىگەن ئېگىزلىككە كەلگەن ۋاقتىدا ،ئۇنىڭغا بېشارەت بېرىپ ،ئۇنىڭ گېپنوز ھالىتنى داۋاملىق ساقلىشىنى،قولىنى ئازادە ھالەتكە ئېلىپ كېلىدىغان ئورۇنغا ئېلىپ كېلىشىنى ئېيتىش كېرەك .بەزىلەرنىڭ قولىنى كۆتۈرۈشى تېز بولىدۇ.بەزىلەرنىڭ ئاستا بولىدۇ.بەزىلەرنىڭ ھەتتا تەۋرىنىپ كېتىدۇ.بەزىلەرنىڭ بىلىكى قېتىپ كېتىدۇ ،بۇ ئەھۋالنى كۆرگەن كۆپ قىسىم يېڭى ئۆگەنگۈچىلەر تەمتىرەپ كېتىدۇ.
مۇسكۇللارنى قەدەممۇ قەدەم بوشاشتۇرۇش ئۇسۇلى
   بۇ ئۇسۇل ۋاقىت سەرپ قىلىدۇ،مۇنداق قىلىپ ئېيتقاندا گېپنوز قىلغۇچى ھەرقايسى بۆلەكلەردىكى بەدەن مۇسكۇللىرىنى قەدەممۇ قەدەم بوشاشتۇرۇپ ماڭىدۇ،بەزى گېپنوز ئۇستىلىرى باش تەرەپتىن باشلاپ بوشاشتۇرۇپ ماڭىدۇ،بەزىلەر پۇت تەرەپتىن باشلايدۇ .مەن يۇقىرىدىن باشلاشنى ياخشى كۆرىمەن،بۇ ئۇسۇلنىڭ كونكىرىت ئۇسۇلى« گېپنوزنىڭ ئۆلچەملىك پىروگراممسى»دېگەن مەزمۇندىكى مىسالدا كۆرسىتىلگەن.
  يۇقىردا كۆرسىتىلگەن مىسالدىن باشقا يەنە جىك بىنسوننىڭ ئۇسۇلى بويىچە قىلساقمۇ بولىدۇ،ئۇسۇلى بولسا ،ئالدى بىلەن سىناق قىلنغۇچىغا مۇسكۇللىرىنى كۈچەپ يىغدۇرۇپ(كىرشتۈرۈپ)ئاندىن بوشاشتۇرۇش ئارقىلىق يېتەكلەش ئېلىپ بېرىش.
  -مۇشتىڭىزنى تۈگۈڭ ...كۈچەپ تۈگۈڭ ...تېخمۇ كۈچەڭ ...ياخشى،ئەمدى قويۇۋىتىڭ ....مۇشتىڭىزنى يەنە تۈگۈڭ ... مۇشتىڭىزنى تۈگۈڭ ...كۈچەپ تۈگۈڭ ...تېخمۇ كۈچەڭ ...ياخشى،ئەمدى قويۇۋىتىڭ،ئېسڭىزدە بولسۇن ،مەن ھەرقېتىم بارماق چەككەن ۋاقتىمدا سىز قولىڭىزنى قويىۋىتىسىز،پۈتۈن بەدىنڭىز بوشاشقاندەك سېزىم بولىدۇ.بۇ سېزىمنى ئېسڭىزدە تۇتىۋىلىڭ،مەن ھەرقېتىم بارماق چەككەن ۋاقتىمدا سىزنىڭ بەدىنىڭىز بوشاپ ،شۇنداق ئازادە تۇيغۇغا كېلسىز،ھەم بارغانسىرى گېپنوز ھالىتىگە كىرىپ ماڭىسىز...ئەمدى چىشىڭىزنى چىشلەڭ ...كۈچەپ چىشلەڭ ...(بارماق چېكىلگەن ئاۋاز...بۇ چاغدا قارشى تەرەپ چىشىنى چىشلەشنى توختىدۇ) ...ئەمدى بويۇن ۋە مۈرىڭىزنى كىرىشتۈرۈڭ...كۈچەپ كىرىشتۈرۈڭ ...(بارماقنىڭ چېكىلگەن ئاۋازى ،بۇ چاغدا قارشى تەرەپ كىرىشتۈرۈشىنى توختىتىدۇ)...
  بۇ ئۇسۇلنىڭ ئۈنۈمى شۇنداق ياخشى ،بولۇپمۇ بىلەكنى يۇقىرى كۆتۈرۈش ۋە باشقا گېپنوز يېتەكلىشدىن كېيىن ،گېپنوزنى چوڭقۇرلاشتۇرشتا قوللىنىلسا ئۈنۈمى تېخمۇ يۇقىرى بولغان بولىدۇ.
   يىراققا قاراپ كۆزيۇمۇش ۋە ئېچىش ئۇسۇلى  
