2012-يىللىق ئەل رايى سىناش پائالىيتىنىڭ خۇلاسىسى

bagdax

     ئەسسىلامۇ ئەلەيكۇم باغداش تورىنىڭ قىزغىن كۆرۈرمەنلىرى ،
 باغداش تورى ۋە شىنجاڭ ئۆزتۈرۈك شىركىتى بىرلىكتە ئۇيۇشتۇرغان< 2012-يىللىق ئەل رايىنى سىناش > تورداشلار ئۆزى ياقتۇرغان كارخانا ۋە شەخسلەرگە بېلەت تاشلاش پائالىيتى غەلبىلىك ئاخىرلىشىپ خۇلاسە چىقىرىلدى .
   بۇ خىلدىكى پائالىيەتنى تۇنجى قېتىم ئۇيۇشتۇرىشىمىز بولغاچقا نۇرغۇن كەمچىلىكلەردىن ساقلىناملىدۇق ، شۇنداقتىمۇ تورداشلارنىڭ ۋە بىر قىسىم تور بېكەت ۋە شىركەتلەرنىڭ قىزغىن قوللىشى بىلەن غەلبىلىك ئاخىرلاشتۇردۇق ، كېيىنكى قېتىمقى ئەل رايى سىناش پائالىيەتلىرىدە بۇ قېتىمقى تەجرىبە ساۋاقلارنى يەكۈنلەپ تېخىمۇ ياخشى قىلىشقا تىرىشىمىز . پائالىيتىمىزنى قوللىغان ئورۇنلارغا ، تورداشلارغا كۆپ تەشەككۈر !
   　 بۇ قېتىمقى ئەل رايى سىناش پائالىيتىگە دۇنيانىڭ ھەرقايسى جايلىرىدىن 20000 دىن ئارتۇق ئادەم قاتناشقان . مەزكور پائالىيەت بېتىنىڭ كۆرۈلۈشى 50000 ئادەم قېتىمدىن ئېشىپ كەتكەن . زىيارەتچىلەر ئىچىدە% 95 جوڭگودىكى تورداشلار بولۇپ ،ئۇنىڭ% 85 شىنجاڭ تور ئابونتلىرى ئىكەن. شىنجاڭ ئىچىدە ئۈرۈمچىدىن زىيارەت قىلغانلار ئەڭ كۆپ بولۇپ %19.12نى ئىگەللەيدىكەن. ئابونت سانى ئەڭ ئاز شەھەر بولسا بۆرتالا بولۇپ پەقەت 3 قېتىملا زىيارەت قىلغان. پائالىيەتكە 10% چەتئەلنىڭ ھەرقايسى دۆلەتلىرىدىكى تورداشلار قاتناشقان بولۇپ ياۋرۇپا، ئامرىكىدىكى ئۇيغۇرلار بۇ پائالىيەتكە قاتناشقاندىن سىرت، بېرما، سۇدان قاتارلىق دۆلەتلەردىنمۇ  بۇ پائالىيەتكە قاتناشقانلار باركەن. ھەيران قالدىڭىزمۇ ؟
     يەنە پائالىيىتىمىزگە %17.51  كىشى يانفۇنىدا قاتناشقان، بۇنىڭدىن كۆرىۋېلىشقا بولىدۇكى، ئۇيغۇر تور ئابونتلىرى ئارسىدا ئەقلىي تېلفۇن خېلى ئومۇملىشىپ قاپتۇ. بۇيانفۇن ئابۇتلىرىنىڭ ئىچىدە% 9.74 iPhone ئىشلىتىپتۇ،% 7.57 ئاندىرويد سېستىمىلىق يانفۇن ئارقىلىق بۇ پائالىيەتكە قاتنىشىپتۇ
    بىز يەنە بۇ پائالىيەت ئارقىلىق تېخىمۇ كۆپ  قىزىقارلىق سانلىق مەلۇماتلارنى ئېرىشتۇق ۋە ئېلان قىلدۇق ، قېنى بۇ سانلىق مەلۇماتلار بىزگە نىمىلەرنى ئېيتىپ بېرىدۇ، قېنى مەرھەمەت!
   
