دەھشەت كۈلۈۋېلىڭ

konqidarya

   بىر كۈنى بىر قانچە قىز ساۋاغداشلار يىغىلىشىپ، يىراق يېزىدا ئوقۇتقۇچىلىق قىلىدىغان ساۋاغداشلىرىمىزدىن ھال-ئەھۋال سوراش ئۈچۈن يېزىغا يوقلاپ باردۇق. شەھەر بىلەن يېزىنىڭ ئارلىغى يىراق بولغاچقا قۇنۇپ قېلىشىمىز ئېنىق ئىدى. شۇڭا ئۆيدىكىلەرگە ئەھۋالنى دەپ قۇيۇپ چىققان ئىدۇق. ھەممىمىزنىڭ ياشلىق چاغلىرى بولغاچقا بۇ يېزىدىكى قىزلار ئولتۇرۇشىمىز شۇنداق قىزىپ كەتتى.............
  بۇ چاغلاردا يېزىدا نە رېستۇران، نە تاڭسىخانا بولسۇن؟ بىز ئاشۇ ئوقۇتقۇچى قىزلار ياتىغىداھەممىمىز قول-قول تۇتۇشۇپ تاماقلارنى ئېتىپ شىرەگە تىزىۋەتتۇق.
  خوشنا ياتاقتىكى بىر ساۋاغدىشىمىز ئۆزى ئۇيۇتقان لەڭپۇڭنى ئوخشىغان ئاچچاقسۇ، مۇش قىيامى بىلەن تەڭشەپ ئەكىرىپتىكەن، ھەممىمىز لەڭپۇڭغىلا ھۇجۇم قىلىپ كىتىشتۇق.
  ئۇچاغدا گۈلدەك چاغلىرىمىز بولغاچقا بىر-بىرىمىزدىن زىلۋا چىرايلىق ئىدۇق. ئوينىغان ئۇسۇل-تاڭسىلىرىمىزنى دىمەيلا قۇياي شۇنداق قىزغىن كەيپىيات ئىچىدە بۇ سورىنىمىزمۇ ئاخىرلاشتى. بۇ چاغدا كېچە سائەت 10دىن ئېشىپ كەتكەن ئىدى. بىز جىق بولغاچقا بىر قانچە ياتاققا بۆلىنىپ قىستىلىشىپ بىر كىچىنى تاڭ ئاتقۇزدۇق.تاڭ سۈزۈلۈشكە باشلىغاندا ئۇيقۇم ئېچىلىپ كەتتى، بۇ چاغدا مۇشۇ ياتاقتىكى تەمبەل، مىجەزى چۇس تەنتەربىيەچى ساۋاغدىشىمىز ئاستا ئورنىدىن تۇرۇپ مەشكە ئوت قالاپ قازاننى ئېسىپ سۇ ئىسىتىپ ئېۋرىققا ئىسسىق سۇنى ئېلىپ سەپمە كەشنى سۆرىگەنچە شىپاقشىتىپ تالاغا چىقىپ كەتتى.
  بىر چاغدا بىلمەيلا قالدۇق ئۇ قۇلىدا ئىۋرىق تالادىن ئىشىكنى تەپكەنچە ئىشىكنى ھاڭ ئېچىۋىتىپ ئاغزىنى بۇزۇپ قىزلارنى تىللىغانچە كىرىپ كەلدى. ھەممىمىز ئۆرە-تۆپە بۇلۇپ كەتتۇق.......
   ئەسلىدە ھېلىقى لەڭپۇڭ ئۇيۇتقان ساۋاغدىشىمىز ئالدىراپ كىتىپ مۇش قېقىنى قازانداكى ئىسسىق سۇغا چىلاپ بىر قاينىتىۋېتىپ ئاندىن چاناپ مۇش قىيامى ئەتكەن ئىكەن، ئۇ سورۇنغا ئالدىراپ كېتىپ قازاننى يۇماي شۇ پېتى قۇيۇپ قويغانكەن. بۇنى بىلمىگەن ھېلىقى تەنتەربىيەچى ساۋاغدىشىمىز، قازاندىكى شۇ سۇنى ئىسىتىپلا شۇ سۇدا بامداتقا تاھارەت ئېلىپتۇ.
     تالادىكى سوغوقنىڭ ئۈشۈگى، مۇش قىيامنىڭ ئاچچىغى تەڭ قۇشۇلۇپ بىرلا تۇتۇپتىكەن، ئاچىقىدا ئېچىشقانغا چىداپ بولالماي ئۇ بىچارە شۇ تالادىن چىچچاڭشىغىنىچە بىزنى تىللىغىنىكەن. كاساپەت مۇشقىيامىمۇ تازا سورتلۇق مۇشقىيامكىتتۇق. ساۋاغدىشىمىزنىڭ كۆزلىرىدىن تاراملاپ ياش ئېقىۋاتىدۇ، تىللاۋاتىدۇ، يىغلاۋاتىدۇ. تەرەپ-تەرەپكە ساراڭ پاخلاندەك تىپىرلاۋاتىدۇ.............. ئاخىرى چىداپ بولالماي ئىشتان-كۆڭلەكنى سېلىپ تاشلاپلا: نىمىگە قاراپ ھىجىيىپ تۇرىشىسەن يەلپىشى، پۈدىشە دەپ بىزگە قول شىلتىپ تىللاپ ھەممىمىزنى ھەربىدەك سەپكە تۇرغۇزىۋەتتى. بۇقىشتا نەدىمۇ يەلپۈگۈچ بوسۇن، ھەممىمىزنىڭ قۇلىدا شىنجاڭ مائارىپ ژورنىلى يەلپىۋاتىمىز. تىللاۋاتىدۇ........ يىغلاۋاتىدۇ.......... يەلپىۋاتىمىز........... ئاخشام يىگەن لەڭپۇڭنى بۇرنىمىشدىن بۇلاق چىقىرۋەتتى. ھېلىقى لەڭپۇڭچى ساۋاغدىشىمىزنىغۇ تىللاپ سېسىتىپ، مەينەتلىگىدىن بىر ئۆمۈر ئەرمۇ ئالماس دەپ قاغاپ بىر قىلىۋەتتى.
   مېنىڭ شەيتىنىم كۈچلۈك بولغاچقا، قىزىرىپ قالغىنىغا قاراپ چىداپ بولالماي كۈلۈپ تېلىقىپ ئاۋازىم تېشىغا چىقىپ كەتتى... قورقۇپ تۇرغان قىزلارمۇ ماڭا ئەگىشىپ خىرىلداپ كۈلۈشكە باشلىدى. ئۇ يەنە قول شىلتىپ يەلپىشمەمسەن.................... دەپ تىللىغىلى تۇردى. ھالاھىزەل بىر سائەتتەك كەسكىن كۈرەشتىن كىيىن بېسىقىپ جىدەلمۇ تىنجىدى. بىزمۇ ئىشتىن توختاپ ئۇفففففففففففففففففففففففففففففففففف دىۋالدۇق. ناماز ئۇقۇپ ساۋاپ تاپىمەن دىگەن بۇ ساۋاغدىشىمىز، ساۋاپ ئۇياقتا تۇرسۇن ئاغزىنى بۇزۇپ ھەممىمىزنى تىللاپ بىر مۇنچە گۇنايىمىزنى ئارتىۋالدى................
    ھەر قېتىم لەڭپۇڭ ئىچكەندە شۇ ئىش يادىمغا كېلىدۇ. ئەستىن چىقماس شۇ ئىشلار.
       مەنبە: خەنتەڭرى مۇنبىرى