  يۇدۇف(1981) بۇ ئۇسۇلنى ناھايىتى قەدىمى بولغان ئۇسۇللارنىڭ بىرى دەپ قارىغان.كونكىرىت ئۇسۇلى بولسا ،گېپنوز قىلغۇچى گېپنوز قىلنغۇچىنى يىراققا قاراشنى ،ئەمما بىر نۇقتىغا كۆزىنى تىكىۋالماسىلىقىنى تەلەپ قىلىدۇ،ئاندى بېشارەت بېردۇ.
  -ھازىر ساناق سانايسىز،بىردىن يىگىرمىگىچە ،ھەربىر ساناق سانىغان چاغدا ئالدى بىلەن كۆزىڭىزنى يۇمۇپ ئاندىن كۆزىڭىزنى ئاچىسىز...ھەربىر قېتىم كۆزىڭىزنى يۇمغان ئاچىدىغان چاغدا كۆزىڭىزنى ئېچىشنىڭ تەسلىشىپ كېتۋاتقانلىقىنى ھېس قىلسىز ،ساناپ يىگىرمىگە كەلگەندە كۆزىڭىزنى ئاچالمايسىز .ھازىر مەن ساناق ساناشىنى باشلايمەن .بىر...ئىككى...ئۈچ...كۆزىڭىزنى ئېچىشنىڭ تەسلىشىپ كەتكەنلىكىنى ھېس قىلدىڭىز،ئەمدى بۇ ئەھۋال ئېغىرلىشىپ بارىدۇ..تۆت...كۆزىڭىزنىڭ قاپىقى بارغانسىرى چاپلىشىپ قالغاندەك ،تەستە كۆزىڭىزنى ئېچىۋاتسىز....يىگىرمە ...كۆزىڭىز يۇمۇلۇپ قالدى ...ئەمدى كۆزىڭىزنى ئاچالمايسىز ...قېنى ئېچىپ بېقىڭ...
  ئەگەر بۇ چاغدا قارشى تەرەپ ئاچالمىسا ،سىز باشقا چوڭقۇرلاشتۇرۇش يېتەكلىشى ئېلىپ بېرىڭ.بۇنىڭدىن باشقا بۇ ئۇسۇلنى ئۆزىڭىز بېيىتىپ ماڭسىز بولىدۇ ،يەنى ساناپ تاق سانغا كەلگەندە كۆزىنى يۇمۇپ،جۈپ ساناق سانىغان چاغدا ئېچىش ،بۇ چاغدا ساناپ مەلۇم بىر جۈپ سانغا كەلگەندە كۆزىنى ئاچالمايدۇ .ياكى ساناق ساناتقان چاغدا ،بىر تەرەپتىن بېشارەت بېرىپ ،ساناق ساناشنى داۋاملاشتۇرغۇزۇپ تاكى كۆزىنى ئاچالمىغانغا قەدەر داۋاملاشتۇرسىڭىزمۇ بولىدۇ.ساناق ئورنىغا يەنە پېئانىنو چېلشتا ئىشلىتىدىغان رېتىم تۇراقلاشتۇرغۇچنى ئىشلەتسىڭىزمۇ بولىدۇ.
   ھەيكەلنىڭ قولى
  بۇ ئۇسۇلنى سىسدوف(1970) تونۇشتۇرغان ،كونكىرىت ئۇسۇلى قارشى تەرەپنىڭ كۆپ ئىشلەتمەيدىغان قول (ئوڭ قولىنى كۆپ  ئىشلەتسە سول قول ،سول قولىنى كۆپ ئىشلەتسە ،ئوڭ قول) ىنى ئازادە بولغان يۇقىرراق ئورۇنغا كۆتۈرگۈزۈپ ،ئاندىن بېشارەت بېرىپ
  -قولىڭىز ھازىر ھەيكەلنىڭ قولىغا ئايلىنىپ قالدى،قولىڭىزنى ئېنچىكە كۆزىتنىڭ ...تىرنىقىڭىزغا چۈشكەن نۇر يالتىراپ تۇرىدۇ....قول بارماقلىرىڭىزدىكى سىزىقچىلار تېخىمۇ ئېنىق بولۇشقا باشلىدى..
دەپ ،قولنىڭ شەكلى،قۇرۇلمىسى،نۇر چۈشۈش دەرىجىسى ،گۈزەللىك بېغىشلاش دەرىجىسى دىگەن مەزمۇنلارنى ئاساس قىلىپ بېشارەت بەرسىڭىز بولىدۇ.بېشارەت بەرگەن چاغدا ،ھەربىر سۆز ئارلىقىدا مەلۇم ئارلىق قويۇڭ ،بۇ قارشى تەرەپنىڭ ئېنكاس قايتۇرىشىغا پايدىلىق .
