يورۇقلۇق سۈرئىتىدىن يۇقىرى سۈرئەت بايقالسىلا ئېينىشتىيىن نەزەرى...

mayorvb

يورۇقلۇق سۈرئىتىدىن يۇقىرى سۈرئەت بايقالسىلا ئېينىشتىيىن نەزەرىيسى ئاغدۇرىلامدۇ؟

mayor

      نۇرغۇن كىشىلەر يورۇقلۇق سۈرئىتىدىن يۇقىرى سۈرئەت بايقالسىلا ئېينىشتىيىننىڭ تار مەنىدىكى نىسپىيلىك نەزەرىيسى ئاغدۇرۇلدى دەپ بىلىشىدۇ. ئۇنداقتا يورۇقلۇق سۈرئىتىدىن يۇقىرى سۈرئەت بايقالسىلا ئېينىشتىيىننىڭ نىسپىيلىك نەزەرىيسى ئاغدۇرىلامدۇ؟ جاۋابى شۇكى «ياق»!
بىر قىسىم كىشىلەر نىسپىيلىك نەزەرىيسىنى چۈشەنمەسلىك، بىلمەسلىك سەۋەبىدىن شۇنداقلا كىۋانتلىق چىرمىشىۋېلىش ھادىسى ۋە يورۇقلۇق سۈرئىتىنى چۈشەنمەسلىك تۈپەيلى يورۇقلۇق سۈرئىتىدىن يۇقىرى سۈرئەت بايقالغىنىنى ئاڭلاپلا قالسا ئېينىشتىيىننىڭ تار مەنىلىك نىسپىيلىك نەزەرىيسىنى خاتا ياكى ئاغدۇرۇلدى دەپ بىلىشىدۇ. كاشكى ئېينىشتىن «يورۇقلۇق تېزلىكى ئەڭ چوڭ تېزلىك» دېگەن بولسا ئىدى ئاللىمۇ قاچان ئاغدۇرۇلغان بولاتتى، ئەمما ئېينىشتىيىن ئۇنداق دېمىگەن. ئۇنداقتا ئېينىشتىيىن زادى نېمە دېگەن؟ ئېينىشتىيىن تار مەنىلىك نىسپىيلىك نەزەرىيسىدە «ھەرقانداق بىر جىسىمنىڭ ھەركەت تېزلىكى يورۇقلۇقنىڭ ۋاكۇئۇمدىكى تېزلىكىدىن ئېشىپ كېتەلمەيدۇ» دەپ ئېنىق ئېيتىدۇ. بۇ يەردىكى «يورۇقلۇقنىڭ ۋاكۇئۇمدىكى تېزلىكى» تەخمىنەن 300مىڭ كىلومېتىر تەقسىم سېكونتلۇق تېزلىك بولۇپ ۋاكۇئۇم بولمىغان ھالەتتە يورۇقلۇقنىڭ تېزلىكى بۇ تېزلىكتىن تۆۋەن بولىدۇ. مەسىلەن سېزىي ئاتوم ھورى مۇھىتىكى يورۇقلۇق تېزلىكى 1000 كىلومېتىر تەقسىم سېكونت دىنمۇ تۆۋەن بولىدۇ.
     خوش، يۇقارقى بىلىملەرنى بىلىۋالغاندىن كېيىن ئەمدى يورۇقلۇقتىن ئېشىپ كېتىلگەن تەجرىبىلەرگە قايتا كۆز يۈگۈرتۈپ باقايلى. بۇنداق تەجرىبىلەر ئىچىدە ھەممىدىن داڭلىقى «دوكتۇر ۋاڭلىجۈننىڭ لازىر نۇرى تەجرىبىسى» بىلەن «شىۋىتسارىيەنىڭ كىۋانت چىرمىشىۋېلىش» تەجرىبىسى.
     1) دوكتۇر ۋاڭلىجۈننىڭ تەجرىبىسى ۋە مۇشۇ تۈردىكى تەجرىبىلەرنىڭ ئورتاق ئالاھىدىلىكى شۇكى بۇ تەجرىبىلەر ۋاكۇئۇمدا ئېلىپ بېرىلغان ئەمەس. دوكتۇر ۋاڭلىجۈننىڭ تەجرىبىسى سېزىي ئاتوم ھورى مۇھىتىدا ئېلىپ بېرىلغان تەجرىبە بولۇپ، سېزىي ئاتوم ھورى مۇھىتىدا يورۇقلۇق تېزلىكى ۋاكۇئۇمدىكى تېزلىكتىن 300 دىن ئارتۇق ھەسسە تۆۋەن بولىدۇ. شۇڭا بۇ مۇھىتتا يورۇقلۇق تېزلىكىدىن