ئۇيغۇر ئاتالغۇلىرىنىڭ باھارى قومۇلدا

arkim

ئۇيغۇر ئاتالغۇلىرىنىڭ باھارى قومۇلدا

2013-يىلى4-ئاينىڭ25-كۈنى

  نەچچە ۋاقىتنىڭ ئالدىدا قومۇل تەۋەلىكىدىكى تەرجىمانلارنى تېزلىكتە تىزىمغا ئالغانتۇق. ۋاقىت بەك قىس بولغاچقا نۇرغۇنلىغان تەرجىمانلارغا خەۋەر يەتمەي قالدى. ئاشۇ خەۋەرسىز قالغان تەرجىمە ساھاسىگە قىزىقىدىغان كىشىلەرنىڭ ئىشخانىمىزغا يەنى قومۇل ۋىلايەتلىك تىل-يېزىق، قەدىمكى ئەسەرلەر ئىشخانىسىغا كېلىپ تىزىملىتىپ قويۇشىنى ئۈمىد قىلىمىز!

يەنە بىر خۇش خەۋەر: بۇ يىل 7-ئاي ۋە ياكى 8-ئايلاردا  شىنجاڭ ئۇيغۇر ئاپتونوم رايونلۇق<< ئاتالغۇلارنى قېلىپلاشتۇرۇش ئىلمىي مۇھاكىمە>> يىغىنى يۇرتىمىز قومۇل ۋىلايىتىدە ئۆتكۈزىلىدىكەن.

  شۇنىڭ ئۈچۈن، دىيارىمىز قومۇل ئۆزىنىڭ << تەرجىمانلار يۇرتى>> دېگەن شەرەپلىك نامىغا يۈز كېلەلەيدىغان ھەرتەرەپلىمە خىزمەتلەرنى كۈچەپ ئىشلىشى كېرەك. يىغىندا يەنە ھەرقايسى ساھەلەردىكى تەرجىمانلار يازغان ئاتالغۇلارنى تارىخقا ھۆرمەت قىلىپ، تارىخى رىئاللىققا ئۇيغۇن ئاتاش، يەرلىك مىللەت تىل-ئاتالغۇلىرىغا ھۆرمەت قىلىش ۋە قىسمەن خەنزۇچە ئاتالغۇلارنى توغرا-ئۆلچەملىك تەرجىمە قىلىش...قاتارلىق مەزمۇنلاردىكى ئىلمىي ماقالىلەر ئوقۇلۇپ، تەجرىبە ئالماشتۇرۇلىدىكەن.شۇ كەڭ تەرجىمانلارنىڭ ۋە تەرجىمە ساھەسىگە قىزىققۇچىىلارنىڭ بىكار ۋاقىتلىرىنى ئىسراپ قىلىۋەتمەي بۇ يىغىنغا ئۆزىنىڭ قىممەتلىك تەكلىپ-پىكىرلىرىنى يەتكۈزۈش ئۈستىدە بەكرەك كاللا قاتۇرۇپ، ئەمەلىي ھەركەتكە ئۆتۈشىنى ئۈمىد قىلىمىز! ھەممىمىزگە مەلۇم، ئەتىراپىمىزدا كىشىنىڭ كۆڭلىنى غەش قىلىدىغان ئەبجەش،شالغۇت تەرجىمىلەر ئۇچىراپ تۇرىدۇ. ئەگەردە بىر تەرجىمە خىزمىتىنى ياخشى ئىشلەپ، تەرجىمانلار قوشۇنىنى زورايتساق،  مۇشۇنداق ئىلمىي پائالىيەتلەرنى ھەريىلى ئۆتكۈزۈپ تۇرساق، جانىجان ئانا تىلىمىزنىڭ تەرەققىياتىنى يەنىمۇ بىر بالداق يۇقىرى كۆتۈرەلەيمىز! تەرجىمانلار-قەلىبلەر كۆۋرۈكىنىڭ تۇتاشتۇرغۇچىسى! تەرجىمانلار-مىللەتلەر ئىپاقلىقىنىڭ ئەڭ ھەقلىق جاكارچىسى! تەرجىمانلار-تىنىچلىق قۇرۇلۇشىنىڭ داغدام يولباشچىسى!...قېنى ئەمىسە، مىللىتىمىزنىڭ تەرجىمە ئىشلىرى ئۈچۈن ئۆزىنىڭ بىر كىشلىك تۆھپىسىنى قوشقۇسى بارلار...ھۇررا!

قومۇل ۋىلايەتلىك تىل-يېزىق، قەدىمكى ئەسەرلەر ئىشخانىسىدىن:

                                                                    -  مۇجىبۇل راخمان
ئېلخەت:  hmdqyywz@163.com  

ئىشخانە نومۇرى: 0902-2233542

naprat2009

ئېلخەت ساندۇقىڭىزنى قالدۇرۇپ قويسىڭىز، ئەگەر پىكىرىمىز، باشقىچە پىلانلىرىمىز بولسا ئېلخەت ساندۇقىڭىزغا ئەۋەتىپ بەرسەك....

barhanbay0996

تىمىغا مۇناسىۋەتسىز گەپ قىلىپ قويدۇم .مەن ئاۋازلىق ئەسەر يوللاي دىگەن  لىكىن يوللىيالمدىم بىر توردېشىمىز ئابدىريىم ئۆتكۈر ئەپەندىنىڭ ئىز رومانى بىلەن ئۇيغان زىمىن رومانى لازىم دەپتىكەن شۇ روماننى يوللىماقچىدىم لىكىن بولمىدى شۇڭا تورداشلارنىڭ تۈۋەندىكى تورئادىرىسىدىن كۈرۇپ لازىملىق رومانلارنى چۇشۇرۇپ پايدىلىنىشىڭلار ئۈچۈن يوللىدىم
http://www.xarar.cn/?bilimlar=tur&id=

zaboy

قۇمۇلدا كاللىسى ئۇچۇق، زىيالى، گېپى ئۆتىدىغان كىشىلەر خېلى كۆپ، شۇلارغا بىرىدىغان بىرقانچە تەكلىپىم...