  قارشى تەرەپ قولىنى كۆزىتىپ ،ئۆزى ياخشى كۆرىدىغان ھەيكەلگە ئوخشاتقان چېغدا كۆزىنى يۇمۇشى مۇمكىن (بەزىلەر كۆزىنى يۇممايدۇ).كۆزىنى يۇمغاندىن كېين قارشى تەرەپنىڭ قولى بارا بارا تۆۋەنگە چۈشۈپ كېتىدۇ.
  قول ئىشارىتى ئۇسۇلى
  بۇ ئۇسۇل گاس-گاچىلارغا ماس كېلىدۇ،بۇ ئۇسۇلنى ئۆگىنىشتىن بۇرۇن گاس-گاچىلار تىلىنى ئازىراق ئۆگىنىپ قويسىڭىز بولىدۇ.بۇنى ئەڭ بۇرۇن مېلتون.ئېرىكسون(Milton H.Erickson)   ئىشلەتكەن.ئېرىكسون بەلكىم گېپنوز ئۇستىلىرى ئىچدە ئىجاد قىلىش ئۇسۇلى ئەڭ باي گېپنوز ئۇستىلىرنىڭ بىرى ،ئۇ نۇرغۇن گېپنوز يېتەكلەش ئۇسۇللىرىنى بارلىققا كەلتۈرگەن
  ئۈلگە ئۇسۇلى
  بۇ ئېرىكسوننىڭ (1976) بارلىققا كەلتۈرگەن ئۇسۇلنىڭ بىرى.بۇ ئۇسۇلدا ئالدى بىلەن بىر ئادەمنى يەنە بىر ئادەمنڭ گېپنوز بولۇش جەريانىغا قاراتقاندىن كېيىن ئۇمۇ گېپنوز بولۇپ قالىدۇ.سەھنە گېپنوزىدا بەزىدە گېپنوز ئۇستىسى سەھنىدىكى ئادەملەرنى گېپنوز قىلىپ بولغاندىن كېيىن ،مەلۇم قاتاردىكى ئادەملەرنى «ئۇخلاڭ»دەپ قويسا ،ئۇلار تېزلا گېپنوز ھالىتىگە كېلىپ قالىدۇ .
  ئېرىكسون ئەگەر بەزى ئادەملەر ئۆزنىڭ گېپنوز بولۇپ قالغانلىقىنى ھېس قىلالمىسا ،ئۇنىڭ ئېنكاسى تېخمۇ ياخشى بولغان بولىدۇ دەپ قارىغان.
  مېخانىكىلىق ئۇسۇللار
  گېپنوز قىلىش جەريانىدا ،گېپنوز قىلىش ئۈچۈن ئىشلتىدىغان مېخانكىلىق سايمانلار ناھايىتى كۆپ .بۇنىڭ بەزىلىرىنى مەخسۇس گېپنوز قىلىش ئۈچۈن لايىھلەنمىگەن،مەسلەن پېئانىنونىڭ رېتىم ئۇرغۇچىسى .بەزىلىرى مەخسۇس گېپنوز ئۈچۈن لايىھلەنگەن ،مەسلەن گېپنوز قىلغۇچ.پەن-تېخنىكىنىڭ تەرەققىي قىلىشغا ئەگىشىپ ،نۇرغۇن گېپنوز قىلغۇچى سايمانلار بارلىققا كەلدى ،بۇنىڭ ئىچىدە بەزىلىرى كومپىيۇتىر پروگىراممىسى شەكىلدە تۈزۈلۈپ ،گېپنوز يېتەكلىشگە ناھايىتى قولايلىقلارنى ئېلىپ كەلدى.بۇنىڭ ئىچىدە بىرقەدەر ئومۇملاشقىنى Follow The Watch  يۇمشاق دېتال شىركىتى ئىشلەپچىقارغان Virtual Hypnotist  يۇمشاق دېتالى .بۇ دېتالنىڭ تىلى ئىنگلىزچە بولۇپ ،خەنزۇچە نەشىرى يوق .بۇنىڭدىن باشقا يەنە نۇرغۇن گېپنوز قىلغۇچى يۇمشاق دېتاللار بار ،ئەگەر قىزىقسىڭزى توردىن سىناق نۇسخسىسىنى  چۈشۈرۈپ سىناپ باقسىڭىز بولىدۇ(كۆپ قىسىم دېتاللارنىڭ ئۈچ ئايلىق سىناق نۇسخىسى ھەقسىز تەمنلىنىدۇ).