ئېشىپ كېتىش تامامەن مۇمكىن. ئەمما ھەرقانچە ئېشىپ كەتسىمۇ يورۇقلۇقنىڭ ۋاكۇئۇمدىكى تېزلىكىدىن ئېشىپ كېتەلمىدى. شۇڭا دوكتۇر ۋاڭلىجۈن ئالايىتەن مەزكۇر تەجرىبىنىڭ ئېينىشتىيىننىڭ ئېيتقىنى بىلەن زىت كەلمەيدىغانلىقىنى تەكىتلىدى. مۇناسىۋەتلىك تەجرىبە خەۋىرى: http://www.qingdaonews.com/content/2005-08/22/content_5277451.htm
     2) شىۋىتسارىيەدىكى تەجرىبە كىۋانتلىق چىرمىشىۋېلىش تەجرىبىسى بولۇپ، كىۋانتلىق چىرمىشىۋېلىش ھادىسىسىنى چۈشەنمەيدىغانلار ياكى ئىزدىنىپ باقمىغان كىشىلەر بۇ يەردىكى يۇقىرى تېزلىكنى ئىككىلەمچى ئاتومنىڭ ھەركەت تېزلىكى دەپ بىلىدۇ. ئەشۇ خەۋەرگە دېققەت بىلەن قارايدىغان بولسا ئېقى قەغەز قارىسى سىياھ ئېنىقتىن ئېنىق بىرى satigny بىرى jussy دىن ئىبارەت ئارلىقى 18 كىلومېتىر كېلىدىغان ئىككى يېزىغا جىمجىت قويۇلغان ئىككى دانە ئىككىلەمچى ئاتوملىرى ئارىسىدىكى سىگنالنىڭ تېزلىكىنى سۆزلەۋاتىدۇ. دېققەت ، زەرىچىلەر ھەركەت قىلمايدۇ بەلكى جايىلىرىدا جىم تۇرۇشۇپ بىربىرى بىلەن چىرمىشىدىغان ھالەت پەيدا قىلىدۇ. چىرمىشىدىغان ھالەتنى بىربىرىگە ئالىملار سىگنال بىلەن يەتكۈزىلىدۇ دەپ قاراپ بۇ يەردىكى سىگنالنىڭ تېزلىكىنى ئىنتايىن يۇقىرى تېزلىكتە ئىكەنلىكىنى جەزىملەشتۈرىدۇ. خوش، ئادەتتىكى تۇرمۇشىمىزدا مەيلى يانفون مەيلى نۇر بولسۇن بارلىق سىگنالنى فوتۇن ۋە فوتۇنغا ئوخشاش ئاساسىي زەرىچە دەپ قارايمىز. ئىككىلەمچى ئاتوم زەرىچىسى فوتۇندىنمۇ كىچىك بولغان ئاساسىي زەرىچىلەرنىڭ بىرى بولۇپ، مۇشۇنداق كىچىك زەرىچىلەر ئارىسىدىكى سىگنالنى توشۇيدىغان تېخىمۇ كىچىك زەرىچە ھازىرقى زامان فىزىكىسىغا خىلاپ. شۇڭا بۇ سىگنال ھالا بۈگۈنگە قەدەر سىر بولۇپ كىۋانت فىزىكىسىنىڭ جەلىپكارلىقىنى نامايەن قىلماقتا! دەل مۇشۇ سەۋەبلىك ھەرقانداق سىگنالنى ماددا دەپ قارايدىغان ئېينىشتىيىنمۇ بۇ خىل كىرىشىۋېلىش ئېففىكتىنى «ئەرۋاھلاردەك كۈچ» دەپ مەسخىرە قىلىپ قەتئىي ئىنكار قىلىپ كەلگەن. ئېنىقكى بۇ يەردىكى مەسىلە زەرىچىدە ئەمەس بەلكى ئىككى زەرىچە ئارىسىدىكى تەسىردە ! شۇڭا بۇ ئەھۋالمۇ ئېينىشتىيىننىڭ «ھەرقانداق جىسىم ھەركەت تېزلىكى يورۇقلۇقنىڭ ۋاكۇئۇمدىكى تېزلىكىدىن ئاشالمايدۇ» دەپ ئېيتقان سۆزىگە زىت كەلمەيدۇ! مۇناسىۋەتلىك تەجرىبە خەۋىرى: http://blog.sina.com.cn/s/blog_605b95080100feou.html