 ئادىرسى : http://2012.bagdax.cn 



                                                           ھۆرمەت بىلەن : باغداش تور بېكىتى ، 
                                                                              :شىنجاڭ ئۆزتۈرۈك خەلقئارا سودا چەكلىك شىركىتى

arkim

بۇمۇ بىر ياخشى باشلىنىش! خەلق-خەلق قەلبىگە تېخىمۇ ياقىدىغان تېمىلاردا، مۇشۇنداق ئەھمىيەتلىك پائالىيەتلەرنى كۆپرەك تەشكىلىشىڭىزلەرگە تولىمۇ ئىنتىزار.

albax

ھەرھالدا بۇ تۈردە كوپچىلىك بىلەن ئورتاقلىقىم كۆپ بولغانلىقىدىن خۈش بولدۇم ، مۇشۇنداق پائالىيەتلەرنى قەرەللىك ئۆتكۈزۈپ تۇرىشىڭلارنى پۈتۈن ئىمكانىيىتىم بىلەن قوللايمەن !
  قېنى داۋاملىق ھۇررا !!!!!!!!!!!!!! ئۇيغۇر ئۈچۈن ھۇررا!!!!!!!!!!!!!!!!!!!!!

Uyson

http://2012.bagdax.cn/hulase
بۇ بەت بەك ئېسىل چىقىپتۇ.

hakkir

بەك بەك ياخشى بوپتۇ. سىتاتىستىكا بېتى نىمە دىگەن چىرايلىق چىققان، چەتئەلنىڭكىدەك بوپتۇ. ئا ئىككى خەرىتىنى قانداق قىلغانسىلەر.

يىگىتلەر تېخىمۇ تىرىشىڭلار، ئۇيغۇرلار سىلەرگە ئوخشاش ياشلارغا مۇھتاج!!!!

tikenbay

تۇنجى قېتىملىق ئەل رايىنى سىناش پائالىيتىىنىڭ ئوڭۇشلۇق تاماملانغانلىقىنى تەبرىكلەيمەن.

تەكلىپ پىكىر : كېيىن يەنە مۇشۇنداق پالىيەتلەر بولۇپ قالسا تۆۋەندىكىلەرگە دىققەت قىلساق.
پائالىيەت ، شۇ يىللىق ئۆزىمىز ياقتۇرغان شەخىس ۋە كارخانىلارنى باھالاش بولغاندىكىن شۇ شەخىس ياكى كارخانىنىڭ شۇ يىلدىكى جەميەتكە قوشقان تۆھپىسى قىسقىچە تونۇشتۇرۇلسا .
بولۇپمۇ ئاۋۇ رىياسەتچىلەرنىڭ شۇ يىلدىكى رىياسەتچىلىك قىلغان  قايسى  سان پروگراممىسى  جەميەتتە قانداق تەسىرلەرنى قوزغىدى دېگەندەك.

tikenbay

ئەمدى ئەڭ مۇھىم مەسىلىلەرنىڭ بىرى بولغان تور كۆرگۈچكە كەلسەك، ئۇيغۇر تور ئابۇنتلىرىمىز يەنىلا مىكروسوفتنىڭ IEكۆرگۈچىنى ئاساس قىلىدىكەن. ئەگەر سىزمۇ IE ئىشلىتىۋاتقان بولسىڭىز، تۆۋەندىكى ئىككى خەرىتىنى كۆرەلمەيسىز، شۇڭا سول تەرەپتىكى لەيلىمە كۆزنەكتىن ئىلغار كۆرگۈچتىن بىرنى چۈشۈرۈپ تورنىڭ راھىتىنى سۈرمەمسىز؟
===================================================
ئۇنداق ئىش يوققۇ ؟ مەن  خەرىتىنى ناھايىتى نورمال كۆردۈم . مائۇسنى يۆتكىسەك پالانى يەردىن مۇنچە ئادەم زىيارەت قىلدى دېگەن ئۇچۇرلار چىقىدىكەنغۇ.  مېنىڭ ئىشلىتىۋاتقىمىم IE10 .

arkyar

تەبرىكلەيمەن،...ياخشى ئىشلار ئۈزۈلمەي كەلسۇن.