★چوڭقۇر گېپنوز ھالىتگە قانداق ھۆكۈم قىلمىز ؟
  ئۇزۇندىن بېرى گېپنوز قىلغۇچىلار گېپنوز ھالىتىنى ئۈچكە بۆلگەن ،يەڭگىل ،ئوتتۇرا ،چۇڭقۇر گېپنوز ھالىتى .
  يەڭگىل گېپنوز ھالىتى بولسا،گېپنوز قىلنغۇچى يەڭگىل ھەم ئازادە ھالەتتە بولۇپ ،گېپنوز يېتەكلىشگە بولغان ئېنكاسى ئانچە كۆڭۈلدىكىدەك بولمايدۇ،شۇ سەۋەبتىن ،گېپنوز قىلنغۇچىدا ئۆزى گېپنوز بولمىغاندەك تۇيغۇ بولىدۇ.ئەمەلىيەتتە ،ئاللىقاچان گېپنوز ھالىتىگە كىرىپ بولغان بولۇپ ،پەقەت چوڭقۇر ھالەت يېتەرلىك بولمىغان بولىدۇ ھەم ئادەتتىكى چاغدا ئانچە سۆزلىمەيدىغان سۆزلەرنى سۆزلەيدۇ،كەيپىياتى بىر ئاز تۇراقلاشقان بولىدۇ،ئادەتتىكى پىسخىك مەسلھەت قىلسا بولىدۇ.
  ئوتتۇرا گېپنوز ھالىتى بولسا،گېپنوز قىلىنغۇچى ئوخشاشلا ئازادە ھالەتتە بولۇپ ،گېپنوز يېتەكلىشگە نىسبەتەن ئېنكاسى ياخشى بولىدۇ ھەم ئۇنىڭ ئېڭى سەگەك ھالەتتە بولۇپ ،ئادەتتىكى ئەھۋالدىن بەكرەك سەگەك ھالەتتە بولىدۇ.بۇ چاغدا ئاڭ بىلەن يوشۇرۇن ئاڭ ناھايىتى ياخشى بىرلىشەلەيدۇ.بۇ چاغدا گېپنوز قىلغۇچى يېتەكلەش ئېلىپ بارغاندا يوشۇرۇن ئاڭ كېرەكلىك ئۇچۇرلارنى تېزلا ئاڭ قاتلىمىغا يەتكۈزۈپ بېرىدۇ.مەسلەن،گېپنوز قىلغۇچى يېتەكلەپ :«مەن بىردىن ئۈچكىچە سانايمەن ،يوشۇرۇن ئاڭ سىزنى مەسلىنىڭ مەنبەسىگە يېتەكلەپ بارىدۇ ...»ئارقىدىن ساناپ ئۈچكە كەلگەن چاغدا ،گېپنوز قىلغۇچى ئۇنتۇپ كەتكەن ھالقىلىق ئەسلىمنى قايتا ئەسلەپ چىقىدۇ.مەن قىلغان كۆپ قىسىم گېپنوزدا بۇ خىل گېپنوز ھالىتىدە ئېلىپ بېرىلىدۇ.
  چوڭقۇر گېپنوز ھالىتى بولسا،گېپنوز قىلنغۇچى گېپنوز قىلغۇچىنىڭ يېتەكلىشگە ناھايىتى ئاكتىپ ماسلىشىدۇ.بىراق،ئۇنىڭ ئېڭى سەگەك بولمايدۇ.گېپنوز ئاخىرلاشقاندا بولسا ئۆزنىڭ گېپنوز ۋاقتىدا يۈز بەرگەن ئىشلارنى ئەسلىيەلمەيدۇ.
  شۇڭا كۆپ قىسىم سەھنە گېپنوز ماھارىتى ۋاقتىدا ،گېپنوز قىلغۇچى مەقسەتلىك ھالدا قارشى تەرەپنى چوڭقۇر گېپنوز قىلۋىتىدۇ،بۇنداق بولغاندا ئويۇن كۆرستىش خارەكتىرى كۈچلۈك بولۇپ ،ناھايىتى ياخشى كۆڭۈل ئېچىش ئۈنۈمى ياراتقان بولىدۇ.
