بالقان يېرىم ئارىلى بىلەن تونۇشۇڭ

turkbash

بالقان يېرىم ئارىلى

1.ئومۇمىي ئەھۋالى:

بالقان يېرىم ئارىلى (Balkan)،بىر خىل سىياسىي ۋە مەدەنىيەت تۈسىگە  ئىگە سۆزبولۇپ ،ئاق دېڭىز(ئوتتۇرا يەر دېڭىزى) بىلەن قارا دېڭىز ئارىسىدىكى ياۋروپانىڭ جەنۇبىي قىسمىنى كۆرسىتىدۇ.جۇغراپىيەلىك ئورنى توغرىسىدا تا ھازىرغىچە ئېنىق بىر ئورتاق قاراش يوق.يەركۆلىمى 550مىڭ كۋادىرات كېلومېتىر ،55مىلىيونغا يېقىن نوپۇس بار.يەر نامى بۇلغارىيەنىڭ ئوتتۇرا قىسمىدىن سىربىيەنىڭ شەرقىگە سوزۇلغان بالقان تاغلىرىدىن كەلگەن.بالقان يېرىم ئارىلى ئۇزاق تارىختىن بۇيان ھەرخىل ئىرقىي ،دىننىي توقۇنۇش ۋە زېمىن ماجرالىرى سەۋەبلىك <<ياۋروپانىڭ ئوت پىلتىسى>>غا ئايلانغان.بىرىنچى جاھان ئۇرۇشىنىڭ پارتىلىشىغا سەۋەب بولغان سارايىۋو ۋەقەسىمۇ دەل مۇشۇ رايوندا يۈز بەرگەن.16-ئەسىردىن 19-ئەسىرنىڭ 20.يىللىرىغىچە ئوسمان ئېمپىرىيەسىنىڭ قاراملىقىدا بولغان.

2.جۇغراپىيەلىك ئورنى:

جەنۇبىي ياۋرۇپانىڭ ئاق دېڭىزغا تۇتاشقان قىسمى .شەرقتىن غەربكە سوزۇلغان ئۈچ چوڭ يېرىم ئارال(بالقان يېرىم ئارىلى،ئېبىرىيە يېرىم ئارىلى،ئىتالىيە يېرىم ئارىلى) نىڭ بىرى.ياۋروپا،ئاسىيا ۋە ئافرىقىدىن ئىبارەت ئۈچ چوڭ قىتئەگە سوزۇلغان.ياۋرۇپاۋە ئاسىيا قۇرۇقلۇقىنى تۇتاشتۇرىدىغان مۇھىم كۆۋرۈك.جەنۇبى قىسمى ئاق دېڭىزغا ،شەرقى قىسمى بوسفور ۋە داردانىل بوغۇزى ئارقىلىق قارا دېڭىزغا تۇتىشىدۇ،ئىنتايىن مۇھىم سىتراتېگىيلىك ئورۇنغا ئىگە.يەر تۈزۈلۈشى ئاساسەن تاغلىق يەر شەكلى.مۇسالا چوققىسى يېرىم ئارالدىكى ئەڭ ئېگىز چوققا.دېڭىز يۈزىدىن ئېگىزلىكى تەخمىنەن 2925مېتىر.

ئارالنىڭ ئۈچ تەرىپى دېڭىز بىلەن ئورالغان. غەربىدە ئادرىئاتىك دېڭىزى،جەنۇبىدا ئاق دېڭىز ۋە مارمارا دېڭىزى،شەرقىدە بولسا قارا دېڭىز بار.

3.بالقاندىكى دۆلەتلەر :
زېمىنى پۈتۈنلەي  يېرىم ئارالدىكى دۆلەتلەر--ئالبانىيە،بوسنىيە-گرتسى گوۋېنا،بۇلغارىيە،كوسوۋو،گېرتسىيە،ماكىدونىيە،مونتىنىگىرو

كۆپ قىسىم زېمىنى يېرىم ئارالدىكى دۆلەتلەر--كىرودىيە،سېربىيە

ئاز بىر قىسم زېمىنى يېرىم ئارالغا تەۋە دۆلەتلەر--ئىتالىيە،رۇمىنىيە،تۈركىيە،سېلوۋېنىيە

