تاشپولات: بوۋاق بالىياتقۇ ئىچىدىمۇ سىرتقى دۇنيادىكى ئاۋازنى ئاڭل...

TashpolatRozi

بوۋاق بالىياتقۇ ئىچىدىمۇ سىرتقى دۇنيادىكى ئاۋازنى ئاڭلاپ ئۆگىنىش قىلالايدىكەن

تاشپولات روزى

         بۇ ماقالە ئىلمى ژۇرنال "PLOS ONE" دا ئېلان قىلىنغان. ھامىلدار بولۇپ تۇغۇشقا ئاز قالغان 24 ئايالنىڭ تەڭ يېرىمگە، ھەپتىسىگە 5 كۈن ئامېرىكانىڭ ئەللەي بالام ناخشىسى چاقنىغان كىچىك يۇلتۇز (Twinkle Twinkle Littele Star) دىكى مۇزىكىنى ئاڭلىتىپ تەجرىبە قىلغان. بۇ ئاياللار بوۋاقنى تۇغقاندىن كېيىن، مۇزىكىنى ئاڭلاپ تۇغۇلغان بالىلار بىلەن مۇزىكىنى ئاڭلىماي تۇغۇلغان بالىلارنىڭ مېڭە دولقۇننى ئۆلچىگەن. مۇزىكىنى ئاڭلاپ تۇغۇلغان بوۋاقلارنىڭ مۇزىكىغا بولغان ئىنكاسى ناھايىتى كۈچلۈك بولغان. بۇ دېگەنلىك بوۋاق بالىياتقۇ سىرتىدىكى ئاۋازنى ئاڭلاپ ئۆگىنىش قىلالايدۇ دېگەندىن ئىبارەت ئىكەن.
        بۇ قېتىم ئېرىشكەن نەتىجىدىن، بوۋاقنىڭ بالدۇرلا ئۆگىنىش قابىلىيىتىگە ئىگە ئىكەنلىكىنى بىلىشكە بولىدىكەن. ھەمدە بۇ نەتىجە بوۋاق ئۆگەنگەن نەرسىنى مېڭىسىدە ئۇزۇن مۇددەت ساقلاپ قالالايدىغانلىقىنىمۇ ئىپادىلەپ بېرىدىكەن.
     بىزلەر كىچىك ۋاقتىمىزدا ئانىمىزنىڭ ئەللەي بالام دېگەن ناخشىلىرىنى ئاڭلاپ چوڭ بولغان بولساقمۇ قورساق ئىچىدە ئۇ ناخشىلارنى قانچىلىك ئاڭلىدۇق ئۇ ماڭا نامەلۇم. قانداقلا بولمىسۇن ھازىرقى ئاتا-ئانىلار بالىلارنى ئىلمى ئۇسۇلدا تەربىيىلىشى بۇ ئارقىلىق دۇنياغا ھەم مىللىتىمىزگە ياراملىق، قابىلىيەتلىك بوۋاقلارنى كۆپ يېتىلدۈرۈپ بېرىشى لازىم.
           تۆۋەندىكى ئۇلىنىشنى چەكسىڭىز تېخىمۇ كوپ ئۇچۇرلارغا ئېرىشىسىز.

http://news.sciencemag.org/brain-behavior/2013/08/babies-learn-recognize-words-womb

تۆۋەندىكى ئۇلىنىشتىن ئامېرىكانىڭ ئەللەي ناخشىسىنى ئاڭلىيالايسىز.

http://vimeo.com/53070294

SOGUK

     ئىسىت  مىنىڭ   بۇنداق ياخشى پۇرسىتىم  ئوتۇپ كەتتى .  ئەمدى نەۋىرلەرنى  تەربىيەلەيدىغان گەپ .
    تاشپۇلات  مۇئەللىمگە  كوپ رەھمەت .