  بىراق پىسخىك داۋالاشتا گېپنوز قىلنغۇچىنىڭ چوڭقۇر گېپنوز بولۇشى ئانچە مۇھىم ئەمەس ،بەلكى ئوتتۇرا ھال گېپنوز ھالىتىگە ئېلىپ كېلىش مۇھىم دەپ قارىلىدۇ.چۈنكى پىسخىك داۋالاش ئېلىپ بېرىشتا يوشۇرۇن ئاڭ بىلەن ئاڭ ئوتتۇرسىدا ياخشى ماسلىشىش ھاسىل قىلىپ ،يوشۇرۇن ئاڭنىڭ ئۇنتۇلغان ئەسلىمنى ئاڭ قاتلىمغا يەتكۈزۈپ بېرىشى ئېنتايىن مۇھىم .شۇڭا ئوتتۇرا ھال گېپنوز ھالىتى پىسخىك داۋالاش ۋە مەسلھەت بېرىشقا ناھايىتى ماس كېلىدۇ.
  پىسخىك مۇتەخەسىسلەر گېپنوز ھالىتنىڭ ھەرخىل مۇرەككەپ ھالەتلىرنى بايقىغاندا،بۇ ئەنئەنىۋى ئۈچ خىل ھالەتنىڭ گەرچە ئەمەلىي ئىشلتىلش قىممىتى بولسمۇ،يەنىمۇ ئېنچىكە ھالەتلەرگە بولغان كۆزىتشنىڭ مۇۋاپىق بولمايدىغانلىقنى بايقىغان.
  ئۇزۇن مەزگىللىك ۋاقىت تىرىشچانلقنىڭ ئارقىسدا ،Davis.Husband  گېپنوزنى 30 خىل ھالەتكە بۆلگەن. Cron.Bordeax  50 خىل ھالەتكە بۆلگەن.مەن تۆۋەندە كۆپ ئىشلتدىغان Arons نىڭ ئالتە خىل ھالىتى بويىچە تونۇشتۇرىمەن.
  بىرىنچى باسقۇچ: بىر ئاز گېپنوز بولغان،بىراق يەڭگىل،گېپنوز قىلىنغۇچى ئۆزنىڭ گېپنوز بولغانلىقىنى ھېس قىلالمايدۇ ھەم ئۆزنى پۈتۈنلەي سەگەك دەپ قارايدۇ.كىچىك مۇسكۇللار كونترول قىلىنىش دائىرسىدە بولىدۇ.مەسلەن.كۆزنىڭ يېپىشىش ئېنكاسى بۇ خىل ھالەتتە پەيدا بولىدۇ.
ئىككىنچى باسقۇچ :تېخمۇ ئازادە ھالەتكە ئۆتكەن بولىدۇ.چوڭراق مۇسكۇللارنى كونترول قىلغىلى بولىدۇ.قول بېلىكى قېتىش ئېنكاسى(Arm Catalspsy) كاللىسىدىكى ھەرخىل قالايمىقان ئويلار ئاجىزلاشقان بولىدۇ.
  ئۈچىنچى باسقۇچ: پۈتۈن مۇسكۇللار كونتىرول دائىرىسدە بولىدۇ.گېپنوز قىلنغۇچىنى ئورۇندۇقتا ئولتۇرغۇزۇپ تۇرغۇزغىلى،ماڭغۇزغىلى،ساناق سانىغۇزغىلى بولمايدۇ .ئاغرىق سېزىمنى قىسمەن يوقىتدۇ.
سەھنە گېپنوزدا گېپنوز قىلغۇچى بۇ باسقۇچقا كەلگەندە ،گېپنوزنىڭ كۆڭۈل ئېچىش خارەكتىرىدىكى ئويۇنىنى باشلايدۇ.مەسلەن بېشى ۋە پۇت قىسمنى ئورۇندۇققا قويۇپ بەل قىسىمىدا ھېچنمە بولمايدۇ ھەم قۇرۇق ھاۋا بوشلۇقىدا تۇرىدۇ،بۇ چاغدا گېپنوز قىلغۇچى ئۈستىگە دەسسەپ چىقىدۇ.
  تۆتىنچى باسقۇچ؛
  ئەسلىمنى يوقتىش ھالىتى باشلىنىدۇ (Amnesic) .ھەم تېخمۇ كۆپ بولغان گېپنوز ھالىتى كۆرۈلىدۇ.يېتەكلەشنى قوبۇل قىلغاندىن كېيىن ئىسم،سان،ئادېرىس قاتارلىقلارنى ئۇنتۇپ كېتىدۇ.