4.بالقاندىكى مىللەتلەر：
رۇمىنيەلىكلەر 19مىلىيون400مىڭ كىشى،گېرىكلار 10مىلىيون300 مىڭ كىشى،تۈركىيەلىكلەر10مىلىيون كىشى،سېربلار 9مىلىيون كىشى،
بۇلغارلار 6مىلىيون700مىڭ كىشى،ئالبانلار 5مىلىيون 800مىڭ كىشى، ھېرۋاتلار(كرودىيەلىكلەر)4مىلىيون 700مىڭ كىشى،سلىۋونلار1مىلىيون 800مىڭ كىشى،ماكدونلار 2مىلىيون 100مىڭ كىشى،قارا تاغلىقلار(مونتىنىگىرو)500مىڭ كىشى.ئۇندىن باشقا يەنە لومۇلار ۋە جوھۇتلار(يەھۇدى)لار بار.

5.بالقاندا دىن:

ئاساسلىق دىنلاردىن--ئورتودوكس دىنى، كاتولىك دىنى،ئىسلام دىنى ۋە  يەھۇدى دىنى قاتارلىقلار بار. مىللەتلەردىن تۈركلەر،ئالبانلار،كوسوۋولار،بوسنالار ئىسلام دىنىغا ئىتقاد قىلىدۇ.

مەنبە:ۋىك پېدىيا     
http://zh.wikipedia.org/wiki/%E5%B7%B4%E5%B0%94%E5%B9%B2%E5%8D%8A%E5%B2%9B

تېما بۇرۇن يوللانغانمۇ بىلمەيمەن.تۇنجى قېتىم تېما يوللۇشۇم،مۇمكىن بولسا تەستىقلانسا.


ئاخىرىدا ھەممىڭلارنىڭ قۇتلۇق نورۇز بايرىمىنى چىن دىلىمدىن تەبرىكلەيمەن!
ھۆرمەت بىلەن :تۈركباش  2013-يىلى20-نورۇز   قاغىلىق

choglan

  تەپسىلى ماتىريال ئىكەن.رەخمەت سىزگە

ھون

ئەجرىڭىزگە بارىكاللا، قېرىندىشىم! مەنمۇ بالقانغا بەك قىزىقاتتىم، ناھايتى ياخشى ئۇچۇردىن خەۋەردار قىپسىز! يەنىمۇ تىرىشىپ كۆپچىلىكنى ئېسىل تېمىلاردىن خەۋەردار قىلىشىڭىزنى ئۈمىد قىلىمەن.

ManUighur

جوھۇتلار دەپقويۇڭ...  بۇمۇ بولىدىغان گەپكەن  

tvmvr

ئاللاھىم ئەجىرلەر بەرسۇن،مەن قىززىقىدىغان تىمىكەن

iltebir107

رەھمەت دوستۇم. مۇشۇنداق تەرجىمە ئەسەرلەر بىزگە بەك لازىم.

alkizar

تەشەككۈرلەر بولسۇن  !

bandigah

رەھمەت سىزگە. بالغان يېرىم ئارىلىغا بەك قىززىقىمەن. بىر تۇققۇنۇم باردەكلا شۇيەردە...توۋا...خاتا سەزگۇ ئەمەستۇ ھە؟

bandigah

مەن ماتىريالدا، بالغان يېرىم ئارىلى دۇنيادىكى ئۇرۇشلارنىڭ ھەممىسى چىققان جاي دەپ ئاڭلىغان ۋە بالقان يېرىم ئارىلىدا مىللەت، دىن تۇقۇنىشى سەۋەپلىك نەچچە ئون يىلدا 200مىليۇن ئادەم ئۇرۇشتا ئۆلگەن دەپ ئاڭلىغان. توۋا يەنە تۇگەپ كەتمەپتۇ بۇ بالقانلىقلار، مۇشۇ ئالبانلارنى بىز بىلەن تەقدىرداشتەك ھىس قىلىمەن.

فىدا

مۇشۇ ئالبانلارنى بىز بىلەن تەقدىرداشتەك ھىس قىلىمەن.
..............................................................................
    شۇنداق بولغاچقا دۇنيادا ئىگە چىقمىغان  ئامرىكىنىڭ گۇۋانتىنامۇدىكى 4قېرىنشىمىزغا ئۇلار  پانالق بەردى .