ablimitt

بۇلىدىغان گەپكەن بۇ، گەرچە ئىنىق بىر نەرسە ئۈگەنگىنى بىلىنمىدى دىگەندىمۇ دىققىتىنى يىغىش، ئازراق ئىكاس قايتۇرسىمۇ كىيىنكى ۋاقىتلاردا چوڭ كۈچ تۇتىشى مومكىن. يامان يېرى بەزىلەر جېكسوندەك چولپان قىلىمىز دەپ بالىغا مۇزىكىنى زورلاپ، نېرۋىسىنى ئاجىز قىپ قويمىسىچۇ؟...
يەنە بىر تىمىدا كۆرگىنىمدە گىرمانلارنىڭ دۇنيادىكى نوبىل مۇكاپاتىنىڭ يېرىمىنى ئالىدىغانلىقى ، كىچىكىدە دەرىسكە زورلىمايدىغانلىقىنى مۇنبەردە كۆرگەندەك قىلغان ئىدىم. شۇڭا ئاتا-ئانىلار كىچىك بالىلارغا ياكى ھامىلىگە بەك زورلاپ كەتمىسىكەن دەيمەن.

bilikop

‹ئانىسىنىڭ قوسىغىدا تۇرغۇزۇپلا ساۋادىنى چىقىرمىز›  دەپ تىرىشىدىغان چوقۇم چىقىدۇ  

Alchvn

مەن بۇنىڭغا مۇناسىۋەتلىك بىر ئېنگىلىزچە ماتىرىيالنى كۆرگەن ئىدىم .يېزىلىشىچە ئانىسىنىڭ قورسىقى ۋاقتىدا a  دولقۇنلۇق مۇزىكىلارنى ئاڭلاپ يېتىلگەن بوۋاقلارنىڭ ئوڭ مېڭىسى ئادەتتىكى بوۋاقلاردىن تەرەققى قىلغان بولىدىكەن .

elikaram

مەنى تۆكۈلۈپ 40 كۈندىن كىيىن جان بولىدۇ،جان بولغان ئىكەن ھاياتلىق دىگەن گەپ.ئەنە شۇ 40 كۈندىن كىيىن ياشاش ئۈچۈن كۆرەشكە ئاتلىنىدىغان گەپ؟  

nijat0220

       تەربىيە قانچە بالدۇر بولسا شۇنچە ياخشى ،  بۇرۇنمۇ مۇشۇنۇڭغا مۇناسىۋەتلىك ماتېرياللارنى كۆرگەن ئىدىم.

vincent

bilikop يوللىغان ۋاقتى  2013-11-5 15:50
‹ئانىسىنىڭ قوسىغىدا تۇرغۇزۇپلا ساۋادىنى چىقىرمىز›  دە ...

ماۋۇ ئىنكاسقا كۈلۈپتىمەن.....

yusup818

ئۈچ ياشلىق قىزىمنىڭ مەندىن ،،مەن ئەللەي ۋاقتىمدا سەن ئۇنداق دىگەنتىڭ،،سەن مۇنداق دىگەنتىڭ دەپ سوراشلىرى بىكار  ئەمەسكەندە ؟؟؟؟  

narazi

بۇرۇن بىر كىتاپتا بىر ئۆزبىك يازغۇچىنىڭ بالا قوساقتىكى ۋاختىدا مەلۇم ھىكايىنى ئوقۇپ بىرىۋەرگەنلىگى كىيىن تۇغۇلۇپ تىلى چىققاندا قايتا ئاڭلاتسا مەن بۇرۇن ئالىغان دىگىننى يېزىپتىكەن
ئىشقىلىپ بالا قوساقتىكى ۋاختىدا ئانىنىڭ كەيپىياتى ياىشى بولسا،ياخشى موھىت ئىچىدە يىتىلسە، قوتا موزىكىلا ئەمەس مۇزىكىدىنمۇ يېقىملىق ئاۋازلا ئاڭلىنىپ تۇرسا ياخشى بولدىغانلىغى ئېنىقكەن.