  يەنە بىر مۇھىم نۇقتا بولسا.گېپنوز قىلنغۇچىلاردا ئاغرىق سېزىمى(Analgesia) بولمايدۇ.بىراق يەنە تېگىشىش سېزىمى ساقلانغان بولىدۇ.چىش ئاغرىقى ۋە ئوپىراتسېيىلەردە قوللىنىدۇ.گېپنوز قىلىنغۇچىدا خۇددى ھاۋانىڭ يارا ئېغىزىغا كىرۋاتقاندەك سېزىم بولىدۇ،بىراق ئاغرىق سېزىمى بولمايدۇ.
ئنتىرنىت تورىدا ئەنگىلىيلىك Derren.Brown نىڭ مېترو (يەرئاستى شەھەر ئىچى پويىزى)دا ناتونۇش يولۇچىلارنىڭ قېشغا بېرىپ ناھايىتى تېزلىك بىلەن قارشى تەرەپنى گېپنوز قىلىپ ئۇنىڭ چۈشمەكچى بولغان قاتناش بېكىتىنى ئۇنتۇلدىرۋېتدىغان كۆرۈنمە چاستوتىسى ناھايىتى كۆپ .ئەگەر قىزىققۇچىلار بولسا ،ئېنتىرنىت تورىدىن كۆرۈۋالسا بولىدۇ.
بەشىنچى باسقۇچ؛
   ئاغىرىق ۋە تېگىشىش سېزىمى يوقايدۇ.پۈتۈنلەي ناركوز قىلىنغان ھالەتكە ئۆتىدۇ(Anesthesia).ئاكتىپ خىيالى سېزىم(Positive Hallucination) تۇيغۇسىدا بولىدۇ.بۇ چاغدا ئۇ مەۋجۇت بولمىغان ئادەمنى ۋە نەرسىلەرنى كۆرىدۇ.ئۇيغۇر ۋە باشقا تۈركىي مىللەت شامانلىرى دەل بۇ باسقۇچ ۋە ئالتىنچى باسقۇچ  ئارقىلىق ئۆزنىڭ ئالدىغا كەلگەن بېمارلارغا ئۇزۇن ۋاقىت پېرە ئويناش ياكى باشقا ئۆزنىڭ ئۇسۇللىرى ئارقىلىق ئۇنىڭغا «ئاتالمىش روھ  »نى كۆرسىتدۇ.ئۇلار كۆپنچە ئۆزىگە خاس بولغان بۇ خىل ئۇسۇللار ئارقىلىق بۇ باسقۇچقا يېتىدۇ.بۇ ھەقتە كېيىنكى بابتا سۆزلىنىدىغان شامان دىنى ۋە گېپنوز ھەققىدە دېگەن بابتىن خەۋەردا بولغايسىز.
  ئالتىنچى باسقۇچ ؛
  پاسسىپ خىيالىي سېزىم(Negative Hallucination) پەيدا بولىدۇ.ئەمەلىي مەۋجۇت بولغان نەرسىلەرنى كۆرەلمەيدۇ.
  ئۇزۇن مەزگىللىك كىلنكىلىق نەتىجلەردىن تەخمىنەن %20 ئادەم بىرىنچى،ئىككىنچى باسقۇچلۇق گېپنوز ھالىتىگە كېلىدۇ.%60 ئادەم ئۈچىنچى،تۆتىنچى باسقۇچلۇق گېپنوز ھالىتىگە كېلىدۇ.%20 ئادەم بەشىنچى،ئالتىنچى باسقۇچلۇق گېپنوز ھالىتىگە كېلىدۇ.
  بۇ ئالتە باسقۇچلۇق گېپنوز چوڭقۇرلۇق ھالىتىنى تۆت ئۆلچەم بىلەن پەرقلەندۈرىمىز.
  مۇسكۇللارنىڭ قېتىپ تۈزلىنىشى (Catalepsy):
  گېپنوز قىلىنغۇچى ئەركىن ھالدا مۇسكۇللىرىنى ھەركەتلەندۈرەلمەيدۇ.ئالدىنقى ئۈچ باسقۇچتا بارا-بارا كۈچىيىپ بارىدۇ.
ئەسلىمىنى يوقىتىش(Amnesia):
   بۇ ئۈچىنچى ۋە تۆتىنچى باسقۇچنى پەرقلەندۈرشنىڭ ئاچقۇچى.گېپنوز قىلغۇچى گېپنوز قىلنغۇچىغا ساناق ساناتقان چاغدا ئۈچۈنچى باسقۇچتا بىردىن باشلاپ ساناتقان چاغدا 7 گە كەلگەندە بۇ ساننى غۇۋا دەيدۇ.تۆتنىچى باسقۇچتا بولسا بۇنى ئۇنتۇپ كېتىدۇ.