dohtur

كۈلۈپ كۆزلىرىمدىن ياش چىقىپ كەتتى!!!
ئالامەت قىززىق ئىش بوپتىغۇ>>>>>>>
تۆت ئاغىنە يىغىلغاندا پاراڭ سالىدىغان ياخشى تىما ئىكەنغۇ!!!!!!
كۈلۈپ قۇرساقنىڭ ئاغرىقى تېخى پەسەيمەيدا........

kokbura

بۇ كىچە ئۇخلىيالمايدىغان بولدۇم

herep

كۈلۈپ كۆزلىرىمدىن ياش چىقىپ كەتتى        

nurana01

ما يۇمۇر دەششەت يۇمۇرنىڭ قاتىلىكەن.      

budunya

بىچارە ساۋاقدىشىڭلارنىڭ ئىچىگە ئۆتۈپ كېتىپتۇ-دە       

قۇيۇن

بىزمۇ ئالىي مەكتەپتە ئوقۇۋاتقىنىمىزدا،ياتاقتىكى كورلىدىن كەلگەن ساۋاقدىشىمىز ئۇخلاپ قالغان ۋاقىتتا، ئىككى پۇتىنىڭ تاپىنىغا چىش پاستىسىنى بولىشىغا سۈركەپ تازا يەلپۈپتىمىز،ئىشتىنىغا سىيىپ قويغان.

doppiqe

لەڭپۇنى ئالتە كۈنلۈك يەردىن كۆرسە كەينىگە بەدەر قاچىدىغان بوپكتىپتۇدە....

edir

     بەك قىزىقكەن !!!!!!

aratvrkye

بۇ مەزمۇن 6قەۋەتتىكى قۇيۇندە2013-02-23 04:37يوللىغان يازمىسىغا نەقىل :
بىزمۇ ئالىي مەكتەپتە ئوقۇۋاتقىنىمىزدا،ياتاقتىكى كورلىدىن كەلگەن ساۋاقدىشىمىز ئۇخلاپ قالغان ۋاقىتتا، ئىككى پۇتىنىڭ تاپىنىغا چىش پاستىسىنى بولىشىغا سۈركەپ تازا يەلپۈپتىمىز،ئىشتىنىغا سىيىپ قويغان.

  [s:9] [s:9] [s:9] [s:9] [s:9] [s:9] [s:9] [s:9] [s:9] [s:9] [s:9] [s:9] [s:9] [s:9]

يەنە ئازىراق يەلپۈگەن بولساڭلار  چاتاقكەنتۇق ھە [s:9]