خوتەن، قەشقەر ۋە ئاقسۇ ۋىلايەتلىرىدە كوچا ناملىرى، يۇرت ئىسىملىرى ۋە بەزى ئىدارا- ئورگانلار بىر ئوبدان ئۇيغۇرچە ئىسمى بولسىمۇ ئۇنى ئىشلەتمەي، خەنزۇچە نامىنى ئۇيغۇر يېزىقىلاشتۇرۇپلا ئىشلىتىۋالغان ئەھۋاللار بەك كۆپ، مۇشۇ پۇرسەتتە مۇشۇ مەسىلىنى تەكلىپ- پىكىر سۈپىتىدە ئوتتۇرىغا چىقىرىپ كوچىلارنىڭ، يۇرتلارنىڭ ۋە ئىدارە- ئورگانلارنىڭ ئەسلىدىكى ئاتالغۇلىرىنى  قەدىمى ئىسىملىرى بىلەن ئاتاشنى ئەمەلگە ئاشۇرۇشنى ۋە ئاپتونۇم رايون بويىچە ئەمەلگە ئاشۇرۇشنى تەلەپ قىلىپ ئوتتۇرىغا قويساڭلار. مەسىلەن: خوتەن شەھرىمىزدە ھېيتگاھ يولى، جەمە يولى، ئات بازار يولى دەيدىغان بىر چىرايلىق ناملىرى بار ئىدى، ئەمما يولنى يېڭىدىن ياساپلا تەيبىي يولى دەپ قويدى، پىكىر بەرسەك خوتەنگە مەبلەغ سالغۇچىلار يولنى تاپالمايدىكەن شۇڭلاشقا شۇنداق قويدۇق دەپ باھانە كۆرسەتتى، ئۇلار ئايدا- يىلدا كىلىدىغان ئادەملەر، ئۇلارنىڭ مەنپەئىتىنى دەپ يىل، ئاي، كۈن شۇ كوچا- كويلاردا يۈرۈيىدىغان كىشىلەرنىڭ مەنپەئەتىنى ئويلاشمىسا بولمايدۇدە... تەيبىي يولى دىسەك تېخى چۈشەنمىگەن، ئەسلى نامىنى دېسەك تېخى ئەسلەپ بولالمىغان، ئاۋارچىلىق كۆپ...

apandim111

قالتىس خوش خەۋەركەن،رەھمەت سىزگە.بۇ ئىشلارنىڭ داۋامىغا يىقىندىن دىققەت قىلمەن،

isyankarman

ياخشى ئىش بوپتۇ، بۇرۇنقى تەرجىمانلىرىمىز بەك قابىلىيەتلىك ئىدى، «ئۈچ پادىشاھلىق ھەققىدە قىسسە»، «سۇ بويىدا»، «قىزىل راۋاقتىكى چۈش» دىگەن داڭلىق ئەسەرلەرنىمۇ شۇنداق پاساھەتلىك، چۈشىنىشلىك قىلىپ تەرجىمە قىلغان ئىدى، ئۇقۇغان كىشى بۇ ئەسەرنىڭ باشقا تىلدىن تەرجىمە قىلىنغانلىقىنى تەستە ھىس قىلاتتى. ئاڭلسام خەنزۇلار بۇ ئەسەرلەرنى خەنزۇ تىلىنىڭ بايلىقى دەپ بىلىدىكەن.
بىر خەنزۇ شۇ كىتاپلارنى تەرجىمە قىلغان بىرىدىن سوراپتۇ: مۇشۇ كىتاپلارنى تەرجىمە قىلىشقا ئۇيغۇرلارنىڭ تىل بايلىقى يەتتىمۇ؟
تەرجىمان: ئۇيغۇر تىلىدىكى سۆزلۈكلەرنىڭ يەنە يېرىمى ئېشىپ قالدى.
بۇ ھەقىقەتەن بولغان پاراڭ. ئۇيغۇر تىلىمىز سۆزلۈك ۋە ئىپادىلەش ئۇسۇلى جەھەتتە ھەر قانداق تىلدىن قېلىشمايدۇ. بولسا بەزىبىر يېڭى خەنچە سۆزلەرنى تەرجىمە قىلىشتا توردىمۇ پىكىر ئالسا، ھەممىمىز ئورتاقلاشساق دىگەن ئۈمىدتىمەن.  

azrat705

دىمىسىمۇ ئاتالغۇلارنى بىرلىككە كەلتۈرۈش ناھايىتى مۇھىم

matimatika

ماتېماتىكىلىق  ئاتالغۇ  分形理论  ،回文数  دېگەنلەرنىمۇ قىلىپلاشتۇرۇپ بەرسەڭلار بولاتتى.

لۇغەتتىمۇ يوق، بەك قالايمىقان بولۇپ كەتتى.

karakax3

ئاتالغۇلارنى قېلىپلاشتۇرۇش ھەقىقەتەن تەخىرسىز بۇلۇپ قالدى.

alwasti1

barhanbay0996 يوللىغان ۋاقتى  2013-4-26 23:40
تىمىغا مۇناسىۋەتسىز گەپ قىلىپ قويدۇم .مەن ئاۋازلىق ئەس ...

ۋاقتىڭىزنى تېجىشىڭىز ئۈچۈن
ئاۋازلىق ئەسەرلەر تۆكمە، تاللاپ چۈشۈرۈڭ