ناركوز بولۇش ھادىسى(Anesthesia):
  بۇ بەشىنچى ۋە ئالتىنچى باسقۇچنى پەرقلەندۈرۈشنىڭ ئاچقۇچى.تۆتىنچى باسقۇچتا ئاغىرىق سېزىمنى( Analgesia) يوقىتدۇ.بىراق تېگىشىش سېزىمى ساقلانغان بولىدۇ.ئالتىنچى باسقۇچتا بولسا ئاغرىق ھەم تېگىشىش سېزىمى يوقىلىپ ،ناركوز بولۇش ھادىسىسگە(Anesthesia) كېلىدۇ.
خىيالى سېزىم (Hallucination):
  بەشىنچى باسقۇچتا ئاكتىپ خىيالى سىزىم شەكىللىنىدۇ(Positive Hallucination).يەنى سىز بىر سۈزۈك سۇنى قارشى تەرەپنىڭ بۇرنىغا ئېلىپ كېلىپ ،بۇ بىر ئالىي دەرىجىلىك دەپ بېشارەت بەرسىڭىز قارشى تەرەپ پۇرىغاندىن كېيىن ئۇنىڭدا ئەتىرنىڭ پۇرىقىنى پۇرىغاندىكى سېزىم بولىدۇ.
  ئالتىنچى باسقۇچتا ،پاسسىپ خىيالى سېزىم(Negative Hallucination) شەكىللىندۇ.ئەمەلىي مەۋجۇت بولۇپ تۇرغان شەيئىلەرنى كۆرەلمەيدۇ.بېشارەت بېرىپ بولغاندىن كېيىن ،ئۇ تامدىكى سان ،سائەت ھېچقانداق نەرسىنى كۆرەلمەيدۇ .ھەم ئىسسىق ۋە سوغۇق سېزىمنى سېزەلمەيدۇ.
   پاسسىپ خىيالى سېزىم باسقۇچىدا گېپنوز قىلىنغۇچى كۆرەلمىكەنلىكى ئۈچۈن كۆرەلمەيدۇ ئەمەس بەلكى كۆرمەسكە سالغاندەك تۇيغۇ بولىدۇ.مەسلەن ،ئۇنى گېپنوز قىلىپ بىشارەت بەرگەندىن كېيىن .ئۇ ئۆي ئىچىدىكى ئۈستەلنى كۆرەلمەيدۇ،شۇڭا قولىدىكى ئىستاكاننى ئامالسىز يەرگە قويىدۇ.بىراق ،ئۇنى ئۆي ئىچىدە ماڭغۇزغاندا ئۇ ئۈستەلگە پۇتلىشىپ كېتەمدۇ ؟جاۋابى :ئۇنداق بولمايدۇ.چۈنكى ئۇنىڭ قەلبىنىڭ چوڭقۇر يېرىدە «يوشۇرۇن  كۆزەتكۈچ»سى(hidden observer) بولغان بولىدۇ ئېنىق ئۆي ئىچىدىكى نەرسىلەرنى كۆرۈپ تۇرسىمۇ ،بىراق«كۆرەلمەي»دۇ.ئەمەلىيەتتە ئۇ كۆرگەن بولىدۇ.شۇڭا ئۇنىڭ «يوشۇرۇن كۆزەتكۈچ»ىسى تەرىپىدىن بايقىلىپ يىقىلىپ-پۇتلىشىپ كەتمەيدۇ.
  گېپنوزدىكى تۆت مۇھىم ھالقا؛ئازادىلىك،چوڭقۇر نەپەس ئېلىش،تەسەۋۋۇر ۋە بېشارەت
  نۇرغۇن ئۇسۇللار بىلەن ئادەمنى گېپنوز قىلغلى بولىدۇ.بۇلارنى تۆت ئاساسىي ھالقىغا يېغىنچاقلاشقا بولىدۇ.بۇ ئاساسىي ھالقىلارغا پىششىق بولسىڭىز سىزنىڭ گېپنوز ئۇستىسى بولۇشىڭىزدا گەپ يوق بولغان بولىدۇ.
  بۇ تۆت ئاساسىي ھالقا بولسا ؛ ئازادىلىك،چوڭقۇر نەپەس ئېلىش،تەسەۋۋۇر ۋە بېشارەت .