      شۇڭا ئۆگەنمەي،تەتقىق قىلماي،كۆزدىن كەچۈرمەي تۇرۇپ دوستلارنىڭ ئاساسسىزلارچە ئېينىشتىيىن ئاغدۇرۇلدى ياكى خاتا ... دېگەن ھۆكۈملەرنى ئالدىراپ چىقارماسلىقىنى ئۈمىد قىلىمەن!

ھۆرمەت بىلەن ماھىرجان تاھىر
2013 - يىلى 17 - ئۆكتەبىر، ئۈرۈمچى

ziya

قىززىق يېرى يورۇقلۇق تىزلىكى ۋاكۇئومدا ھېچقاچان تەجىربە قىلىنغىنى يوق.بۇ ھازىرغىچە پەقەت بىر لوگىكىلىق ھۆكۆم.
يەنە كېلىپ،يورۇقلۇقنىڭ ئىشىپ كەتمەسلىكى بىر گەپ،لىكىن،ھەر قانداق تىزلىك ئاشمايدۇ دىيىش،فۇتۇندىن كىچىك زەررىچە يوق.پەقەت فۇتۇنلا ھەقىقى مەنىدىكى ئاساسى زەررىچە دىگەنلىكتۇر.تاماشە تېخى ئالدىمىزدا!.

ziya

ئولتىرا ئارىلىق تەسىرى مەۋجۇتمۇ؟

قاسىم سىدىق

نىيۇتون تارتىش كۈچى ئىدىيىسى ۋە كۋانىت ئۇرالمىسى ئىديىلىرىدە ئولتىرا ئارىلىق تەسىرى مەۋجۈت،ئۇز ئاراتەسىرگە كۈچ توشۇغۇچى ۋاستىچى زەررىچە ۋە ۋاقىت كەتمەيدۇ دەپ قارىلىدۇ.كەڭ مەنىلىك نىسبىلىك نەزەريىسى ۋە كۋانىت مەيدان نەزەريىلىرىدە ۋاستىچى زەررىچە مەۋجۇت دەپ تەشەببۇس قىلىدۇ.ھەرقايسىسىنىڭ ئۇزىگە چۇشلۇق ئاساسلىرى بار.يىقىندا جۇڭگۇلۇق فىزىكلاردىن تەشكىللەنگەن بىر تەشكىلات،يورۇقلۇق تىزلىگىدىن 10.000ھەسسە يۇقۇرى بولغان تىزلىكنى خاتىرلىگەن.بۇ نەتىجە 2008-يىلى شىۋىتسارىيە جەنۋە ئونۋېرىستېتىدىكىلەرنىڭ خاتىرلىگىنى بىلەن ئوخشاش.بۇ ئۇچۇر"يورۇقلۇق تىزلىكىدىن يوقۇرى تىزلىك مەۋجۇت"دەپ تەشەببۇس قىلىدىغان شەكىل نەزەريىسىگە نىسبەتەن يەنە بىرخۇشخەۋەر.

پايدىلانمىلار:

原标题 :中国记录鬼魅般的超距作用速度 比光快10,000倍
http://it.sohu.com/20130318/n369270541.shtml

瑞士实验显示:量子信息传输速度远超光速
http://news.china.com/zh_cn/news100/11038989/20080815/15030841.html

2013.4.2

ziya

ماھىرجان خېلى ئەجىر قىلىپسىز،رەھمەت.

سىزدىن بىر ئىشنى سۇراي،شىنجاڭ ئونىۋېرىستېتىدا بەزى ئوقۇتقۇچىلار 29-تىئورما ۋاكىئوم تەجىربىسىدە ئىسپاتلانمايدۇ.چۈنكى ۋاكىئومدا ھاۋا يوق.يەرگە "توككىدا"قىلىپ ئۇدۇل،تۈپ -تۈز چۈشىدۇ.مۇبادا ۋاكىئومدىمۇ ئىسپاتلىنىپ قالسا فىزىكا ۋە ئالەمشۇناسلىقتا چوڭ ئىش چىقىدۇ،دەۋاتىدۇ.
سىزچە ۋاكىئومدىمۇ ئىسپاتلىنىپ قالسا قانچىلىك چوڭ ئىش چىقار؟،قايسى قائىدە -قانون،ئومۇمىلاشقان قاراشلارغا تەسىر كۇرسىتەر؟.

