كۆپ كېچىككەن مەرسىيە

yvsvf

                                  كۆپ كېچىككەن مەرسىيە
         ‹مۇتەپەككۇر ئالىم ئابدۇشۈكۈر مۇھەممەتئىمىن ۋاپاتى مۇناسىۋىتى بىلەن›
  
                          توختىدى سوقۇشتىن يۈرىكى شۇ كۈن،
                          ئايرىلدى خەلقىدىن  ئەبەدىلئەبەد.
                          ئاتەشىن پاك روھى ياشار كۈنۇ-تۈن،
                          ئايرىلدى جىسمىلا بىزلەردىن پەقەت .
  
                          توختىدى يېزىشتىن ئوتلۇق بىر قەلەم،
                          مەرىپەت بېغىغا جۇدالىق يەتتى.
                          بىلىندى ئۇيغۇرغا مىسلىسىز ئەلەم،
                         ئەلەمنى قالدۇرۇپ، ئۇ ئۆزى كەتتى...
              
                         ئۇ كەتتى ھەممىنى ھەسرەتتە قويۇپ،
                        يىغلىدى ئالەممۇ ئالىمغا ئۈنسىز.
                        ئۇ ئىزگۈ ئارماننى مىراس قالدۇرۇپ،
                        ياراتتى ئۆمرىدىن مەڭگۈ ئۆچمەس ئىز.
            
                        بېغىشلاپ ياشىغان ئوتلۇق مۇھەببەت،
                        ۋەتەنگە، مىللەتكە ئۇ چىن يۈرەكتىن.
                       ئۇ تارتقان بۇ يولدا سانسىز مۇشەققەت،
                       شۇندىمۇ كەچمىگەن ئارزۇ-تىلەكتىن.

                       ئۇ كەتكەن شۇ كۈنى ئۆكسۈدى ئالەم،
                       ئۆكۈندى قەدرىگە يەتمىگەن ئۇيغۇر!
                       ئاز ئىدى ئالەمدە بۇنىڭدەك ماتەم،
                      چۆمدۈردى بارچىنى سۈكۈتكە چوڭقۇر.

                       كۆزى يوق ئىكەنغۇ ئۆلۈم دېگەننىڭ،
                       ئەجەلگە نە ئامال؟ ئېپ كەتتى ئۇنى.
                      ئۇ قەيسەر پەرزەنتى ئىدى ۋەتەننىڭ،
                      ئۇنىڭدەك بىر ئىنسان چىقتىمۇ قېنى!؟
                 
                      ئۇ كەتكەن، توختاتقان بولسىمۇ نەپەس،
                      ۋە لېكىن چىققۇسى ئاڭا ئىز باسار.
                      ئۇ باسقان پارلاق ئىز قوزغىتىپ ھەۋەس،
                      ئەۋلادلار قەلبىدە مەڭگۈ نۇر چاچار!

                             
                               2011-يىل 27-فېۋرال. پەيزاۋات

alimsawut

ئىلىم باشقا ،تالانت باشقا،غورۇر ئىمان يەنە باشقا،
بولۇر ساھىپقىرانلىق بۇ ئۈچ پەزىلەت كەلسە بىر باشقا.
بۇنىڭ بىرلەن بەخت پۈتمەس ،بۇنىڭسىز كۆپتۇر ئامەتلەر،
بەخت بابىدا قۇر ئاچساڭ يېزىلمىش قىسمىتىڭ باشقا.


          ئابدۇشۈكۈر مۇھەممەدئىمىن

yalguztograk

دۇنياغا كەلدۇق ھامان بىر كۈن كىتىمىز، تىرىشچانلىق ئىزدىنىشتە مۇرادىمىزغا يىتىمىز.گۈللەر ئۈنۈپ چىچەك ئاچسا ئىزىمىزدىن، ئارمىنىمىز يوق ئارزۇيىمىز بار كېتىمىز؟!

yalguztograk

yalguztograk يوللىغان ۋاقتى  2013-2-27 17:44
دۇنياغا كەلدۇق ھامان بىر كۈن كىتىمىز، تىرىشچانلىق ئىز ...

دۇنياغا كەلدۇق ھامان بىر كۈن كىتىمىز،
تىرىشچانلىق ئىزدىنىشتە مۇرادىمىزغا يىتىمىز.
گۈللەر ئۈنۈپ چىچەك ئاچسا ئىزىمىزدىن،
ئارمىنىمىز يوق ئارزۇيىمىز بار كېتىمىز؟!

ئانا ماكان كېرىيەدىن

ئەنۋەر

ئەڭ ئېچىنىشلىقى،بۇ كىشى ئالەمدىن ئوتكەندىن كىيىن ئالىم دىگەن توننى كەيگۇزۇپ يولغا سالغىنىمىز.ھايات ۋاقتىدا.................................؟؟؟

تىرىك

ھەقيقەتەن ياخشى شىېركەن

yvsvf

تىرىك يوللىغان ۋاقتى  2013-2-28 21:53
ھەقيقەتەن ياخشى شىېركەن

رەھمەت.

yvsvf

ئەنۋەر يوللىغان ۋاقتى  2013-2-28 15:16
ئەڭ ئېچىنىشلىقى،بۇ كىشى ئالەمدىن ئوتكەندىن كىيىن ئالى ...

ھەممىنىڭ قەدرىگە يوق ۋاقتىدا يېتىمىز، چەتئەلنىڭ بىر شائىر 286يىلدىن كېيىن ئاندىن خەلقىنىڭ ئېتراپ قىلىشىغا ئېرىشىپتىكەن...... بۇ نەقەدەر ئەپسۇسلۇق ئىش-ھە!....