nirvana

borabalisi يوللىغان ۋاقتى  2013-11-7 19:58
ئەسسالامۇ ئەلەيكۇم ، گىپنوز تېخنىكىسىغا ئىشىنىشكە بول ...

ئەلۋەتتە ئىشنىشكە بولىدۇ.سىز تەسەللىي بەرمەيسىز، بەلكى بىشارەتلىك يېتەكلەش ئېلىپ بارىسىز، كىتابنىڭ بېشارەت قسىمىغا قاراپ بېقىشىڭىزنى ئۈمىد قىلمەن

edrek

ئۇيغۇرلارنىڭ ئىچىدە ئاز تولا گىپنوزنى بىلىۋىلاپلا باشقىلارنى قايمۇقتۇرۇپ ئالدايدىغان قارا نىيەتلەر خىلى كۆپىيىپ قالدى،مەن تور پەتىۋاسىدىن گىپنوزنىڭ ھاراملىقىنى كۆرگەندىم،دىنىي پەننىي  بىلىمى   بىرىڭلار بۇ توغرىدا بىرەر نەرسە يازساڭلىكەن！مول

aqturk

كۆپتىن-كۆپ تەشەككۈر ، مەن بەك قىزىقاتتىم.

nirvana

edrek يوللىغان ۋاقتى  2013-11-8 12:19
ئۇيغۇرلارنىڭ ئىچىدە ئاز تولا گىپنوزنى بىلىۋىلاپلا باش ...

شەخسەن مەن  گېپنوز بىلىدىغان ئۇيغۇرلارنىڭ ئۇنداق قارانىيەتلىك ئىشلارنى قىلغانلىقىنى ئاڭلىمدىم ھەم كۆرۈپ باقمىدىم.

aqturk

مۇمكىن بولسا ئەسلى ئەسەرنىڭ خەنچە ئاتىلىشى ، نەشىرياتى قاتارلىقلارنى ئەسكەرتىۋەتسىڭىز .

albax

  يازما ئىگىسى ، قايتا-قايتا ئويلىنىپ ئاخىرى ئەسكەرتىپ قۇيۇشنى توغرا تاپتىم . مۇنبەر نامىڭىزنى بۇددا ئەقىدىلىرىدىكى «نېرۋانا» دىن ئۆزگەرتىۋىتىشىڭىزنى تەۋسىيە قىلىمەن !