باشقا تورداشلارمۇ قاراشلىرىنى ئوتتۇرىغا قويۇپ باقسا.

kumbah

ئا خىرقى ئابزاس ھەممە تورداشلارنىڭ ئەستايىدىل  ئويلىنىشىغا تېگىشلىك؟
ھازىرغىچە ئىنسانلار بايقىغان  تىزلىكنىڭ يۇقىرى چېكى يۇرۇقلۇق تىزلىكى . يۇرۇقلۇق تىزلىكىدىن يۇقرى تىزلىك بايقالغان تەقدىردىمۇ ئىنىشتىيىننىڭ نىسپىلىك نەزىريىسى موللاق ئاتمايدۇ.
نىسپىلىك نەزىريەسىنىڭ ڭ خاتالىقى دەپ جارسالغانلار بىربولسا نىسپىلىك نەزىريەسىنى چۈشەنمەيدۇ.بىربولسا شۇنداق دىيىش ئارقىلىق نام قازانماقچى بولسا كېرەك.
نىسپىلىك نەزىريىسى خاتا بولسا ئاتۇم بومبىسى پارتلىمغان بولاتتى. يەنە نىسپىلىك نەزىريەسى خاتا بولسا ئالەم بوشلىقىغا چىقرىلغان ئالەم ئۇچقىرلىرى ئالەم بوشلىقىغا چىقالمىغان بولاتتى.يەنە نىسپىلىك نەزىريەسى خاتا بولسا نۇرغۇن يېڭى تەتقىقاتلار مەيدانغا كەلمىگەن بولاتتى.

sirdax998

مېنىڭچە مۇمكىن ئەمەس.

ziya

تورداشلار شۇ نۇقتىغا دىققەت قىلغايكى،مايور ئەپەندىم تېمىسىدا ئالاھېدە تىلغا ئالغان"شۇڭا دوكتۇر ۋاڭلىجۈن ئالايىتەن مەزكۇر تەجرىبىنىڭ ئېينىشتىيىننىڭ ئېيتقىنى بىلەن زىت كەلمەيدىغانلىقىنى تەكىتلىدى"دىگەن بۇ تەكىتلەشكە ئالاقىدار جۇملە مانا:

不过，王力军说，他们的研究成果并不违反狭义相对论“物体运动速度不能大于真空光速”的基本原则，也不违反因果律，即事件的原因必须在其结果之前发生

بۇ جۇملىنىڭ تەرجىمىسى مانا:
لىكىن ۋاڭلى جۆن، ئۇزلىرىنىڭ تەتقىقاتىنىڭ ھەرگىز تار مەنىلىك نىسبىلىك نەزەريىسىدىكى«جىسىملارنىڭ تىزلىكى يورۇقلۇقنىڭ ۋاكىئومدىكى تىزلىكىدىن ئېشىپ كېتىشى مۆمكىن ئەمەس»دىگەن تۆپ پىرىنسىپقا ،شۇنداقلا سەۋەپ-نەتىجە قانونىغا خىلاپ ئەمەس،يەنى ھادىسىلەرنىڭ سەۋەبى ئۇنىڭ نەتىجىسىدىن ئىلگىرى يۇز بېرىدۇ،دىدى.

كىچىك مۇلاھىزە:

تېما ئۇزىدە يورۇقلۇق تىزلىكىدىن 10.000ھەسسە ئارتىپ كەتكەنلىك تەنتەنىلىك ھالدا جاكارلىنىپتۇ.لىكىن،تەجىربە غەيرى ۋاكىئوم شارائىتىدا ئېلىپ بېرىلمىغانلىغى ئۈچۈن بۇنى ۋاكىئومدا ئېشىپ كەتتى دەپ قارىۋالماسلىق ئەسكەرتىلىپتۇ.

يەكۈن:

دىمەك ،غەيرى ۋاكىئوم شارائىتىدا يورۇقلۇق تىزلىكىدىن ئېشىپ كېتىش ھادىسىسى كۇرۇلىدكەن.يورۇقلۇق تىزلىكى ئالەمدىكى ئەڭ چوڭ تىزلىك ئەمەس ئىكەن.

پاكىت:

1.ھازىرغىچە ھېچكىم تەرىپىدىن ۋاكىئومدا يورۇقلۇق تىزلىكى تەجىربىسى ئېلىپ بېرىلمىغان.

مۇلاھىزە سوئالى:

تەجىربە ئاساسى بولمىغان يورۇقلۇق تىزلىكىدىن ئارتۇق تىزلىك يوق،دىگەن لوگىكىلىق ئەقلى خۇلاسىنىڭ،تەجىربىدە ئىسپاتلانغان يورۇقلۇق تىزلىكىدىن ھالقىپ كېتىش ھادىسىلىرىنى ئىنكار قىلىشقا كۈچى يېتەمدۇ؟!.

ئەسكەرتىش:

نەقىل ئېلىنغان تېمىدا"    5年前已超越光速310倍 "

5يىل ئىلگىرىلا يورۇقلۇق تىزلىكىدىن 310ھەسسە ئېشىپ كەتكەن،دىيىلگەن.

قالغىنىنى ئۇزەڭلار تەھلىل قىلىۋىلىڭلار!.

ziya

ئېنشتيىن تۆۋەندىكى 23خىل ئىلمى خاتالىقنى سادىر قىلغان

ھانىس ئوھانىيان ئۆزىنىڭ باكلاۋېرلىق ئۇنۋانىنى كالفورنىيە ئونۋېرسىتىتىنىڭ بىركلي شۆبىسىدە ئالغان. دوكتۇرلۇق ئۇنۋانىنى پىرىنىستون ئونۋېرسىتىتىدا ئالغان. بۇ يەردە جون ۋىللېر بىلەن بىرگە ئىشلىگەن. ئۇ رىسسىلېر سانائەت ئىنىستىتوتى،  يۇنىيون ئىنىستىتوتى ۋە ۋېرمونىت ئونۋېرسىتىتلىرىدا دەرس ئۆتكەن. ئۇ "فىزىكا"، "فىزىكا پىرىنسىپلىرى"، "ھازىرقى زامان فىزىكىسى"، "نىسپىيلىك نەزەرىيىسى"، "كىۋانىت مىخانىكىسى پىرىنسىپلىرى"، "كىلاسسىك ئىلىكتىردىنامىكا" قاتارلىق بىر قىسىم تۇلۇق كورۇس سەۋيىسىدىكى دەرىسلىك كىتاپلارنى تۈزگەن. ھەمدە رىمۇ رۇفىنى بىلەن بىرگە "تارتىش كۈچى ۋە زامان-ماكان" ناملىق كىتاپلارنى يازغان. ئۇ يەنە تارتىش كۈچى، نىسپىيلىك نەزەرىيىسى ۋە كىۋانىت مىخانىكىسىغا ئالاقىدار ئون نەچچە پارچە ماقالە يازغان. فىزىكا ئاساسلىرى قاتارلىق نۇرغۇن ماقالىلىرى ئامېرىكا فىزىكا ژۇرنىلىدا ئېلان قىلىنغان. ئۇ بۇ ژۇرنالدا بىر قانچە يىل مۇئاۋىن باش مۇھەرىر بولۇپ ئىشلىگەن. ئۇ ھازىر ۋېرمۇنىت ئونۋېرسىتىتنىڭ پىرافىسورى.

ئامېرىكا «بايقاش» ژورنىلى يىقىندا ئېنشتېيىننىڭ خاتا بولغان ئىلمى نوقتىنەزەرلىرىنى ئېلان قىلغان. مەسلەن: قارا ئۆڭكۇرنىڭ مەۋجۇت بولىشى مۇمكىن ئەمەس، ئالەم تىنىچ ۋە ئۆزگەرمەيدۇ. «خۇدا شىشىخال تاشلىمايدۇ» قاتارلىقلار. بىر قانچە كۇن ئىلگىرى بۇ ژورنال يەنە ئېنشتېيىننىڭ ئۆمرىدە سادىر قىلغان 23خىل خاتالىقىنى كۆرسەتكەن. ئۇلار تۆۋەندىكىچە؛

1905-يىل: تار مەنىلىك نىسپيىلىك نەزەريىسىنىڭ ئاساسىنى تۇرغۇزغاندا، سائەتنىڭ ماس قەدەملىگىنى ھىسابلاشتا خاتالاشقان.

1905-يىلى: مىكلىسون –مورلى تەجىرىبىسىنىڭ نەتىجىسىنى خاتا مۆلچەرلىۋالغان.

1905-يىلى: يوقىرى تىزلىكتىكى زەررىچىلەرنىڭ كۆندىلەڭ ماسسسىنى خاتا ھىسابىلىۋالغان.

1905-يىلى: مالىكولىلارنىڭ سويۇق جىسىملاردىكى يىپىشقاقلىقىنى ھىسابلىغاندا، ماتېماتىكىلق ۋە فىزىكىلىق كۆپ تەرەپلىمە خاتالىقلارنى سادىر قىلغان.

1905-يىلى: ئىسىقلىق رادىئاتسىيىسى ۋە يورۇقلۇق كىۋانتى ئوتتۇرىسىدىكى مۇناسىۋەتنى چۇشەندۇرۇشتە خاتالاشقان.

1905-يىلى: ماسسا –ئىنىرگىيە ساقلىنىش قانۇنىنى ھىسابلاشتا تۇنجى قىتىملىق خاتالىق يۈز بەرگەن.

1906-يىلى: ئىككىنجى،ئۈچۈنجى ۋە تۆتىنجى قىتىم ماسسا-ئىنىرگىيە ساقلىنىش قانونىنى ھىسابلاشتا خاتالاشقان.

1907-يىلى: تىزلىنىشچان موھىتتىكى سائەتنىڭ ماس قەدەملىگىنى (بىر ۋاقىتلىق) ھىسابلاشتا خاتالاشقان.

1907-يىلى: تارتىش كۇچى ۋە تىزلىنىشچان ھەركەتنىڭ تەڭ ئۈنۈملۈكىنى ھىسابلاشتا خاتالاشقان.

1911-يىلى: تۇنجى قىتىم يورۇقلۇقنىڭ ئىغىش پەرقىنى ھىسابلاشتا خاتالاشقان.

1913-يىلى: نىسپيىلىك نەزەرىيىسىنىڭ تۇنجى دەلىلىدە خاتالاشقان.

1914-يىلى: ماسسا-ئىنىرگىيە ساقلىنىش قانونىنى ھىسابلاشتا 5- قىتىم خاتالاشقان.

1915-يىلى: ئېنىشتېيىن –دى خاس تەجىرىبىسىدە خاتالاشقان.

1915-يىلى: نىسپىيىلىك نەزەريىسىنى يەتتىنجى قىتىملىق دەلىللەشتە خاتالاشقان.

1916-يىلى: ماخ پىرىنسىپنى چۇشەندۇرۇشتە خاتالاشقان.

1917-يىلى: ئالەم تۇراقلىغىنى ئىلىپ كىرىشتە خاتالاشقان.

1919-يىلى: نىسپىيىلىك نەزەريىسىگە تۇزۇتۇش كىرگۇزۇشتە خاتالاشقان.

1925-يىلى: بىرلىككە كەلگەن نەزەريىنى لايھىلەشتە نۇرغۇن قىتىم خاتالاشقان.

1927-يىلى: بور بىلەن كىۋانىت ئىنىقسىزلىقىنى موھاكىمە قىلغاندا خاتالاشقان.

1933-يىلى: كىۋانىت مىخانىكىسىنى چۇشۇنۇشتە خاتالاشقان.

1934-يىلى: ماسسا ئىنىرگىيە ساقلىنىش قانۇنى (( نى ھىسابلاشتا 6-قىتىملىق خاتالىق يۈز بەرگەن.

1939-يىلى: سىۋارشىلىد غەيرى نوقتىسى ( Schwarzschild singularity) ۋە قارا ئۆڭكۇرنىڭ تارتىش كۇچى سەۋەبىدىن قورولىشى ( gravitational collapse)نى چۈشۈنۈشتە خاتالاشقان.

1946-يىلى: ماسسا-ئىنىرگىيە ساقلىنىش قانۇنىنى ھىسابلاشتا يەتتىنجى قىتىم خاتالاشقان.

تەرجىمە قىلغۇچى: زەررە

مەنبە: ئامرىكا «بايقاش» ژورنىلى.

خەنزۇچە تەرجىمىسى خەلىق تورىدىن ئېلىندى.

http://www.kayinat.com/bbs/forum.php?mod=viewthread&tid=4939&extra=page%3D1

خەنزۇچە نۇسخە:
论坛：爱因斯坦一生中的23个错误